ام لطفل توحدي من الاسكندريه

[ام ميسم]

رد: ام لطفل توحدي من الاسكندريه

اهلا بك اختي نيفين ...
ارجوالتوضيح اكثر مثلا ما اهم شيء عملته لأبنك ووجدتي له ايجابيات ؟ وهل عملت له تخطيط مخ eeg؟
وهل كان لدية كهرباء زادة وعالجتها ؟
وشكر لتعاونك .

[نيفين المتفائله]

رد: ام لطفل توحدي من الاسكندريه

اختي ام ميسم السلام عليكم مؤخرا لم تطلب الطبيبه سوي صورة دم كامله وكانت نتيجتها طبيعيه والحمد لله وكذلك egg لم يكن هناك كهباء زائده ولله الحمد فقط يعاني من ضعف في التركيز

[طاهره]

رد: ام لطفل توحدي من الاسكندريه

شكرا عزيزتي والحمد الله على كل شكرا :)

[قلبي ضاع معك]

رد: ام لطفل توحدي من الاسكندريه

اختي نيفين ..
اهلا وسهلا بك في المنتدى .. ولكن كيف عرفت ان ابنك عنده توحد يعني قولي لنا القصة من طقطق لسلام عليكم لان احنا نموت بالتفاصيل ونموت بالقصص اللي مثل حالة ابنك هههه ..

يمكن عنده مرض ضعف التركيز والانتباه وفرط في النشاط والحركة لان اللي قلتيه ينطبق علي هذا المرض اكثر من التوحد .. فكيف حكمت على ابنك عنده توحد ؟

[أختكم فى الله]

رد: ام لطفل توحدي من الاسكندريه

السلام عليكم ورحمة الله وبركاته

أختى العزيزة أهلا بكى بيننا .. وربنا يشفى إبنك شفاء تام لا يغادر سقما إن شاء الله

بس أنا كان عندى تعليق بسيط .. يمكن تستغربيه شوية .. أنا كان ليا تجربة مع الدكتورة أميمة سليم والدكتور حسين عبد الدايم فى تشخيص حالة بنتى

وإللى لاحظتوا عليهم وعرفتوا عنهم من تجارب أخوات أخرى سبقونى فى زيارتهم .. إنهم بيختاروا الحالات السهلة إللى ممكن يشتبه على أهلها إنها توحد .. ويأكدلهم إنها توحد وممكن أيضا يبالغوا فى التشخيص .. علشان تكون الحالة سهلة وتتحسن بسرعة وتكمل فى مدارس الدكتورة أميمة .. وتنسب ليها كل تطورات الحالة .. وفى الآخر يعتبروها حالة توحد وشفيت على إيديهم ويتفاخروا بيها قدام كل الأهالى ويدعوا كما إدعوا امامنا إن مفيش حد ممكن يعالج حالة توحد غيرهم

عايزة أقولك إن بنتى عندها حاليا سنتين ونص .. والحمد لله فى تطور مستمر وبتوظف بعض الكلمات وبتفهم الكثير ما شاء الله وإدراكها كويس الحمد لله .. مشاكلها الأساسية .. إنها لا تستخدم الإشارة ولا ترد على النداء ومتاخرة فى اللغة والإدراك عن الأطفال إللى فى سنها
وذهبت بيها للدكتورة منال عمر ونفت تماما إنها عندها توحد وإن عندها مجرد تأخر لغوى ومشكلة فى الأحاسيس خاصة التوازن لأنها تأخرت فى المشى لحد سنتين وشهرين بدون سبب عضوى

تخيلى لما ذهبت للدكتور حسين عبد الدايم قبل زيارتى للدكتورة منال .. كان تشخيصه إيه
توحد شديد جدا كلاسيكى وتأخر عام
وإن حالة بنتى صعبة وهما مش بياخدوا الحالات دى بس علشان خاطرنا هيحاولوا معاها .. بشرط إنى متدخلش خاااالص فى تدريبها فى البيت ولا أحاول أعلمها أى شئ ولا حتى كلمة

الكلام ده من حوالى 4 شهور بس .. مش عايزة أقولك بنتى تطورت أد إيه فى الوقت ده ما شاء الله محدش بيتخيل إن عندها أى حاجة سوى تأخر لغوى بسيط وكل ده بفضل الله ثم التدريب فى البيت

معلش طولت عليكى .. بس النتيجة إللى عايزة أوصلهاك .. إنهم كانوا عارفين إن حالة بنتى بسيطة لأنه شئ لا يخفى عن أى دكتور خبير زيهم .. بس كانوا حابين يكبروا الموضوع علشان لما تتحسن ينسبوا لنفسهم شفاء حالة توحد كلاسيكى وتأخر عام ... وخصوصا إنهم قالولى إنى متدخلش فى تدريبها أبدا وده شئ منافى لرأى أى طبيب عنده ضمير لأن الأم هى أهم شخص ممكن يدرب إبنه ... وأنا خايفة بصراحة إنهم يكونوا كبروا حالة إبنك وشخصوها توحد وهو كان أقل من كدة زى ما الأخت قلبى ضاع معك قالت

أنا أسفة على الكلام الكتير بس أنا مقدرتش أقاوم أقولك الكلام ده لما قريت أسماءهم فى موضوعك

[مفوض امره لله]

رد: ام لطفل توحدي من الاسكندريه

اختي

انت من اليكس



اجدع ناس


ايه رأيك بالدكتورة حنان عزوز بالابراهيمية


والدكتور طارق عمر بالرصافة محرم بيه


هل تتابعين مع مركز علاء او عملتي ايه معاه من عمر 5 سنين

انا متابع الى حد ما مع حنان عزوز وذلك لظروف سفري مع ابنتي بالسعودية لكنني باتصال دايم معها


اعطتنا مكملات ولها الان 7 شهور عليها والحمد لله بنتي عمرها الان 3 سنوات واشاهد تحسن ملحوظ والفضل لله رب العالمين

اعطتنا تجربتك من يوم اكتشافك للامر


بالمناسبة باعتبارك عضوة جديدة

هذا المنتدى رائع بمعنى الكلمة فالجميع يحب الخير للجميع ولا يدخر وسعا بالمساعدة ولن انسى اول موضوع كتبته هنا وكانت دموعي تتساقط يومها على وجهي


وقام الاخوان والاخوات بالواجب الله يجزاهم بالخير

[قلبي ضاع معك]

رد: ام لطفل توحدي من الاسكندريه

اختكم في الله ..
سبحان الله توارد افكار انا بعد كان في بالي نفس الكلام اللي قلتيه لاني مريت بتجارب مع دكتور جذي .. حتى كان يقولي ما في تواصل بصري اببببببببببببدا .. مع ان حمودي كان يلعب معه ومسك لحيته وشدها ونظر في عيونه وشال عنه النظارة .. ومع ذلك كان يقولي حالته جدااااا شديدة .. والدكتورة عبير شخصته توحد متوسط وكانت حالته مختلفة جدا عن الفترة اللي هوا شافه فيها ...وانا لما رحت له كنت قاطعه شوط كبير في الحمية والعلاج وكان حمودي متغير عن قبل ... لذلك انا ما ارتحت له .. ولا عاد رحت له ... الله يسامحهم ولا يحللهم اذا كان هدفهم مادي بدون ان يساعدو الطفل .. اهم شئ يكون الاهل على وعي تاااام بمصلحه طفلهم

طولت الحكاية بس الحمد لله ان ابن الاخت نيفين تخطى الصعوبات .. والتحق بطفل من عمره ...

[أم حنيفة]

رد: ام لطفل توحدي من الاسكندريه

الله يفرحك به و يتمم شفاءه امين

[نيفين المتفائله]

رد: ام لطفل توحدي من الاسكندريه

اخواتي العزيزات شكرا علي المرور والتعليق
الحقيقه انا عارفه ان د حسين ود اميمه دايما يصورو اي حاله علي انها صعبه ومن متابعتي لاعراض مرض التوحد والبحث عنها علي النت وجدت انه عنده سمات توحد
طبعا د حسين قالي مفيش حاجه اسمها سمات توحد
المهم علشان ما اطولش عليكو انا فعلا عارفه ان تحسن رامي جه معاهم بالصدفه بس انا وقتها كنت وصلت لمرحله عايزاه يلتحق باي مكان يديني امل بتحسن حالته والحمد لله هو دلوقتي في الصف الرابع الابتدائي دعواتكم ليه بالنجاح
ويارب يارب اشوف ابني وجميع ابنائكم جميعا بالصحه والعافيه والتحسن باذن الله

[نيفين المتفائله]

رد: ام لطفل توحدي من الاسكندريه

بالنسبه لدكتورة حنان عزوز لي صديقه ابنتها عندها توحد ولا تتكلم عمرها حوالي 6 سنوات ونصف تتابع معها ومش مبسوطه منها اما الدكتور لم اسمع عنه وربنا يتم شفاهم جميعا يارب مشكلتنا ان مفيش دكاترة عندها ضمير ولا حاسه بمعاناتنا كأولياء امور وامهات بنتعلق بأي امل لابنائنا يارب الشفاء للجميع

[مفوض امره لله]

رد: ام لطفل توحدي من الاسكندريه

بالنسبه لدكتورة حنان عزوز لي صديقه ابنتها عندها توحد ولا تتكلم عمرها حوالي 6 سنوات ونصف تتابع معها ومش مبسوطه منها اما الدكتور لم اسمع عنه وربنا يتم شفاهم جميعا يارب مشكلتنا ان مفيش دكاترة عندها ضمير ولا حاسه بمعاناتنا كأولياء امور وامهات بنتعلق بأي امل لابنائنا يارب الشفاء للجميع

انا شخصيا احس انها محترمة بغض النظر عن كفائتها


لكن لي ملاحظات عليها


اهمها انها لا تسلك طريقا واضحا


بتقولي بلاش العيش الفينو وتخفف من المكرونة

يعني حمية اه او حمية لا

بتقولي غير مؤكد والاكسجين غير مؤكد


الاخطر انها بتشكك بنتائج التحاليل بامريكا بتقول كل ما حد بيرسل عينه بتيجي ايجابية ؟؟؟!!!!!!!!


مش عارف والله

[مفوض امره لله]

رد: ام لطفل توحدي من الاسكندريه

في قبل ما انسى

مركز جديد بشارع بورسعيد

في واحده والله ممتازة بالتخاطب


لو عاوزه التفاصيل اقولك

جنب المستشفى ......... مش فاكر


تقريبا عند دوران سبورتنج او الابراهيميه


برضه مش فاكر

[نيفين المتفائله]

رد: ام لطفل توحدي من الاسكندريه

السلام عليكم جزاكم الله خيرا وشكرا علي المرور والتعليق
بالنسبه للدكتور حسين ود اميمه طبعا ليا عليهم ملاحظات كتير
لكن سبب استمراري معهم هو حاجه واحده بس ان رامي بيدرس معاهم منهج عادي لاي مدرسه عاديه ولكن في فصول دمج تعليمي ولان رامي ابني تعدي مرحله الالتحاق بمراكز تاهيل من زمان فانا الحقيقه معرفش غيرهم بيلحقو الاطفال التابعين لهم لمدارس للتعليم
وحاليا باخذ كورس تأهيل لكي اصبح اخصائيه تخاطب ويارب اقدر افيد اطفال كتير دعواتكم لي بالنجاح
وربنا يشفي ويحفظ اولادنا جميعا