تويت
رد: أنشأت جروب على الفيس بوك (التوحد مجرد مرض) لبث التفاؤل وتحسين الصورة .. أرجو الإن
جزاكم الله كل خير على تأييد الفكرة والإنضمام
وأحب أوضح موقفى فى عدم ذكر إسمى الحقيقى
أنا بالفعل عندى حساب بإسمى الحقيقى وعليه كتير من أصدقائى .. وأغلبهم عارفين إن حبيبة عندها مشكلة فى التخاطب والسلوك والمهارات .. وإنى بحاول أعالجها بعون الله .. بس هما شايفين إن ده شئ شائع بين الأطفال اليومين وأغلبهم بيحتاج تخاطب وتعديل سلوك فى حاجات كتير .. وتقريبا كل عيلتى عارفين المعلومات دى عن بنتى ومشاكلها بس مش تحت مسمى التوحد
وما شاء الله لا قوة إلا بالله بنتى لما أى شخص بيشوفها مش بيلاحظ عليها شئ ظاهرى .. حتى لو حاول يتفاعل معاها أو يكلمها ومفهمتوش وملقاش عندها رد فعل بيفسر ده بإنها مكسوفة أو لسه صغيرة
فى حالة إنى أحط كل مشاكل بنتى تحت مسمى التوحد .. طريقة التعامل هتتغير معاها .. يعنى محدش هيحاول يكلمها أو يتفاعل معاها لأنه هيخمن من نفسه إن مفيش رد فعل .. أو إنها طفلة غير طبيعية
وكمان بيصعب عليا إن بعض الدكاترة والأخصائيين نفوا إن بنتى عندها توحد .. ولكنهم منفوش إن مشاكلها بسيطة وممكن تروح لوحدها .. لأ محتاجة تدريب وإهتمام زى أى طفل مصاب بالتوحد حتى تقريبا نفس طريقة العلاج
فإزاى هيكون الأطباء حتى الأن محتارين فى تشخيصها وأنا فى لحظة أعلن للناس كلها إن بنتى عندها توحد .. سواء كانت عندها أو معندهاش .. حاسة إن ده سر من أسرارها ومش من حقى إنى أبوح بيه فى وقت ممكن يضرها أكتر ما إنه ينفعها
وكانت فكرة إنشاء الجروب من أساسه لتعديل الفكرة وتحسين الصورة .. وتجهيز المجتمع لتقبل الشئ ده بكل إحترام وتعاون ....... أكيد من حق أطفالنا إننا منقدمهومش للمجتمع بكل صراحة إلا بعد تجهيزه لهم ..
مينفعش نقدمهم ضحية أو فئران تجارب علشان نشوف رد فعل المجتمع فى وقت هو مازال غير مستعد لتقبلهم
أتمنى إن تكون فكرتى وصلت للجميع .. وجزاكم الله كل خير
واى شخص هيحس إن دخوله بإسمه الحقيقى ممكن يسبب مشكله له فيما بعد .. ممكن يعمل حساب آخر بإسم مستعار علشان يتفاعل بيه
وأتمنى إن كل شئ فعلناه وهنفعله يكون فى ميزان حسناتنا إن شاء الله
جزاكم الله كل خير على تأييد الفكرة والإنضمام
وأحب أوضح موقفى فى عدم ذكر إسمى الحقيقى
أنا بالفعل عندى حساب بإسمى الحقيقى وعليه كتير من أصدقائى .. وأغلبهم عارفين إن حبيبة عندها مشكلة فى التخاطب والسلوك والمهارات .. وإنى بحاول أعالجها بعون الله .. بس هما شايفين إن ده شئ شائع بين الأطفال اليومين وأغلبهم بيحتاج تخاطب وتعديل سلوك فى حاجات كتير .. وتقريبا كل عيلتى عارفين المعلومات دى عن بنتى ومشاكلها بس مش تحت مسمى التوحد
وما شاء الله لا قوة إلا بالله بنتى لما أى شخص بيشوفها مش بيلاحظ عليها شئ ظاهرى .. حتى لو حاول يتفاعل معاها أو يكلمها ومفهمتوش وملقاش عندها رد فعل بيفسر ده بإنها مكسوفة أو لسه صغيرة
فى حالة إنى أحط كل مشاكل بنتى تحت مسمى التوحد .. طريقة التعامل هتتغير معاها .. يعنى محدش هيحاول يكلمها أو يتفاعل معاها لأنه هيخمن من نفسه إن مفيش رد فعل .. أو إنها طفلة غير طبيعية
وكمان بيصعب عليا إن بعض الدكاترة والأخصائيين نفوا إن بنتى عندها توحد .. ولكنهم منفوش إن مشاكلها بسيطة وممكن تروح لوحدها .. لأ محتاجة تدريب وإهتمام زى أى طفل مصاب بالتوحد حتى تقريبا نفس طريقة العلاج
فإزاى هيكون الأطباء حتى الأن محتارين فى تشخيصها وأنا فى لحظة أعلن للناس كلها إن بنتى عندها توحد .. سواء كانت عندها أو معندهاش .. حاسة إن ده سر من أسرارها ومش من حقى إنى أبوح بيه فى وقت ممكن يضرها أكتر ما إنه ينفعها
وكانت فكرة إنشاء الجروب من أساسه لتعديل الفكرة وتحسين الصورة .. وتجهيز المجتمع لتقبل الشئ ده بكل إحترام وتعاون ....... أكيد من حق أطفالنا إننا منقدمهومش للمجتمع بكل صراحة إلا بعد تجهيزه لهم ..
مينفعش نقدمهم ضحية أو فئران تجارب علشان نشوف رد فعل المجتمع فى وقت هو مازال غير مستعد لتقبلهم
أتمنى إن تكون فكرتى وصلت للجميع .. وجزاكم الله كل خير
واى شخص هيحس إن دخوله بإسمه الحقيقى ممكن يسبب مشكله له فيما بعد .. ممكن يعمل حساب آخر بإسم مستعار علشان يتفاعل بيه
وأتمنى إن كل شئ فعلناه وهنفعله يكون فى ميزان حسناتنا إن شاء الله
تعليق