هل انت واثق من نفسك

[عطرالجنه]

ازيكوا يا جماعه
منورين الموضوع ويا رب تستفيدوا منه
انا هتكلم عن الثقه بالنفس
انا اكتشفت عن تجربه ان الانسان لما بيثق فى نفسه بيصل للنجاح اللى هو عايزه
لكن عدم الثقه بالنفس والشعور انك معندكش قدرات او مميزات ده بيخليك واقف مكانك مش بتستغل قدراتك وكمان بتدهور لان اى مميزات عندك انت مش بتستغلها بتتغطى بالتراب وتبقى عامله زى الخرده
خلى عندك ثقه ان انت جواك كنز لازم تكتشفه
كل واحد فينا عنده امكانيات غير التانى ولو استغلناها صح هنوصل للقمه ولازم يبقى عندنا ايمان وثقه بالله ان احنا مخلوقين فى الدنيا عشان هدف ولازم يكون عندنا حسن ظن بالله ان ربنا بيحبنا وانه ارحم علينا من ابونا وامنا
خطوات الثقه بالنفس

1 اياك والمقارنه بالغير
يعنى مثلا انا فاشل ومليش لازمه فى الدنيا ده ابن خالتى كل يوم بيسهر يذاكر وانا مش بقدر يا بخته
او مثلا اهللك يقرنوك بقريبك و يقولولك شوف ابن عمك بيعمل ايه قلده بكره ده يبقى دكتور وانت تعد تتفرج عليه و تتحسر
كل الكلام ده بيعمل احباط مش اكتر وللاسف الاهل بيفتكروا انهم بيشجعوا ولدهم
ارمى اى نوع من المقارنه البحر وساعتها هتحس براحه عجيبه وتاكد ان انت متميز زيك زى ابن عمك وابن خالتك لكن كل واحد ليه رزقه اللى بيجيله فى وقت معين حتى لو تاخر

2 متطلبش المثاليه فى كل شئ

انت انسان مش ملاك عشان تكون مثالى فى كل شئ يعنى انت مش معصوم من الاخطاء لانك بشر
اقبل نفسك زى مانتا لكن فى نفس الوقت لو غلط حاسب نفسك واعرف انت ليه عملت كده عشان متكررهوش فكل ابن آدم خطاء وخير الخطاؤون التوابون


3 فتش جواك

ابحث جوا نفسك عن مميزاتك ونجاحاتك واكيد هتلاقى لان مفيش حد فى الدنيا معندوش حاجه متميز بيها حتى لو كان اصم واعمى وابكم
انت لو عبدت الله باخلاص يبقى انت متميز
ممكن يبقى جواك حاجات حلوه اوى بس انت بتعتبرها هايفه ومش بتستخدمها
يعنى مثلا انت ممكن تكون صبور وعندك طولت بال بس انت حاسس ان الصبر ده حاجه عاديه ومش ميزه بس الحقيقه انها ميزه انت فى اليوم اللى هتتحط فى موقف صعب يعنى حد قريب منك يموت لاقدر الله الصبر هو اللى هيخليك مش تنهار وهيخليك تعرف تكمل حياتك

4 اتنفس بعمق و بسعاده وافتكر 3 نجاحات انت نجحت فيها يعنى مثلا نجحت فى الكليه بتفوق او حليت مشكله كبيره لحد وابحث جواك عن اسباب نجاحك فى ال3 نجاحات عشان تكتشف نفسك يعنى مثلا انا عرفت احل المشكله لان تفكيرى سليم ولانى مسامح وعندى القدره على الاقناع او مثلا انا نجحت لانى مثابر وصبور

بصوا دايمين لنص الكوبايه المليان واعرفوا انكوا مليانيين مميزات
وانكوا كلكوا تستهلوا انكوا تكونوا واثقين من نفسكوا


ويا رب اكون عرفت اوصلكوا افكارى

ثق بالله

ثق بنفسك

حب الحياه

[ahmed abady]

بارك الله فيكى اختى الكريمة عطر الجنة ....
ولكى منى اجمل تحية على هذا الاسم الرمزى الجميل

[فتافيت سكر]

فعلا المقارنة بين شخص و شخص آخر متفوق عليه دراسيا أو وظيفيا
تحبطه مع أنه قد يمتلك من القدرات ما يفوقه لكنها كامنة
لم يستغلها ويوظفها في مكانها الملائم لها
لتعود عليه بالنفع والفائدة .,

شكرا لك عطر الجنة على الموضوع الواثق

[دمعة عمر]

[المحبة لدينها]

[عطرالجنه]

شكرا على مروركم ويارب تستفيدا

[ki_shintai_juts]

ثق بالله

ثق بنفسك

حب الحياه

موضوع جميل وكلمات أجمل

جزاك الله خيرا

[ميسون قصاص]

ما هذا كلّه ... ما شاء الله ... كلمات جميلة في الثقة والأمل وتطويرالذات ... بارك الله بك وجزاك كل خير يا حبيبتي ...

[ألم الأمل]

النجاح حلم يتطلع اليه كل انسان
وهو قيمة من اغلى القيم في حياتنا
والثقة هي الخيط الرفيع الذي يفصلنا
عن التقدم والنجاح ..

شكراً لكِ على موضوعك الواثق للثقة

أخيك في الله
آلم الأمل

[حنان]

بارك الله فيكي اختي على الموضوع الجميل
وجزاكى الله كل خير
تحيتي لكى

[ســاتيدمــا]

[أم رنيــــــم]

اشكرك اختي الغاليه وجزيتي خيرا غاليتي

[ميشو]

السلام عليكم ورحمة الله وبركاته لو هذي الثقه لا ما استعطت ا ن ستمر في حياتي شـكــ وبارك الله فيك ـــرا لك ... لك مني أجمل تحية .

[بحر الأمل]

السلام عليكم و رحمة الله و بركاته

وصلت فكرتك المتسلسلة و المقنعة بكل بساطة إلى قلوبنا
و فقهناها بعلولنا و ليتنا نتعاهدها كلما حاولت التفلت

بارك الله فيك عطر الجنة على الطرح الراقي
كل الود لقلبك

[عطرالجنه]

رد: هل انت واثق من نفسك

نورتوووو الموضوع والحمدلله انه عجبكم