مقالى عن المقارنه

[دكتوراحمد]

أنا أخترت صور البوست ده بعنايه (بحب الرياضه شايفين الأخ أبو عضلات )
صباح السعاده والرضى من ملك الملوك
كل يوم بيجيلى رسايل بالكبشه (تعبير عن الكثره )
وفى كل مره بحاول أرد على شويه منهم بس بلاقى أن ولى الأمر عايز حل لأابنه فقط وميعرفشى أن لكل طفل فروق فرديه
والموضوع ومافيه يا اخواننا أن أى حد بيجى تقييم (زى الكشف كده ) بلاحظ ان دايما بيقارن أطفاله
أفتكر أن الموضوع ده حصل معايا وأنا صغير ( خبره سابقه )
وعلى فكره الخبرات السلبيه الى الطفل بيمر بيها بتستمر معاه طول حياته
وبيكون ليها تأثير سلبى ( انا محطم نفسيا ههههههههه )
لا بجد فعلا الموضوع مش بيتنسى
عشان كده المقارنه بين الأطفال ليها دواعى أمنيه (أى الكلام الكبير الى بقوله ده )
طيب خلينا نوضح مخاطر المشكله الخطيره دى
1- هتخلى إبنك متدهور التفكير
2- هتخلى إبنك بيحس أنه أقل من غيره
3- بتدمر الثقه بالنفس
4- مفيش طموح نهائى
5- الغيره المرضيه (فى غيره غير مرضيه على فكره هنتكلم عنها )
6- الموهبه باى باى (هتضيع)
7- أنته نفسك عزيزى المقارن (الى بيقارن يعنى ) هتلاقى نفسك بتقلل منقيمه إبنك
الحلول المقترحه لمشكله المقارنه بين الاطفال
1- كسب ثقه الطفل
2- بلاش تلحى على الطفل فى طلباتك
3- مساعدته فى المهمات الى أول مره يعملها
4- التشجيع التشجيع التشجي التشج التش الت ال بصورة مستمره
5- خلى بالك أعرف إبنك بيحب أى (طب ازاى ؟ أنته بتسألنى أنا )
6- خلى يقرر هو عايز أى
7- أمدحه يازيدى ( عشان خاطرى أمدحه خلى لسانك ينقط عثل )
8- لازم نتناقش مع الطفل ف رغباته ( لى عاوز دى لى رفضت دى
9- ممكن طلب أخير (نبطل التسلط على الطفل
.............
أنا واثق أنى فى ناس هتعمل بكل ده
وانا مش عايز لأيك ولا أى حاجه (متصدقنيش شير فى الخير وأعمل لايك بس أدعيلى بردوه )
انا لما بكتب اى كلام بكتبه وانا حاسس بيه من قلبى من جوه أعماقه العميقه الدفينه لأنى حاسس بيه
انا كمان الى هنشر المنشور ده بأيدى على الصفحه بتاعت المركز ودا إنجاز
وبشكر مس أسماء على مجهودها بجد فى الصفحه هنا ( AsMaa Ali)
تحياتى للناس المحترمه الى بتحاول وهتحاول تربى صح
مع تحياتى مركز إبنى
تميز - رقى - إنسانيه
عمو أحمد خال العيال
BY:- Ahmed El Saidy