الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

الطمع عند الأطفال؟ بمفهوم جديد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    الطمع عند الأطفال؟ بمفهوم جديد

    تابع للآخر (واصبر المقال طويل حبتين)
    ...................
    السلام عليكم ورحمه الله وبركاتة
    النهارده يوم مرهق جدا, من زمان وانا نفسى أكتب المقاله دى
    تقريبا نفس السؤال بيصم أذنى كل مره؟ إبنى .................
    تعالوا نكمل المقال للآخر :-
    فى رمضان السنه دى كنا معزومين وطبعا العزومه بتبقى غالبا فيها كل الملذات ( انا ضد العزومات او فكره الملذات فى رمضان )المهم طبعاصديقى معاه طفل صغير حلو وجميل وشطور,وإحنا بناكل المفترض كل واحد قدامه طبق خاص بيه لكن إبنه كان غالبا نظره عينه بتوحى انه بيبص لغيره ,المهم خلصنا أكل وجينا نوزع العصير او البيبسى مش فاكر(انا ضد البيبسى نهائى ,والعصير بعد الاكل او الفاكهه بعد الاكل),ظهرت المشكله هنا الطفل وإحنا بنوزع أخد أكبر كوبايه من الصنيه , الاب طبعا من طبعه الهدوء بس إضايق وقعد يقول مش عارف أعمل أى عاوز ياخد كل حاجه , لازم ياخد أكبر حاجه , طببيعته كده ول أى انا زهقت متفيدنا ياعم أحمد بهزار ,ههههههههههههه, المهم الواحد كان جايب آخره والمعده محطمه الجوانب والمعدات شغاله جوه بكل طاقتها ,وخصوصا لما تشرب مايه كتير وعشان تبتدى تفكر وتتناقش هيستهلك بنزين على الفاضى (أنا مؤمن بمقوله أن طول ما المعده فاضيه الدماغ شغال ميه ميه )
    فقلتله خلينا بعد التراويح لانى مفيش نفس , طبعا اتكلمنا كتير انا وهوه واتناقشنا .
    الملخص بقه عشان منحرقشى كمان هنا طاقه أكتر. وسواء إختلفنا أو إتفقنا أو ملقتشى حاجه تنطبق على إبنك ,فخليك فاكر اننا بنتناقش فى مشاكل سلوكيه ليها جذور ربما لما يتطرق اليها اى أحد
    أسباب ظهور الطمع:
    1- بابا وماما او قريبى او عمر او خالى عمل كده أو كان بيعمل كده قدام الطفل
    2- بابا وماما أو جدو موفرلى كل حاجه
    3- لما أطلب حاجه فى ثوانى بتكون موجوده
    4- لمااكون فى الشارع بروح السوبر ماركت أخد كل حاجه
    5- بابا وماما مدلعنى أوى
    6- مفيش عقاب (ممنوع الضرب والصوت العالى)
    7- إستعطاف الطفل للأم (يعنى بيبتزها عاطفيا )
    8- إنفصال الوالدين ورغبه كل طرف فى إعطاء وكسب الود لدى الطفل
    9- مفهوم الملكيه والأستئذان لم ينمو لدى الطفل
    حته جديده كليا (أنا لى تفسير خاص بيه بالذات فى مشكله الاكل وهى ان الطفل لا يستطيع التحكم فى مناطق الاشباع الخاصه فى المخ وبالتالى لا يوجد لديه حد من الأمتناع عن الطعام فكلما رأى الطعام يجرى بسرعه عليه ليس رغبه فى الجوع ولكن رغبه فى إشباع الرغبه فى إمتلاك شىء لم يكن له خصوصا اذا لم يكن الطفل مدرب على مفهوم الملكيه ومفهوم حاجه الغير)
    علاج مقترح لحل مشكله الطمع لدى الطفل :-
    1- لو كبير نتكلم معاه بأسلوب راقى
    2- لو صغير لازم ندربه على مفهوم الاستئذان وبعدين مفهوم الملكيه
    3- لازم يتعود على التصدق بمبلغ بسيط
    4- لازم نكسر شهوه الطمع من خلال تعويد الطفل على مشاركه الغير لحاجاته
    5- لازم لازم نرفض طلبات الطفل الزائده
    6- نحدد للطفل الحاجات الى هنجيبها وإحنا خارجين فقط
    7- مش مهم لو عيط متبصيش للناس ركزى مع إبنك
    8- لازم ولازم ولازم نعالج المشكله السلبيه بمدعم إيجابى (يعنى الطمع ميتعالجشى بالضرب ,لازم نجيب حل إيجابى )
    9- لو إبنك نفذ الى فى دماغه وظهر الطمع فى اى موقف زى الأكل بشراهه ,سيبيه يخلص الاول أو شراء إحتياجات من السوبر ماركت بصوره مفرطه نحاول نصحح الخطأ بطريقه حلوه
    10- لازم نقسم حاجات الطفل الكتير على مهمات صغيره عشان يتعود الاشباع على فترات ,لأن الأشباع الكلى بيسبب رغبه فى طرح المزيد من الاشياء للطفل,يعنى لو هناكل شيبسى يبقه ناكل على مرتين او 3 مرات (أنا ضد الشيبسى )
    11- لازم نشارك الغير فى الحاجات بتاعتنا الشيبسى(أنا ضد الشيبسى كمان مره ) مثلا ناكل كلنا من كيس واحد
    12- وإحنا بنلعب بالعابنا او بالعاب غيرنا لازم نحدد وقت وأيام محدد
    13- نصيحه ليكى ياست الكل كونى هادئه جدا صبورة التربيه صعبه
    انا بجد سعيد بكل أم وأب بيحاول يربى أطفاله أحسن تربيه وكل الشكر للناس الى طلبت منى المزيد وإهداء خاص جدا للشخصيه الخلوقه الى طلبت منى حل للمشكله دى
    مركز إبنى
    تميز- رقى – إنسانيه
    BY:-Ahmed El Saidy
    [CENTERتربيه"Blue"]أخصائى نفسى تربوى[/COLOR][/B][/CENTER]
Loading...


يعمل...
X