اقتباس:
المشاركة الأصلية كتبت بواسطة ياربي رحمتك
بعد التحيه :
ابدأ بالشكر الي الاخ (بدر الشمري ) والذي اعتبره قدوةٍ لنا في الايمان والإحتساب ولاانزه علي الله احد . ولكن كم نزلت من المواضيع اشكو لاخواتي العضوات ولم اجد له في مواضيع سواء البحث عن علاج لابناءه شفاهم الله وابني وجميع ابناءكم بالامس اعتبره قدوه والآن اتمني ان يتكرم للقياده برفع صوتنا .بعد اذنه.
-------------------------------------------------
اخوتي واخواتي الاعضاء عيال ديرتي اسمحوا لي ان اتكلم لكم من غير الفصحي لكي اشعر ان كلامي وصل لقلوبكم.
من فتره كنت ناويه افتح تجمع للاعضاء والعضوات من الكويت وقد وعدت بذلك اخي ( ولد الكويت ) ولكن اجلت الفكره لانني شعرت انها مسئوليه وكذلك لان كل من اراد استفسار منا وضعه والبركه بباقي الاعضاء يتكرمون بالرد عليه.
----------------------------------------------------
ماراح اطول عليكم اخواني مثل ماتعرفون التوحد ينتشر عندنا وتشتت الانتباه زاد في اطفالنا واللي ااكد كلامي دكتوره امريكيه تقولي خلال سنه ونص زاد العدد في الكويت واللي يثبت اكثر شوفة عيونكم الاخصائين اللي احضرون للبيت كل واحد يتأخر او يلغي موعد جلسات ابناءنا بحجة انه مرتبط بكذا طفل.
----------------------------------------------------
واكيد مريتوا بنفس المعاناه لما اندخل عيالنا للحضانه كخطوه اولي للعلاج فيكون رد الحضانه يالطرد يالنصب وهذا غيث من فيض والله احس بيمرضون ولدي اكثر وانا قلبي يحترق مو علي المبلغ اللي دفعته لا والله ومثلكم مجرب كله فدوه لعيالنا الا اشخاص مو متخصصين ويدعون انهم فاهمين لتعديل السلوك واذا سألته عن الشهاده ياانها تتهرب ياتفلسف.
------------------------------------------------------
والله كنت بدخل ابني للحضانه دريم سنتر بس ترددت وماكانوا اردون علي التلفون ويمكن خيره ومن صاحبتها مع احترامي وحبي لهذه الجنسيه بس ايعقل ان يفتحون حضانه وبسعر مبالغ فيه وعليهم بالعافيه
لكن وين الدوله ؟
----------------------------------------------------------
اخوي ( بدر الشمري -وولد الكويت -ام رشود - مسك ...........) ويعذروني باقي الاخوات فوالله بعد مرض ابني اشعر بنسيان فضيع.
-------------------------------------------------------------
ليش مانطالب وزارة التربيه وعلي رأسها وتضع في كل روضه فصل خاص لاهل التوحد وفصل لتشتت الانتباه .
وخصوصاً ان الروضات الحكوميه انظف وارتب من الخاصه التي هي مهزله للعقول ومهلكه للجيوب
ونضعه في اعلان في الجريده يحمل تواقيعنا وعلي الصفحه الاولي لكي يصل صوت هذه الفئه المنسيه .
----------------------------------------------------------------
ارجو ان تعذروني فكلامي مشتت ولكن من هم في القلب اكبر
والله اكبر
اسأل الله رب الناس مذهب الباس ان يشفي ابناءنا جميعاً وابناء المسلمين اجمعين.
--------------------------------------------------*
|
اللهم امين ان يشفي ابنائنا وابناء المسلمين جميعا يارب ,,,,,
مالومج ومع انه اختلف معاج في بعض النقاط اللي ذكرتيها ولكن متفق معاج تماما بحجم المسؤليه اللي نعانيها احنا كــ اباء او امهات ومن حق الدوله علينا الرعايه الصحيه اللازمه
مرض التوحد يعتبر اعاقه وملزمه الدوله بتدريسه في مدرسه اعتقد بشرق مكانها وتكاليفها علي هيئه المعاقين ويتم صرف راتب شهري لمرضي التوحد وفيه اهتمام لهم حسب ماسمعت
لكن المشكله احنا اللي ماحنا عارفين منو طقاقنا علي قولتهم .... مره يقولون تاخر عقلي ومره تاخر نطق وتشتت انتباه وعدم تركيز ووووالخ ..... حاطين لنا مركز سالم العلي يساعدك بالنطق بس
ومن اخصائي الي اخصائي ومن حضانه الي حضانه ونصرف بالهبل ولكن شنسوي ولله عشان اعيالنا ولله لو اعرف مكان برا الكويت مختص بالامور ويكون مركز محترم وناس تخاف الله لو يحط المبلغ
اللي يبي ماعندي مشكله وحتي لو اقعد اشهر عندهم بس مليت ابي ناس متخصصه ناس تعرف شغلهم ... انا مستعد اطالب وياكم واللي تبونه حاظر ولكن لنا حق بالمطالبه قانونياااا ... راح اسئل بالموضوع
وبخصوص وزاره التربيه مستحيل راح توافق صف للتوحد وصف للمتشددين الانتباه ....بيقولون التوحد لهم مركز متخصص ومن ضمن المصابين بالاعاقه الذهنيه .. والمتشددين الانتباه
يحتاجون الي اخصائين نفسين او تعديل سلوك .. فــ بالوضع تتحول المطالبه الي وزاره الصحه وليس التربيه ... وبعدين م زين روضه الحكوميه ولله تجيب الهم الواحد يقط اعياله يتعلمون ويستفيدون
ماعندهم غير يعلمون الطلبه الاغاني والتلوين .... مو من زينهم ولله ......
علي العموم اى اقتراح انا معاكم واعين واعاون ... ولكن لازم نكون دارسينا عدل ونسأل اهل الاختصاص بالمطالبات عشان نمشي صح .... تمنياتي لكم بالتوفيق