نصائح ام محمود لامهات متلازمة داون الجدد

[القبطان عادل]

رد: نصائح لامهات الداون

شكرا على النصائح المفيدة يا ام الغالى

[يحي]

رد: نصائح لامهات الداون

محمود بياكل دلوقتي لوحده اللب والفسدق لوحده مش علي الزبادي بس بنقسرله اللب

[القبطان عادل]

رد: نصائح ام محمود لامهات متلازمة داون الجدد

بسم الله ماشاء الله الله واكبر على الباشا

[ام وليف]

رد: نصائح ام محمود لامهات متلازمة داون الجدد

الله يعطيكي العافيه اولادي يحبه يشوفو محمود وانا اتصفح في المنتدى الله يطرح البركه في محمود يارب لأنك صاحبة فضل علينا بعد الله

[ام محمود]

رد: نصائح ام محمود لامهات متلازمة داون الجدد

الله يعطيكي العافيه اولادي يحبه يشوفو محمود وانا اتصفح في المنتدى الله يطرح البركه في محمود يارب لأنك صاحبة فضل علينا بعد الله

حبتكم العافيه يارب ويحبب فيكم وفي وليف كل خلقه
امين

[ام صفوان محمد]

رد: نصائح ام محمود لامهات متلازمة داون الجدد

انا ام لرضيع دي 4 شهور لايبكي لايصرخ لو كان به الجوع لانقلب لايناغي وحده هو في هدوء تام اقوم بتليكه كل يوم بل كلما سنحت الفرصة ادلك يديه ورجليه ارئ تحسن بسيط والحمد لله لكن لايحرك وجه لايمينا ولا شمالا بل على طول يرفع عينيه للاعلى نحو الضوء بما تنصحيني ايها الاخت الشجاعة المتفائلة الطيبة وشكرا

[شمعة أمل]

رد: نصائح ام محمود لامهات متلازمة داون الجدد

مشكورة اختي ام محمود ع النصايح المفيده

[زهرة برية]

رد: نصائح ام محمود لامهات متلازمة داون الجدد

السلام عليكم
ام محمود بجد انتى ام رائعة
جزاك الله كل خير على ما تقدمينه لمحمود ولجميع الامهات

يارب يشفى محمود وكل الاطفال امين يارب

حبيت اقولك سيف ابنى بيعمل ايه دلوقتى
واحب اعرف رايك

هو عمره 10 شهور
شطووور خالص خالص
ما شاء الله

بيغنى ويناغى
وبخليه يتفرج على اغانى الاطفال الانجلش وتعليم a b c فيها كارتون
بيحبها اوى وبيتابعها ولما بتخلص بيعيط ولما اشغلها يسكت

بيتابع كويس اوى اى حد ماشى امامه وبيتابع الاضواء والاصوات
ولو شافنى وهو قاعد مع باباه بيرمى نفسه عليا
ولما اقوله تعالى يرمى نفسه عليا
ولو حد بص له وضحك بيضحكله

لما بيكون نايم على ضهره بيتقلب على جنبه وعلى بطنه
وبيرفع راسه وهو على بطنه وبيحرك راسه فى كل الاتجاهات
بس لما بيكون على بطنه مش بيتقلب على ضهره لوحده
ومش عارفة اخليه يعمل كده ازاى بصراحه

علمته يسلم
اقوله سلم على مامى يمد ايده ويسلم عليا

بيشد منى الموبايل وانا بتكلم فيه
ويسمع اللى بيكلمنى من السبيكر

عارف الكوبايه بتاعته لما بيشوفها يمد ايده عليها
ويبقى عايز ياخدها

اجتماعى اوى وبيحب الناس
بالذات البنات هههههههههههههههه
يضحك معاهم ويعيط لو راجل شاله ههههههههههههه

لو شاف مامتى بعد فتره يحضنها ويشد وشها على بؤه

بس فى حاجات كده مش مظبوطه معاه

يعنى مثلا
لما يمد ايده على لعبه او اى حاجه ملونه او معلقه
بيحط ايده عليها منغير مايقفل ايده عليها
او احط صباعى فى ايده مايقفلش صوابعه عليه

مع انه كتير بيمسك حاجات
او يشد شعرى وبيمسك جامد وكويس ما شاء الله
بحس ان بيمسك بمزاجه يعنى

طبعا لسه ماطلعش له اسنان
مع انه بيعض

ومش بيقعد لوحده يعنى بيسند على حاجه
بعمله تدليك وتمارين وبحاول اقعده على الارض والاعبه باى حاجه
يقعد دقيقه كده لوحده بعدين يقع
بالمناسبه كان فى دكتوره كتبت له على كالسيوم اسمه بيديكال وفيدروب

وبحاول معاه وربنا يسهل الاحوال ويبقى احسن ان شاء الله

دى الحاجات اللى حبيب قلبى بيعملها
معلش ام محمود طووولت عليكى
بس حابه اسمع رايك ونصايحك

وياريت لو تسمحى تقوليلى على مركز علاج طبيعى كويس
ودكتور امراض وراثيه على اساس اعرف منه نسبه الذكاء والحاجات دى
انا من اسكندريه وعايشه فى القاهرة
فلو تعرفى فى اى مكان هنا او هنا قوليلى

جزاك الله كل خير
وباررك لك فى ميدو القمر واخواته

[ايمان سيف]

رد: نصائح ام محمود لامهات متلازمة داون الجدد

لكي ام محمود علي كل حرف تكتبيه لافادتنا
بارك الله فيكي وفي محمود واخوته

[ايمان سيف]

رد: نصائح ام محمود لامهات متلازمة داون الجدد

اختي زهرة برية
ام سيف اهلا بيكي ومرحبا
حاولي تمسكي سيف ورق بالطول نتنيه كذا مرة بالطول وتقطع احدي طرفية مسافة قصيرة وتعطي طرفها لابنك والطرف الاخر في يدك وتشدي منه وتقطعوا الورقة
وممكن حبل وتشدي احدي طرفيه وهو الطرف الاخر مع تعليمه كيف يمسك ويطبق علي الحبل مرة و2و3 حتي تصل اليه الفكرة وطبعا لا تنسي تمارين اليد لام محمود الي ذكرتها في اول الموضوع فهي تقوي ايضا اليد
وتمرين اخر حاولي تطبقي يد ابنك صابع صابع واضغطي بعض من الوقت ثم اتركيه يفلتها هو كردة فعل

[زهرة برية]

رد: نصائح ام محمود لامهات متلازمة داون الجدد

يسلموووو
ايمان

على ردك الجميل
واهتمامك

ان شاء الله حعمل بنصيحتك
جزاك الله كل خير

دمتى بخير

[ام محمود]

رد: نصائح ام محمود لامهات متلازمة داون الجدد

اهلا وسهلا باختي الزهره البريه
ماشاء الله ابنك رائع
وجزيل للاخت ام فارس كفت ووفت
اشكرها علي الرد
وان شاء الله يكون للافضل

[ام محمود]

رد: نصائح ام محمود لامهات متلازمة داون الجدد

انا ام لرضيع دي 4 شهور لايبكي لايصرخ لو كان به الجوع لانقلب لايناغي وحده هو في هدوء تام اقوم بتليكه كل يوم بل كلما سنحت الفرصة ادلك يديه ورجليه ارئ تحسن بسيط والحمد لله لكن لايحرك وجه لايمينا ولا شمالا بل على طول يرفع عينيه للاعلى نحو الضوء بما تنصحيني ايها الاخت الشجاعة المتفائلة الطيبة وشكرا

حبيبتي عليكي بالتنشيط البصري والجسدي
كتحريك الضوء امامه ويتتبعه وياريت لو مصاحب الضوء صوت
واهتمي بتمارين الفرد والثني لكل مفصل جسمه
ضعيه باماكن كثيره بالبيت واتركي اخوته يداعبوه ويناغو له ويتمتمون امامه
ومع الوقت ان شاء الله سيتحسن جدا