انا اتضحك عليا يا جماعة ( فى مركز تأهيل )

المراكز دى واجب فضحها على الملأ علشان مفيش حد يحصله اللى حصلك ام سيف والحق يقال برضه ان فيه مراكز كويسة برضه الدنيا فيها ده وده والكويس بيتعرف من تجارب الاهالى
ربنا يعين الجميع يارب ويوفقك لناس عندهم ضمير ان شاء الله

اكيد طبعا يا علا فى حاجات كويسه
بس للاسف اكيد قليليييييين جدا
وكمان ياريت اللى يعرف مركز كويس وفيه ناس بتتقى الله

ياريت يقولنا عليه
ويبقى جزاه الله كل خير

علشان كده انا طلبت من علا تضع اسم وعنوان مركز سما ابنتها بموضوعها الاخير لنقدم الامثال الرائعه

سلام عليكم يا حبايبي. أنا بودي ساره مركز القوات المسلحة. و احسبه على خير. ساعات بحس ان التطورات بتاعة سارة هي كده من غير المركز بس أنا أخاف ابعد و اندم

اهلا بيكى ام سارة
نورتى الموضوع

والله شوفى انا ما اقدرش اقولك سيبى المركز
لكن بما انك بتقولى انه كويس
او بمعنى اخر
طالما انهم مش بيعملوا حاجه مش كويسة
خليكى فيه وانتى ممكن تطوريها من نفسك زياده

واهى فرصة انها تتعامل مع ناس جديدة
وتكتسب مهارات من اشخاص كتير
وربنا يبارك لك فيها

مشكورين على الموضوع الجيد والردالاروع من الاخت ام محمود

تسلمى ام هياء على وجودك الجميل

حسبنا الله ونعم الوكيل ربنا يرحمنا من هؤلاء المستغلين والله انا بدى ابنى الجلسة ب50 جنيهة لايقدرون اى ظروف والمفروض انهم يكونوا مثل حسن وعندهم ضمير ويبتغوا الجزاء والثواب قبل الاجر المادى ويراعوا ظروف تلك الاسر التى تبذل قصارى جهدها لترتقى بقدرات ابنائهم

يقدروا ظروف مين بس يا ام النور
دول ما بيصدقوا حد يروح لهم عشان ياخدوا فلوس اكتر
وكان اطفالنا دول مشروع تجارى مربح

ولكن ربناموجود واحنا موجودين معاهم
وربنا ييسر لنا الاحوال ويسخر لهم كل الناس لمساعدتهم

شكرا لوجودك حبيبتى

لا حول ولا قوة إلا بالله
خوفتونى على ابنى
ده انا بدور ليل ونهار على مركز كويس وزعلانه لانى مش لاقيه هنا
وقررت اساعده من البيت وبحثت على النت واوصلتلكم عن طريق منتدى اخر
متميز ايضا ويرجع ليهم الفضل بعد ربنا فى توجيهى مع ابنى
الحمدلله زياد عنده 7 شهور وماشى يعنى اقول كويس فى البورتنج