ارجو المساعدة ضروري

[سبحانك يا الله]

انا عضوة جديدة بالمنتدى ولدي الكثير من الاستفسارات
بنتي عمرها 3 سنوات شخصت بالتوحد وعالجتها عند الدكتور المومني من 6 اسابيع
بالنسبة لتحاليلها
اولا نتائج تحليل الحساسية كما يلي :
المنطقة الحمرا
حليب البقر 155
البطاطا 123
الشعير 104
الكازين 70
بياض البيض 59
نخالة القمح 49
الغليادين 44
الكسكس 43
حليب الماعز 42
صفار البيض 42
طماطم42
القمح القاسي 41
حليب الغنم 40

بناء عهدي النتيجة الدكتور طلب حمية بمنعها من حليب البقر لمدة سنة وتخفيف البطاطا والشعير وبياض البيض وقالي ممكن اعطيها حليب الغنم
انا منعت حليب البقر واعطيتها لبن غنم لانها بتحب اللبن ومنعت البطاطا وبياض البيض نهائيا
وبعد الاسبوعين منعت حليب الغنم واستبدلته بحليب الرز وجوز الهند
انا سؤالي الي ناقشت الدكتور فيه انه الشعير يحتوي ع الجلوتين مثل القمح ولم يمنعني عن القمح قالي انهم بختلفوا فهل اعمل حمية الجلوتين كمان انا في حيرة والدكتور بحكي ما في داعي نحرم الطفل وانا كمان بتهمني صحة بنتي لانه اكلها ضعيف
كمان هل امنع كل الي ف القائمة الحمرا الدكتور بحكي ما في داعي يعني هي بتاكل صفار البيض والبندورة
انا حاليا منعت الكازين فقط ولكن الجلوتين لسا وسمعت انه في تحليل تاني بيوضح الحساسية فيهم وهو urine peptide ما عملته هل لازم اعمله
وبالنسبة للتحاليل التانية اظهرت انخفاض فيتامين د وزيادة في الزئبق والالمنيوم والزرنيخ
طبع الدكتور اعطاها 6 تحاميل dmsa وانهتهم حديثا
واخدت المكملات والاوميقا
الها 6 اسابيع لم الحظ اي تحسن
لكن الي لاحظته انه صك الاسنان ببعض زاد كتير عن الاول
فشو رايكم
كمان بدي اطلب طريقة مجربة مظبوطة لكيكة بدون بيض لاني جربت طريقة من النت وما ظبطت

[سبحانك يا الله]

رد: ارجو المساعدة ضروري

شكرا ع التفاعل

[ام يوسف و سلمى]

رد: ارجو المساعدة ضروري

لى تعليق على تحاميل الدمسا الافضل انه يكون الكليشن بطريقة اندى كالتر لانه التحاميل بتعمل اعادة توزيع للمعادن بالجسم وما بتخرجها كلها و طبعا هذا مضر هذه تسمى طريقة كليشن الدان اندى هو دكتور و بروفيسور بالكيماء درس فترة وجود الدمسا و الافا ليبوك اسيد بالجسم و انه لو ما اعطيناه كل 4 ساعات بيحدث اعادة توزيع للمعادن بالحسم فالافضل طريقته بالسحب والدليل النتايج اللى بيلاقيها الاهل وما اعتقد انه 6 تحاميل كافية لسحب الرصاص او الزءبق
وكمان لو قظرنا نحسن من قدرة الجسم هيكرد المعادن الثقيلة اللى فيه ممكن بحقن mb12 او اى دواء يحسن من methylation
بالنسبة لتحليل الحساسية مكتوب اى نوع هو igG والا iGe والا igG4 لانه كل نوع غير التانى انا ابنى عنده حساسية لبن و كمان حساسية قمح شديدة جظا حسب تحليل igG4 وما عنده بيبتدات قمح وده اللى هيجننى

[سبحانك يا الله]

رد: ارجو المساعدة ضروري

شكرا لك اخت ام يوسف وسلمى على الرد
بالنسبة للكليشن انا خلص بنتي اخدت ال6 تحاميل وانا يا اختي عارفة انه لسا كلها تجارب ما في اي شيء مثبت بس الواحد بيدور ع اي امل في التحسن والشفاء عشان هيك انا بدي اصبر اشوف شو بيصير معي
بالنسبة لفحص الحساسية هو IgG