عدد مرات النقر : 1,320
عدد  مرات الظهور : 7,581,262

منتديات تحدى الإعاقة
العودة   منتـديـات تحــدي الإعـاقـه > الاقســـام الإســـلاميـة > نسألكم الدعاء
عضوية جديدة
مختارات حياة مشرقة كلها أمل تنتظرك يا نجم التحدي فلا تيأس
لكل من فقد كلمة مروره او يجد صعوبه في دخول المنتدي يمكنكم التواصل مع الإداره بالضغط علي  (الاتصال بنا)  

البحث في منتـديـات تحــدي الإعـاقـه
     

إضافة رد
الدعاء ..الكيفية والإستراتيجية
الدعاء ..الكيفية والإستراتيجية
قديم منذ /25-08-2018, 12:54 AM   #1

كبرياء البوح
 
الصورة الرمزية مهتمة

مهتمة غير متواجد حالياً

 تاريخ التسجيل : 29-5-2009
 رقم العضويـة : 6534
 نوع الإعاقة : الحمدلله ربي
 المهنة : وَفِي السَّمَاءِ رِزْقُكُمْ وَمَا تُوعَدُونَ
 الجنس : انثى
 الجنسية : يمنيـة
 الإقامة : جـــ K.S.A ــــدة
 مجموع المشاركات : 9,444
 بمعدل : 2.76 في اليوم
 آخر زيارة : اليوم (03:32 AM)

Ham الدعاء ..الكيفية والإستراتيجية








الدعاء عبادة، وسبيل للسعادة
ويجب العناية به أكثر وفي كل وقت وموسم

الدعاء ..الكيفية والإستراتيجية

هنا موضوعين مهمة عن أساسيات وطرق وخطوات في عيادة الدعاء
عثرت عليهما وتعثرت بهما في #يوم_عرفه




شرح معادلة ٥×٥×٥
رصد ثمين منقول اثبته هنا لعل ربي ينفع به ويُلهم

الدعاء ..الكيفية والإستراتيجية


كيف تدعو ؟ ولمن؟ وبماذا تدعو؟!
1) نرتب الدعاء لخمس استراتيجيات
2) نرتب الأشخاص لخمس مجموعات
3) ونرتب الدعوات فندعوا بخمسة أشياء

أولا/
هل يصح أن تقف عرفة كله بالدعاء والطلب من الله
دون أن تسبح وتستغفر وتذكر الله وتثني عليه؟!
إذن هناك استراتيجيات للدعاء فيجب عليك قبل أن تدعي أن تأتي بخمس وهي:


١. الثناء على الله عز وجل وذكر أسمائه الحسنى وصفاته العليا.
٢. الصلاة على النبي.
٣.الإستغفار
٤. الدعاء بما تحب.
٥. تختمها بالصلاة على النبي مرة أخرى.


لماذا ناتي بالصلاة على النبي مرتين؟
قيل إن الله عز وجل يقبل الصلاتين، فإن قبل الصلاتين فإنه اكرم أن يرد ما بينهما، سبحانه وتعالى.


ثم إن الثناء له أوجه عديدة:
*سبحان الله ١٠٠ مره
*سبحان الله وبحمده سبحان الله العظيم ١٠٠ مره
*لا حول ولا قوة الا بالله ١٠٠ مرة
*الحمدلله ١٠٠ مره
*لا إله إلا الله وحده لا شريك له، له الملك وله الحمد يحي ويميت وهو على كل شى قدير ١٠٠ مرة .

لك أن تختار أي منها، أو غيرها من التسبيح والأذكار.

ثانياً/ لمن أدعو؟
إنك تدعوا لخمسة وترتيبهم كالتالي:
١. نفسك
٢.والديك
٣.زوجك/زوجتك
٤. الأقريون ويشمل: (أولادك واخوانك وأرحامك)
٥. الآخرون: ( المعارف الأهل والأصدقاء والوطن والمسلمون جميعا) .


ويفضل استعدادك ليوم عرفة بورقة
تذكرنفسك فيها بالأدعية التي تود الدعاء بها
وبالأشخاص الذين تريد الدعاء لهم.

ثالثاً/ ننتقل إلي (بماذا تدعو) ؟؟
طبقا للقاعدة فإنك تدعو بخمسة:

١.تدعو (بالجنة والنعيم) في الآخرة وأن تموت وأنت من المقربين.
٢.تدعو لنفسك (بالصحة والعافية) فهي نعيم من نعم الدنيا وأعظم نعمة بعد الإسلام.
٣. أن تدعو لنفسك (بالعلم) النافع، سواء علوم الدنيا وعلوم الآخرة،
وأن تحدد نوع العلم النافع الذي تريد مثل: أن يرزقك قراءة القران- حفظه- قراءة كتب مفيدة- حضور ورشات أو محاضرات، مجالس ذكر... الخ- علوم الدنيا وعلوم الآخرة كافة.
٤. أم تدعو لنفسك ب ( المال)، فالماال قوة ، والمؤمن القوي خير عند الله من المؤمن الضعيف. فتدعو بسعة الرزق والبركة فيه والتوسع والزيادة. وأن يوفقك الله في انفااقه على هدى منه فيما يحب ويرضى.
٥. أن تدعو لنفسك بأن تكون (فاعلا للخيرات مسارعا لها)
فعالا مؤثرا في الحياة والمجتمع، وتذكر أن "خيرُ الناس أنفعهم للناس".

ونعود الآن للبداية، فقد انتهيت و دعوت لنفسك بهذه الخمسة
انتقل الآن للبداية وابدأ باستراتيجات الدعاء الخمس
ثم ادعو لوالديك بالخمس (الجنة- الصحة- المال- العلم- التأثير في الأرض).
ثم ابدا لزوجك/زوجتك بنفس الطريقة ثم المقربون واختمها بالآخرون.


واذا انتهيت وما زال لديك وقتٌ للدعاء
يمكنك أن تعيد المجموعات من البداية.



مشكلة العجز في الدعاء
أ.محمد علي يوسف



الدعاء ..الكيفية والإستراتيجية



كنت دايما بأعاني من مشكلة معينة اكتشفت إن كتير مننا بيعاني منها !
خصوصا في يوم عظيم زي اللي احنا مقبلين عليه#يوم_عرفة

ساعات بنرفع أيدينا بالدعاء ثم لا تمر دقائق حتى ننزلها !!
وقد مللنا أو على أحسن تقدير لم نعد نجد ما نقول


الموضوع ده بيظهر جدا في مواسم الدعاء زي اللي احنا فيه دلوقتي
يوم عرفة سواء كنت في بلدك أو على صعيد عرفات
يوم طويل عريض وبتتمنى إنك تقضيه في الدعاء
أو على الأقل تقضي جزء كبير منه في التضرع وطلب حاجاتك ممن بيده خزائنها
بتبقى مخطط خطط ضخمة ومعلق آمال عريضة على أدعية اليوم ده
وناوي تقعدلك ساعتين تلاتة على الأقل تدعي ربنا وتطلب منه كل اللي نفسك فيه
وييجي اليوم ما تلاقيش حاجة تقولها وتتحول لواحد من أعجز الناس !

طيب إزاي ده ما يحصلش ؟!؟
عشان لا يحدث لك موضوع الجدب ده وإنك مش بتلاقي حاجة تقولها بعد شوية

بداية أنا مقر إن أي مناجاة صادقة تخرج من قلبك وتتضرع بها لله
خير وبركة المهم تكون صادقة
ومش بأطلب منك تكون من المتكلفين أو بأحاول أصعب عليك الأمر
بالعكس ..
أنا بس نفسي إن عالي الهمة اللي بيحزن لعدم قدرته على استغلال مواسم الخير
أو خايف يكون من أعجز الناس الذين عجزوا عن الدعاء
نفسي ده ما يحصلش ويبدأ كل منا يجد لذة العبادة وراحتها

عشان كدة هأحكيلك عن اللي وصلتله بعد ما تعرضت كتير للمشكلة دي
مشكلة العجز عن الدعاء


ببساطة عشان ما تملش وتقدر فعلا تدعي ربنا بكل اللي في نفسك
لازم يكون عندك استراتيجية واضحة في الدعاء

بدايةً اجعل لك نصيبا وافرا من الأدعية المأثورة
* أدعية النبي صلى الله عليه وسلم
* أدعية القرآن
* أدعية الأنبياء والصالحين التي أخبرنا عنها ربنا في كتابه

مش حافظ ما فيش مشكلة هات كتيب أدعية أو حمله من على النت
..
..
ليه أنا مُصر على إن يكون لك نصيب من المأثور
عشان ثلاثة أسباب رئيسية

أولا/ إنها جامعة
دي جوامع الكلم بأبسط كلمات وأقصر عبارات تجمع لك كل الخير اللي تتمناه
ثانيا/ لأنها سنة تتبع فيها خطى النبي صلى الله عليه وسلم وإخوانه الأنبياء وتنال أجرا بذلك التسنن إن شاء الله
ثالثا/ لأنها آمنة بتكون مطمئن تماما لما بتقولها إنك لن تشط أو تعتدي أو تغلط فهي أدعية منضبطة تماما عقديا وفقهيا ولغويا تليق بعظمة من تناجيه

طيب بعد المأثور نعمل إيه
نيجي للخطة التفصيلية بقى
اسأل نفسك السؤال الأهم قبل الدعاء

أنا عاوز إيه؟!
إيه اللي محتاجه من ربنا؟!


هتلاقي الإجابات تدور حول ثلاثة هموم رئيسية
*هم الدنيا
*هم الدين
*هم الآخرة

دول التلات حاجات الرئيسية اللي بتشغل أي شخص طبيعي
قسم دعاءك عليهم وخليك منظم
مثلا /
هنبدأ بالدنيا اللي شاغلة كتير مننا
اطلب حوائجك منها ممن خلقها
عندك مشكلة في شغلك... في دراستك .. في عملك ...
عندك أزمة مالية أو أسرية، متخانق مع زوجتك أو زعلانة من زوجك
خايف على عيالك ونفسك ربنا يحفظهم وتأمن حياتهم ومستقبلهم
نفسك تكون حياتك أفضل أو تحسن من مؤهلاتك أو وظيفتك
نفسك ربنا يشفيك أو يشفي حد بتحبه
مرجواتك
محبوباتك
مخاوفك
كل ده جمعه وجهزه
واطلب من القدير الغني الكريم يحقق لك كل ما تتمناه في الدنيا

وفي الدين
دينك دينك لحمك دمك شوف نفسك في إيه لدينك !؟
نفسك تكون إنسان صالح، إنسان متدين قريب من الله
نفسك تخشع في صلاتك وتحسن إقامتها، نفسك تحفظ كلام ربك وتفهمه وتعمل بيه
نفسك ربنا يستعملك لنصرة دينه، نفسك ربنا يهديك ويأخذ بقلبك إليه
نفسك في قلب سليم
نفسك ربنا يتوب عليك من المعاصي أو من معصية معينة مش قادر تسيبها

طب ما تطلب يا أخي!!
كل ده نفسك فيه ومش لاقي حاجة تقولها ؟!
ده بالنسبة لدينك إنت
طب ودين الناس... دين الأمة؟!
لازم برضه تنشغل به وتطلب من ربنا أن ينزل هدايته على الأمة
أن يفرج عن إخوانك المستضعفين في المشارق والمغارب
أن يفتح لهذه الأمة وأن يفرج كربها
وتذكر من لم يعن بأمر المسلمين فليس منهم

أما الآخرة بقى فخليها للآخر
هي الحقيقة المطلقة اللي انت فعلا محتاج تعد العدة لها
هم الآخرة الذي يكفيك الله به كل الهموم
لما تيجي تدعي دعوات متعلقة بالآخرة حاول تفتكر مراحلها مرحلة مرحلة
من أول الخاتمة .. اللحظة الأخيرة، السكرات
اطلب منه يحسن خاتمتك ويهون عليك سكرات الموت
اطلب منه يختم لك بطاعة ترضيه عنك ويبعثك عليها
ثم القبر ووحشته، ثم البعث والنشور وأهوالهما
ثم الحساب والسؤال والوقوف بين يدي الملك الحق
ثم الميزان، ثم الصراط
تذكر كل ما تعرفه عن كل مرحلة منهم
ثم جنة أو نار عياذا بالله ( هنـــا بقى خليك تفصيلي شوية)
تعوذ من النار بكل تفاصيلها
تعوذ من زقومها وغسلينها ومقامعها وضريعها
تعوذ من دركاتها وويلاتها أبوابها وحرها ولفحاتها
تعوذ من كل ما تعرفه عنها
ثم فكر في الجنة وتفاصيلها اللي نفسك فيها .. الموضوع ده هيشوقك جدا للجنة
فكر في مكانك في الجنة وصحبتك في الجنة. هتكون جار لمن وهتأنس بمن
اطــــــلب كل ده
امرأة فرعون قالت رب ابن لي عندك بيتا في الجنة
تأمل.. عندك ، عند الله
أكون قريب منك يا رب أنظر إليك... وهذا أعظم النعيم

اطلب يا أخي
وانهل من الرحمات


النبي كان بيطلب لذة النظر لوجه الله الكريم
إنت كمان اطلب وفصل وشوف كل اللي نفسك فيه في الجنة

تخيل لو قسمت الدعاء بالطريقة دي
وربنا فتح على قلبك بما لم أتذكر تذكيرك به
هل ستكفيك ساعة أو ساعتين
بل هل سيكفيك يوم أو يومين؟!



تم بتيسير الله

الدعاء ..الكيفية والإستراتيجية

ادعو لمن كتبهم، ومن حرص على تبسيط ذلك وتبليغه في كل موقع وبأي شكل
ومن اهتم بتعلمه والعمل به.. بمعية الله وتوفيقه ورضاه ومايحب..



hg]uhx >>hg;dtdm ,hgYsjvhjd[dm










من مواضيع مهتمة في المنتدى









عدد  مرات الظهور : 7,818,373
التوقيع
( ولأني صغيرة وقصيرة
على أن أصل إلى قفل الغياب
جلست بجانب الباب
.)




إلى كل عضو له عضوية في منتدى
إلى كل أخ وأخت كانوا يوماً هــنا !
لمـــــــــــاذا !؟؟
مهتـ منال محمد ــمة
  رد مع اقتباس
الدعاء ..الكيفية والإستراتيجية
قديم منذ /02-09-2018, 12:00 PM   #2


هنايف غير متواجد حالياً

 تاريخ التسجيل : 2-9-2018
 رقم العضويـة : 31408
 نوع الإعاقة : لايوجد
 الجنس : انثى
 الجنسية : سعودية
 مجموع المشاركات : 6
 بمعدل : 0.14 في اليوم
 آخر زيارة : 02-09-2018 (12:04 PM)

رد: الدعاء ..الكيفية والإستراتيجية




شكرا


















  رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الكيفية الصحيحة لذبح الأضحية (بطاقة مصوّرة) أبو حمزة المنتــدى الإسلامــــــي 6 06-09-2016 10:48 AM
العدل والظلم . الدعاء ، دعوة المظلوم ، الدعاء للمظلومين ، الدعاء على الظالمين اللحيدان المنتــدى الإسلامــــــي 124 14-05-2014 07:43 PM
أسرار الدعاء المستجاب وكيف تكون مستجاب الدعاء فدائى مرتقب المنتــدى الإسلامــــــي 2 25-12-2012 02:28 PM
الدعاء أم هبة وأمير نسألكم الدعاء 3 22-02-2011 09:08 PM
نظم في الدعاء صمت الغروب الشعر والخواطر 7 10-12-2007 05:34 PM


منتـديـات تحــدي الإعـاقـه .. السنة 12، اليوم 243


Ads Organizer 3.0.3 by Analytics - Distance Education
الساعة الآن 02:52 PM.
مختارات حياة مشرقة كلها أمل تنتظرك يا نجم التحدي فلا تيأس

جميع الحقوق محفوظة لمنتديات تحدي الإعاقة - تصميم شركة المودة