تشخيص الدكتورة منال عمر لحالة بنتى ....... .

[ضاعت احلامي]

رد: تشخيص الدكتورة منال عمر لحالة بنتى ....... .

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

[أختكم فى الله]

رد: تشخيص الدكتورة منال عمر لحالة بنتى ....... .

شكرا أختى ضاعت أحلامى على المرور

[ام التواءم]

رد: تشخيص الدكتورة منال عمر لحالة بنتى ....... .

اختى اختكم فى الله .....انا ايضا مقتنعة تماما ان ابنتك ليس عندها توحد لان اهم شىء فى تشخيص التوحد هو التواصل وكذلك التقليد وهذا ما قاله لى الاخصائى النفسى وقال لى ايضا ان كل التواصل ما يزيد كل ما تكون اللغة احسن ...فالحمد لله وربنا يزيد ابنتك فى الشفا واستمرى على ما انت فيه والله معك..

[معك الي الابد]

رد: تشخيص الدكتورة منال عمر لحالة بنتى ....... .

وانا ايضا اختي اضم صوتي لصوت الاخوات لان ابنتك عندها تواصل اجتماعي حلو وبصري ماشاءالله وهذي من اكبر مشاكل التوحد التي تعوقهم في الاندماج والتواصل مع العالم المحيط بهم/اختي بارك الله لكي في ابنتك حبيبه وشفاه ولاكن الحمد الله انا اشوف ان وضعها كويس ومع الشغل والتدريب ان شاءالله سوف تخف من المشاكل الي عندها وتشفى تحياتي لكي

[أختكم فى الله]

رد: تشخيص الدكتورة منال عمر لحالة بنتى ....... .

جزاكم الله كل خير أخواتى أم التوأم ومعك إلى الأبد
والله كلامكم بيريحنى ويحسسنى بالتفاؤل وبيفرحنى يمكن أكتر من كلام الدكتورة ... أنا كنت معلقة إقتناعى بتشخيص الدكتورة على أراءكم إنتوا ورأيكم لأن أهل الخبرة فى المرض ده بالذات بيكون عندهم نظرة أعمق وأكبر من نظرة الدكتور للمريض فى وقت الكشف القصير ... والحمد لله ربنا يشفى حبيبة يارب ويشفى كل أبناءكم وأكيد انا الحمد لله إستريحت شوية بعد ما إستقريت على تشخيص أو حطيت إيدى على أكبر مشاكل بنتى مع إنى مازلت مش لاقية تفسير لبعض المشاكل عندها ولكن مفيش قدامى إلا إنى أبدأ فى علاج المشاكل وأبطل أفكر فى سبب كل مشكلة

[ابنى الحبيب]

رد: تشخيص الدكتورة منال عمر لحالة بنتى ....... .

موفقة بإذن الله ... دكتورة منال ان شاء الله تكون سبب فى شفاء حبيبة

[أختكم فى الله]

رد: تشخيص الدكتورة منال عمر لحالة بنتى ....... .

جزاكى الله كل خير أختى إبنى الحبيب ربنا يجعل الشفاء لكل أبناءنا عاجلا وليس آجلا بفضله وكرمه

[احمد ذكى]

رد: تشخيص الدكتورة منال عمر لحالة بنتى ....... .

بسم الله الرحمن الرحيم
السلام عليكم ورحمة الله وبركاته موفقة بإذن الله وربنا يكتب الشفاء لحبيبة ولبنى محمد واطفال المسلمين اجمعين
بعد اذن حضرتك هل كتبت د منال ادوية لحبيبة ام نصحت حضرتك بجلسات تعديل السلوك والتخاطب فقط وشكرا

[أختكم فى الله]

رد: تشخيص الدكتورة منال عمر لحالة بنتى ....... .

وعليكم السلام ورحمة الله وبركاته

أخى أحمد ذكى هى فى الحقيقة مكتبتش أى أدوية لبنتى ........ حتى إنى سألتها بالذات علشان مشكلة التوازن عندها وتأخر المشى فقالتلى علاجها بالتدريب فقط وضربتلى مثال .... أى إنسان عادى لو قولتيله يمشى على حبل زى الناس إللى فى السيرك كدة .. أكيد هيدوخ وتوازنه هيختل ويقع فى الأول.. لكن لو دربته لفترة ممكن يمشى على الحبل ويعمل أشياء أخطر بالتدريب فقط
وأما باقى المشاكل عندها قالتلى محتاجة تعديل سلوك وتنمية مهارات وتخاطب فقط بدون علاجات

وعلى فكرة الحمد لله حبيبة بنتى مشيت من 3 أيام كويس الحمد لله وتوازنها كويس ... طبعا مش لأن تعليمات الدكتورة كانت سحرية بالنسبالها وخليتها تمشى فى الوقت القصير ده .. إنما لأنى إكتشفت إنى بقالى حوالى شهر ونصف بطبق مع بنتى التمرينات الخاصة بالتوازن بس كان بهدف إنى أجرأها شوية لأنها خوافة جدااا مكونتش عارفة إنه هيفيدها فى التوازن فى المشى والحمد لله ده من توفيق الله .. ربنا يشفى أبناءنا وأبناء المسلمين

[اام حسن]

رد: تشخيص الدكتورة منال عمر لحالة بنتى ....... .

الله يفرحك بتمام شفائها في القريب العاجل يا رب

ممكن اختي اسألك ماهي تمارين التوازن التي استخدمتيها لبنتك لان ابني يشكو من نفس المشكلة وهي عدم الاتزان في المشي مع الشكر

[أختكم فى الله]

رد: تشخيص الدكتورة منال عمر لحالة بنتى ....... .

السلام عليكم ورحمة الله وبركاته
أختى أم حسن شفا الله ابنك وعافاه ..أنا قبل الذهاب للدكتورة منال كنت بلاحظ دايما على بنتى إنها حذرة جدااا من أى شئ ممكن يهتز وبتخاف منه وكمان كانت قبل ما تسند على اى شئ علشان تقف كانت تختبره الأول تشوفه بيهتز أو لأ وحتى إنى لو هزيت كرسى او أى شئ بقدمى وانا قاعدة كانت تنظر على الشئ ده وتخاف جدااا وتبعد وأحيانا تبكى وكأنها مذعورة وكمان كانت بتخاف من الخروج للبلكونات وكانت تنظر لسقف البلكونه وكأنه هيقع عليها وكنت متاكدة فى الوقت ده إنها عضويا تقدر تمشى كويس أو حتى تقدر تحاول لكنها مكنتش بتجازف أبدا زى باقى الأطفال وتقف وتحاول وتقع .. وإن حاولت مرة ووقعت كانت ممكن تفضل أسبوع متحاولش تقف لوحدها أبدا كانت معتمدة فقط علينا أو على الإستناد على الأشياء الثابتة

من حوالى شهر ونصف إشتريت لها مرجيحة كان بهدف المتعة وكمان أخرج طاقتها فيها وأجرأها شوية .. المرجيحة كانت عبارة عن شكل موتوسيكل بحر بس مش بعجل إنما بيتمرجح وله فرامل من قدام ممكن الطفل يمسكها ويمرجح نفسه .. أنا كنت جايباها ومكتفية إنها تسمحلى بس أمرجحها بيها ومتخافش إنما مكونتش أحلم إنها ممكن تعتمد على نفسها ومتخافش وتمرجح نفسها ... المهم أول مما ركبتها عليها كانت مزعورة وخايفة وبترتعش وبتحاول تمسك فيا وبكاء شديد وحتى كنت لما بشيلها من عليها كانت تبص ليها وهى بتتهز وتخاف جدااااا.. مع الصبر والسياسة بدأت تسمحلى إنى أمسك معاها الفرامل وأمرجحها وبعد ثلاث أيام بدأت هى تمرجح نفسها عادى وتتحرك عليها بسهولة وكمان بعد كدة أحيانا كانت بتمرجح نفسها من غير ما تمسك الفرامل يعنى بقت محترفة ماشاء الله ههههههه
إللى لاحظته بعد كدة إنها مبقيتش تخاف من أى شئ يتهز قدامها وكمان أصبح عندها الجرأة إنها تسند على أى شئ و تقف حتى وإن كان بيهتز ولاقيت إنها توازنها تقدم وأصبحت ممكن تمشى أكتر من خطوة من غير ما تخاف

بعد ما روحت للدكتورة قالتلى زى ما ذكرت فى الموضوع عن المشكلة فى إحساسها بالفراغ يعنى المشكلة مش فى التوازن بس فكانت تعليماتها عامة بالنسبة للمشى والإحساس بالفراغ فقالتلى إنى ممكن أساعدها ببعض التمرينات زى
مثلا أرفع قدمها شوية من على الأرض وأخليها تقف على إيديها ولو مشيت بإيديها خطوة أو إتنين يكون كويس حتى لو بمساعدة شخص آخر إديتنى مثال توضيحى زى(عربة الفول عندنا فى مصر) يعنى مقلبش الطفل أوى إنما كأنى بدفع عربة فول أو مثلها يعنى
كمان أوقفها على رجل واحدة حتى لو كنت انا إللى ماسكة الرجل التانية ولو لثوانى المهم إنها يوصلها الإحساس بوقوفها على قدم واحدة
ممكن وهى بتلعب على الأرض أحدف عليها بعض الكور أو البالونات من اماكن مختلفة
وكمان ركوب الدراجات أو العربيات إللى بتعتمد على الطفل فى تحريك رجليه علشان تمشى زى عربيات الإسعاف اللعبة أو الجرارت بتساعد فى التوازن
وكمان لو طفلك بيحب فقاعات الصابون وتتبعها يكون كويس جدا
وأنا قرأت فى موقع الدكتورة رابيه الحكيم عن الموضوع ده وكان من ضمن نصائحها نفس كلام الدكتورة منال وكمان قالت إن الطفل يتسلق على سلالم زى سلالم الألعاب الخاصة بالتزحلق وكمان التزحلق نفسه بيفيده .. والدوران والإهتزاز

أتمنى إنى أكون أفدتك ومعلش طولت عليكى أصلى مشكلتى إنى بحب التفاصيل هههههه وياترى إبنك عنده كام سنة وهل إتأخر فى المشى برده ولا إنه مشى فى ميعاده ومازال توازنه مش كويس ربنا يطمنك عليه ويشفيه هو و كل أبناءنا

[اام حسن]

رد: تشخيص الدكتورة منال عمر لحالة بنتى ....... .

شكرا ام حبيبة على الاهتمام والرد ,وقد كتبت امس قبل النوم رد طويل وبه تفاصيل ولكني فوجئت اليوم بعدم وجوده يمكن النت فصل مني قبل بعثه لاني متأكدة من بعثه

ملخص الرد اللي طار انه حالة الخوف عند حسن كانت مشابهة لحد كبير مع حبيبة وبعد محاولات وصولات وجولات تخلص من الخوف بنسبة كبيرة ولكنه مازال غير متزن بالمشي وهو حاليا في السادسة من عمره

شفاهم الله وعافاهم واقر اعيننا بهم يارب .

[أختكم فى الله]

رد: تشخيص الدكتورة منال عمر لحالة بنتى ....... .

جزاكى الله كل خير يا اختى وربنا يشفيه يارب هو وكل اولادنا

[جنان الحر]

رد: تشخيص الدكتورة منال عمر لحالة بنتى ....... .

بسم الله الرحمن الرحيم الله يشفي اولاد المسلمين انا عندي معلومة انشاء الله تفيدك انا حضرت محاضره في الجامعه وكانت عن التوحدوهم مجموعة دكاتره من امريكا فكانت تقول قد يكون التوحدي اجتماعي جدا ولكن لايعرف كيف يتعامل مع اللي حوليه ممكن يضرب او يصرخ ليتواصل مع من حوله وقالت يجب ان لانسمح بتكرار الفعل الغير مرغوب فيه وتكون الام حاسمه وتشد انتباهه الى شيء اخر حتى لاتصل مرحة الغضب الى الصراخ وايذاء نفسه واهم شيء معالجة الاعراض في وقت مبكر

[أختكم فى الله]

رد: تشخيص الدكتورة منال عمر لحالة بنتى ....... .

أختى جنان الحر جزاكى الله كل خير على المعلومة القيمة ... بس الحمد لله انا بنتى ما شاء الله عليها مش عدوانية خالص أنا ساعات بيبقى نفسى تضرب أو تدافع عن نفسها لو حد ضايقها حتى لو على سبيل الهزار ... وعلى فكرة الحمد لله بنتى تقريبا متعرفش يعنى إيه ضرب وليه بيستخدموا الضرب لأنى الحمد لله عمرى ما ضربتها ولا عمرها حتى شافت أى شخص بينضرب قدامها وأكيد ده فادها كتير لأنها بتحب تقلد كل شئ بيتعمل معاها ... والحمد لله هى اجتماعية بس مازالت أقل إجتماعيا من المطلوب بس أهو كويس بداية إن شاء الله .. بس انا بلاحظ إنها إجتماعية من بعيد يعنى ممكن تبادل أى شخص أمامها الإبتسامة أو تتجاوب معاه إن لاعبها أى شئ وتكون متواصلة معاه بصريا كويس جدااا .. إنما إذا إقترب منها وحاول يحملها أو يبوسها غصب عنها بتضايق جدااااااا ومش بترضى تروحله إنما من بعيد لبعيد حلو أوى