منتديات تحدى الإعاقة
العودة   منتـديـات تحــدي الإعـاقـه > أقسام الإعاقات والاحتياجات الخاصة > الإعاقـــة الحــركيـــة
عضوية جديدة
مختارات أمي لاتبخلي علي بتلك اليد الناعمة التي تدفعني الي الأمل
لكل من فقد كلمة مروره او يجد صعوبه في دخول المنتدي يمكنكم التواصل مع الإداره بالضغط علي  (الاتصال بنا)  

البحث في منتـديـات تحــدي الإعـاقـه
     

إضافة رد
رجاء استشارة ضرورى
رجاء استشارة ضرورى
قديم منذ /21-08-2015, 05:32 AM   #1


 
الصورة الرمزية المهندس كامل

المهندس كامل غير متواجد حالياً

 تاريخ التسجيل : 21-8-2015
 رقم العضويـة : 28105
 نوع الإعاقة : حركية
 الجنس : ذكر
 الجنسية : مصرى
 مجموع المشاركات : 7
 بمعدل : 0.01 في اليوم
 آخر زيارة : 01-08-2017 (02:42 AM)

رجاء استشارة ضرورى






السلام عليكم اخواتى اول مشاركة لى فى الموقع وان شاء الله نسال الله الشفاء

انا حصل لى حادثة سيارة فى 2002 كسر فى العمود الفقرى ادى الى شلل نصفى بس بعد كام شهر كده تقريبا شهرين بدات احس برجلى اليمين الى مشط الرجل واحركها بس ما عدا القدم من الفترة دى الى هذا الوقت التحسن بس فى رجلى اليمين اما رجلى الشمال مفيش خالص ولا احساس ولا حركة بس طول الوقت تنميل فى رجلى الشمال ..ركبت قسطرة بولية بعد العملية وبقيت عندى سنة مكتش اعرف ايه هى دى القسطرة لكن مع الوقت عرفت ...بعد سنة تقريبا شلت القسطرة بالضبط 2003 خلعتها ومرجعتش ليها تانى ولم اتابع معى اى دكتور مخ واعصاب من 2003 الى هذا الوقت انشغلت فى الدراسة والعلاج الطبيعى وقلت خلاص مفيش علاج للشلل النصفى واكتفيت على شوية التمارين ال انا بعملهم لما كنت بحب اعمل حمام كنت بحس ان المثانة مليانة بتاعتى ادخل الحمام على الكرسى وافرغ المثانة فضلت على الوضع دا لحد 2015
وكنت بعمل علاج طبيعى لحد ما رجلى اليمين بقيت قوية وكنت اقف عليها بس وقوف حوالى 4 ساعات مع كثرة التمارين ولكن معل الوقت كله بيمل ويكسل انا تركت التامرين ورجلى ضعفت انا اقدر اتحرك على عكاز واسند على كتف شخص بس عمرى ما جربت امشى على عكازين دايما شايفها صعبة اوى خصوصا انا بول تحكم مفيش لما المثانة تكون مليانه

كنت اعمل حمام عادى بس بعد الحمام احس انى عابز اتبول تانى رحت لدكتور قال لى اعمل اشعه لقى فعلا مجرى البول ضيق وفى كيس على مجرى البول ولا مش عارف فين مكانه بالضبط الكيس ووسع مجرى البول ولكن بعد العملية ولا كان فى شى اتغير خالص والدكتور قال لى ان المثانة ال عندى ممكن تكون عصبية وانا مش عارف اعمل ايه هو قال لى هى عصبية طيب وانا بقا لى حوالى 13 سنة انى بدخل الحمام عادى وفرغ البول لان الدكتور قال لى ممكن تاثر على الكلية ...طيب لو المثانة عصيبة مش المفروض فى الفترة دى 13 سنة ال مضت كنت حسيت بشى هو قال لى زى رجلك هى بنفسها لما عملت الحدثة حصل ضمور فى رجلك كذلك المثانة مع الوقت حصل ضمور ..هل الكلام دا صحيح انا قولت طيب العمل ايه قال نعمل ليك قسطرة فى البطن وانا فى شى خايف منه من القسطرة والالتهابات انا فى الاول كل ما كنت اشعر بامتلاء ادخل حمام بس لو ما دخلتش البول ينزل لذلك كنت بستخدم كندوم

انا دلوقتى بعمل شى هوا دا صحيح ولا لازم العملية انا مثلا شربت زجاجة ماء وحسيت المثانة امتلاءت بدخل الحام افضى المثانة وبعد الحمام بحس فى بول باقى فى المثانة بروح ادخل القسطرة وافضى البول وخلاص على كده وبعمل كده حوالى مرتين فى اليوم يعنى حسب احساسى بالمثانة ....

مش عارف انا اعمل ايه هو فعلا المثانة عصبية ولا ايه ولو المثانة عصبية تنفع طريقة القسطرة المؤقتة ال انا بعملها دى لما بشعر بالامتلاء بعمل تفريغ بعد تطهير القسطرة

لان انا مثلا لو شربت حوالى 500 ميلى بحس انى عايز اعمل حمام بعد ساعتين وبروح الحمام بفرغ حوالى 200 ميلى وممكن بعد 10 دقايق افرغ هكذا وهكذا لذلك قولت ادخل القسطرة وافرغ كله بالمره بدل كده بس الموضوع دا حصل معاى بالضبط من شهر 4 فى الوا كنت ادخل الحمام وافرغ ومفيش الم خالص انى عايز اعمل حمام تانى

ارجو الردرجاء استشارة ضرورى

v[hx hsjahvm qv,vn hv[, hglshu]i lk hg[ldu










من مواضيع المهندس كامل في المنتدى









عدد  مرات الظهور : 2,575,665
  رد مع اقتباس
رجاء استشارة ضرورى
قديم منذ /22-08-2015, 06:42 PM   #2


 
الصورة الرمزية أحمد بدر

أحمد بدر غير متواجد حالياً

 تاريخ التسجيل : 15-11-2012
 رقم العضويـة : 22506
 نوع الإعاقة : شلل نصفى سفلى ناتج عن كسر بالعمود الفقرى و قطع بالحبل الشوكى
 الجنس : ذكر
 الجنسية : مصرى
 الإقامة : مصر - محافظة الدقهليه - المنصوره
 مجموع المشاركات : 91
 بمعدل : 0.05 في اليوم
 آخر زيارة : 02-02-2018 (09:32 AM)

إرسال رسالة عبر ICQ إلى أحمد بدر إرسال رسالة عبر MSN إلى أحمد بدر إرسال رسالة عبر Yahoo إلى أحمد بدر
Ss70012 رد: رجاء استشارة ضرورى





السَّــلامُ عـَليِـكـُم وَرَحْمَــةُ اللهِ وَبَرَكَــاتُــهُ
أخى العزيز بعد السلام و التحيه
أخوك مصاب مثلك منذ عام 2002 و لكن عندى قطع كامل بالحبل الشوكى و شلل نصفى تام
لكن أحاول دائماً الإستمرار على العلاج الطبيعى و ذلك حتى لا أتعرض لمضاعفات مثل
ضمور او تيبس العضلات و التكلس ( تكوين عظم ) على المفاصل فيؤدى الى عدم حركه المفاصل نهائياً ...
و ايضاً المثانه عصبيه و باخد دواء اسمه يوريبان ليجعل عضلات المثانه فى حالة استرخاء
و بستخدم القسطره المستديمه السليكون و بغيرها كل شهر او اربعين يوم ده طبعاً مع غسيل
المثانه كل اسبوع بمحلول ملحى مضاف إليه امبول جاراميسين مضاد حيوى و اغلق القسطره
لمدة نصف ساعه او ساعه و اقوم بعمل تمارين للمثانه حتى تستطيع احتواء كمية بول مناسبه
مش عارف عندك فكره عن الكلام ده ولا لأ ...
لكن أنصحك ألّا تقوم بعمل قسطرة بطن جانبيه فمضاعفاتها سيئه و غير مضمونة العواقب ...
أنصحك بأن تستمر على قسطرة التفريغ او على الكندم ان كان مبيعملش معاك إلتهابات ...
و بعدين بدام بيحصل تسريب و انت بتقوم بعملية التفريغ فلا يوجد خطر على الكليتين ...
حيث الخطر على الكليتين يكون فى حالة إنغلاق صمام المثانه و عدم فتحه و تكون كمية البول
أكثر من 500 او 600 مللى مما يؤدى إلى إرتجاع البول على الكليتين و هنا هو الخطر ...
لكن طول ما انت بتفرغ و مبتسبهاش تتملى كتير يبقى ان شاء الله مفيش مشاكل
و تاخد دواء مهدىء لعضلات المثانه و تقوم بعمل تمرينات المثانه ...
أنصحك بالمداومه على العلاج الطبيعى و تقوية عضلاتك و أعتقد ان حالتك ييجى منها
بالعلاج الطبيعى على حسب وصفك و بالتأكيد ممكن تستخدم عكازين بس المهم مدى العزيمه و الاصرار عندك ...
و ربنا يوفقك ... و ان كان عندك اى استفسار اخوك بالخدمه و ربنا يوفقك ان شاء الله
و الله خير موفق









من مواضيع أحمد بدر في المنتدى








التوقيع

الله لا إلـه إلا أنـتَّ سُـبـحـانـكَ إنّى كُـنَّـتَ مِن الـظـالمين
لا راحة فى الدنيا لا حيلة فى الرزق و لا شفاعه فى الموت
الـلـهُــم لـكَ الحـمـدَ و الشُـكـر كـمَّـا يـنـبـغى لِـجـلالِ وجـهِـكَ و عـظـيـٌـم سُـلـطـانك
✯ ✵ ✮

التعديل الأخير تم بواسطة أحمد بدر ; 22-08-2015 الساعة 06:51 PM
  رد مع اقتباس
رجاء استشارة ضرورى
قديم منذ /23-08-2015, 04:12 AM   #3


 
الصورة الرمزية المهندس كامل

المهندس كامل غير متواجد حالياً

 تاريخ التسجيل : 21-8-2015
 رقم العضويـة : 28105
 نوع الإعاقة : حركية
 الجنس : ذكر
 الجنسية : مصرى
 مجموع المشاركات : 7
 بمعدل : 0.01 في اليوم
 آخر زيارة : 01-08-2017 (02:42 AM)

رد: رجاء استشارة ضرورى




اخى احمد شكرا جزيلا على على الرد والله اسعدنى كتير ردك ..ان شاء الله باذن الله اسال الله ان بشيفك ويشفيى ويشف كل مبتل ..
فى الاول احب اقول ان معلوماتك كتير مفيده الى ولكن ياريت عاي اعرف بعض التوضيح عن تمارين المثانة وطريقة غسل المثانة لانى هستخدم القسطرة المتقطعه يعنى كل ما احس بالامتلاء اروح الحمام وافرغ وال ما ببتفرغش انا اسحبه بالقسطرة وانا جربت الموضوع دا من حوالى اسبوع تقريبا مرتين فى اليوم معنى الاصح حسب الحاجه للتفريغ .. انا والله تركت العلاج الطبيعى من من سنين كتير بس انا من فتره لفتره بعمل تمارين لنفسى زى حركة الارجل او الجلوس على العجلة الرياضية فى البيت او انام على ظهرى واعمل تمارين للرجل اما بالسبة للكهرباء فالدكتورة ال متابع معها من الحدثه قالت لى كثر الكهرباء ممكن تدمر الاعصاب فبطلت الكهرباء وانا بعمل تمارين لنفسى واكون صادق معاك انا كنت بضع جبيرة فى رجلى الشمال لانها مفهاش حركة وكنت بتحكرك على عكازين من تحت الكتف بس انت عارف الواحد بيشوف نفسه كده بيضايق ويمل بسرعه وانا مش بحب اتعب حد معاى وكل احاول اتحرك لوحدى بخاف من هاجس الوقوع انا لحد دلوقتى معرفش والله اى مركز طبى محترم يعمل لرجلى او بيبع اجهزه تعويضية لرجلى الشمال لانى عملت جهاز قبل كده طلع وزنه 9 كيلو وكل كنت امشى بيه بحس انى مربوط فى الارض فرميت الجهاز وبطلت امشى ...

انا كنت ع الدكتور النهارده وقولت ليه على قسطره التفريغ قال كوييسه مفهاش مشاكل بس لازم اغليها فى ماء ساخن علشان الجراثيم بس انا مش عارف انها بتسبب التهابات ولا لا وكنت عايز اعرف انى لازم اغسل المثانة اسبوعيا طيب وليه وازى .. وكيف اعمل تمارين المثانه بالظبط مع كل شى حتى التعقم علشان اتجنب بس الالتهابات .. وكم مره تمارين المثانه انى اعملها لحد ما المثانه تتملى وافرغها اعتقد ان الطريقة دى كويسه فى منع ضمور المثانه ؟

وبارك الله فيك على الرد وشفاك الله وعفاك وشفا كل مبتلى










من مواضيع المهندس كامل في المنتدى








  رد مع اقتباس
رجاء استشارة ضرورى
قديم منذ /23-08-2015, 11:06 AM   #4


 
الصورة الرمزية أحمد بدر

أحمد بدر غير متواجد حالياً

 تاريخ التسجيل : 15-11-2012
 رقم العضويـة : 22506
 نوع الإعاقة : شلل نصفى سفلى ناتج عن كسر بالعمود الفقرى و قطع بالحبل الشوكى
 الجنس : ذكر
 الجنسية : مصرى
 الإقامة : مصر - محافظة الدقهليه - المنصوره
 مجموع المشاركات : 91
 بمعدل : 0.05 في اليوم
 آخر زيارة : 02-02-2018 (09:32 AM)

إرسال رسالة عبر ICQ إلى أحمد بدر إرسال رسالة عبر MSN إلى أحمد بدر إرسال رسالة عبر Yahoo إلى أحمد بدر
Ss70012 رد: رجاء استشارة ضرورى





السَّــلامُ عـَليِـكـُم وَرَحْمَــةُ اللهِ وَبَرَكَــاتُــهُ
أخى العزيز بعد السلام و التحيه
إذا كانت المثانه عندك تستوعب من 400 إلى 500 مللى فهذا هو المعدل الطبيعى و لا تحتاج إلى تمرينات ... أما إن لم تكن تستوعب تلك الكميه فعليك بتركيب القسطره السليكون المستديمه للقيام بعملية التمرين لفتره زمنيه محدده بنهاية التمرين و العوده بعد ذلك إلى قسطرة التفريغ المعتاده
بالنسبه لعملية تعقيم قسطرة التفريغ ممكن فى مياه مغليه أو ماء أكسجين او ممكن حفظها فى
( زجاجه مملوءه بالمحلول الملحى ) أو ( مملوءه بماء عادى مضاف إليه ديتول او حمض خل )
أو ( مملوءه بالكحول ) أو ( مملوءه بالبيتادين )
و بالطبع يتم تغيير محتوى الزجاجه مره كل شهر و أن تكون الزجاجه طويله بما يتناسب مع طول قسطرة التفريغ
بالنسبه لـ غسيل المثانه تقوم به فى حالة تركيب القسطره المستديمه ليمنع إنسداد القسطره و عدم تكوين حصاوى فى المثانه
لأنه من الاعراض الجانبيه للقسطره المستديمه و الإلتهابات فى حالة قسطرة التفريغ و أنصحك بإستخدام الجيل الطبى لدخول القسطره ...
بتجيب حقنه كبيره أللى هى 50 مللى عشان طرفها مخروطى يتناسب مع فتحة القسطره
و بتحط 40 مللى محلول ملحى و تضيف إليه المضاد الحيوى و تضخه داخل القسطره
و تقفلها لمدة نص ساعه أو ساعه إلا ربع و بعدين تفتح القسطره ... اما فى حالة قسطرة التفريغ بعد الحقن تخرج القسطره و تربط من تحت رأس القضيب بقطعه من الاستك العريض بحيث يكون الرباط محكم حتى لا يتم تسريب و فى نفس الوقت ليس شديد الربط حتى لا يتأذى القضيب و تتركه لمدة ربع ساعه او نصف ساعه على الأكثر ثم تقوم بفك الرباط و القيام بالتفريغ المعتاد
https://flic.kr/p/pCiKkP
تمرين توسعة المثانه هى عباره عن تدريب بسيط يتم عمله بطريقه تدريجيه خطوه بخطوه ... لأنه فى حين إهمال الأمر و عدم القيام به تنقبض و تتقلص عضلات المثانه و تصبح غير قادره على الإمتلاء و أداء وظيفتها الطبيعيه ...
و أنصح بأخذ دواء يرخى عضلات المثانه و الاستمرار عليه
بمنتهى البساطه نغلق القسطره اليوم الأول لمدة ساعتين مع شرب المياه أو العصير و أقترح عصير القصب أو الكركديه أو العرقسوس أو الليموناده و من ثم نقوم بفتح القسطره لمدة دقيقتين او ثلاثه و نقوم بتكرار هذا التدريب طوال اليوم يتم غلق القسطره لمدة ساعتين ثم نفتحها دقيقتين و من ثم نغلقها مرة أخرى بالطبع ماعدا فترة النوم نترك القسطره مفتوحه , نقوم بعمل التدريب كل ساعتين طوال اليوم يومياً لمدة ثلاث أيام و اليوم الرابع نغلق القسطره لمدة ثلاث ساعات لفترة ثلاثة أيام و اليوم السابع نغلق القسطره لمدة أربع ساعات لفترة ثلاثة أيام و فى اليوم العاشر نغلق القسطره لمدة خمس ساعات لمدة ثلاث أيام و فى اليوم الثالث عشر نقوم بغلق القسطره لمدة ستة ساعات ثلاث أيام و فى اليوم السادس عشر نقوم بغلق القسطره لمدة سبع ساعات لفترة ثلاث أيام.
https://flic.kr/p/pn7vz6
ستلاحظ أن كمية البول تزيد كل مره كلما أطلنا الفتره الزمنيه و ذلك لإطالة عضلات المثانه تدريجياً و عودتها إلى حجمها الطبيعى و أداء وظيفتها المعتاده بدون أى خطر أو مضاعفات و نكف عن عمل ذلك عندما تصل كمية البول إلى 500 مللى و تصبح عملية غلق القسطره لمدة ستة أو سبع ساعات أمر روتينى أو يتوقف الأمر على حساب كمية السوائل المشروبه فى خلال وقت قليل أو وقت كثير فـ الفتره التى يستهلكها كوب من الماء كميته 250 مللى هى ساعه إلا ربع حتى يصبح البول بالمثانه و يكون الناتج من 100 إلى 150 مللى حسب إستهلاك الجسم من السوائل فالعمليه تقديريه و العمليه نسبه و تناسب مع مقدار ما تشربه من سوائل و الفتره الزمنيه لغلق القسطره و إن كانت السوائل مدره للبول مثل الشاى أو القهوه أو النسكافيه أو عصير القصب أو سوائل غير مدره للبول مثل المشروبات الغازيه و يمكن غلق القسطره عن طريق ثنيها أو ثنى الخرطوم المؤدى الى كيس البول بمشبك و من الممكن أن نحصل على محبس ( صمام ) للغلق من كيس بول قديم كما بالصوره و قص قطعه صغيره من قسطره فولى مناسبة الطول ( فى حدود طول عقلتين أصبع او ثلاث عقل على الأكثر و بالطبع يتم تطهيرها ) لتصبح الوصله من المحبس إلى خرطوم البول و الطرف الآخر المخروطى بالطبع يكون فى القسطره أو يمكن شراء المحبس بمتعلقاته من الصيدليه إن توفر و بعد نجاح التمرين يمكن النوم و القسطره مغلقه على ألا نشرب سوائل كثيره قبل النوم ولا تزيد مدة النوم عن 6 او 8 ساعات على الاكثر و هى فترة النوم الطبيعيه ... مع مراعاة أنه فى الشتاء بيكون الجو برد و يزيد إفراز الكليتين للبول فيجب الحرص على التدفئة او لو فى الصيف و مشغل تكييف أو حتى مروحه تبقى واخد بالك و مغطى منطقة الوسط عشان الكليتين
بعد إنتهاء فترة التمرين تقوم بالإستغناء عن القسطره المستديمه و الرجوع إلى قسطرة التفريغ
مع الاستمرار على أخذ الدواء المهدىء لعضلات المثانه و يجب المداومه عليه
مازلت أنصحك بالعوده إلى العلاج الطبيعى حالتك ممكن تتحسن كتير عن كده و ممكن حالتك تسوء أكتر إذا استمريت فى تجاهل العلاج الطبيعى أكرر العلاج الطبيعى مهم جداً و بعدين موضوع الكهرباء الدكتوره قصدها انك لو استخدمت الكهرباء لمدد طويله يعنى اكتر من ربع ساعه يضر و لكن يُـفضل من 5 الى 10 دقائق فقط كل يوم و يوم و أعتقد هذا هو الإستخدام الامثل ... الكهرباء تعمل على موجات مستمره أو متقطعه لتقوية العضله و تنبيه العصب ... المقصود بالضرر هنا الافراط فى الاستخدام و ليس المداومه ... فهمت قصدى ... فى القاهره مركز الجيش للعلاج الطبيعى و الروماتيزم بالعجوزه خلف مستشفى الشرطه . بالمركز مصنع للأجهزه التعويضيه و الجباير عندهم عباره عن لدائن خفيفة الوزن إن أمكنك الذهاب و الإستفسار و معرفة الانسب ليك.
أرجو أن أكون قد وفقت فى الإفاده و الله ولى التوفيق.









من مواضيع أحمد بدر في المنتدى








التوقيع

الله لا إلـه إلا أنـتَّ سُـبـحـانـكَ إنّى كُـنَّـتَ مِن الـظـالمين
لا راحة فى الدنيا لا حيلة فى الرزق و لا شفاعه فى الموت
الـلـهُــم لـكَ الحـمـدَ و الشُـكـر كـمَّـا يـنـبـغى لِـجـلالِ وجـهِـكَ و عـظـيـٌـم سُـلـطـانك
✯ ✵ ✮

التعديل الأخير تم بواسطة أحمد بدر ; 23-08-2015 الساعة 12:03 PM
  رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
طلب ضرورى من الاخ بلال عودة ضرورى جدا عبدالرحمن سيد ملتقى معلمي التربية الخاصة 5 06-08-2013 06:12 AM
ضروري رجاء اخصائيه اردنيه لذوي الاحتياجات الخاصه رنـــا مركز التوظيف Career Center 0 14-09-2012 02:42 AM
استشارة السلاسل الذهبية المنتــدى الطبـــي 4 24-09-2008 04:39 AM
استشارة أبو هاجر ارشيف عيادة د.أمجد للطب البديل 5 24-09-2008 04:26 AM


منتـديـات تحــدي الإعـاقـه .. السنة 12، اليوم 103


Ads Organizer 3.0.3 by Analytics - Distance Education
الساعة الآن 08:45 PM.
مختارات أمي لاتبخلي علي بتلك اليد الناعمة التي تدفعني الي الأمل

جميع الحقوق محفوظة لمنتديات تحدي الإعاقة - تصميم شركة المودة