أريد مساعدة من أمهات أطفال التوحد البسيط

[ضيفة خفيفة]

السلام عليكم ورحمة الله وبركاته

كنت عايزة أعرف منكم معلومة يا أخوتى

أنا بنتى عندها سنة و8 شهور وشخصت إن عندها توحد بسيط لأنها مش بتشاور على الأشياء ومش بترد على النداء وكمان فهمها قيل عن إللى فى سنها بتفهم أشياء قليلة

بس أنا أحيانا بلاقيها بتعمل أشياء طبيعية زى إللى فى سنها وكمان حسب معلوماتى أشياء مش ممكن تكون فى مريض التوحد

يعنى التواصل البصرى جيد جدااااا عندها ما شاء الله وكمان بتقلدنا فى كل حاجة يعنى تسرح شعرها بالمشط وتقلد الكحة والعطسة وحتى التثاؤب وبتردد ورانا بعض الكلمات وهى مازال كلامها أقل من سنها بس أحيانا بتستخدم كلمات فى موضعها زى كلمة (تاتا ) لما بتحب تمشى تقولى تاتا وتشد إيدى
وكمان لما تحب تلعب معايا لعبة معينة تقولى كلمة معينة بتعبر بيهاعن اللعبة دى
ويتقلد كمان طرق لعبنا معاها لو كانت بتلعب لوحدها أو مع عروستها


أنا مش عارفة هل ده مناقد للتوحد ولا طبيعى ممكن يكون فى مريض التوحد البسيط
ياريت تصححولى المعلومة دى ولو تساعدونى أكتر
ياريت تقولولى ولو بإختصار إيه الأعراض إللى كانت عند أولادكم إللى عندهم توحد بسيط وجزاكم الله كل خير

[أم عبيدة]

السلام عليكم ورحمة الله وبركاته
أختي الكريمة ...
أعراض التوحد تختلف من شخص لآخر ...و لكن أهم الركائز التي تشخص على أساسها التوحد هي ....ضعف التواصل الاجتماعي ...لا تلعب مع الاطفال .......ضعف انتاج اللغة أو التأخر في الكلام ...عدم فهم اللغة المستقبلة ....كذلك عدم استخدام الاشارة ....و عدم الاستجابة للنداء ....و لكن يا أختي طفلتك صغيرة و يمكن لسه بدري على تقديم كل ما عندها و مع هذا فأنا انصحك بمراقبتها جيدا و مراقبة تطورات سلوكها من أجل التدخل المبكر في حال الشك في المرض لا سمح الله ...
أكثري من تدريبها في البيت و تعليمها و دمجها مع العائلة و لا تنسي الغذاء الصحي المتوازن ....
وفقك الله و حفظها من كل سوء .

[ازميرالدا]

كلامك يطمن وان شاء الله ابنتك تتحسن بالذات ان سنها مازال صغير
وان شاء الله الاخوه يفيدوكي
انا ابنتي كان عندها توحد شديد لدرجه ان احد الاطباء (سامحه الله) و هو استاذ في الجامعه قال لي انا لو عايز اشرح للطلبه عندي ايه هو التوحد حاخد لهم بنتك
بس الحمد لله بالتدريب و العلاج هي حاليا احسن كثيرا
المهم التشخيص السليم عن طريق الطبيب
وكما قالت الاخت ام عبيده مراقبتك لها مهمه جدا والتدريب ايضا
وفقك الله

[ضيفة خفيفة]

جزاكى الله كل خير أختى أم عبيدة على النصيحة وإن شاء الله أعمل بيها

أختى أزميرالدا شكرا على مشاركتك وكلامك المطمئن ومتتخيليش كلمة الدكتور دى وجعتلى قلبى إزاى فعلا جملة مصدمة والمفروض يراعوا شعور الأهل أكتر من كدة ويكون عندهم رحمة فى شرح الأمور وتبسيطها ربنا يشفيلك بنتك وتفرحى بيها ويجعل صبرك فى ميزان حسناتك إنتى وكل الإخوة والخوات فى هذا المنتدى الرائع

[ام الورده]

الله يطمن قلبك عليهااا

[صغيري الغالي]

بنتك ان شاء الله راح تكون بألف خير لانه هذه علامات بسيطه جدا ابداى بالحميه فورا ولاتضيعي الوقت عشان يكون التحسن اكبر وابداى بتمارين تعديل السلوك الشهر الواحد ترى يفرق مع اطفال التوحد وان شاء الله ربنا يشفيها هى واولادنا جميعا