ارجو المساعده من الاخت صغيري الغالي وكل من يعرف في تعاميم وزارة التربيه؟؟

[قلب حائر]

الله يعطيكم العافيه اخواني واخواتي

من فتره وانا ابحث عن تعميم بس ماحصلت احد يساعدني في الرياض لاتقولون اسالي المديره مثل التعاميم هذي ماتمر على المدارس تبقى حبيسة الادراج والمحتاج يدورها ويطلعها للاسف مايبون اي شي يوصل في صالح المعلمه


سمعت ان اي معلمه عندها طفل احتياجات خاصه تطلع قبل نهاية الدوام بساعه


مادري عن صحه المعلومه واذا كانت صحيحه ابغى التعميم وانا عارفتكم ماتقصروووون

[ملكة الاحساس]

رد: مساعده من يعرف في تعاميم وزارة التربيه

غريبه اول مره اسمع فيه

[اام حسن]

رد: مساعده من يعرف في تعاميم وزارة التربيه

اذا صحيح فعلا اكيد نحن نحتاج اليه ويا ليت نعرف رقم التعميم وسأحاول اسأل عن هذا الموضوع لان جد عندي ازمة خصوصا السنة هذة

[دموع]

رد: مساعده من يعرف في تعاميم وزارة التربيه

ياليت تعطونا الخبر الاكيد
وراح اسال بكره ان شاءالله

[قلب حائر]

رد: مساعده من يعرف في تعاميم وزارة التربيه

اخواتي دموع

اام حسن


ملكة الاحساس


كلنا في ازمه بس ياليت الي يوصلها خبر تفيدنا

مع صار لي قصه مع التعاميم كنت مسويه عمليه لبنتي وفيه تعميم اجازة مرافق للبيت انا اخذت التعميم من صديقاتي في شقراء والقويعيه وديته للمديره على اساس جبس ست اسابيع لازم اكون معها


المديره ماعندها علم وسالت الموجهه الاداريه اول مره تقرى التعميم هذا ؟؟؟؟

سالو في الوزاره قالو اصلا مارفعوه للمدارس لانهم الغوه في الرياض تخيلوووو انا خىابره التعاميم على جميع المناطق مادري كيف يفكرون يعني فيه احد مثلا يبغى لعياله المرض

يعني مدرسات الرياض غير العالم كله من جد

[قلب حائر]

رد: مساعده من يعرف في تعاميم وزارة التربيه

اخواتي دموع

اام حسن


ملكة الاحساس


كنت يائسة جدااااا وبقدم على استثنائي ظروفي صعبه بس مرتبطه بقروض وتعرفون مصاريف العيال يبي لها راتب خاص شلون مع قروض ؟؟

المهم رحت لمركز الاشراف التربوي الرئييسي بالرياض اسال عن نقل الظروف الخاصه لان مدرسي اخر الرياض ساعه بدون زحمه عن البيت

المهم قلت ليش ماسال عن وقت خروج ام لطفل احتياجات خاصه

وقالو موجود تقدرين تطلعين قبل الدوام بنص ساعه او اكثر على حسب

بس يبغون تقرير جديد و صوره من دفتر العائله وخطاب من المديره على اساس انك معلمه عندها يعني معلومات عنك وخطاب منك تشرحين وضعك وش تبغين بداية الدوام او نهاية الدوام

في وحدة المتابعه المبنى على اليمين

لانسوني ادعولي الله يفرج همي ويسر امري ويشفي عيالي

[دموع]

رد: مساعده من يعرف في تعاميم وزارة التربيه

انا بعداليوم رحت لمكتب الاشراف
لكن قالت لي
اللي ترضع تطلع قبل الدوام بساعه ولاتدري عن ذوي الاحتياجات الخاصه!!!

اختي قلب الله يشفي عيالك وبنتي ويفرح قلبنا يااااااااااارب ياكريم
يارب انت ارحم بعبادك اطفالنا مننا فارحمهم يارب ياكريم

[اام حسن]

رد: مساعده من يعرف في تعاميم وزارة التربيه

الله يشفي اعيالنا كلهم ولا يحوجنا لمثل ها الاستئذانات اللي تذل الواحد ، لكني ولله الحمد مديرتي اتفهمت اليوم الوضع ووعدت بالمساعدة ان شاء الله لان ربي بلاني بشغالة ربي يصلحها ويعطيني خيرها ويكفيني شرها حتى باب ما تعرف تفتح وامس بغت تخرب لي قفل الباب لانها صارت تحرك المفتاح يمين يسار وشكلها ما عمرها عرفت باب بالدنيا ، فكيف آمنها على طفل ما يتكلم ولا يعرف يشكي واساسا زي ما قلت ما تعرف تفتح باب ، يعني من الآخر اتمنى ان التعاون يكون داخلي بالمدرسة لانه اذا تدخل فيها توجيه او اشراف تعقدت .

[تعب !]

رد: مساعده من يعرف في تعاميم وزارة التربيه

عزيزتي مافيه تعميم بس أنا سالت التوجيه اللي بالشرق قالت هاتي تقاريره الطبيه وخطاب من المديره ونرفع لك انا اعرف كم وحده اخذت هالساعة

[لطفك يالطيف]

رد: مساعده من يعرف في تعاميم وزارة التربيه

والله ماتشوفون هالتعاميم
حتى بالادراج ... مكانها سلة المهملات دون تطبق على الواقع

لكن لو صار وشفتوة حطوا لنا رقم وتاريخة وصادرة عشان تكسبون اجر باطفالنا

[أم مالك]

رد: مساعده من يعرف في تعاميم وزارة التربيه

انا احتاجه ياليت اللي تحصل عليه تبلغنا
لاني شايله هم فتح الباب لمالك اذا بداء الدوام
اللهم اشف مالك واحلل عقدة لسانه وكل مريض

[جوليا]

رد: مساعده من يعرف في تعاميم وزارة التربيه

الأخوات اللي سألوا عن التعميم حقيقة ليس لدي فكرة و لكن سمعت عن شئ مثل ذلك سابقا ،، اقترح أن تكتبوا موضوع موجهه للأخت صغيري الغالي فهي ذات خبرة بالأنظمة و القرارات المتعلقة بالخدمة المدنية و ستجدوا عندها الجواب الكافي ..

[فوضت امري لله]

رد: ارجو المساعده من الاخت صغيري الغالي وكل من يعرف في تعاميم وزارة التربيه؟؟

تم تعديل عنوان الموضوع لتتمكن الاخت صغيري الغالي من الانتباه له والافادة

[فديتة]

رد: ارجو المساعده من الاخت صغيري الغالي وكل من يعرف في تعاميم وزارة التربيه؟؟

سألت مديرتي تقول اول مرة اسمع عنه
آآآآآآآآآآآآآآه ياقلبي

[أم العبادلة]

رد: ارجو المساعده من الاخت صغيري الغالي وكل من يعرف في تعاميم وزارة التربيه؟؟

ياليت ، أنا سأسأل أختي ( مديرة مدرسة سابقا ) وسأرد عليكم إن شاء الله .