اخواتى فى مصر ارجو المساعدة عاااجلا

[الامل في الله]

رد: اخواتى فى مصر ارجو المساعدة عاااجلا

ما شاء الله على حماسكم الله يعينكم ياريت الجروب ده كان معايا في المحله يدينى عزيمه وشحنه لمواصلة هذه الرحله الصعبه

[قول يا رب]

رد: اخواتى فى مصر ارجو المساعدة عاااجلا

كل عام وانتم بخير وحشتوني كلكم وكلامكم جميل واعتقد كل ام بعد الدوخه على المراكز فكرت فى عمل مركز خاص بس انا عايزه اعرف هو اولادنا حيستمروا فى مراكز لامتى المركز حالات واحده واحنا عايزين بعد فتره اندماج مع اطفال عاديين وبعدها دخول مدارس يعنى علشان يكون مركز كويس لازم يكون فيه كل المراحل الطفل يتم تقيمه وبعدها يدرس حسب حالته مع اطفال من نفس الحاله وفى نفس الوقت ياخذ بعض الدروس مع العاديين ده غير الانشطه من رياضه ورسم وغيره وبعد كده نزود الاندماج ونجهزهم لدخول المدارس ونعلمهم الالتزام فى الفصول وبعض البدايات فى المناهج ليؤهل لدخول مدرسه ابنى لم تقبله اى مدرسه خاصه ولا حتى kg1ولم يقبلوا حتى فكره الشادو مع انه مع الجهد البسيط بيسمع الكلام اوانه يذهب لمدرسه دوليه لان طرق التعليم والمناهج سهله فى طرق الدراسه والامتحان وطبعا المصاريف غاليه ولا نستطيع وفى النهايه نصحونى انه مش اضيع عليه المدرسه وقدمت اولى ابتدائى فى مدرسه حكوميه وقبلوة من غير لاانا اوهو نذهب وكمان مش حيروح علشان هو فى مركزخاص وقالوا ممكن ياتى على الامتحان وعرفت من اهالى ان اولادهم لا بيتكلموا او يعرفوا يكتبوا وفى سنه رابعه وان الطفل كمان ممكن يأجل او ياخذ السنه فى اثنين قلت وماله امشى فى كل الاتجاهات واذا تحسن شويه ابقى بعد كده احول على اى مدرسه خاص دوشتكم لكن انا دوخت واحترت وكنت عايزه اعرف من ام شريف ايه التجربه السيئه معه فى ابنى مع انى شايفه ان مع ولدى فى تحسن مش بطال علشان ناخذ بالنا
وايه المختلف فى الامل وربنا يعينا.

[ام ليلى الصغيرة]

رد: اخواتى فى مصر ارجو المساعدة عاااجلا

اختى قول يا رب والله انت ممتازة و زى ما المدارس الفاشله دى ماهياش راضيه تاخد اولادنا مع انهم لهم الحق بمقتضى تصريح من الوزارة ...الا انه حلك هايل جدا و عملى جدا و حتى طريقه تفكيرك منطقيه جدا جدا...لانه احنا فى بلد متخلف ما ينفعش ماعهم غير التحايل ...عموما انا كنت لسه بقول الكلام دة لام شريف انه لازم الدمج مع حصص تنميه المهارات و التخاطب و اليوم لازم يبقى طبيعى بالنسبه لاولادنا علشان يلقطو من الاولاد الطبعيين....و ربنا ييسر لنا سبل الشفاء

[زينه البنات]

رد: اخواتى فى مصر ارجو المساعدة عاااجلا

نفس الكلام كنت بافكر فيه
ان الاولاد لازم في لهم دمج مع اطفال طبيعيين؛وده علشان تطور اللغه ؛وتحسن السلوك؛وكمان لو كلهم توحديين ماذا سوف يكتسبوا ؟حركات تكراريه اكثر!
ربنا يوفقنا لانسب حال لاولادنا

[أم متحدية]

رد: اخواتى فى مصر ارجو المساعدة عاااجلا

اخوانى فين رحتوا رجاء التواصل لاتمام فكرتنا فى اسرع وقت

[استراليا]

رد: اخواتى فى مصر ارجو المساعدة عاااجلا

حياكم الله
ارجوا من كل من لديه معلومات عن مراكز التهيل في مصر ان لايبخل علينا بالمعلومات. كخلاصة لهذا الموضوع اي من مراكز التاهيل الخاصة بالتوحد هو الافضل خاصة لاي واحد غريب عن مصر واية معلومات عن التكاليف. جزاكم الله خيرا

[أم متحدية]

رد: اخواتى فى مصر ارجو المساعدة عاااجلا

اخوانى ارجو التواصل معى لان لديا فكرة اريد اعرضها عليكم ربما كان فيها الحل الذى يرضى جميع الاطراف من حيث الدمج والفريق الجيد (( وهما الجانبان المتوفران فى المركز اللى فيه ابنى )) و كذلك الامكانيات وكل ما يحتاجه اولادنا كى ننقذهم باسرع وقت ارجو التواصل من الكل

[قول يا رب]

رد: اخواتى فى مصر ارجو المساعدة عاااجلا

انا كرهت الكمبيوتر بس ليه روقه ان شاء الله المهم انا حاليا بتابع مع ابنى جلسات تخاطب عاديه مع مدرسه بجوار المنزل مرتين وبيذهب ثلاث مرات فى الاسبوع مركز ابنى بهليوبليس لان المشوار صعب كل يوم انا اجيبه وارجعه وهو داخل على شهر وشايفه انه مش بطال حتى الان.
بس ام شريف قالت انها خرجت شريف يا ريت نعرف للحذر مع اولادنا؟؟؟؟؟؟
المصاريف فى الشهر كل يوم الف وخمسمائه وفي داخلى بس ما عرفش بكام.

[قول يا رب]

رد: اخواتى فى مصر ارجو المساعدة عاااجلا

اخواتى وحشتونى عايزه اعرف اخر اخباركم فى مشروعكم وماهى المراكز اللى قررتم ترك اولادكم فيها مركز الامل اخباره ايه يا ام شريف ولا وينى ذا بو، وكمان عنوانهم واشتراكهم بكام واى مراكز اخرى عرفتوها فى المده الاخيره.
عايزه اعرف من اختى ام متحديه ليه لم يدخل ابنك حتى الان مدرشه لانهم رفضوا ولا هو محتاج وقت ربنا يشفى اولادنا قول يا رب.

[أم متحدية]

رد: اخواتى فى مصر ارجو المساعدة عاااجلا

السلام عليكم

اختى العزيزة ابنى لم يدخل مدرسة لتأخر حالته قررت اكثف له العلاج لمدة معينة ثم الحقه بمدرسة ولكن الى الان للاسف لم اجد حتى مكان استطيع تكثيف نى التدريب فيه ما اصابنى بالاحباط واليأس والندم انى رجعت من السعودية لانها اصبحت مصر مثل السعوديةلا يوجد اى مكان جيد بالذات للسن الكبير مثل ولدى دعواتكم و لا يعلم الخير الا الله

[قول يا رب]

رد: اخواتى فى مصر ارجو المساعدة عاااجلا

هنا طبعا احلى لكن محتاجين بحث اكثر لنعثر على ما نريد،انا كمان فكرت زيك ابنى المفروض اولى ابتدائى لكن الحركه زايده ومش بيقعد فكرت اكثف فى تظبيطه وكمان اشوف حد فى المنزل يكثف المذاكرة و التخاطب وكان ابنى فعلاعنده فى بلدنا حد بيجى البيت لكن فى القاهره حاليا بيروح مركز ابنى وبيتابع مع د.هانى وبدور على حد قريب منى يأتى له كل يوم يذاكر معه لانى قدمت فى الحكومى وربنا يهدينا الطريق قولوا يا رب.

[ام بلال]

رد: اخواتى فى مصر ارجو المساعدة عاااجلا

السلام عليكم
تفتكروا الموضوع دة كان كلام وبس
ولا يا ترى حد بدا يا خد خطوات على ارض الواقع