فرصه للعالج أو التحسن للي ابنه يعاني معاه توحد .. فقط في الكويت

[حموووووودي]

السلام عليكم ورحمه الله وبركاته ..
اخواني و أخواتي ..
من فترة طويييييييلة وانا أبحث عن معالج أو معالجه بال ABA ممكن يأتون ويعالجون ولدي .. وراسلت مراكز كثيييييييرة ..
منها قالوا ممكن نساعدج بالاستشارة ومنهم قالوا ما نقدر شغلنا محدود فقط في أمريكا وكندا
ولمن لم يسمع عن ال ABA .. هو اختصار ل applied behavior analysis
هو نوع من التدخل السلوكي التحليلي للطفل .. يشترط ان يكون من 40-60 ساعه اسبوعيا حتى يعطي النتيجة المطلوبه منه ..
و الكثيييييير من الأطفال نستطيع أن نقول انهم تشافوا والسبب التدخل المبكر .. وهذا بما رأته عيني من المواقع اللي ادخلها والدي في ديات التي اشتريها ..
المهم الحين رد علي من أكبر المراكز في أمريكا وهذا موقعه

http://www.centerforautism.com/

قالي انهم ممكن يبعثون لي معالجين بس يشترط عدد من الأطفال غير ولدي عشان تكون الجية بالنسبه لهم تسوى ..
يمكن تشوفون بالصفحة الدي في دي مالهم وهذا انا شريته وعندي اياه من زمان ..
فيه قصص للعديد من الأطفال تشافوا تماما من التوحد عن طريق ال ABA
واليوم بعد وصلتني بروشوراتهم و مطبوعاتهم اللي حاب يطلع عليها ما عندي أي اشكال ..
بس حبيت أعرف اللي حاب ان ابنه يتلقا هذا النوع من العلاج كم واحد ؟؟؟؟؟
انا للحين ما دخلت معاهم بالتفاصيل بالنسبه للفلوس لأني لازم الاول أجمع عدد وبعدين أعطيهم خبر .. بس اللي اعرفه من اللي اقراه بالانترنت ان هذا النوع من العلاج مكلف لأنه one 2 one
فأرجووووووكم اللي تعرفونه ان ولده في توحد ووده بان يتعالج ويتحسن يا ريت تبلغوني وتعطوني خبر ونتناقش بكل التفاصيل في اجتماع نسويه مع بعض .. أعرض لكم فيه الدي في دي .. و أوراقهم .. ونقعد مع بعض نسولف بالموضوع بشكل اعمق ..
والله انا معورني قلبي .. اشوف اللي بامريكا وكندا ما شاء الله اليهال شبه طبيعيين .. يعني 95 % الياهل ما فيه شي .. قلت ليش أحرم ولدي من الشفا ..
مريم الراشدي .. عمانيه تعيش في قطر .. أعتقد شفتوا مقابلتها في تو الليل ..
ودت ولدها كندا لما يأست من العلاج هني هالكلام قبل 8 سنوات .. خلال 3 شهور الولد تكلم .. وعقب سنه و10 شهور رجعت معاه .. الولد يتكلم ويقرا ويكتب ويجمع ويضرب .. دخل مدرسه عاااااااديه .. مو للاحتياجات الخاصه .. وكاهو الولد طبيعي .. يلعب مع اليهال ويعبر عن مشاعره ..
ياااااااا رب تبلغنا بعيالنا ..
يالله همتكم معاي .. وخلونا نييبهم ونعالج عيالنا ...

بعض اللقطات من طريقه عالاج ال ABA عشان بس تاخذون فكرة ...
هذي اللقطة من الدي في دي اللي عندي من نفس المركز CARD
http://www.youtube.com/watch?v=_tcJ1...rom=PL&index=2

http://www.youtube.com/user/RecoveredAutism

وهذي عن ال ABA طريقته بشكل عام

http://www.youtube.com/watch?v=NbVG8lYEsNs

http://www.youtube.com/watch?v=wTTvT...eature=related


وشاكرة لكم مروركم ..

[همي لوحدي]

فيه مركز في دبي لعلاج aba

[منيره]

أولا شـكــرا لكي
على الموضوعـــــــــــ
وطريق aba لاتختلف عن pecs
ولكن هل انتي تريدين
ان يتكلم الانجليزي
أو العربي
أو لايهم أهم شيء انه يتكلم
وطبعا معاكي حق في أختيار هذا
المهم انه يتكلم
لكن انا أقولج
لغتين راح تتعبين

[ورده]

شكر لك اختي من القلب موضوع مهم
انا بدأت بالعلاج عن طريق الصور والحمدلله فيه تحسن بسيط لكن الحروف ماهي واضحه وان شاءالله هذي البدايه
كلامك صحيح اختي منيره انا ابغاه يعرف العربي وهو الاهم
اللي يعور القلب انهم فيهم ذكاء بس يحتاجون للتدريب والصبر لان العمر يمشي وكل تأخير مو في صالحهم
وكمان مراكز النطق والتخاطب يساعدون في تحسين اللغه والمهارات

[حموووووودي]

والله المركز الوحيد اللي أعرفه في دبي اسمه
stepping stones
وانا مو المهم أي لغه راح يتكلمها .. بس ودي ودي اسمعه صوته .. ودي يناديني ماما ويكلمني وأكلمه .. بأي لغه بالدنيا ما عندي مشكله ...
الله كريم ان شاء الله

[همي لوحدي]

اللي بدبي فيه اعتقد باللغتين

وهذا هو رابط خاص بمديرة المركز

http://www.youtube.com/watch?v=-R_VKgt0V54&feature=related

[حموووووودي]

كلمت هذا المركز بس للأسف ما حصل لي فرصه زيارته ...
المشكلة اني لازم أروح واعيش في دبي وهذا بالنسبه لي صعب .. و يوم اني لقيت ان في مجال انهم يأتون للكويت قلت الحمدلله ..
يأتون لولدي في بيئته .. ومحيط عائلته ويتم العلاج على هذا الأساس ..
الله المستعان

[همي لوحدي]

ام حموودي طيب بيكونون موجودين على طول بالكويت والا بيجون فتره شهر شهرين وبيروحون؟

وفي مجال مثلا اسجل لها بالصيف لو بيجون ؟ لمده شهر ونص

[حموووووودي]

والله اللي اعرفه عن ال aba ان لازم يستمر فيه الطفل مو أقل من سنه ..
فالمعالجين اللي راح يكونون موجودين راح يقعدون لمدة طويله مع راحة بين فترة وفتره ...
وللأمانة فتره الصيف فقط ما راح تفيدها وايد لأن البرنامج عباره عن برنامج كبير مرتبط في بعضه ..

[سمر خالد]

الاخت حمووووووووووودي

انا ابني توحدي و عايشة في الكويت و يا ريت تخبريني كيف ممكن اشترك في هذا المشروع معاكم ؟ و ياريت تحكيلي اكثر عن مختصين abaاللي جايين الكويت و متي و كيف ممكن اتعامل معهم ؟ ارجوكي ردي علي بسرعة

[أمل وتفاؤل]

يتم يبدأ في الكويت أختي العزيزة

[سمر خالد]

اختي العزيزة

متي سيبدأ هذا المشروع في الكويت ، يرجي سرعة الرد حتي يتم الترتيب له و لا يفوت الوقت

و شكرا