لقاء مع الدكتور هشام حتاته عن مرض التوحد

[ام شريف]

السلام عليكم ورحمه الله وبركاته

جبتلكم فيديوهات للدكتور هشام حتاته كانت فى برنامج النهارده يوم 2 اكتوبر
الفيديو الاول افتحوه عند الدقيقه 8.35 عشان فيه لقاء مع شيخ فى البدايه

http://www.youtube.com/watch?v=k5ZmPRdaEiI&feature=share

الفيديو التانى

http://www.youtube.com/watch?v=d88AX7yjdkg&feature=player_embedded

الفيدو الثالت والاخير

http://www.youtube.com/watch?v=AFFVy...ayer_embedded#!

[كوكـتـيـل طبيعي]

رد: لقاء مع الدكتور هشام حتاته عن مرض التوحد

مشكورة ام شريف

لكن لو ممكن خلاصة ما قال لان سرعة النت بتوقف الفيديو

[ام شريف]

رد: لقاء مع الدكتور هشام حتاته عن مرض التوحد

بتسال الدكتور عن ايه هو التوحد
هو قالها انه مرض موجود من الاربعينات كان يشبه التوحد وكانت نسبته قليله بس فى التسعينات زادت وبعد الالفين بقا الاعداد كبييييره جدا
وان التلوث والمواد الحافظه المواد الصناعيه تلوث الاكل والتطعميات وبتحصل للام وهى حامل وان الطفل مش بيتطور وبيحصل تأخر وان الخلايا العصبيه المسؤله عن الادراك وتطور الكلام وتطور الاجتماعيات وبتكون فى الفص الامامى

ان الدكاتره عملوا اختبارات وملاحظات للاطفال وان المرض ليه طرق وقايه وليه علاج وكل ما بنكتشفه عند الطفل بدرى بيتعالج احسن ولازم نعرف ان اسبابه كتيره
عدوى فيروسيه مشاكل فى الهضم والامتصاص واننا ممكن نلحق المشاكل دى من الاول
وان دكاتره الاطفال والنفسيه والعصبيه كلهم بيوجهوا الطفل للتخاطب بس ودا غلط لان التخاطب بس مش كفايه ابدا لازم ادويه زى مشاكل الهضم لازمله زنك وفيتامين 6 لو عنده مشاكل امتصاص البروتيان زى الكازين والجلوتين ودى بتبقى موجوده فى الالبان لازم ناخد بالنا ونعملها حميه
ف لازم برنامج دوائى وبرنامج غزائى وبرنامج تخاطب

كده خلص الدكتور كلامه فى الجزء الاول

بعدين بيسالوا ناس فى الشارع عن التوحد فيى اللى عارف عنه وفى اللى مش عارف
دا الفيديو الاول بالتفصيل الممل يا رب اكون افادتك يا ابو سما

[ام شريف]

رد: لقاء مع الدكتور هشام حتاته عن مرض التوحد

الفيديو التانى
بيقول الدكتور ان الاهالى بينكروا المشكله وبيرفضوا يودوه للدكتور عشان مجنون
وان دا مرض عباره عن اضطراب وان تفاعل الطفل قليل والتواصل اللفظى فيه قصور وتكرار الحاجه وانه بينعزل وان التوحد لما بيكبر مشكلته بتكبر وبنسيب الطفل فبيجيله حاجات تانيه زى الاكتئاب والانعزال
وان الناس بتبرر انها عشان سابت عيالها فهى بقت كده لاء او انها كانت فى الخليج ومفيش جيران فدا السبب
السبب الجهاز العصبى فبندخله ببرنامج نكسر للطفل طقوسه وان الطفل مش مدرك بالوقت او الاشخاص وان الدكاتره بتشخص من اول ثانيه كهربا مخ او فرط حركه
ان طفل عنده 5 سنين وداخل المدرسه ومعندوش تواصل لغوى او بصرى ف علاج كهربا المخ مش هى اللى هتعالجه وتخليه يكون طبيعى

اسئله المتصلين

اول متصله طلع عندها نوبه هلع ومالهاش اى علاقه بالتوحد

ثانى متصله بنتها عندها ضمور فى المخ وان بنتها عندها 7 شهور ومعندهاش اى تواصل وبتعيط كتير وعملت اشعه مقطعيه بينت ضمور سالها الدكتور ازرقت او لاء قالت لاء محصلهاش اى حاجه اثناء الولاده
وان الدكتور قالها ان سبب نقص اكسجين فى المخم اثناء الولاده وانها بتاخد ستميولان وستربرولايسن وعلاج طبيعى من اسبوعين وانها لاحظت تطور بسيط جدا قالها اسبوعين مش كفايه هى محتاجه وقت طويل
وسالها هى عندها مشكله فى الحركه قالت لاء وقالها لسه المشاور طويل وسالته هل الضمور هو اعاقه زهنيه قالها على حسب اماكن الضمور وانه ميعرفش
وحكى قصه واحد صاحبه وان عاده اننا بنأكل اطفالنا بدرى على 4 شهور غلط جدااااااااااااااااااااا وانا الاكل الطبيعى لبن وبس والزبادى وغيره بعد ال 6 شهور ويستحن ان الاطفال تاخد اوميجا ثرى وزنك فيتامين بى

المصله الثالته ابنها عنده سنه ونص بتحكى عن تعلق ابنها بالتليفزيون وانه بيضرب دماغه فى الحيطه وانها ودته لدكتور اطفال وقالها وديه لدكتور نفسى وسالها هل بيناغى وبيقول بابا ماااااامااا
قالها روحى لدكتور يعملك اختبارات للطفل بالملاحظه

[رحانة الجنة]

رد: لقاء مع الدكتور هشام حتاته عن مرض التوحد

شكرالك

[كوكـتـيـل طبيعي]

رد: لقاء مع الدكتور هشام حتاته عن مرض التوحد

1000 شكر ام شريف

[ام شريف]

رد: لقاء مع الدكتور هشام حتاته عن مرض التوحد

العفو لا شكر على واجب

[أم دانيال]

رد: لقاء مع الدكتور هشام حتاته عن مرض التوحد

رائعة أم شريف
شرح وافي ما شاء الله عليك،
الله يسعدك بشفاء شيكو يا رب.

[انوشا]

رد: لقاء مع الدكتور هشام حتاته عن مرض التوحد

شكرا علي الافادة

[ام شريف]

رد: لقاء مع الدكتور هشام حتاته عن مرض التوحد

ام دانييال وانوشا نورتوا الموضوع
وان اء الله هكمل تفاصيل الفيديو الثالث

[مهاجرة]

رد: لقاء مع الدكتور هشام حتاته عن مرض التوحد

شكرا يا ام شريف

[ازميرالدا]

رد: لقاء مع الدكتور هشام حتاته عن مرض التوحد

شكرا جزيلا ام شريف علي الموضوع
وبالذات عشان شرح اللي في الفيديولتوفير الوقت
كتر خيرك

[ريم أحمد]

رد: لقاء مع الدكتور هشام حتاته عن مرض التوحد

الله يجزيك كل خير أختي أم شريف
مجهود تشكرين عليه

[أم ريمووو]

رد: لقاء مع الدكتور هشام حتاته عن مرض التوحد

جزاك الله خير والله يشفي ابنائنا

[ام شريف]

رد: لقاء مع الدكتور هشام حتاته عن مرض التوحد

الدكتور بيرفض اختبار الزكاء للطفل اللى مش بيتكلم وبيقول ان اختبارات التوحد لازم متكونش بنعم ولا بتكون بالملاحظه ملاحظه تفاعل الطفل مع الطبيب ومع الاطفال ومع اهله ومع الجو المحيط بيه خلال ساعه ونص

نوعيه الاختبار الى بيتعمل غلط ونوعيته غلط

وبيأكد ان كل ما يكون الطفل صغير كل ما بيتعالج احسن

اسئله المشاهدين او الفيس بوك
اول سؤال مالوش علاقه بالتوحد

تانى سؤال من متصل مالوش علاقه بالتوحد

السؤال التالت عن طفله بتخاف وبتعيط كل ما بتشوف حد نصح الدكتور الاول ينزلوها الحضانه
تأخر لغوى وتاخر فى الفهم وسلوكيات نمطيه ولو طفل بيخاف بس يبقى مش توحد يبقى خوف وتنزل الحضانه انما التوحد ليه اعراض كتيره جدا
بيقول ان الطبيعى الطفل يتفاعل اضحكله يضحكلى ولما اغيب عنه اوحشه ويحس بيا
وان الطفل لازم يطلع اصوات وهو صغير ولو محصلش نقلق ونشوف التفاعل والتقليد ولما يكبر نشوف الكلمات بقت جمله من كلمتين والا لاء

سؤال من متصله بتقول البنت مش بتتكلم فالدكتور بيقول انها لسه صغيره ومش لازم تقلق ويبقى عندنا فوبيا من التوحد طالما بيتفاعل الطفل يبقى مفيش مشكله
ان الناس لازم تلاحظ عيالها بس ميجالهاش رعب من فكره التوحد بيكون ما يكون فى علامات واضحه

سؤال تانى مالوش علاقه بالتوحد

متصل بيسال عن ابنه اللى عنده توحد والحمد لله اكتشف التوحد وهو عنده سنتين وجابوا ناس بتدى تنميه مهارات وكل سنه شهور او سنه لازمه جديده يعنى بيقلد اى حد بيعمل حركات مش كويسه والحمد لله دخله المدرسه
وانه مشكله الدكاتره نفسها مش عارفين ايه هو مرض التوحد وابنه نجح فى الابتدائى وكان بيدخله المدرسه مع شادو تيتشر ونجح فى 6 ابتدائى وجاب 85 فى الميه

وبيسال الدكتور هل الولد هيتجوز والا لاء وبيساله عن تخوفه من مشاكل المراهقه ومرحله البلوغ

قاله اعمله برنامج مش كله دراسه جزء اجتماعى وجزء رياضى استثمر مجهوده فى الهوايات والرياضه ومتركزش بس على الاكاديمى وان كل الناس بتعتمد على مراكز بس من الصبح لبليل والاهل مش بيكون ليها دور
والاحسن نلعبه رياضه
وقال ان المرض بيتم السيطره عليه وان الاكتشاف بدرى مع النظام الاكل والدوائى وتنميه المهارات وتعديل السلوك الحاله بتختلف
وكان عاوز يشرح عن اختلاف التوحد عند البنات وتصنفيات التوحد بس قالوله ا الحلقه خلصت وهيعمل حلقه منفصله يتكلم فيها عن كل دا

عموما الدكتور مقالش حاجه جديده بس اهو بقى يظهر ناس بتفهم مش ناس فكرتها عن التوحد انه مرض الجنون