مامصير اولادنا ؟؟

[العنزي]

رد: مامصير اولادنا ؟؟

المعروف عن الحراره اذا اصيب بها الطفل وزادة عن حدها تتلف خلايا بالمخ لاسمح الله وهذا السبب يعرض الطفل للتوحد وهو سبب من عدة اسباب
والبعض من آباء وأمهات يتساهل في مسألة الحراره والحراره اذا اصابت الطفل يجب ان نخفض الحراره بالكمادات والتروش وخافض الحراره ونتابع حرارة الطفل حتى ترجع الى معدلها الطبيعي
ولااقول هذا الكلام لكي اخوفك لاوالله بل هي نصيحه للجميع وكل شي بأمر الله
اختي الكريمة قلتي ان ولدك تعرض للحراره وتم تشخيصه تشنج حراري جزئي وعمره7شهور
انا اقول لكي لاتعتمدي على تشخيص واحد وانصحكي بأن تعملي له(تخطيط مخ-وتخطيط سمع) وتفائلي بالخير ومن الصعب ان يحكم احد على طفل بهذا العمر بالتوحد والمعتاد ان التوحد يبدأ من سنه ونصف الى سنتين
واهم شي يجب ان تقومي به هو الرضاعه الطبيعيه وابعديه عن الرضاعه الاصطناعيه وابعديه عن سريلاك القمح وبدليه بسريلاك الارز
والحذر الحذر من التطعيمات فهي من ضمن الاسباب الرئيسية المسببه للتوحد وانا اعرف بأنها لامفر منها ويجب ان يأخذها الطفل ولاكنها تحتوي على مواد حافظه مضره للاطفال والحل هو اعطاء الطفل لقاح خالي من المواد الحافظه وهي للآسف لاتوجد في السعودية ويمكنك شرآؤها من الخارج اذا استطعتي وتكلفتها بسيطة
خلاصة قولي وتفصيله وكل ماتسألين عنه تجدينه في هذه الحلقه وهي لقاء مع الدكتور/محمد المومني انصحك بسماع الحلقه كامله وهي مجزئه بالارقام
http://www.youtube.com/watch?v=JCRUkFbBXrM


واسأل الله العظيم ان يكفي ابنك مرض التوحد
ودعواتك لولدي ابراهيم بالشفاء

[احساس ام]

رد: مامصير اولادنا ؟؟

يارب تكون مجرد حركه زايده ويستقر وضعه ....ومن ناحية مصير اطفالنا الله يتولاهم برحمته اختي
ولدي لاحظت انه مو طبيعي من الاربعين........مجرد ماافك الكوفله يحرك اطرافه بشكل كثيييييييير وسريع وخصوصا اليدين وكانوا اهلي يمزحوا معي يقولوا شغل ولدك مساحات السياره كان متبلد بانفعالاته ماابتسم ابدا وماكان يناغي
حركيا كان تطوره ممتاز....لكن انفعاليا ولغويا متاخر جدا.....كانت نظراته تايهه ودايما عيونه لاسفل واحيان يركز ع الستاير.....جسمه كله يلفه ناحية اليمين....لما صار عمره شهرين ونص صابه تشنج نتيجة حمى شوكيه او التهاب سحايا فيروسي عابر ع كلام الدكتور.....بعدها صار يبتسم ويضحك...واستغرب الدكتور من ميلته ع جنب واحد وعمله اشعه وماكان فيه اي سبب كل شي ولله الحمد سليم بعموده الفقري........لكن استمر عنده التوهان وعدم الاستجابه لاسمه. نومه قليل جدا وقلق ومتوتر وكل شويه يصحي..والحركه المفرطه حتى وهوه في الحضن مايستقر يلف ويدور بدون هدف.....ماينكر احد ومايفتقدني.....وقضيت ع تركيزه الباقي بقنوات اناشيد الاطفال وهذي جريمه ارتكبتها بحق طفلي بدون ماادري عن اضرارها.....الكل كان يقولي وضعه طبيعي وماعندي خبره بالاطفال لانه عندي طفل واحد قبله فقط والاطفال يختلفون...انسانه وحده بس كانت تقولي ولدك فيه شي مختلف...طبعا هي الوالده الله يحفظها....فتركت كلام الناس ومشيت ورا احساسي وكلام امي....وعرضته ع طبيب اطفال وقال واضح انه عنده فرط حركه لكن مو شرط سمات توحد........ولما قال كلمة توحد صابني خوف كان عمره سنه وشهرين...دخلت بعدها هذا المنتدى وطرحت ملاحظاتي اللي اشوفها ع ولدي مثل هز الراس...البعض طمني والبعض طلب مني التريث وبعضهم قالوا سمات توحد...انسحبت بعدها وكنت اراقب ولدي وزادت عنده حركات مثل الدوران ورفرفة اليدين وغيرها طبعا مثل الصراخ ونوبات بكاء وعناد...وشخصوه توحد....كان عمره وقتها سنه و8 شهور..........بقينا فتره 4 شهور تايهيييييين تماما وين نروح وايش نسوي...كمل من يومين سنتين خلال هالسنتين ماتكلم ابدا لا ماما ولا بابا مجرد همهمات واصوات غير مفهومه.. طبعا عرفت بمرضه بدري لكن مكانك سر اراقب ولدي وابكي واعزل نفسي عن الناس..الله يشفيه ويشفي جميع ابناء المسلمين

هذي تجربتي اتمنى تفيدك واسال الله ان يكون ولدك طبيعي

[ابني هدية]

رد: مامصير اولادنا ؟؟

يا اختي اول مرة اسمع بطفل متوحد بعمر 7 اشهر
اعرضي ابنك على طبيب احسن من حالة الشك الي انت فيها