دكتور محمد المومني وتحاليل فرنسا

دكتور محمد المومني وتحاليل فرنسا

السلام عليكم
عندي استفسار وياليت الاهالي يجاوبوني انا ان شاء الله طالعه للاردن لدكتور محمد المومني لعمل التحاليل لابني ولما كلمت الدكتور قالي ان جميع التحاليل صار يسويها عنده بالاردن فاستغربت لان اكبر المستشفيات هنا في السعوديه ما تسوي تحليل الكازيين والجلوتين والمعادن الثقيله ولو في امكانيه عند بعض المستشفيات فبيكون بارسالها لفرنسا وليس في نفس المستشفى فهل صحيح انه بيسويها عنده وهل عنده الامكانات والمختبرات اللي يقدر يعمل فيها التحاليل ولا ايش لان اوكسي كير قالوا بيرسلوها فرنسا كمان
فارجوا اللي عنده خبر اوراح لهذا الدكتور قريب يردلي ويطمني بدل ما اخسر فلوسي ووقتي على الفاضي
وشكرا للجميع

---

];j,v lpl] hgl,lkd ,jphgdg tvksh

مرحبا اختي هل تأكدتي اي التحاليل يقصد ربما يقصد تحاليل وظائف الكلى والغده لان لا اعتقد بأنه يوجد مختبرات في الاردن لعمل التحاليل الخاصه للفطريات والمعادن والله أعلم ربما مختبرات جديده لا ادري ارجو ان تكلمي الدكتور تسأليه مره اخرى للطمأنينه انا ذهبت للدكتور وعمل التحاليل منذ فتره قصيره لا تتعدى الثلاثه اشهر وعمل لي التحاليل في فرنسا

انا رحت قبل شهر وقلي نفس الكلام كل التحاليل بالاردن بس مو عندة بالعياده ارسلني علي مختبر خاص
ما عدا تحاليل المعادن هي اللي انرسلت امريكا ولحد الان ما طلعت لها شهر تقريبا

نعم صحيح اختي كنت اليوم عند الطبيب واخبرني ان الجهاز وصل من امريكا للمختبر وسيبدأ العمل به لفحص المعادن الثقيلة الاسبوع القادم ان شاءالله وفي نفس المختبر يقوم بعمل فحص الحساسية من فترة وسيستغني عن ارسال التحاليل للخارج

إذا كان هذا الخبر صحيح فله كل التحية حتى وغن قال البعض إن الهدف ربحى فعلى الأقل يرحم الأهالى من إنتظار التحاليل على النت وكيف نرسل الأموال وبعض التحاليل تفسد قبل وصولها والله عذااااااااااااااااااااااااااااب ياريت كمان حد يفكر بجد فى صنع مكملات طبيعيةمن إنتاجنا نحن المسلمين والعرب بدل بهدلتنا على النت مع الشركات الأمريكية ونكتفى من هذا الهراء

السلام عليكم
انا كنت اراجع باوكسي كير.......وعملت تحليل البصمه الغذائيه(حساسيه الطعام )بمختبر بالاردن اسمه المختبرات الذكيه وهم فعلا بيعملوا التحاليل عندهم والدكتور اكدلي انهم نتائجهم مضمونه زي المختبرات الاوروبيه.......
بالنسبه لتحليل السموم فهو برضه الدكتور حكالي انه قريبا حيكون هذا التحليل بالاردن....اتوكلي على الله...ولا تخافي
.......................
بس احنا العرب ما بنثق بحالنا.......
........استغفر الله العظيم واتوب اليه.....

اخوي حمزه ..
فعلا صار بامكانهم يعملون التحليل بالاردن .. يعني اذا جيت للدكتور يرسلك على مختبر اسمه المختبرات الذكيه ويعملونها لك هناك ..
وانا الان بالاردن عشان مسويه جلسات اوكسجين عند الدكتور ولما ارسلني للمختبرات عشان تحليل المعادن بصراحه ما اعجبني طريقتهم بأخذ التحليل , خاصة اني سبق وعملته مرتين وعارفه كيف هي الادوات اللي تستخدم للتحليل ..
تكون ادوات خاصه ومعقمه وطريقة حفظ البول بالادوات مقننه جدا , بينما بالمختبر عطتني العلبه العاديه اللي لما نعمل تحليل بول عادي نستخدمها ..
استغربت وقلت لها ايش هذا ؟؟ انا بسوي تحليل معادن وبترسلونه برا , كيف تستخدمون هذه العلبه ؟؟
قالت طيب عادي ( لانها تعتقد اني اول مره اسوي التحليل ) قلت لا مو كذا انا سويته مرتين ولا كان بهالطريقه كان بادوات خاصه ومقننه لحفظ البول جيدا ومعقم عن الشوائب وثانيا لازم ما يتعرض للنور على طول اذا سحيت البول احط القنينه بكيس خاص اسود , قالت طيب عادي وجابت كيس سوبر ماركت قصته قدامي ولفته على العلبه ولزقته وقالت الان صار مثل مابدك ..
استغربت من الطريقه وقلت لها لا انا بعمل تحليل لابني في 300 دولار وبنتظر نتيجه حساسه ومهمه للتحليل عشان تسوينه بهالطريقه .. قالت هو نفس الشي بس الادوات تختلف , قلت الادوات مهمه لان هي اللي تحافظ على البول معقم حتى يوصل لامريكا ( لان احنا نعمله بالمختبر صح بس هم يرسلونه برا وترجع لهم نتايج التحاليل بشكل سريع , يعني بالنهايه التحاليل ترسل للخارج لكن عن طريق هذا المختبر ) المهم اني ما قنعت بالطريقه وختلفت معها لانها حاولت تستغبيني وتعمل التحليل باي طريقه وبس بالعلم انها طريقه خطاء
ورجعت للدكتور ووريته طريقة العلبه اللي هي لزقتها بالكيس الاسود وقلت له الكلام اللي صار , واستغرب قال فعلا الطريقه هذه غلط لازم وقالي خلاص انا راح اعطيك الادوات الخاصه للتحليل اعمليه وجيبه لي وانا برسله لك كالسابق .. قلت له تمام كذا اريح لاني بظمن انه بالطريقه السليمه ..
وهذا اللي صار .. معليش طولت عليك الكلام بس حبيت انكم تكونون بالصوره
وانا الان بالاردن خلصت من الاوكسجين وجالسه اعمل له جلسات كليشن وانشالله بعد اسبوعين راجعه والله يسهل ..

أشكر الجميع على تفاعلهم وأسأل الله ان يشفي اولاادنا جميعا
اختي هناء عندي سؤال انت بتقولي سويتي التحاليل قبل كده وكانت
الطريقه افضل من هذا المختبر طيب سؤالي فين سويتيه
وحابه تعرفينا عن نتائج زيارتك للاردن وايش صارمع صغيرك الله يشفيه ويفرح قلبك بيه يا رب

انا سويته مرتين قبل عند الدكتور محمد المؤمني نفسه
كان يعطينا الادوات اللي نستخدمها للتحليل وبعد ما اخذ العينه من عزوز اعطيها للدكتور وهو نفسه من العياده يرسلها للخارج وبعد فتره 3 اسابيع تقريبا توصل له النتيجه على ايميله ويطبعها ويعلمنا النتيجه ..
طبعا هذه المره كانت الثالثه اللي اسوي فيها تحليل المعادن ولما رحت للمختبر ولا اعجبتني طريقتهم وخاصة الادوات المستخدمه للتحليل ماكانت سليمه رجعت للدكتور وشكيت له وقالي فعلا معك حق الطريقه هذه غلط وحنبههم وعطاني الادوات المعتاده وقالي هاتيها لي انا وانا برسلها مباشره من عندي مثل الاول
وبصراحه انا ارتحت اكثر لاني حسيت انها الطريقه السليمه ( معليش انتظر فتره اطول شوي بس النتيجه تكون سليمه ولا استعجل بطريه مشكك فيها )

وبالنسبه لرحلة علاجي كانت جدا طويله وصعب اشرحها بالتفصيل
لكن اقدر اقول انني من كان عزوز عمره 3 سنوات ابتديت معه والان عمره 5 سنوات ونصف
وخلالها جيت للاردن 3 مرات وكل مره كنت اعطيه كورس اوكسجين وبنفس الوقت ادخله مركز نهاري متخصص يدرس فيه وبالعصر يروح ساعه للاوكسجين وخلال هالفتره اعمل له التحاليل اللازمه
يعني بما اني جالسه اعمل له اوكسجين احاول استفيد بكل الطرق الممكنه لتأهيله في المركز المناسب
وهالمره جلست مدة 3 شهور بينما عادة اجلس شهرين فقط
بس هالمره لاني عملت له الكليشن جلست زياده ومنها عشان يطول بالمركز اكثر ويستفيد
بينما المرتين اللي فاتت كنت اعطيه تحاميل الدمسا فقط عشان ازالة المعادن لكن يوم ما جابت نتيجه سويت له هالمره كليشن لعله يكون افضل
وعطيته ابره بالوريد اول مره ياخذها تستعمل لتنقية الجهاز المناعي وبالتالي يزيد تركيزه وانتباهه وفعلا جابت نتيجه طيبه بس لازم ياخذها تحت اشراف الطبيب ويكون عارف حالته زين لانها قويه وصعبه شوي على الطفل وغير كذا مكلفه جدا
وبالنهايه شغل كثير عملته اتمنى ان الله ينفع فيه ولاحظت عليه تحسن ولله الحمد
وبعد يومين راجعه للرياض باذن الله وبعد رمضان بجي يومين للاردن عشان اعطيه ابره ثانيه بالوريد وهذه لطرد الفطريات ويرضه قويه على الطفل بس لازم تكون تحت اشراف الدكتور
عشان كذا لازم يكون فيه مسافة شهرين على الاقل بين الابرتين
انشالله قدرت افيدك بشي
والله يشفي جميع اطفالنا يارب

أختي لما كنت عند الدكتور بشهر 1 سألته لماذا لا نعمل التحاليل بالأردن ؟
اجاب لأن هذه التحاليل تحتاج مختبرات خاصة ومختصين خبراء وقال نحن نعمل حاليا لعمل مختبر خاص هنا في الأردن لتوفير التكلفة على الأهل , خاصة أن التوحد يزداد في الأردن وشقيقاتها من الدول العربية

الله يجزيه الخير وإن شاء الله تكون التكلفة أقل