ارجو المساعده لدي استفسار حول مصعد السياره

[عطرالجنه]

السلام عليكم ورحمة الله وبركاته

انا بحب اوي المنتدي رغم اني مش كتير بدخل عليه بس فعلا لما بدخل لازم استفيد منكم ربنا يباركلكم و دايما للامام


كنت عايزه اسئل عن الرافعه الكهربائيه اللي دايما بنشفها في الافلام الاجنبيه لما بيكون حد جالس علي كرسي متحرك وهيركب عربيه فبيكون في حاجه كده زي منصه بتتحرك بالكهربا وبتنزل لمستوى الكرسي و اللي راكب الكرسي بيقف بالكرسي علي المنصه دي وبيدخل بيها لداخل العربيه فبجد هي بتسهل كتيررر اوي وانا اعاقتي حركيه و هتفدني جدا حاجه زي دي
ياااااريت لو اي حد يقولي بتتركب ازاي وهل في فمصر حاجه زي دي وايه تكلفتهااااااا ؟؟؟؟؟؟؟


جزاكم الله كل خير

[تناهيد]

رد: ارجو المساعده لدي استفسار حول مصعد السياره

تم تعديل العنوان وينقل للقسم المناسب وان شاء الله يفيدك الاعضاء

[هاني]

رد: ارجو المساعده لدي استفسار حول مصعد السياره

اتمنى من الله ان يفيدك الاعضاء

[عطرالجنه]

رد: ارجو المساعده لدي استفسار حول مصعد السياره

فعلا ده القسم المناسب للموضوع انا حطيت الموضوع بسرعه ان شاء الله بعد كده هاخد بالي

[تناهيد]

رد: ارجو المساعده لدي استفسار حول مصعد السياره

ان شاء الله ستجدين من يفيدك وخاصه الاخ ابن مصر ما راح يقصر اكيد

[أبن مصر]

رد: ارجو المساعده لدي استفسار حول مصعد السياره

الأخ / تناهيد
أشكرك على ثقتك بشخصى الضعيف
و أحب أن أؤكد أننى لا يمكن أن أتاخر عن مساعدة أخوانى فى التحدى من جميع الدول العربية
و أعتقد أن الأخت تبحث عن رافعة مثل الروافع الموجودة فى هذه الفيديوهات

http://www.youtube.com/watch?v=SF_KXbdGvwk&NR=1

http://www.youtube.com/watch?v=xAWMR2TD_vw&feature=related

http://www.youtube.com/watch?v=m91smix7Ehw&feature=related

و للأسف أنا لا أعرف هل مثل هذه الرافعة موجودة فى مصر أم لا
ففى الغالب تقوم شركات السيارات الكبرى تقوم بتركيبها حسب رغبة العميل
و يمكن للأخت الحصول على تليفونات بعض التوكيلات من الدليل و الأتصال بهم
و عليها أن تتصل تحديدا بتوكيل الشركة المصنعة لسيارتها حسب نوعها
و على حد علمى هناك الكثير من الحلول الملائمة لدخول الكرسى المتحرك الى السيارة أى كان نوعها و التى يمكن أستخدامها مع جميع أنواع السيارات
منها على سبيل المثال المنحدر الذى قام تناهيد بتصنيعه بتكلفة معقولة
و بأذن الله سأحاول قريبا عمل موضوع عن و سائل و طرق دخول الكرسى المتحرك الى السيارة

تحياتى لكم
و أترككم فى أمان الله
أخوكم فى الله
أبن مصر

[تناهيد]

رد: ارجو المساعده لدي استفسار حول مصعد السياره

يعطيك العافيه اخوي ابن مصر كنت متاكد انك ما راح تقصر ابدا

[نورالقرآن]

رد: ارجو المساعده لدي استفسار حول مصعد السياره

ماشاء الله ما قصرت أبن بلدى
الله يجزيك خير ويرفع قدرك
ولا حرمنا الله معلوماتك

[عطرالجنه]

رد: ارجو المساعده لدي استفسار حول مصعد السياره

فيديوهات رائعه وفعلا انا اقصد هذا الرافع مشكور يا ابن مصر بجد بارك الله فيك و فعلا الاستاذ تناهيد معاه حق انك ما هتقصر ابداا

انا هاخد رائ حضرتك بخصوص الموضوع ده انا دلوقتي لقيت عربيات علي النت بتكون مجهزه من الخلف لدخول الكرسي المتحرك بسهوله يعني مستوي ارض العربيه منخفض ومجرد وجود منحدر بيدخل الكرسي و اصلا الكراسي بتوع العربيه مش موجودين يعني هي مكان للسواق ومكان جنبه والجزء اللي ورا بيكون مجهز للكرسي هل بقي النوعيه دي من االعربيات ينفع اجبها مصر ويكون عليها اعفاء جمركي وتتعامل معملت عربيات المعاقين ولا لازم اكون انا اللي هسوق عشان تبقي مجهزه

معلش انا مش لايقه اي حد يفدني في المواضيع دي غير هناا فبتقل عليكم و بجد جزاكم الله خير

[أبن مصر]

رد: ارجو المساعده لدي استفسار حول مصعد السياره

السلام عليكم و رحمة الله
أخوانى فى الله و فى التحدى
لا داعى للأطراء على شخصى الضعيف فأنا لا أقدم هنا سوى بعض المعلومات عندما تكون متوفرة لدى
فقط لا تنسونى من دعائكم

أختى / عطر الجنة
المنحدر المعروض فيديوهاته مرتفع الثمن جدا و ربما يصل ثمنه وحده الى ثمن سيارة كاملة
و أثناء بحثى فى موضوع المنحدرات و جدت شركة مصرية تبيع المنحدر التالى
































و هذا المنحدر من افضل الحلول لتسهيل أستخدام الكرسى المتحرك فى جميع الأماكن و الظروف

لعدة أسباب

1 - يمكن التحكم فى طول المنحدر حسب الأرتفاع الذى نرغب فى تجاوزه
2 - يمكن استخدامه فى أكثر من مكان ( السلالم - الأرصفة - السيارات أىكان نوعها )
3 - يتحمل وزن حتى 250 كجم
4 - مصنوع من أقوى و أخف أنواع الألومنيوم ( وزن القطعه الواحدة لا يزيد عن 4 كجم )
5 - يمكن طيه ووضعه فى حقيبة خاصة به لسهولة حمله و نقله
6 - مناسب لجمبع أنواع الكراسى اليدوية و الكهربائية و كذلك لجميع أنواع السيارات
7 - لا يحتاج الى تغيير أى شئ فى السيارة فكل ما عليك فعله فقط فرد المنحدر و أستخدامه مباشرة


وهذا المنحدر متوفر لدينا فى مصر و بأسعار معقولة

[أبن مصر]

رد: ارجو المساعده لدي استفسار حول مصعد السياره

الأخت / عطر الجنة

لا أنصحك أبدا بشراء السيارة عن طريق الأنترنت و خاصة أذا كانت مستعملة فالأشياء المتحركة مثل السيارات لا بد من التأكد من حالتها و أمكانياتها قبل الشراء
و لكى تشترى سيارة مجهزة خاصة بمتحدى الأعاقة
عليكى بالأتى
التوجه الى القومسيون الطبى و عمل كشف طبى و الحصول على تصريح بشراء سيارة مجهزة معفاة من الجمارك
و للأسف ففاللجنة هى التى تحدد نوع و طبيعة التجهيز المطلوب و أذا كانتا السيارة يدوية أم أوتو ماتيك و السعة اللترية لها لا تزيد عن1600سى سى

و بعد ذلك يمكنك التوجه بصحبة مهندس أو ميكانيكى محل ثقة الى المنطقة الجمركية ببورسعيد أو الأسكندرية
و ستجدين هناك سيارات كثيرة جدا و بأمكانيات ربما تكون أفضل من التى شاهدتيها على النت و بسعر معقول جدا
فتعاينى و تختارى و تشترى

و مبروك عليكى السيارة مقدما

[عطرالجنه]

رد: ارجو المساعده لدي استفسار حول مصعد السياره

تسلم يا ابن مصر جزاك الله خير و ربنا يباركلك بجد علي كل المعلومات دي وربنا يقدم اللي فيه الخيرررر ان شاء الله واخد القرار الصح

[ندوش]

رد: ارجو المساعده لدي استفسار حول مصعد السياره

مشكور على هذه الحلول المبسطة والمفيده بالوقت نفسه وممكن نضعها معنا داخل السيارة لاستخدامها بكل الاماكن الغير مجهزه للمعاق