مركز التأهيل المتطور
عدد مرات النقر : 7,250
عدد  مرات الظهور : 32,506,038
مختارات الصخور تسد الطريق امام الضعفاء اما الاقوياء فيستندون عليها للوصول الي القمه
العودة
منتـديـات تحــدي الإعـاقـه > أقسام التوحد > قسم التوحــــد العام
لكل من فقد كلمة مروره او يجد صعوبه في دخول المنتدي يمكنكم التواصل مع الإداره بالضغط علي  (الاتصال بنا)

الملاحظات

البحث في منتـديـات تحــدي الإعـاقـه
     

Untitled 3


جديد قسم التوحــــد العام

إضافة رد
 
أدوات الموضوع انواع عرض الموضوع
قديم 07-12-2009, 07:27 PM رقم المشاركة : 1
معلومات العضو


الصورة الرمزية أختكم فى الله

إحصائية العضو
:
 تاريخ التسجيل : 6-5-2009
 رقم العضويـة : 6249
 نوع الإعاقة : أسأل الله لها الشفاء هى وكل أبنائنا
 المهنة : ليسانس ألسن وربة منزل
 الجنس : انثى
 الجنسية : مصرية
 الإقامة : مصر
 مجموع المشاركات : 312
 بمعدل : 0.15 في اليوم
 آخر زيارة : 26-11-2014 (09:44 PM)
 معدل التقييم : 10
حالة المزاج اليوم
10  
أختكم فى الله غير متواجد حالياً
المنتدى : قسم التوحــــد العام"> قسم التوحــــد العام
تشخيص الدكتورة منال عمر لحالة بنتى ....... .







[align=right]السلام عليكم ورحمة الله وبركاته
أنا زرت الدكتورة منال عمر يوم الجمعة إللى فاتت .. وهقولكم إن شاء الله ملخص الزيارة بشئ من التفصيل ومستغناش طبعا عن آراءكم كلكم زى ما إتعودت منكم

أول شئ حصل عند دخولنا للدكتورة هو تواصل بصرى بينها وبين حبيبة مع حوار طبعا غير مفهوم من حبيبة موجه للدكتورة .. والدكتورة طبعا كانت بتضحك وتحاول تترجم كلامها وتحسسها إنها فهماها ولما الدكتورة تسكت حبيبة تتكلم تانى والدكتورة ترد عليها وتضحكلها الوضع ده إستمر حوالى 5 دقائق

وأول شئ إتكلمنا فيه هو تأخر المشى عندها بدون أى أسباب عضوية مع إنها بتعرف تمشى لوحدها بس دايما تحب تعتمد على أى شخص فى المشى أو تسند على الحائط أو الكنب .. إنما ممكن تمشى لوحدها بدون مساعدة على هيئة لعب مع الأم أو الأب وهى حاليا عندها سنتين.. وكمان عرضنا عليها أشعة المخ ورسم المخ

وطلبت مننا نسيب حبيبة على الأرض وبدأت تحدف لها مكعبات وألعاب من على المكتب وحبيبة تمسك كل لعبة تقع جمبها وتلعب بيهم بأى طريقة ولكن كان نظرها ملتفت لأى لعبة تحدفهالها الدكتورة او أى كلمة توجهلها الدكتورة كانت تقابلها بتواصل بصرى وكلام غير مفهوم

بعد كدة بدأت أنا بالكلام عن أعراض التوحد إللى عندها .. زى عدم الأستجابة للنداء وعدم الإشارة والعصبية ... وسألتنى الدكتورة عن اللغة .. قولتلها حصيلتها اللغوية حاليا حوالى 70 كلمة ما شاء الله وتوظيفها ليها عبارة عن إنها لما تشوف الشئ تقول إسمه إنما مش بتعبر عن نفسها باللغة وكمان الأغلب الجمل والحوارات الغير مفهومة اما تعبيرها عن نفسها غالبا بيكون بالبكاء أو الضحك أو الحركات .. وفهمها للغة عبارة عن فهم بعض الأوامر المكونة من كلمة أو كلمتين حوالى 10 أوامر بالشكل ده أما باقى الكلام غير مفهوم وملوش ردة فعل بالنسبالها
وكمان عندها نقص فى مهارات كتير بالمقارنة بإللى فى سنها

وكمان قولتلها إنها بتخاف من أشياء تافهة جدااا زى إهتزاز الأشياء وكمان البلكونات وبعض الأماكن المرتفعة وكمان لو حملها أى شخص لابس كاب على رأسه أو إقترب منها بتخاف منه جدااا

ومترددة فى لمس الأشياء ولكن بتتطور فى لمس الأشياء كل فترة
وبحس على طول إنها بتقدر تعمل أشياء كتير بس بترفض تعملها

سألتنى عن التقليد .. قولتلها بتقلدنا فى أشياء كتير زى الصلاة وحركات الجسم والأصوات وكمان بعض أصوات المكينات والحيوانات وكمان بتقلد طرق لعبنا معاها ولو حابة إننا نلعب معاها بتبدأ أحيانا هى باللعب عن طريق القرب مننا وتقليد طريقة اللعب وتضحكلنا علشان نلعب معاها

إجتماعيا متوسطة أحيانا بتكون إجتماعية جدااا وأحيانا بتكون رافضة بعض الأشخاص وغالبا بيكون غريب عنها .. إنما بتفرق بين الأغراب والأقرباء وعلاقتها بالأقرباء مستقرة الحمد لله إنما بالأغراب غير متوقعة

تواصلها البصرى طبيعى .. ونومها وأكلها طبيعيين وإحساسها بالألم طبيعى .. وكمان مش بتحب العزلة ولا الروتين بالعكس لما بنغيرلها الروتين أو نذهب لمكان جديد بتكون فى أحسن حال وغير عدوانية
ونظرها بيلتفت بسهولة لأى صوت او ضوء أو شخص

أثناء الكلام ده كله كانت حبيبة تحت المكتب بتاع الدكتورة وبتبص للدكتورة من فاتحة داخل المكتب والدكتورة تخبطلها على المكتب وحبيبة تخبط للدكتورة وكمان كانت الدكتورة بتناولها بعض اللعب من خلال فتحة المكتب وحبيبة تأخدها ومبسوطة .. ولو الدكتورة إتكلمت معانا شوية ونسيت حبيبة .. حبيبة تروح وتبصلها من الفاتحة تانى علشان الدكتورة تلاعبها

بعد بقى ما خلصت كلام
الدكتورة قالت نيجى للتشخيص
تأخر المشى ده بسبب (بصراحة كانت بتتكلم مع زوجى بالإنجليزى كتير لأنه دكتور وكان فاهم ) إللى انا فهمتوا بعد كدة إنها عندها منطقة الأحاسيس إللى تقريبا بتكون فى المخيخ فيها مشكلة كبيرة جداا وهى إن إحساسها بالفراغ مش مظبوط يعنى ممكن تشوف الأماكن الواسعة أو العميقة بشئ مبالغ فيه أو بنظرة أعمق يعنى ممكن العلبة العادية بالنسبالها تشوفها عميقة جدااا لدرجة إنها بتخاف تدخل إيديها فيه والبلكون ممكن تشوفها شئ رهيب وأشياء من دى كتير بصراحة أنا فاهمة بس مش قادرة أشرح كويس ... بس هى شبهت حالتها زى مثلا الناس إللى بيحصلهم دوار لما بيركبوا مركب أو فى الأدوار العالية وعلشان كدة هى تقدر تمشى بس بتفضل تمشى على الأربع أطراف علشان تحافظ على توازنها وعلشان كدة تقديرها لبعض الأمور بيكون غلط فده عامل معاها مشاكل كتيروقالتلى بعض الطرق لعلاج المشكلة دى أعملهالها فى البيت


ثانيا هى عندها تأخر لغوى واضح ومحتاجة نعمل مقياس سمع لأنها ممكن يكون عندها مشكلة فى سماع الجمل المركبة وده إللى بيخليها تتكلم كدة لأنها ممكن تكون سمعانا بنتكلم كدة .. قولتلها بس هى بتسمع كويس يا دكتورة .. قالتلى ممكن تكون بتسمع الأصوات والكلمات الملحنة أو المكررة كويس إنما المشكلة فى الجمل
ومدحت جدااا فى طريقتى فى تعليمها الكلمات عن طريق الفيديو وقالت عليا موهوبة وعندى قدرة على الإبتكارتشخيص الدكتورة منال لحالة بنتىتشخيص الدكتورة منال لحالة بنتى وشجعتنى إنى أستمر معاها كدة لو ملاقيتش مركز تخاطب كويس وقالتلى على بعض الأفكار

سألتها طبعا عن التوحد ... قالتلى وبمنتهى الثقة ( معندهاش طبعا ) انا إستغربت جداااا لأنى طول الفترة دى كنت فاكراها مقتنعة إن عندها توحد بس بتوصفلنا كل مشكلة على حدة
بقولها إزاى يا دكتوره معندهاش .. قالتلى دى بنتك صاحبتنى فى 5 دقائق وبتلعب معايا وبتقلدنى وبتتفاعل معايا معندهاش طبعا توحد

فقولتلها طيب الأعراض إللى عندها دى مش أعراض توحد .. قالتلى أعراض توحد وأعراض أمراض تانية كتير مش توحد بس

أخوية وزوجى شروحولى النقطة دى بعدين وقالولى .. إنهم أثناء دراسة الطب .. لما بيدرسوا أعراض أى مرض كانوا بيقولولهم الأمراض المشترك فيها الأعراض دى ولكن علشان يكونوا أكثر تحديدا بيقولولهم على بعض الأعراض أو الصفات إللى لو وجدوها فى المريض يستبعدوا بيها أحد الأمراض دى
وده إللى الدكتورة عملته

وانا إللى شوفته إن الدكتورة شايفة كل مشكلة عند بنتى على حدة ورافضة تحطهم تحت عنوان التوحد .. أنا عن نفسى شايفة إن التشخيص فى الحالة دى مش هيفرق أوى بما إننا هنقوم بعلاج الأعراض والمشاكل إللى عندها إن شاء الله بنفس الطريقة يعنى تخاطب وتعديل سلوك وتنمية مهارات وكمان الدكتورة مهونتش من المشاكل دى ولا تجاهلتها

وطلبنا من الدكتورة الإستمرار فى المتابعة عندها وكمان التدريب عندها فعطيتنا رقم الدكتورة إللى بتتعامل معاها فى تعديل السلوك وتنمية المهارات علشان نتفق معاها على جلسة مكثفة مدتها 3 ساعات كل شهرين والدكتورة بعد كدة تقولى أعمل معاها إيه فى البيت

بصراحة انا شايفة إن الدكتورة دى منتهى الأخلاق ومعندهاش إستغلال أبدا للأهل زى معظم الدكاترة فى المجال ده وانا مستريحالها جدا
طبعا ممكن البعض منكم يشوف إنى عايزة أقتنع بتشخيصها لأنه على هوايا مش لأنه ممكن يكون صحيح .. فأنا حابة أعرض عليكم أراء بعض الأعضاء هنا فى المنتدى عن حالة بنتى فى الفترة الماضية كمثال

علوش

عزيزتي .. عندي شعور قوي إن إبنتك لا تعاني من اي شيء .. هناك كثير من كلامك مطمئن جدا .. أهمها إنها تتعلم بسرعة و إنها توظف بعض الكلمات بشكل صحيح .. و إنه تبدي إهتمام بالاطفال ولو إنك ترينه بسيط .. إبني كان يغضب من وجود أطفال حولة .. تقلد و تلعب بالدمية و تتخيل إنها تكلمها أطفال المرضى بالتوحد لا يتخيلون و لا يقلدون

شاطئ الأمل
أختكم في الله كيفك أن شاء الله تكو ني بخير اريد ان اسألك هل اكدو لكي ان ابنتك لديها توحد وهل عملو لها مقياس وهل الدكتورالذي ذهبتي بابنتك له وقال ان لديها توحد دكتور ممتاز؟ ارجو الأجابه لأنه من كلامك لم يتضح لدي إي علامات التوحد فالطفلة اجتماعية لديها تواصل بصري جيد حتى اللغة اعتبرها مناسبه إلى حدما وحتى وأن كان لديها تأخر فهو ليس دليل قطعي أومعيار على أن لديه توحد ارجو الرد؟
شاطئ الأمل
اختي كيفك لا بد لكي من زيارة طبيب أخر ولكن أنا متفائله جداَ لانه مر علينا في المراكز مثل حالات بنت واتضح فيما بعد انها طبيعية ولكن لا أجزم لك لا بد لك من زيارة الطبيب واتمنى ان نسمع اخبار سعيده عموما أختي خبرينا عن النتائج .
اتمنى الشفاء العاجل لأبنتك

قلبى ضاع معك
منكلامك عن ابنتك انا اشوف انها طبيعية وعندها تأخر بسيط جدااااااا ... ولكن مع علاجها السلوكي وتعزيز مهاراتها ممكن انها تتطور وتصبح طبيعية جداااااا .

محمد عنتر

.الاضطراب في الحركة ليس من اعراض التوحد سواء كان توازن الجسم ام تأخر في الوقوف مثل ابنتك
بالنسبة للقدرات التي ذكرتيها من ان ابنتك تستطيع ان تقلد وتواصلها البصري جيد وانها اجتماعيا احيانا فكلها قدرات تبشر بان ابنتك ليست توحدية


وأغلب باقى الأعضاء كانوا بيقولولى إنها إن شاء الله هيكون عندها توحد بسيط أو سمات فقط


قولولى إنتوا بقى رأيكم ... هل أقتنع بأراء أهل الخبرة وكمان الدكتورة المتخصصة وكمان إحساسى الشخصى ببنتى وأقفل بقى صفحة التشخيص دى من حياتى وأبدأ فى التركيز على العلاج .. وطبعا إن شاء الله هعمل مقياس السمع وكمان هسعى بإذن الله لعمل تحليل الكازين والجلوتين لزيادة الإطمئنان

معلش طولت عليكم كالعادة بس منتظرة آراءكم بفارغ الصبر [/align]

jaodw hg];j,vm lkhg ulv gphgm fkjn >>>>>>> >










من مواضيع أختكم فى الله في المنتدى

رد مع اقتباس
قديم 07-12-2009, 07:39 PM رقم المشاركة : 2
معلومات العضو


الصورة الرمزية جريحة الزمان

إحصائية العضو
:
 تاريخ التسجيل : 17-2-2009
 رقم العضويـة : 4723
 نوع الإعاقة : لا يوجد
 المهنة : طالبة علم
 الجنس : انثى
 الجنسية : عمااااااااااااااااااااااااااانية
 الإقامة : بهلاااااااااااااااااااااااااااااء
 مجموع المشاركات : 43
 بمعدل : 0.02 في اليوم
 آخر زيارة : 05-07-2010 (03:36 PM)
 معدل التقييم : 10
حالة المزاج اليوم
10  
جريحة الزمان غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





بصرااااااااااحة افضل حاااجة أنا شيفاها ليكي
تحاااولي تستمري معاها وتمشي على كلااام الدكتورة ....

ده هيسعدك كتير ف العلاج وهتلاقي نتيجة كويسة منه ان شاااء الله

بتكلم مصري لأن عرقي مصري...

بس أنا من عماااان وعمااانية

لا تستغربي...


أختك:
جريحة الزمان










من مواضيع جريحة الزمان في المنتدى


التوقيع

لا تسألوني من أناااااا...
من كنت ومن أكوووون.....

الجريحة

رد مع اقتباس
قديم 07-12-2009, 11:19 PM رقم المشاركة : 3
معلومات العضو


الصورة الرمزية أختكم فى الله

إحصائية العضو
:
 تاريخ التسجيل : 6-5-2009
 رقم العضويـة : 6249
 نوع الإعاقة : أسأل الله لها الشفاء هى وكل أبنائنا
 المهنة : ليسانس ألسن وربة منزل
 الجنس : انثى
 الجنسية : مصرية
 الإقامة : مصر
 مجموع المشاركات : 312
 بمعدل : 0.15 في اليوم
 آخر زيارة : 26-11-2014 (09:44 PM)
 معدل التقييم : 10
حالة المزاج اليوم
10  
أختكم فى الله غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





شكرا أختى جريحة الزمان جزاكى الله كل خير


بس مقعول العدد ده يقرأ الموضوع ومشوفش منهم ولا رد .. أنا متعودتش منكم على كدة










من مواضيع أختكم فى الله في المنتدى

رد مع اقتباس
قديم 07-12-2009, 11:31 PM رقم المشاركة : 4
معلومات العضو


الصورة الرمزية جوليا

إحصائية العضو
:
 تاريخ التسجيل : 9-2-2009
 رقم العضويـة : 4557
 نوع الإعاقة : لايوجد
 الجنس : انثى
 الجنسية : سعودية
 الإقامة : جده
 مجموع المشاركات : 854
 بمعدل : 0.40 في اليوم
 آخر زيارة : 08-11-2014 (01:29 AM)
 معدل التقييم : 11
حالة المزاج اليوم
11  
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





الحمد لله أختي أنك وجدتي الطبيبة اللي تقتنعي برأيها و تشرح لك حالة بنتك بالتفصيل ده .. أنا لو مكانك أصدق كلامها جدا فعلا بنتك بالرغم من وجود أعراض توحد لديها إلا أن لديها تصرفات تنفي هذا المرض عنها فالمفروض تحل مشكلاتها بجلسات التخاطب و تعديل السلوك لكن من غير المنصف أن نقول أنها توحدية ..
بإذن الله أنت في الطريق الصحيح ربنا مايضيع لك تعب وتصلي بها لبر الأمان و تشوفيها أحلى عروسة










من مواضيع جوليا في المنتدى

رد مع اقتباس
قديم 08-12-2009, 12:25 AM رقم المشاركة : 5
معلومات العضو


إحصائية العضو
:
 تاريخ التسجيل : 5-12-2009
 رقم العضويـة : 8848
 نوع الإعاقة : لا يوجد
 المهنة : أخصائي تحاليل طبيه
 الجنس : انثى
 الجنسية : ام الدنيا
 الإقامة : الفيوم
 مجموع المشاركات : 444
 بمعدل : 0.24 في اليوم
 آخر زيارة : 11-04-2011 (01:10 AM)
 معدل التقييم : 10
حالة المزاج اليوم
10  
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





الام الكريمة اختكم في الله تحية طيبة وبعد
كما قلت لك سابقا فان ابنتك الغالية لا تعاني من اضطراب التوحد لان امتلاكها للقدرات والمهارات الاجتماعية والقدرة على التقليد واللعب وتوظيف اللغة (ما شاء الله) كلها مهارات تبشر بان ابنتك لا تعاني التوحد وانا مع باقي الاعضاء في ضرورة الاستمرار مع الدكتورة وتنفيذ البرنامج معها واستيفاء كل التحاليل والاختبارات التي تطلبها وان شاء الله تجتازي مرحلة التشخيص والحيرة التي يصاب بها اولياء الامور من جراء هذة المرحلة وتركزي اكثر في البدء في تدريب ابنتك الغالية على اكتساب المهارات المفقودة او تنمية مهارت جديدة مع تكثيف الخبراات الايجابية والاجتهاد على ابنتك واستغلال الوقت للعمل مبكرا ...
تقبلي تحياتي وسلام الله عليك ورحمته وبركاته










من مواضيع د عزيزة عنتر في المنتدى


التوقيع

رد مع اقتباس
قديم 08-12-2009, 12:34 AM رقم المشاركة : 6
معلومات العضو


إحصائية العضو
:
 تاريخ التسجيل : 12-9-2009
 رقم العضويـة : 7726
 نوع الإعاقة : لايوجد
 الجنس : انثى
 الجنسية : الكويت
 مجموع المشاركات : 203
 بمعدل : 0.11 في اليوم
 آخر زيارة : 08-02-2011 (05:54 PM)
 معدل التقييم : 10
حالة المزاج اليوم
10  
خشوشه غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





الحمد الله شدي حيلك مع ابنتك الله يسهل ويعجل شفاها










من مواضيع خشوشه في المنتدى

رد مع اقتباس
قديم 08-12-2009, 12:57 AM رقم المشاركة : 7
معلومات العضو


الصورة الرمزية أختكم فى الله

إحصائية العضو
:
 تاريخ التسجيل : 6-5-2009
 رقم العضويـة : 6249
 نوع الإعاقة : أسأل الله لها الشفاء هى وكل أبنائنا
 المهنة : ليسانس ألسن وربة منزل
 الجنس : انثى
 الجنسية : مصرية
 الإقامة : مصر
 مجموع المشاركات : 312
 بمعدل : 0.15 في اليوم
 آخر زيارة : 26-11-2014 (09:44 PM)
 معدل التقييم : 10
حالة المزاج اليوم
10  
أختكم فى الله غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





السلام عليكم ورحمة الله وبركاته
جزاكم الله كل خير أختى جوليا و د عزيزة عنتر و خشوشة رأيكم فرق معايا كتير وربنا يفرح الجميع قريبا بشفاء أبناءهم ويهون علينا الطريق ونصل لبر الأمان كلنا إن شاء الله










من مواضيع أختكم فى الله في المنتدى

رد مع اقتباس
قديم 08-12-2009, 08:11 AM رقم المشاركة : 8
معلومات العضو


الصورة الرمزية توحدية

إحصائية العضو
:
 تاريخ التسجيل : 3-10-2008
 رقم العضويـة : 3023
 نوع الإعاقة : توحد
 المهنة : مهندسة
 الجنس : انثى
 الجنسية : مصرية
 الإقامة : اسكندرية
 مجموع المشاركات : 658
 بمعدل : 0.29 في اليوم
 آخر زيارة : 11-06-2014 (10:51 PM)
 معدل التقييم : 10
حالة المزاج اليوم
10  
توحدية غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





الطريقة اللي تعاملت بها حبيبة مع د منال
لازم تجعلها تقول انها ليس عندها توحد
كده يطمئنك ويعطيكي قوة للاستمرار في تدريب البنت
وعالجي كل مشكله على حدي وان شاء الله موفقة
موضوع المشي ده كان عند بنتي بس مع تقدم النمو تلاشي
بس برضوا نفذي تعليمات الطبيبه في هذا الموضوع
موفقة










من مواضيع توحدية في المنتدى

رد مع اقتباس
قديم 08-12-2009, 11:15 AM رقم المشاركة : 9
معلومات العضو
مستشارة قسم التوحد

إحصائية العضو
:
 تاريخ التسجيل : 21-11-2008
 رقم العضويـة : 3461
 نوع الإعاقة : أم لطفل مصاب بالتوحد
 تاريخ ميلاد طفلي : 14/4/2003
 المهنة : ربة منزل
 الجنس : انثى
 الجنسية : سورية
 الإقامة : أبوظبي - الإمارات
 مجموع المشاركات : 5,799
 بمعدل : 2.61 في اليوم
 آخر زيارة : يوم أمس (10:55 PM)
 معدل التقييم : 63
حالة المزاج اليوم
63  
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





تتشابه الكثير من أعراض التوحد مع أعراض أمراض أخرى
إلا أن التوحد الجديد المنتشر حاليا (والذي قد لا يكون توحدا في الأصل) فيه الكثير من الأعراض الغريبة على التوحد الكلاسيكي
محمد ابني شخصته الدكتورة عبير عوض بالتوحد المتوسط إلى الشديد، ولم تستغرب مطلقا وجود تأخر حركي عنده
ابني مشى في عمر سنتين و3 أشهر وكان في الشهور الأخيرة قبل المشي يعرف كيف يمشي بالتأكيد لكنه خائف جدا وخصوصا مع وجود ضعف واضح في كل عضلاته!
لحد اليوم ما زال محمد يخاف من بعض الألعاب التي في حركات قد تخل بالتوازن مثل الأرجوحة، كما أن لديه حساسيات سمعية وبصرية ولمسية أيضا

لكن يبدو أن ابنتك أختي العزيزة تواصلها جيد جدا مقارنة بأي طفل مصاب بالتوحد، ويبدو أن المشاكل لديها في الحواس أكثر. ومن المهم جدا عمل اختبار السمع لكل طفل عنده تأخر مهما كان نوع التأخر. لكن قد لا تظهر المشكلة الحقيقية في السمع من خلال الفحص. فقد عملت فحص سمع لابني وقالت الدكتورة أن يسمع كل شيء حتى دبيب النمل!!!! لكن مازال يتضايق من بعض الأصوات غير المزعجة وكذلك يضع يديه على أذنيه في أوقات عديدة!!!

الخلاصة
كلام الدكتورة منال مقنع جدا. وقد تحتاج ابنتك بعد اكتمال الفحوص إلى تدريب تكامل حسي فقط. وذلك لتدريبها على التعامل الصحيح مع الحواس المختلفة. والله ييسر لك وتشوفيها في أحسن حال.










من مواضيع ريم أحمد في المنتدى

رد مع اقتباس
قديم 08-12-2009, 01:27 PM رقم المشاركة : 10
معلومات العضو


الصورة الرمزية رحيمو

إحصائية العضو
:
 تاريخ التسجيل : 30-10-2009
 رقم العضويـة : 8341
 نوع الإعاقة : توحد
 الجنس : انثى
 الجنسية : مغربية
 مجموع المشاركات : 251
 بمعدل : 0.13 في اليوم
 آخر زيارة : 03-06-2014 (01:51 PM)
 معدل التقييم : 11
حالة المزاج اليوم
11  
رحيمو غير متواجد حالياً
كاتب الموضوع : أختكم فى الله المنتدى : قسم التوحــــد العام"> قسم التوحــــد العام
رد: تشخيص الدكتورة منال عمر لحالة بنتى ....... .





السلام عليكم،
أول مرة استشرت فيها بشأن ابني قالت لي المحللة النفسية ابنك ليس توحدي ولا متأخر ذهنيا، لماذا قالت هذا؟ لأنه تجاوب معها وأعطته بازلات لأول مرة يراها وقام بها في وقت قياسي، وعندما كانت تكلمه ينظر في عينيها ويبتسم ابتسامات خجولة.. قالت لي التوحدي لا يتواصل وابنك يتواصل لكوني أخبرتها أنه يطلب احتياجاته الأولية (أكا شرب، حمام، خروج....) خلصت في الأخير إلى أنه يعاني من تأخربسيط للغة مع بعض سمات توحد ويحتاج إلى تحفيزه على الكلام وجلسات تخاطب.. خرجت من عندها فرحة وإن كان هاتف داخلي يحدثني بأن ما يعاني منه ابني قد يكون أعقد مما ظنت الأخصائية.
كان عمره أنذاك ثلاث سنوات ونصف ولا يرد على النداء رغم أنه يسمع، فهمت فيما بعد أنه لا يجيب لأنه لا يعرف وعندما بدأت أفهمه أن عليه أن يقول نعم بدأ يقولها، كان لا يستعمل لفظة أنا، (كان يقول هذا لمحمد) كان يلخبط في الضمائر، كان لا يحكي أي شيء عما حدث معه، كان في أحايين كثيرة يعبر عن رغباته بالصراخ ...
بعد مرور ما يقارب السنة اهتدت أخيرا إلى أنه توحدي.. بعدما رأت من عدم تطور لغته..
لحد الساعة لم أخضعه إلى أي تشخيص للتوحد ولا زرت طبيب نفسي.. لأن ما يهمني أن لديه صعوبات في التعلم والتعبير ومهما كانت التسمية فالطرق العلاجية واحدة..
هو الأن يتبع بروتوكول الدان وسأخضعه إن شاء الله لبرنامج الغذاء الميزان.. ويفعل الله ما يشاء
عزيزتي ابنتك لازالت في سن صغيرة ومبادرتك بتنمية مهاراتها سيكون له الفضل الكبير عليها فركزي مجهوداتك على ذلك وإن شاء الله ستكون بخير










من مواضيع رحيمو في المنتدى

رد مع اقتباس
إضافة رد
مركز تحميل الصور والملفات بمختلف انواعها



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لقاء هام مع الدكتورة منال عمر فى حلقه امس من العاشره مساء ام شريف قسم التوحــــد العام 32 11-04-2011 03:14 PM
مطلوب تشخيص لحالة ابنتي أبوزياد قسم التوحــــد العام 2 12-07-2010 11:04 AM
هل الحجامة مفيد لحالة ابنى ابنى الحبيب استشارات الحجامه والابر الصينيه 1 19-08-2009 01:13 AM
قصة معاناة لحالة مصابة التوحد زيزي قسم التوحــــد العام 10 20-02-2009 10:41 PM

اعلانات نصيه
دليل شات عمان دزاير نت شات
نجمة الخليج جزيرة مصيره لأجلك محمد شبكة المسك
تقنيات المكفوفين منتدى مغاربي جمعية الياسمين مكتبة النور

منتـديـات تحــدي الإعـاقـه .. السنة الثامنة، اليوم 307


الساعة الآن 07:08 PM.
مختارات الصخور تسد الطريق امام الضعفاء اما الاقوياء فيستندون عليها للوصول الي القمه


.Powered by vBulletin® Copyright ©2000 - 2014, Jelsoft Enterprises Ltd
adv helm by : llssll
Ads Organizer 3.0.3 by Analytics - Distance Education

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى