فرصه ذهبيه لمن يبحث عن كرسي كهربائي متميز وبمواصفات عاليه وميزة الوقوف

منتديات تحدى الإعاقة
العودة   منتـديـات تحــدي الإعـاقـه > أقسام الإعاقات والاحتياجات الخاصة > الإعاقـــة الحــركيـــة
عضوية جديدة
مختارات نحن لا تضعفنا إعاقتنا نحن القرار والمصير
لكل من فقد كلمة مروره او يجد صعوبه في دخول المنتدي يمكنكم التواصل مع الإداره بالضغط علي  (الاتصال بنا)  

البحث في منتـديـات تحــدي الإعـاقـه
     

إضافة رد
تصميم كرسى يساعد على الوقوف
تصميم كرسى يساعد على الوقوف
قديم منذ /04-11-2014, 03:10 PM   #1


محمد صبحى س غير متواجد حالياً

 تاريخ التسجيل : 4-11-2014
 رقم العضويـة : 26966
 نوع الإعاقة : لا يوجد
 الجنس : ذكر
 الجنسية : مصرى
 مجموع المشاركات : 2
 بمعدل : 0.00 في اليوم
 آخر زيارة : 13-12-2014 (10:13 AM)

تصميم كرسى يساعد على الوقوف






السلام عليكم ورحمة الله وبركاته
قبل اى شئ الحمد لله الذى لا يحمد على مكروها سواه
والدتى بعد عملية بالمخ اصيبت بشلل رباعى
والحمد لله رب العالمين فى البدايه كل الدكاتره أكدوا انها ستظل مشلوله ولا يوجد اى أمل - ولكن بفضل الله ورحمته بينا والدتى بدأ نصفها اليمين يتحرك حركه بسيطه وده شيئ مشجع جدا

دلوقتى انا عايز اعمل لوالدتى كرسى متحرك يساعدها على الوقوف
والدتى عندها 59 سنه - طولها 160 سم - وزنها 90 كيلو
المشكله الرئيسيه انها معندهاش اى تحكم فى جسمها نهائيا
احنا كده داخلين على الشهر الخامس على الحاله ديه وطبعا مشكلة قرح الفراش هاتموتنا
ولازم انها تتحرك كتير
الحمد لله انا واخواتى مش بنسيبها خصوصا أختى الصغيره ربنا يبارك لها فى اللى هيه بتعمله - لكن بصراحه الموضوع صعب جدا ومرهق جدا علشان كده لما لاقيت ان فيه كراسى بتساعد على الوقوف فكرت انى اجيبها - لكن بصراحه اسعارها فلكيه بالنسبه ليه

علشان كده انا عايز حاجه من اتنين
الاولى لو حد عنده كرسى مستعمل يساعد على الوقوف للبيع يا ريت يعرفنى

الثانيه فى اسوأ الظروف حد يدينى تصميم كرسى او أى جهاز يساعد على الوقوف وان شاء الله انا هانفذه

أسف على الاطاله

jwldl ;vsn dshu] ugn hg,r,t ;vsn dshu] ugn hg,r,t










من مواضيع محمد صبحى س في المنتدى









عدد  مرات الظهور : 30,946,315
  رد مع اقتباس
تصميم كرسى يساعد على الوقوف
قديم منذ /04-11-2014, 06:16 PM   #2


 
الصورة الرمزية أحمد بدر

أحمد بدر غير متواجد حالياً

 تاريخ التسجيل : 15-11-2012
 رقم العضويـة : 22506
 نوع الإعاقة : شلل نصفى سفلى ناتج عن كسر بالعمود الفقرى و قطع بالحبل الشوكى
 الجنس : ذكر
 الجنسية : مصرى
 الإقامة : مصر - محافظة الدقهليه - المنصوره
 مجموع المشاركات : 91
 بمعدل : 0.03 في اليوم
 آخر زيارة : 31-03-2020 (01:52 AM)

إرسال رسالة عبر ICQ إلى أحمد بدر إرسال رسالة عبر MSN إلى أحمد بدر إرسال رسالة عبر Yahoo إلى أحمد بدر
رد: تصميم كرسى يساعد على الوقوف




أخى العزيز
انصحك بالتوجه الى مركز العجوزه للجيش للتأهيل و العلاج الطبيعى و مكانه طبعاً بالعجوزه خلف مستشفى الشرطه
حيث يمكن دخول والدتك هناك (كمقيمه و لها يومياً جلسات من العلاج الطبيعى ) و معرفة طرق العلاج المناسبه لها بالإضافه الى انه يوجد لديهم مصنع ممكن يصنعولك جهاز للوقوف و معرفة ما يناسب الوالده من احتياجات و ان لم تستطع إدخالها كمقيمه يمكنك التوجه ايضا للمصنع و الاستفسار عما تريده. و بالمناسبه يجب شراء مرتبه هوائيه لمحاولة تجنب القرح و تقليبها على كل من جانبيها كل ساعتين او ثلاث و بالطبع يجب الاهتمام بالعلاج الطبيعى و هو اهم شىء على الاطلاق كما يجب معرفة طريقة التغيير على القرحه و تغييرها كل يومين او ثلاثه على الاكثر عشان مش معقول هتجيب كل يومين حد يغير على القرحه فيجب على احد من العائله تولى ذلك الامر.
لو فيه اى استفسار اخوك بالخدمه
و الله ولى التوفيق










من مواضيع أحمد بدر في المنتدى








التوقيع

الله لا إلـه إلا أنـتَّ سُـبـحـانـكَ إنّى كُـنَّـتَ مِن الـظـالمين
لا راحة فى الدنيا لا حيلة فى الرزق و لا شفاعه فى الموت
الـلـهُــم لـكَ الحـمـدَ و الشُـكـر كـمَّـا يـنـبـغى لِـجـلالِ وجـهِـكَ و عـظـيـٌـم سُـلـطـانك
✯ ✵ ✮

التعديل الأخير تم بواسطة أحمد بدر ; 04-11-2014 الساعة 06:19 PM
  رد مع اقتباس
تصميم كرسى يساعد على الوقوف
قديم منذ /08-11-2014, 11:42 AM   #3


 
الصورة الرمزية مصطفى ابوحجر

مصطفى ابوحجر غير متواجد حالياً

 تاريخ التسجيل : 20-10-2013
 رقم العضويـة : 25195
 نوع الإعاقة : شلل رباعى
 الجنس : ذكر
 الجنسية : مصر
 مجموع المشاركات : 31
 بمعدل : 0.01 في اليوم
 آخر زيارة : 20-02-2018 (01:33 PM)

إرسال رسالة عبر Yahoo إلى مصطفى ابوحجر
رد: تصميم كرسى يساعد على الوقوف




السلام عليكم اخى الفاضل
انا رايى من راى الاخ احمد انت تذهب الى مركز تاهيل العجوزه وبالنسبه للتكاليف ممكن تعمل اقرار على نفقه الدوله تروح المجالس الطبيه بمدينه نصر تقريبا الحى السادس او السابع ممكن يدوكاقرار بمبلغ كبير يعنى تبقى اقامتها داخل المستشفى وهناك حتلاقى دنيا تانى وناس اخر ذوق لان المركز تابع للقوات المسلحه وعلى فكره انا شخصيا عملت الخطوات دى لكن مقدرتش اكمل لانى من اسوان وقرروالى علاج دون اقامه وظروفى الماديه مسمحتش اخدشقه ايجار فاطريت ارجع تانى والحمد لله تواصلت من فتره شهرين مع جمعيه مصر الخير لعمل جهاز جبيره تساعدنى على الوقوف وفعلا وافقو وذهبت لمقر المصنع داخل المستشفى وعملتها فعلا فى نفس اليوم نظرا لان مكانى بعيد والحمدلله وده كان بتاريخ1/11/2014الحالى وقمت بتجربتها والحمدلله علشان كده اكسب الوقت واهم شيىء تجيب المرتبه الهوائيه علشان القرح ودى اخطر شيىء لقد عانيت منها كتييير واهم من ده كله الحاله النفسيه لازم يكون صاحب عزيمه وايمان قوى ..............والله الشافى المعافى
اى استفسار تحت امرك
ملحوظه
خلى بالك عند المجالس الطبيه فيه سماسره كتيير اوعى تصدقهم ادخل بنفسك وخلص اوراقك دون وسيط
خالص تحياتى










من مواضيع مصطفى ابوحجر في المنتدى








التوقيع
[IMG]http:/21248_448533405223278_1308319065_n/[/IMG]


https://www.facebook.com/profile.php...00001998683534
  رد مع اقتباس
تصميم كرسى يساعد على الوقوف
قديم منذ /09-11-2014, 11:51 AM   #4


محمد صبحى س غير متواجد حالياً

 تاريخ التسجيل : 4-11-2014
 رقم العضويـة : 26966
 نوع الإعاقة : لا يوجد
 الجنس : ذكر
 الجنسية : مصرى
 مجموع المشاركات : 2
 بمعدل : 0.00 في اليوم
 آخر زيارة : 13-12-2014 (10:13 AM)

رد: تصميم كرسى يساعد على الوقوف




السلام عليكم ورحمة الله وبركاته
متشكر جدا لردود الاخوه
أولا انا مش عايز اكون متحامل فى الرد - اخى ذهب الى مركز العلاج الطبيعى بالعجوزه التابع للقوات المسلحه وكان الرد فيما معناه ان معاك فلوس اهلا سهلا ممعكش يبقى خلاص
أخويا سأل فى شئون المرضى على العلاج على نفقة الدوله وكان رد الموظف هناك باللفظ
(يا بيه كان فيه وخلص - تدخل هنا بفلوسك والمريض لازم يكون سليم وبدون اى خدش)

لكن ان شاء الله انا هاحاول تانى

بخصوص قرح الفراش للأسف والدتى كان عندها 3 قرح فراش
واحده ضخمه جدا واتنين متوسطين - وده بسبب اهمل الممرضات فى العنايه المركزه لأن والدتى كانت فى غيبوبه عميقه لفتره طويله وبعدها غيبوبه عاديه وبرضو فتره طويله والكل كانوا بيتعملوا معاها على انها هاتموت

بفضل الله سبحانه وتعالى ومجهود أختى بنسبة 90% اتنين منهم اختفوا تماما
المشكله ان فيه واحده فى جنب وسطها ضخمه جدا وبنحاول معاها بشتى الطرق لكن الموضوع بيزداد سوء للأسف
زادت المشكله بأن فيه بدايات قرحه جديده فى المنطقه الخلفيه
مع العلم اننا جايبين وساده هوائيه
والدتى بتدخل السرير 10 ساعات فقط يوميا
اختى بتحركها بشك متواصل
انا بحركها من 4 الى 6 ساعات يوميا ما عدا يوم الجمعه بجد بحرك كل جزء فى جسمها بشكل متواااااااااااااصل طول اليوم
يوميا بقعد اعمل لماما تمارين اطالات بشكل مكثف لمدة ساعه الى ساعه ونصف
فيه جهاز مساج بيتعمل جسم ماما كله بيه وبيتركز على العضلات الضخمه زى الاماميه والخلفيه وعضلات الظهر
فيه ممرضه بتيجى لماما يوميا وبتعمل لها تدليك على جسمها كله
فيه دكتورة علاج طبيعى باللفظ بتقولنا اننا عملنا معجزه خصوصا بعد ما شافت التقارير وان والدتى بدأت تحرك ايدها اليمين وعضلات وشها وملامح وشها بقت طبيعيه
دكتورة العلاج الطبيعى خبره فى مجال الحالات الممثله لحالة ماما لأكتر من 35 سنه وقالت لنا باللفظ ان حالة ماما المفروض انها تقف عند الاكل والشرب فقط

مش هانكر احنا من يوم 29/6/2014 ولغاية النهارده واحنا فى الدوامه ديه
الكل شايفين اننا عاملين معجزه لكن فعلا احنا محبطين جداااااااا
بصراحه انا تعبت جدا وأختى ارهقت وتعبت جدا جدا - اختى تقريبا مسئوله عن البيت كله وزوجها وأولادها ووالدتى وكل المشاكل اللى احنا فيها - بجد انا بشفق على اختى من اللى هيه فيه
ويزيد على الموضوع ان ماما اصبحت حالتها النفسيه سيئه جداااااا مع العلم اننا كلنا معاها ومش بنسيبها

أسف جدا على الاطاله بس فعلا انا حاسس بعجز فوق الوصف ومش عارف اعمل ايه
الحمد لله الذى لا يحمد على مكروها سواه










من مواضيع محمد صبحى س في المنتدى








  رد مع اقتباس
إضافة رد



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
[إستفسار] استفسار عن كرسي بميزة الوقوف لعماري معمر الإعاقـــة الحــركيـــة 11 28-09-2013 05:03 PM
كيف أصنع جهاز يساعد على الوقوف معاق دوشلل نصفي ولو لربع ساع فليوم وجزاكم آلله خيرا rafya1 الإعاقـــة الحــركيـــة 8 19-10-2012 11:00 AM
كرسى متحرك كهربى به أمكانية الوقوف أشرف سابق الإعاقـــة الحــركيـــة 91 14-05-2012 06:36 AM
كرسي متحرك بخاصية الوقوف للبيع محب الخير سوق الأجهزة التعويضية 13 09-03-2012 02:42 PM


منتـديـات تحــدي الإعـاقـه .. السنة 14، اليوم 102


Ads Organizer 3.0.3 by Analytics - Distance Education
الساعة الآن 07:27 PM.
مختارات نحن لا تضعفنا إعاقتنا نحن القرار والمصير

جميع الحقوق محفوظة لمنتديات تحدي الإعاقة - تصميم شركة المودة