تجمع امهات المغرب

[اهل الجنة]

رد: تجمع امهات المغرب

والله طمنتيني على هدا الجواب. واهلا باهل طنجة وبرشيد.واشكرك جزيل الشكر ساصلي صلاة الاستخارة واتوكل على الله

[الامل مستمر]

رد: تجمع امهات المغرب

والله ماباقي كنعس الامهات كنبات كنفكر لمهم انا غنعاود ليكوم و نتوما حكمو
ولدي عندو 2 سنوات و نص يالاه تيكول ماما بابا و شي كليمات قلال و مكاملينش و مامفهوومينش تايحماق علا التلفازا و فاش كيكون الاشهار كيبدا يحنقز و يقول معاهم شي حرووف لموهم لموشكل هو ملي كنعيت ليه بسميتو مكيدورش عندي غير مرا مرا
شكيت فالسمع ديتو عند الطبيب دييال لودنين و قال لييا السمع مزييان
سافي وانا نبدا نشك فالاسوا يعني التوحد ولكن هو:
*عزيزا عليه انا و باباه ملي كيشوفنا جينا كايعنقنا و جي يجري عندنا
*عزيز عليه يلعب معاه باباه غير كيدخل و كيبدا يجبدو يلعب معاه واحسن لعبه عندو هي يجري عليه و هو يبقا هارب
* مكيدير حتا شي حركه متكرره
* كيتعصب شيشويا و لكن بحال كاع دراري
* فاش كنبغي نهدر معاه و لا نعود ليه شي حاجا كيبقا يتبربز و يهرب يتفرج ولا يلعب
* يلا بان ليه شي وليد ف تلفازا كيجي يقول لييا موومو وحتا يلا شاف تصويرتو كيقول ليا مومو
* عزيزا عليه زنقا بزاف
كندل غير انا ويياه ف دار مازال مكيمشي ل روض
اش بان ليكم علاش مكيتكلمش لسميتو راه ماباقي فهمت والو

[ام جابر]

رد: تجمع امهات المغرب

انا يا الامل مستمر
كبلي انا ولدك فيه طيف توحد شمن مدين نتي بش لكنتي قريب علي نقليق طبيب يشخصلك لحال دولدك و ميكون غير لخير وشك لي عندق متحوليش تنكريه محدو باقي صغير و لحمد لله انا ولدي عندو توحد صعيب و بدا كيتحسن خصك تعرفي بان تشخيص هو نصف العلاج وكوني قوية ولا قليك طبيب فيه توحد فمعنها بداية مشوار ماشي نهاية

[الامل مستمر]

رد: تجمع امهات المغرب

انا ا ختي من مراكش

[ام جابر]

رد: تجمع امهات المغرب

اختي انا مشيت عند طبيب في رباط ودا الوحد الي ممكن ياكدلك ان ابنك فيه ايه ولازم ترحيل لان توحد مرد لا يدهب مع الوقت ان لم يتعالج يزدد سوئ انا مكنخوفكش ولاكن لزم تكوني لالاومولاتي وتوكل علي لله
le docteur abdellah ouardini
حبعتلك عنوانو على الخاص

[ام جابر]

رد: تجمع امهات المغرب

اختي انا مشيت عند طبيب في رباط ودا الوحد الي ممكن ياكدلك ان ابنك فيه ايه ولازم ترحيل لان توحد مرد لا يدهب مع الوقت ان لم يتعالج يزدد سوئ انا مكنخوفكش ولاكن لزم تكوني لالاومولاتي وتوكل علي لله
le docteur abdellah ouardini

[ام عبد الرحمان]

رد: تجمع امهات المغرب

السلام عليكم يا اخوات

اختي الامل مستمر اهلا بك معانا في المنتدى.

من الاعراض لي قلت ما كيبانش ولدك عنده توحد يقدر يكون عنده غير تاخر بالنطق ،ما تقلقيش ان شاء الله يكون خير
ما كجاوبش على اسمه مع ان سمعه مزيان يمكن ملي كتعيطيلو كيكون مشغول بشيحاجة .
باش تعرفي توحد شوفي طريقة داللعب ديالو واش طبيعية واش كعجبو يدور العجلات دالسيارة
ملي كيكونو الدراري صغار واش كلعب معاهم او مكديهاش فيهم ، واش كعجبو يجلس بوحدو....ومريض التوحد غالبا كيكون عنده حركات نمطية
متسرعيش و تقولي على ولدك توحد .انا ولدي عنده بزاف من اعراض التوحد و ملي ديتو للطبيب مختص و لاخصائية التخاطب قالولي
راه يقدر مايكونش توحد لان كاين بعض المشاكل ادا كان الطفل كيعاني منها كتعطي اعراض فحال التوحد، و هادشي كيبان بالتحاليل
شوفي الاخت ام حنيفة هي من مراكش تقدر تساعدك كانت قالتلي على طبيب للتوحد كاين عندكم.
ربي يطمنك على ولدك وان شاء الله تكون حاجة بسيطة.

[ام جابر]

رد: تجمع امهات المغرب

moumekine tedehkoule hena we teakede

http://www.t7di.net/vb/showthread.php?t=37224

[ام عبد الرحمان]

رد: تجمع امهات المغرب

بارك الله فيك ام جابر
اختي الامل مستمر دخلي للرابط و شوفي واش ولدك عنده بعض الاعراض فحال لذكرتهم الاخصائية
بغيت نسولك ولدك يقول ماما و بابا كيعني بها او يقولها بلا معنى
ادا بغى شحاجة واش كيشير بيده او كيخد يدك نتي للحاجة اللي بغى
و حاجة اخرى واش كيشوف فعيتك ملي تهدري معاه

[الامل مستمر]

رد: تجمع امهات المغرب

oui a khti kaya3ayat lina hta ila kan babah f chi bit sad 3lih kayamchi ydo9 w 3ayat lih baba
w ila bra chi haja bhal talfaza kayjib liya telecomande w gomliya toutou hiya talfaza wlla ila ba rada3a kaygol liya da3aa
wkayal3ab m3a wlad khotii khossosan ila kan chi la3ba diyal than9izz
wila bant lih chi haja f talfaza kayjji ydowar liya wajhhi w chofiya wgoliya matalan moumou walakin kaychof liya f 3iniya
w kayabrii yatla3 f drouj bouhdou
wlakin f nzoul kaygoliya hazzini
ach balik akhtti

[ام عبد الرحمان]

رد: تجمع امهات المغرب

شوف اختي انا ماشي طبيبة و لكن هدشي لكاتعاود كيبان ولدك الحمد لله طبيعي ما فيه والو
متديريش الوسواس فراسك مادام كيقولكم ماما و بابا و يقول بعض الحاجات هدا غير تاخر في النطق
نتي ديه عند الطبيب باش تاكدي وترتاحي . وانا كنقولك ان شاء الله ما يكون غير الخير.
الاسئلة اللي كسول عليها الطبيب هي واش الولد كلعب مع الدراري -واش كيشوف في العينين يعني عنده تواصل بصري
واش طريقة اللعب عنده طبيعية يعني ملي تعطيه سيارة يمشيها تعطيه كرة يشوطها ....... -واش كيشير بيده للحاجة ادا بغاها -واش النعاس ديالو مزيان -ادا شاف قطة او كلب واش كرد البال ليهم - عنده تقليد للحركات -الا جاو عندك الناس كتقبلهم او كيبكي ....انت ردي بالك معاه وشوفي ادا كان عنده فحال هاد الاعراض
بالنسبة كتعيطيلو ماكيجاوبش واش درتيلو اختبار للسمع .

[عالية]

رد: تجمع امهات المغرب

أخواتي المغريبيات واله فرحت كتير بهد التجمع لموصلنه مع الأطباء نوصل ليه مع بعضيتنا إنشاء الله نتمنى تقروا مشركاتي وتقول رئكم في عالية وشكرا

[رحيمو]

رد: تجمع امهات المغرب

السلام عليكم،
أختي الأمل مستمر، بادري بعرضه على الدكتور الورديني ولا تهملي شكوكك سأحكي لك بعجالة عن تجربتي مع ابني...
ابني كان إلى غاية الثلاثة سنوات هادئا ليس لديه حركات نمطية، كان يقول بابا وماما ويطلب ما يريد أكل، شرب، خروج، تواصله البصري ممتاز، اجتماعي، يحب وجود الناس.... ما كان يريبني في أمره هو تأخره في الكلام..
أذكر عندما كان بعمر ثلاث سنوات زارتنا قريبة لها بنت بعمر ولدي طليقة اللسان ما شاء الله وتحكي مع أمها.. أحسست بانقباض في صدري وأن ابني به خطب ما، حدثت عائلتي بالأمر، فقالوا لي لا توسوسي نفسك فالأولاد يتأخرون في الكلام ليس مثل الفتيات وفلان تكلم وعمره خمس سنوات... وهلم جرا..
بدأت الاستشارات عندما بلغ ثلاث سنوات ونصف وأكدت لنا PSycologue أنه ليس توحد وإنما تأخر كلام.. وكنا نزورها مرتين في الشهر توجهنا إلى طرق لحثه على الكلام... وبعد مرور سنة اهتدت أخيرا إلى أنه يعاني من التوحد ..
هو الآن بعمر خمس سنوات وثلاثة أشهر تأتيه أحيان يفقد فيها تواصله البصري، ظهرت لديه حركات غريبة بيديه، عصبية زائدة... لا يحسن الرد على سؤال بسيط... الحمد لله من قبل ومن بعد
هو الآن تحت الحمية والدان ويخضع للكليشن.
أختي إحساس الأم لا يخطئ أبدا من الأفضل توقع الأسوء والبدء بتنمية مهاراته واستغلال صغر سنه وإن بدا فيما بعد أن تخوفك كان في غير محله فلن تخسري شيئا بالعكس سيكون ابنك قد استفاد من تدريبك له.
أسأل الله أن يكون ما يعاني منه تأخرا في الكلام ويقر عينك به

[ام جابر]

رد: تجمع امهات المغرب

ويخضع للكليشنouhketi ayena yahkeda3o ibenouki l

[رحيمو]

رد: تجمع امهات المغرب

ابني يخضع لكليشن الرصاص وهو عبارة عن تحاميل يأخذها لمدة ثلاثة أشهر وهو الآن في الأسابيع الأخيرة