التوحد مرض قابل للشفاء

[أم عماد]

رد: التوحد مرض قابل للشفاء

السلام عليكم ورحمة الله تعالى وبركاته
ألف ألف مبرووووك وعقبال الشفاء التام
بس لو سمحتي أختي ممكن توضحين لِي كيف تم علاج ولدج
تعبت مع ولدِي ومآعرفت وش أسوي له أو وين أروح
لهيك لو سمحتي إدا أمكن توضحين لِي
في أمان الله

[ام اسلام]

رد: التوحد مرض قابل للشفاء

ألف الف مبروك,وان شاء الله ستكون خطوات بسيطة نحو الشفاء الكامل,انه على كل شئ قدير.
الله يسمعنا الاخبار المفرحة دائما.

[ام التوحد]

رد: التوحد مرض قابل للشفاء

أخواتي
( فرحتي الاولى ،انوشا،ام عبدالرحمان،ام عبود الغالي،ام ميسم،ام طفل توحدي،خديجه خديجه،ام عماد،ام اسلام )
جزاكم الله خير على كلماتكم الطيبه انا حبيت اشجعكم وانتوا بعد شجعتوني
كل شي بيد الله والمشوار مازال طويل والتحدي مستمر

[ام التوحد]

رد: التوحد مرض قابل للشفاء

السلام عليكم ورحمة الله تعالى وبركاته
ألف ألف مبرووووك وعقبال الشفاء التام
بس لو سمحتي أختي ممكن توضحين لِي كيف تم علاج ولدج
تعبت مع ولدِي ومآعرفت وش أسوي له أو وين أروح
لهيك لو سمحتي إدا أمكن توضحين لِي
في أمان الله

وعليكم السلام ام عماد
اختي التوحد درجات ومستويات وعيالنا يختلفون في استجابتهم للعلاج انا ما عرف شي عن ولدج بس ولدي اول شي سويته معاه الحميه لان عنده حساسيه من الغلوتين والكازين وطبعا المكملات على حسب نتيجه التحليل ورأي الدكتوره
ولدي مو طبيعي 100% بس الحمد لله تخلصنا من اعراض التوحد اللي كانت عنده وهي كثيره وعلى كلام الدكتوره هو الحين عمره 9 سنوات بس قدراته بعمر طفل 4 سنوات ونص وهو معرض للانتكاسات ماكو شي مضمون للاسف
هذا تقريره الجديد وحبيت اعطيكم دافع لاني اشوف امهات اقرب لليأس من علاج عيالهم
نصيحتي لج تصفحي كل مواضيع الاخوات جدا مفيده وطبقي منها اللي تقدرين عليه من حميه او اعشاب او حليب ابل(انا جربته ولدي تعب حيل وتعبنا معاه) بس بالمقابل في اطفال مستفيدين منه التوحد كله تجارب لان كل حاله تختلف عن الثانيه
الله يشافي ابنك انتي بس لا تيأسي وحاولي والله معاج

[أم حنيفة]

رد: التوحد مرض قابل للشفاء

مبروك اختي و عقبال الشفاء التام باذن الله عز و جل

[ام هاني]

رد: التوحد مرض قابل للشفاء

الحمد لله رب العالمين وعقبال ما يصير سابق عمره ويكون عالم من امه المصطفى صلى الله عليه وسلم

[أم عماد]

رد: التوحد مرض قابل للشفاء

بآرك الله فيك أختي ع الرد
وسأحآول أطبقهآ بإ1ن الله

[ام التوحد]

رد: التوحد مرض قابل للشفاء

الله يجزاكم خير والله ما كنت متوقعه كل هالردود الحلوه اول مره اكتب موضوع وشجعتوني الله يفرحكم بعيالكم ويشافيهم
انا لما احس باليأس اقول هذا امتحان الله عطاني اياه ويبي يشوف شنو اسوي وراح يجازيني بصبري او كفاحي او حتى حسن ظني بالله عز وجل اذا ما لقيت علاج لولدي

[ميسره]

رد: التوحد مرض قابل للشفاء

ماشاء الله تبارك الله أختي أم التوحد ألف ألف مبروك وإن شاء الله الشفاء التام وشكرا لك على عرض هذا الخبر حتى يبعث الأمل من جديد لكل من أصابه اليأس والحزن في العلاج.وعقبال ما نفرح بجميع أبناءنا إن شاء الله يارب.

[ام التوحد]

رد: التوحد مرض قابل للشفاء

الله يسمع منك اختي ميسره
الله قادر على كل شي سبحانه

[نيفين المتفائله]

رد: التوحد مرض قابل للشفاء

السلام عليكم
مبروك
وربنا يشفي ابنك واولادنا جميعا

[الغاليه]

رد: التوحد مرض قابل للشفاء

الف مبروووك وان شاء الله يتشافى كل عيالنا من مرضى التوحد
وهذا ان دل دل على اهتمامج فيه من بعد الله سبحانه

[ام التوحد]

رد: التوحد مرض قابل للشفاء

نيفين المتفائله
الغاليه
مشكورين على مروركم العطر
امس عبدالله سوا حركه فرحتني بنفس الوقت قطعت قلبي دوا الفطريات مخلص من 10 ايام تقريبا وقلت اشوف شنو يصير يمكن خلصنا منها بس الله كريم والله امس انهرت وفقدت اعصابي على زوجي وطلع ركض للصيدليه وجاب ديفلوكان شنو سوا العبد الابله اتصلت فيني وقالت الولد تغير ما يرد علينا وياكل كل شي !! وفعلا بالبيت ياكل بطريقه مقززه وبعد اول مره يفتح الباب بروحه وراح الحديقه يلعب ولو يبي الجمعيه ما رده شي بس الله ستر بعد ما عطيته الدوا يحوس بالبيت ويقول روح دكتوره عبير انا استغربت ومسكته وسألته ليش دكتوره عبير مو عارف يعبر بعد قلبي شلون يقول ( يما بطني يعورني ) والله والله انسدح على الارض ورفع البلوزه وحط ايده على بطنه وقال اوووف اوووف يعني الم وعوار في بطني
كل شي نعالجه والحمد لله نلقى نتيجه بس الفطريات مالها حل نعطيه الدوا مثل تخدير للفطريات ولما نوقف تشتغل وبشده ماترحم
مشواري طويل
الله يساعد الجميع ويشفي كل مريض

[مسك]

رد: التوحد مرض قابل للشفاء

الف مبروك شفاء ابنك الموضوع قديم شلون عبدالله الحين

[مفوض امره لله]

رد: التوحد مرض قابل للشفاء

الله يعين بس