بجاجه لخبرتكم

[ام ايوب]

اعزائي اعضاء اللمنتدى انا بحجه للارشاد من تجاربكم وخبرتكم انا الحمد الله ابني بتحسن دائمن بس الاخصائيه الا بتعمل على تدريبه بالموسيقى حكتلي انو ابنك انا شايفه انو في مشكلتين لازم نحلهم عندوا وما شايفه غير هدول المشكلتين بالوقت الحالي عندوا الله يديم صحتوا وتحسنوا المشكله الاولى انو لازم اشتغل انو اطور اسلوب اللعب عندوا وانو يسير يستعمل خيالوا باللعب كتير ويوسع مجال اللعب عندوا والمشكله التانيه الطلب انو يسير يطلب المساعده باي اشي مش قادر يعملوا لانو ابني كتير بعتمد على حالوا بكل اشي بدوا يعملوا وقليل بطلب مساعده بتمنى اتساعدوتي كيف بقدر اساعدوا وبتمنى الشفاء لكل اولادنا

[ام ليث]

رد: بجاجه لخبرتكم

اختي العزيزه ام ايوب

--------------------------
الحمد لله والشكر على استمرار ولدك بالتحسن وانشاء الله يصل الى الشفاء التام بأذن الله

بلنسبه لاستخدام خياله باللعب
مثلا ان تجلبي لابنك بيوت البلاستك مع أثاثها ودمى تسكن فيها وتجلسين معه وتكلميه لتشجيعه على تخيّل الاحداث لتلك الدمى داخل البيت …مثلا : قولي له أن الولد نعسان يريد النوم ….واسأليه أين يذهب؟ فبهذا تشجعيه أن يتخيل أن الولد سيذهب للنوم ..ويجيب على سؤالك حتى ولو بكلمة واحدة مثل ان يقول كلمة ينام ..
-أحضري له معدات عمل الشاي من البلاستك واطلبي منه ان يصّب لك الشاي ويضع السكر ..وقومي بتمثيل أنك تشربي الشاي وانه لذيذ…
-او مثلا تأخذين سيارتين واخبريه بانكم انتي وهو ستعملون سباق للسيارات او تخططي له ورقه وتطلبي منه ان يركن السياره في موقف السيارات وتجعليه يتخيل باي طريقه سيجدها مناسبه لركن السياره
- اللعب بالحيوانات البلاستك يترك له الخيال مثلا هذا الطير او اي حيوان ثاني يجب ان ياتي بالغذاء لاولاده اوغيرها من الالعاب
--------------------------------------------------------------------
اما بلنسبه للمشكله الثانيه اطلبي انتي اولا منه مثلا ضعي قلم بجانبه وابتعدي قليلا وبعدها اطلبي منه ..
-حبيبي ايوب اعطني القلم ..او خذ هذا واعطيه لوالدك
- اعملي له الشاي ولا يضعي السكر فيه وغيري مكان علبه السكر فسيحاول اولا الاعتماد على نفسه ولاكن عندما لا يجد العلبه سيطلب منك
- اخفي شيئ من اغراضه المتعود استعمالها يوميا فبدايتا سيبحث عنها ثم بعدها سياتي لطلب المساعده منكِ
- عندما يذهب للاستحمام لا تعطيه المنشفه او الشامبو حتى يطلبها منك
وغيرها من الامور اليوميه التي تستطيعين ان تجعلي منها سبب يجعل ولدك لا يجيدها الا بطلب المساعده منكِ
وبالتوفيق عزيزتي

[ام ايوب]

رد: بجاجه لخبرتكم

عزيزتي ابني الحمد الله طريقة لعبوا عم تتحسن يعني صار لما احط ادوات المطبخ يصب بقبريق الشاي بالكاسات ويشرب بحط الصحون وياكل منهم بالنسبه للدمى انو حطهم على السحسيله وسحسلهم و طعماهم من الرضاعه هو مش لحالوا بعمل الاشي هو بقلدني كيف بعمل او اذا انا بحكيلوا اشرب او طعميها بعمل كيف بحكيلوا الحيوانات انو بطعميهم من الصحن او سندوشتوا اذا كان عم باكل و انا مرات بمسك حيوانين وبعمل انهم بحكوا مع بعض وبحكيلهم يله بوسوا بعض وبقربهم على بعض هو صار يعمل متلي بالسيارات هو انو بلعب انو بمشيهم وبمشي معهم بطل انو بس يلعب بالعجال بس هو مشكلتوا انو بزهق يعني ما بضل فتره طويله يلعب يعني ممكن نص ساعه بلعب بكل هاللعاب و بترك بالنسبه للقسم التاني ابني ما بحكي ولا كلمه بس انا من عيونه بفهم شو بدوا يعني بس بدوا ياكل بحس انو جوعان بحكيلوا ايوب يدك تاكل هو بضحك وبحس كلمة ال اه مبينه بعيونوا و بركض على المطبخ بس بدوا لعبه بروح مثلا على الخزانه الي فيها اللعاب بفتحها بس ما بقدر يوصل الرف بطلع في انو تعي ساعديني ولما اجي عندوا بحكيلوا ايوب بدك اساعدك و بعطيه شو بدوا هو بعرف انو ايوب هات القلم او روح اعطي بابا او اي شخص بسميلوا اسموا وهو بستجيب للكتير من الحكي ومرات ما برد لانو مش مش عارف بس لانو ما بدوا يرد بس انا بدي يسير يطلب المشاركه اكتر انو يحس او يفهم انو هو بحاجه لحدا يشاركوا ويساعدوا اكتر من الاشي الي هو واصلوا

[ام ليث]

رد: بجاجه لخبرتكم

اختي العزيزه ام ايوب
ماشاء الله يعني ابنك لديه درجه كافيه من التقليد والتخيل وهذا شيئ رائع اما انه يلعب بفتره قصيره فهذه حال اولادنا جميعا فيجب علينا ان نشغلهم اغلب الوقت والقضاء على الفراغ الذي عندهم . طيب اختي حسب ما قرئت عنه فهو في تطور مستمر والحمد لله لماذا لا تجعليه مثلا يساعدك بالمطبخ ؟؟ او هل لديه جهاز الايباد ؟؟
ماشاء الله كم انتي ام رائعه فعند قرائتي انك تفهميه من عينيه معناه انك قريبه جدا منه وتفهمين كل حركه يقوم بها وكسب ثقته وهذا شيئ جدا مهم .
عزيزتي هناك موضوع خصائص اللغه بقسم التدريبات للاخ محمد يسري وهو اخصائي تخاطب ممكن تسئليه عن كيفية تدريب ابنك على كيفية مساعدت ابنك على النطق .وبعد فتره قصيره انشاء الله ستعود الينا الاخت امتياز فهي تملك ايضا خبره واسعه في التعامل مع اولادنا
واتمنى من جميع الاخوه والاخوات وكل من لديه اي معلومه يستطيع ان يساعد اختنا ام ايوب ان لا يبخل علينا بكتابتها

[ام ايوب]

رد: بجاجه لخبرتكم

ام ليث شكرا كتير على ردك واسفه اني مش دايمن متواجده بس الوقت مش بايد الواحد
الحمد الله ايوب عم بتحسن بشكل دائمن عقبال عندك اولادكم جميعا هو بلش يحكي اكم من كلمه وبلش يحاول يقلد الولاد باللعب بتحسي بركز كتير فيهم عشان بفهم شو يعملوا ويعمل متلهم انا بحاول اشاركوا بكل اشي بنعملوا بالبيت عندي ايباد بس ما بحب استخدملوا اياه ما يسطر عليه لانو هو من السيئات مش بس لاولادنا حتى لاي ولد ما بعاني من مشكله بتحسي لو شو ما صار ما بحس لانو مشغول باللعب عشان هيك انا كل اشي متل ايباد تلفزيون ما بخلي يستعملوا التلفزيون بحضر بس مده قصيره وهو بطل يهتملوا
مش بس انا ام رائعه كلكم امهات مميزات ورائعات ولازم نكون هيك عشان اولادنا