[إستشاره] سلوك ابني

[المشعل]

السلام عليكم ورحمة الله وبركاته

كل عام وانتم بخير وعيدكم مبارك

اخواني عندي ابني نايف الله يصلحه ويخلي لكم ابنائكم ..

طبعا هو ثالث الابناء وبعده بنتين الولد تغير علي كثير في سلوكه .. من حيث العصبيه والصياح ولعبة بالبراز اكرمكم الله وعدم فهمه ..
عمره 5 سنوات ما كان كذا ابد صحيح اني عصبي بس هو الوحيد اللي دلعته وبعدين شديت عليه ولكن لم ينفع معه . اذا اردت امنعه من شي حتى لو بسيط يعاند ويرفض واذا شديت شوي يصيح بصوت عالي ..

عنده تكرار في الكلام مثال اذا يبي الملاهي يكررها خمس مرات عشر مرات وانا اقوله طيب طيب خلاص نروح ومن ها الكلام حتى يبكي ..

في بداية تغييره يعصب واحيان انا بالسوق يتسدح بالسوق واضربه او اشيله ..

في البدايات كانو اخوانه يطردونه ويطنشونه لانه ياخذ منهم اللي يبيه ..

يوميا لازم يلعب في الحمام بالبراز اكرمكم الله .. واحيان بالمناديل ويتكلم مع نفسه ..

طبعا استشرت طبيب نفسي قال مو توحد ولا انفصام .. ولكن نبي نسوي اشعة للراس ونتاكد اليوم الاول بهذلني اعطيناه منوم وجلس 5 ساعات يقاوم ولا ينام نام نص ساعة ولما اخضرته المستشفى صحي .. (( ما كتب الله نسوي اشاعة له )) وديته لوحده تقراء وتعرف بالمدينة المنورة .. وقالت معه عين .. وعلى السدر وزمزم اربع ايام والحمد لله تغير ولكن السلوك كما هو في حالة زعله او عصبيته ...

ارجوكم اذا في حل ساعدوني فيه .. عسى الله مايريكم اي مكروه لكم ولابنائكم

[عمر الشهري]

رد: سلوك ابني

السلام عليكم ورحمة الله
والله انا نفس الحالة ولدي عمره 3 سنوات ومتعبني حيل وبكاء دايم واذا احنا بالسوق يطلع من المحل لحاله اذا كلمه غريب طبعا ولا حط يده على راس الولد يبكي ويخاف مادري عجزت معاه

[لولو غيررر]

رد: سلوك ابني

اخواني لاتكتفون بالتخمينات اعرضوا أولادكم على أطباء كثير وفي جميع التخصصات