الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

مدارس الدمج فى مصر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    مدارس الدمج فى مصر

    السلام عليكم ورحمه الله وبركاته بجد انا تعبت يعنى اولادنا دوال يااما يروحوا مراكز خاصه او جلسات خاصه او جمعيات اهليه او حكوميه ومفيش مدارس دمج مع الاطفال اللى معندهمش توحد يعنى ايه انا مش فاهمه هى الاسعار بتاعه المدارس دى خياليه كدا ليه وبعدان اى اداره مدرسه بتتعامل معانا كدا ليه كاننا بنشحت منهم انا مش فاهمه فين الدمج اللى بيقولوا عليه وله هما عايزين صعوبات تعلم خفيفه كدا وخلاص لكن توحد لا مفيش لانه بعبع لا يطاق اى حد يعرف مدرسه محترمه بتقبل اطفال تعبنا معاهم وعلمناهم فى اى محافظه فى مصر يقولى بقى عشان كل يوم اتصال ومشاوير على الفاضى (الولد مش حينفع )(هاتى انتى الشادو)واجيب شادو ليه اصلا امال انا مدخلاه مدرسه ليه حاجه غريبه مش علشان المعلمه تبقى موهله وعارفه انه احتياجات خاصه وبعدان هما متوقعيين ايه من طفل عنده توحد بيكلم لبلب مثلا وله بيغنى ويرقص وله عايزينه يحكى قصه حياته حاجه غريبه مهو عنده خلل ولازم يكون مختلف امال انتوا يا مدرسين متخصصين لازمتكم ايه وله يا اما يدخل مراكز وجلسات بالشى الفلانى باما مفيش بجد ظلم ومفيش اى مراعاه فى المستشفيات الحكوميه طبعا وانتى بتعمليله اختبار الذكاء انتظار بالساعات ومعامله زباله ليه كدا يا بلد دانا بحبك حتى وشاريه تربه وناويه ادفن فيكى اذا شاء الله (ولا تعلم نفس باى ارض تموت )معلش يا جماعه اللى عنده اى معلومات ولو حتى حيعتبرها تافهه يقول ممكن تفدنى او تفيد غيرى وشكرا لسعه صدركم

  • Font Size
    #2
    رد: مدارس الدمج فى مصر

    وعليكم السلام ورحمه الله وبركاته
    موضوع مهم جدااا اختي شكرا علي فتحه وان شاء الله حيفضل لغايه ما نوصل فيه لحل
    اولا يا ريت لو تقولي حتي باختصار مستوي ابنك وسنه ونتيجه اختبار الذكاء طلع كام عشان اقدر افيدك
    كمان يا ريت تقولي اسماء المدارس اللي جربتي تسالي فيها عشان يستفيد الجميع من تجربتك في موضوع التقديم
    ان شاء الله لي عوده بعد ان تردي علي اسئلتي
    ولكن بشكل عام احب اقولك ان الوضع الحالي الواقعي ان المدرسين في المدارس غير مؤهلين للتعامل مع اطفالنا ولو وجد حد حيبقي اجتهاد شخصي منه وحاله نادره فكون ان المدرسه وافقت انك تجيبي الشادو تيتشر مع طفلك دا في حد ذاته كويس مش كل المدارس بتقبل بكده....العثور علي الشادو سهل ممكن عن طريق مؤسسه ويانا او عن طريق مركز ادفانس بيعملوا دورات لمدرسي الدعم وبيبقي عندهم بياناتهم المهم التوفيق في المدرسه الكويسه اللي تراعي ربنا في الطفل.
    قـد يـعـطـيـك الل? هـديـة ثـمـيـنـه جـداً ،
    مـغـلـفـة بـإبـتـلاء
    فـ"عـلـيـك بـالـصّــبــر دائـمـاً حـتـى يـنـجـلـي هـذا الـغـلاف لـتـحـصـل عـلـى تــلك الـ?ـديـة

    تعليق


    • Font Size
      #3
      رد: مدارس الدمج فى مصر

      السلام عليكم اختى ازميرالدا شكرا جزيلا على الرد اولا انا فى محافظه تانيه ومن الارياف كمان يعنى مش من القاهره فالاسماء كلها مدارس الحكومه فى محافظتى اللى قالولى عليها انها دمج ثانيا انا بحثت فى مدارس الحكومه مش المدارس الخاصه او الامريكه لان مبالغها خياليه يعنى علشان اعلم ابنى احرم باقى الاسره من اقل مستويات العيش لانها ممكن توصل ل45000 الف مع الزياده ووجود شادو المدارس الخاصه هى التى اشترطت الشادو ودى عايزه ميزانيه لوحدها وبعدان يرجعوا يقولولى مش بنعمل دمج حاجه تضحك امال كنتوا بتهزروا معايا مثلا ثالثا اختبار الذكاء معرفتش اعمله فى التامين الصحى عشان البهدله والانتظار المقرف عملته فى مستشفيات الجامعه وكان 87 والاخصائى سئله اسئله غريبه جدا زى فين صوباعك الكبير فين اورتك (الجبهه)يعنى شاور على ذقنك احنا دلوقتى فى اى فصل من فصول السنه الدنيا حر وله برد انا عن نفسى بحاول معاه جداااااااااااااا فى كل ده بس انا لوحدى والاخصائيه يومان فى الاسبوع قولتله حرام الولد مش حيعرف الحاجات دى اسئله اسئله تانيه عشان ميتظلمسش قالى هو انتى فاكره نفسك فى السوق يا مدام وبتنقى طماطم الولد معتمد على نفسه وممكن ير وح مدرسه و حضانه لانى مش متابعه فى الجلسات خالص واى افاده من ناحيه المدارس اللى بيها روضه اطفال للدمج ياريت تفيدينى الله يجزيكى كل خير

      تعليق


      • Font Size
        #4
        رد: مدارس الدمج فى مصر

        اختي المشكله ان زي ما قلت لك الكوادر والمدرسين في المدارس الحكوميه غير مؤهلين للتعامل مع اطفالنا ...احدي المدرسات قالت ان الموضوع دا عبء كبير عليهم لانهم اخدوا دوره عبيطه (علي حد تعبيرها) وبالتالي هم غير مؤهلين زي ما قلت لك غير اللي بيبقي عنده فكره اصلا او اجتهاد شخصي منه
        عشان كده الاغلب بيلجا للمدارس الخاصه ووجود شادو تيتشر مؤهله
        طيب ما دام المدارس الخاصه غاليه يبقي افضل شئ انك تروحي تسالي في الاداره التعليميه اللي تابعه ليها عن المدارس الحكوميه اللي بتنفذ موضوع الدمج طبقا لقرار وزير التعليم القرار رقم (264) لسنة 2011
        وكون اختبار ذكاء طفلك اكبر من 70 فده نقطه قوه لان الدمج في المدارس الحكوميه بيشترطوا انك تجيبي اختبار ذكاء من مكان حكومي بان الطفل ذكاؤه 70 او اكتر
        قـد يـعـطـيـك الل? هـديـة ثـمـيـنـه جـداً ،
        مـغـلـفـة بـإبـتـلاء
        فـ"عـلـيـك بـالـصّــبــر دائـمـاً حـتـى يـنـجـلـي هـذا الـغـلاف لـتـحـصـل عـلـى تــلك الـ?ـديـة

        تعليق


        • Font Size
          #5
          رد: مدارس الدمج فى مصر

          الاطفال اللي من حقهم الدمج طبقا للقرار الوزاري 94 لسنه 2009

          رقم (94) بتاريخ 28/4/2009
          بشأن قبول التلاميذ ذوى الإعاقة الطفيفة بمدارس التعليم العام
          ------------------------------------------
          وزير التريبة والتعليم :
          بعد الإطلاع على قانون التعليم الصادر بالقانون رقم 139 لسنة 1981 ، وعلى قانون الطفل الصادر بالقانون رقم 12 لسنة 1996 المعدل بالقانون رقم 126 لسنة 2008 ،
          وعلى القرار الوزارى رقم 37 لسنة 1990 بشأن اللائحة التنفيذية لمدارس وفصول التربية الخاصة .
          وعلى الخطة الإستراتيجية لوزارة التربية والتعليم – الفصل الثانى عشر – لتطوير التعليم قبل الجامعى ( 2007/2008 – 2011/2012 ) ،
          وعلى القرار الوزارى رقم 42 لسنة 2008 بشأن لجنة دمج الأطفال ذوى الإحتياجات الخاصة بمدارس التعليم العام .
          قرر:
          المادة الأولى :
          يطبق نظام الدمج للتلاميذ ذوى الإعاقة الطفيفة بالفصول النظامية بمدارس التعليم العما فى جميع مراحل التعليم قبل الجامعى ومرحلة رياض الأطفال ، على أن يبدأ بالحلقة الإبتدائية من التعليم الأساسى ورياض الأطفال .
          ويبدأ تطبيق هذا النظام بالمدارس المدرجة من قبل الوزارة بالخطة الإستراتيجية المشار إليها ، وذلك كمرحلة أولى .
          ويجوز لغير هذه المدارس من المدارس الحكومية أو الخاصة تطبيق نظام الدمج بها .
          وفى جميع الأحوال يجب على المدارس التى تطبق هذا النظام الإعلان عن ذلك داخل وخارج المدرسة .
          المادة الثانية :

          يشترط فى الطفل ذى الإعاقة الطفيفة الذى يطبق عليه نظام الدمج المنصوص عليه فى المادة الأولى من هذا القرار :
          1-ألا تكون إعاقته مزدوجه ، ويشمل ذلك كف البصر والصم معا ، أو كف البصر أو الصم الذى تصاحبه إعاقة ذهنية .
          2 الا تقل درجة ذكائه عن 52 درجة باستخدام مقياس ستا نفورد بمراعاة الصحة النفسية للطفل ، ونتائج اختبارات السلوك التكيفى .
          3--ألازيد مقياس السمع على 70 ديسيبل .

          المادة الثالثة :
          يكون إجراء التقييم الطبى والنفسى والتربوى على كل الأطفال المقبولين بالعام الدراسى الأول من المرحلة الإبتدائية من قبل مكونة من طبيب التأمين الصحى وممثل لإدارة التربية الخاصة من المديرية والإدارة وأخصائى اجتماعى ومدرس تربوى لتحديد الإحتياجات والمعينات التربوية المساعدة على عملية الدمج .
          المادة الرابعة :
          لا يجوز أن يزيد عدد الأطفال ذوى الإعاقة المدمجين داخل الفصل الواحد على أربعة أطفال .
          المادة الخامسة :
          يجوز تحويل الأطفال الذين تنطبق عليهم شروط الدمج من مدارس التربية الخاصة إلى المدارس التى تطبق نظام الدمج المنصوص عليها فى هذا القرار .
          المادة السادسة :
          يجب توفير الأنشطة الإثرائية والمكملة من غرف المصادر وغيرها داخل الإطار المدرسى بما يلبى احتياجات جميع الأطفال على اختلاف قدراتهم وإمكانياتهم ، كما يجب تدريب العاملين برياض الأطفال والمدارس من مدرسين وأخصائيين اجتماعيين ومديرين على متطلبات الدمج وسياساته .
          المادة السابعة :
          للطفل ذى الإعاقة الحق فى استخدام جميع الخدمات الإجتماعية والصحية والنفسية المقدمه من المدرسة وفى ذات الأماكن المتاحة للأطفال غير المعاقين ، ويجب أن تكون هذه الخدمات متاحه له فيزيقيا ومعده لتقديم خدماتها له بالطرق والأساليب المناسبة لنوع ودرجة إعاقته بما ينمى اعتماده على نفسه وييسر اندماجه ومشاركته فى المجتمع
          كما يجب توفير الأماكن والأوقات اللازمة لممارسة الأنشطة الفنية والرياضية المتناسبة مع ظروف الطفل ذى الإعاقة من الناحية الإجتماعية والبيئية والصحية والإتاحة الفيزيقية للأبنية ، وعلى رياض الأطفال والمدرسة إجراء التعديلات اللازمة فى البيئة المدرسية من ناحية الوسائل التعليمية وطرق التدريس ووسائل التقييم وغير ذلك من الإجراءات التى تيسر الدمج على ألا يشكل التعديل اللازم عائقا لدمج الأطفال .
          المادة الثامنة :
          يتم تقويم التلاميذ المعاقين المدمجين بحسب نوع الإعاقة طبقا لما تحدده الإدارة العامة
          للتربية الخاصة بالوزارة بالتنسيق مع المركز القومى للإمتحانات والتقويم التربوى ، مع مراعاة توفير المعنيات التربوية لأداء كافة أنواع التقويم .
          ويكون صرف الحوافز للمعلمين فى الفصول التى يوجد بها تلاميذ معاقين مدمجين فى ضوء الأداء والإمكانيات المتاحة .
          المادة التاسعة :
          يكون الإشراف على التلاميذ المدمجين برياض الأطفال ومدارس التعليم العام من قبل الإدارة العامة للتربية الخاصة والتعليم الإبتدائى ورياض الأطفال بديوان الوزارة بالإشتراك مع الإدارات المختصة بميريات التربية والتعليم بالمحافظات والإدارات التعليمية التابعة لها .
          المادة العاشرة :
          يطبق فى شأن التلاميذ ذوى الإعاقة المدمجين بالمدارس التى تطبق نظام الدمج – فى حالة تعثرهم دراسيا – ما يطبق فى شأن أقرانهم غير المعاقين بمدارس التعليم العام من لوائح وقرارات .
          المادة الحادية عشرة:
          ينشر هذا القرار فى الوقائع المصرية ، ويعمل به اعتبارا من العام الدراسى 2009/2010

          الموضوع محتاج مجهود منك القرار ده ما دام صدر يبقي واجب التنفيذ وممكن محاوله ادخال شادو تيتشر للمدرسه الحكومي كاحد الاجراءات لتيسير الدمج او لو مستوي ابنك يسمح انه يكون في المدرسه لوحده مع تدعيمه بجلسات خارجيه ممكن الاستغناء عن الشادو
          بالتوفيق ويا ريت توالينا بالاخبار
          قـد يـعـطـيـك الل? هـديـة ثـمـيـنـه جـداً ،
          مـغـلـفـة بـإبـتـلاء
          فـ"عـلـيـك بـالـصّــبــر دائـمـاً حـتـى يـنـجـلـي هـذا الـغـلاف لـتـحـصـل عـلـى تــلك الـ?ـديـة

          تعليق


          • Font Size
            #6
            رد: مدارس الدمج فى مصر

            اشكرك جزيلا على هذا الاهتمام المشكله انه لو طبق الكلام المكتوب يبقى انا مش عايزه اكتر من كدا لكن ده حبر على ورق اختى الغاليه ومتقوليليش لا يضيع حق وراءه مطالب لان هذه الخدمه غير متوفره اصلا وغير موجوده على ارض الواقع اصلا يعنى مش هى موجوده وهما حرمنى منها لالالا خالص اروح للمدرسه اللى الاداره قالتلى عليها فيها فصل للدمج ذوى التوحد اروح الفصل مكتوب عليه التربيه الخاصه اروح لمده 10 ايام متواصله عشان اعرف اقابل المسئوله وفى الاخر قالتلى لا مش حينفع معندناش توحد خالص الولد توحد واحنا مش عندنا غير صعوبات تعلم اجى ادور على الصعوبات دوال ملقيش حد بيروح اصلا من اللى مقيدين وعددهم 4 اطفال فقط سالت اهليهم بعد ما دورت عليهم قالوا لى الاطفال تعامل اسواء من الحيوانات فى المدرسه هم فقط مقيدين لكن مبيروحوش قولتلهم حجيب شادو ولونى مش مقتنعه بموضوع الشادو من وجهه نظرى الطفل مش حيعتمد على نفسه ابدا لو فضل بالشادو بس مش مشكله قالولى يعنى ايه شادو اصلا مفيش امامى الا مدرسه التربيه الفكريه حتى هذه المدرسه بعد الملاحظه والتدقيق تعامل الاطفال كانهم قطع اثاث مش بنى ادميين ممكن يتعلموا ويتغيروا تلاقى عندهم جمود فكرى فى التعامل مع هولاء الاطفال وكانه امر مسلم به ان لا يتقدموا ويبقى الحال على ما هو عليه وده ضد نظريتى فى علاج ابنى انا اسفه اكلمت كتير وممكن اكون خرجت بره الموضوع شكرا لسعه صدرك وبارك الله فيكى

            تعليق


            • Font Size
              #7
              رد: مدارس الدمج فى مصر

              قـد يـعـطـيـك الل? هـديـة ثـمـيـنـه جـداً ،
              مـغـلـفـة بـإبـتـلاء
              فـ"عـلـيـك بـالـصّــبــر دائـمـاً حـتـى يـنـجـلـي هـذا الـغـلاف لـتـحـصـل عـلـى تــلك الـ?ـديـة

              تعليق


              • Font Size
                #8
                رد: مدارس الدمج فى مصر

                لا اله الا انت سبحانك انى كنت من الظالمين والله المستعان على ما تصفون

                تعليق


                • Font Size
                  #9
                  رد: مدارس الدمج فى مصر

                  السلام عليكم ورحمة الله
                  اختي العزيزه المعاناه واحده انت في مصر ما حصلتي مرسة دمج عاد احنا في السعوديه بنقول ايش انا لي الان اكثر من سنتين ابحث عن مدرسه فيها دمج ولم اجد شيء الى الان
                  تقبلي مروري وشكرا

                  تعليق


                  • Font Size
                    #10
                    رد: مدارس الدمج فى مصر

                    بلدنا للاسف ما فيش فايده فيها ولا منها وان ماكنش لك واسطه معرفة مديرة او مدير مدرسه هيدوخوكى بيخافوا يشيلوا مسئوليه الولاد دول لان طبعا مش بيقدروا يدافعوا عن نفسهم كويس والولاد ما بتصدق تلاقى طفل غلبان بيبقى فرصه ذهبيه لهم يطلعوا كل شيطنتهم عليه ووممكن يتأذى وتبقى مسئوليه على المدرسه فبيريحوا نفسهم من الاساس وربنا معاكى
                    اللهم ارحم من اشتاقت لهم نفسى وهم تحت التراب ,ياطبيب من لا طبيب له يا حبيب من لا حبيب له ...يارب أنت الشافى لكل مبتلى

                    تعليق


                    • Font Size
                      #11
                      رد: مدارس الدمج فى مصر

                      اختي الكريمه صابرين
                      انا بصراحه ندمت علي رابط الخبر الي حطيته ومش عايزه يكون جابلك احباط ....المشكله ان التعليم الحكومي كخدمه في بلدنا زيها زي المستشفيات الحكومي خدمه قليله حتي للطلبه العاديين لا يحصلوا علي تعليم جيد فما بالك باولادنا ....طيب ايه العمل فيه حلين من رايي... الاول انك تسجلي ابنك في المدرسه لحفظ مكان له لان بعد سن معين بيكون التسجيل صعب ووديه حضانه او مركز لتحسين قدارته واعطاؤه المنهج المدرسي بالطريقه المناسبه له ولما تلاقي استجابته احسن وماشي في المقررات وقتها حيكون الدمج مناسب له....الحل التاني انك تنقلي من البحث ف الحكومي للتجريبي او الخاص بمصاريف معقوله ممكن تلاقي مدرسه تقبل به لان عدد الاولاد ف الفصل الي حد ما بيكون اقل من الحكومي بكتير
                      دمتي بخير
                      خلي ايمانك وعزيمتك قويه
                      وربنا مع الجميع
                      قـد يـعـطـيـك الل? هـديـة ثـمـيـنـه جـداً ،
                      مـغـلـفـة بـإبـتـلاء
                      فـ"عـلـيـك بـالـصّــبــر دائـمـاً حـتـى يـنـجـلـي هـذا الـغـلاف لـتـحـصـل عـلـى تــلك الـ?ـديـة

                      تعليق


                      • Font Size
                        #12
                        رد: مدارس الدمج فى مصر

                        المشاركة الأصلية بواسطة البكاري مشاهدة المشاركة
                        السلام عليكم ورحمة الله
                        اختي العزيزه المعاناه واحده انت في مصر ما حصلتي مرسة دمج عاد احنا في السعوديه بنقول ايش انا لي الان اكثر من سنتين ابحث عن مدرسه فيها دمج ولم اجد شيء الى الان
                        تقبلي مروري وشكرا
                        كلام مولم ان تكون بلادنا العربيه الحبيبه لاتحس بمعاناتنا المدارس الامريكيه مصاريفها خياليه والحكوميه شروطها صعبه والفصل اصلا غير موجود الله المستعان

                        تعليق


                        • Font Size
                          #13
                          رد: مدارس الدمج فى مصر

                          المشاركة الأصلية بواسطة ازميرالدا مشاهدة المشاركة
                          اختي الكريمه صابرين
                          انا بصراحه ندمت علي رابط الخبر الي حطيته ومش عايزه يكون جابلك احباط ....المشكله ان التعليم الحكومي كخدمه في بلدنا زيها زي المستشفيات الحكومي خدمه قليله حتي للطلبه العاديين لا يحصلوا علي تعليم جيد فما بالك باولادنا ....طيب ايه العمل فيه حلين من رايي... الاول انك تسجلي ابنك في المدرسه لحفظ مكان له لان بعد سن معين بيكون التسجيل صعب ووديه حضانه او مركز لتحسين قدارته واعطاؤه المنهج المدرسي بالطريقه المناسبه له ولما تلاقي استجابته احسن وماشي في المقررات وقتها حيكون الدمج مناسب له....الحل التاني انك تنقلي من البحث ف الحكومي للتجريبي او الخاص بمصاريف معقوله ممكن تلاقي مدرسه تقبل به لان عدد الاولاد ف الفصل الي حد ما بيكون اقل من الحكومي بكتير
                          دمتي بخير
                          خلي ايمانك وعزيمتك قويه
                          وربنا مع الجميع
                          حاولت فى الحل الاول لكن المدرسه تعرف انه توحد خصوصا اننا فى قريه صغيره وغير كدا لابد من نسبه حضور ولو تركته وشانه فى المدرسه سيطردوه لاكتشاف امره اما الخيار الاخر فلا يوجد الاسعار نااااااااااااااااار والله المستعان

                          تعليق


                          • Font Size
                            #14
                            رد: مدارس الدمج فى مصر

                            المشاركة الأصلية بواسطة الامل في الله مشاهدة المشاركة
                            بلدنا للاسف ما فيش فايده فيها ولا منها وان ماكنش لك واسطه معرفة مديرة او مدير مدرسه هيدوخوكى بيخافوا يشيلوا مسئوليه الولاد دول لان طبعا مش بيقدروا يدافعوا عن نفسهم كويس والولاد ما بتصدق تلاقى طفل غلبان بيبقى فرصه ذهبيه لهم يطلعوا كل شيطنتهم عليه ووممكن يتأذى وتبقى مسئوليه على المدرسه فبيريحوا نفسهم من الاساس وربنا معاكى
                            كلام مظبوط مائه بالمائه الله المستعان

                            تعليق


                            • Font Size
                              #15
                              رد: مدارس الدمج فى مصر

                              المشاركة الأصلية بواسطة صابريين مشاهدة المشاركة
                              والاخصائى سئله اسئله غريبه جدا زى فين صوباعك الكبير فين اورتك (الجبهه)يعنى شاور على ذقنك احنا دلوقتى فى اى فصل من فصول السنه الدنيا حر وله برد انا عن نفسى بحاول معاه جداااااااااااااا

                              انا لما قريت الموضوع من اكتر من اسبوع رجعت لبنتي قلت لها افهمي .. فين جبهتك فشاورت عليها قلت لها دي بمصر اسمها قورة وينطقوها أورة .... فين اورتك ؟؟ ااايوه شاطرة

                              ولو حد سألك احنا بفصل ايه الان احنا بالصيف والجو حار ونشغل المكيف فاااهمة قالت اه ... والله كما اقول لكم بالضبط ..

                              لازم استفيد من تجارب الاخرين

                              تعليق

                              Loading...


                              يعمل...
                              X