[تجربه شخصيه] مشاركه تجربتي

[متحديه التوحد]

السلام عليكم ....عضوه جديده بالمنتدي وارجو ان اكون عضوه مفيده واستفاد من تجاربكم مع التوحد مرض العصر ..... ابني17 سنه الان ولا يتبع اي حميه غذائيه الا فيما قبل كان سنه 5 سنين وكان ياكل العيش مخبوز بالباميه ليس اكثر من ذلك مع الادويه والعقاقير وده مش فزلكه مني والله ولكن الحال علي اد الايد وليس لدينا المقدره علي استعمال اي شئ مكلف ... الحمدلله رب العالمين وصلت بابني انه ينطق كلمات ويقول اللي هو عاوزه والان ممكن يدخل الحمام لوحده وكل ده بفضل مركز خاص ولكن مع ارتفاع اسعار استضافته في المركز اضطريت لاخراجه من المركز وانا كملت معاه في البيت مع المتابعه الطبيه لكن بتحدث اشياء كفرط الحركه او الامساك .......... الامساك اتبع معاه اعشاب السلامكه او البرتقال ام فرط الحركه حتي الان لم اجد له حل بس هو متعب في شراء الالعاب جدا لدرجه اننا مش بنخرج من البيت لان خروجه بيبقي مكلف جدا لانه لا يشتري الا الالعاب غاليه الثمن وهو لا يعرف طبعا هو عاوز دي وبس وطبعا غير المرمطه في الشارع وقله حيلتي في عدم التحكم فيه لانه ما شاء الله ولا قوه الا بالله قوي البنيه الجسديه وانا بالنسبه له عصفوره بس حاعمل ايه ابني بقي هههههههه واحب اللي عالج ابنه او بنته من فرط الحركه انه يفيدني حصل ازاي ويارب يكتب الشفا للاولادنا جميعا .......انا لاافهم لا في حميه ولا اي شئ وابني بياكل طبيعي جدا غير انه مش بياكل اي مشتقات الالبان او الالبان نفسها ليس الا .......

[ام اياد و رتاج]

رد: مشاركه تجربتي

و عليكم السلام يا أختي اهلا بك .
الله يعينك و يقويك و يشفيلك ابنك.
والله خوفتيني انا ابني ما كمل السنتين و نفس المشكلة اواجهها معاه هي عدم السيطرة عليه مطلقا و فرط الحركة انا خايفة لما يكبر
يظل كده !
ارجو من الاخصائيين و أصحاب الخبرة الطويلة أن يفيدونا بآرائهم.

[هنا حبوش]

رد: مشاركه تجربتي

أهلاً بكِ أختي متحدية التوحد..وأتمنى ان تجدي الفائدة معنا

أعانك الله على حِملك..
عندي عدة أسئلة خطرت ببالي عند قراءة موضوعك..فاسمحي لي بطرحها:

1- هل لدى ابنك أي مشكلة أخرى مصاحبة مع التوحد؟؟
2- هل انتِ متأكدة أصلاً من تشخيص التوحد؟؟
3- ماذا عن قدراته العقلية؟
4- مستواه اللغوي الاستيعابي؟..بمعنى هل تضطرين للتكلم معه بكلام قصير ومبسط ككلام الأطفال مثلاً أم يفهم بالكلام العادي للبالغين؟
5- مستواه اللغوي التعبيري؟
6- إذا كان لا ينطق فكيف يتواصل معكم ويعبر عن ما يريد؟
7- ما ترتيبه بين إخوته؟
8- هل تعلم أي تعليم أكاديمي؟ يميز حروف ..أرقام..أي شيء من هذه الأمور؟؟
9- هل لديه حركات نمطية؟
10- هل يشكل أو يسبب أي خطر على نفسه أو غيره حتى لو بشكل غير مقصود؟

عذراً لكثرة الأسئلة لكن لتكون مساعدتنا في مكانها لا بد ان نفهم الوضع أولاً

بخصوص الحمية لستُ خبيرة في ذلك لكني لا اعتقد ان لها فائدة الآن نظراً لعمره.. باستثناء قطع الحلويات أو تخفيفها والسكريات والنشويات عموماً لتقليل الطاقة والحركة الزائدة.

[ابولانا]

رد: مشاركه تجربتي

السلام عليكم

أعانك الله وجُزيتي خيراً لما أوصلتي إليه أبنك من مرحلة وهي الأعتماد على النفس
17 سنة وأنتي في أنشغال وتعب وتأكدي أختي بأنكِ بأذن الله مأجورة

فيما يخص فرط الحركة وتشتت الأنتباه بأذن الله الأخوه هنا يفيدوكِ.

[أم دانيال]

رد: مشاركه تجربتي

وعليكم السلام ورحمة الله وبركاته
ربي يتمم لك شفاء ابنك ويريح قلب، لا أستطيع مساعدك ولكن عندي نفس المشكلة مع ابني بالنسبة لشراء الالعاب فهو مولع بألعاب الليغو والسكايلاندر وكلها غالية مرتفعة الثمن.
كان الله في عونك.

[رحانة الجنة]

رد: مشاركه تجربتي

الله يكون بعونك وبعونا يارب كل مايكبروا يكبر حملهم الله يشفيهم ويكتب اجرنا يارب

[متحديه التوحد]

رد: مشاركه تجربتي

السلام عليكم ورحمه الله وبركاته ....... اتقدم بكل الشكر لمن مر بموضوعي واهتم بقراءته واتمني ان افيدكم واستفيد منكم ونكون في خدمه البعض الاخر شفا الله وعفا اولادنا جميعا يارب العالمين ....
الي الاخت الفاضله هنا حبوش
1- ظهر مؤخرا زياده في الكهرباء والحمدلله بتتعالج .
2- مر ابني علي اكثر من دكتور واكتر من اختبار واثبت الجميع انه توحد كان في درجه 38من سنين وللاسف لم يتم عمل اي اختبارات مؤخرا .
3- قدراته العقليه فوق الممتازه وذكاء حاد يظهر في تعاملاته وتصرفاته .
4-طريقه كلامي معاه بالاسئله يعني عاوز ايه .... تاكل ايه ويتم وضع اختيارات ويختار ما يريد..... اسمه ايه .... ايه ده .. بيرد علي اد السؤال لكن مفيش جمله بالغه طويله .
5-مستواه اللغوي التعبيري طبعا مش مستوي سنه بل مستوي ااقل بكتير.
6- بينطق باسم الشئ اللي هو عاوزه اي ان كان وممكن الحاح ولو تم الرفض بنتعاقب هههههه او يرمي نفسه علي الارض بعصبيه وطبعا انا بسيبه يعمل كل اللي هو عاوزه ومش بديله اي اهتمام علشان يعرف انه مش بكده ممكن ياخد اللي هو عاوزه .
7-ابني هو التاني وقبله بنت 20 سنه ودي بقي حبيبته اوووووووووووووي وتقريبا ميقدرش يعيش من غيرها ربنا يخليهم لبعض وعلي فكره هي من صغرها وهي بتساعدني فيه وعارفه و متاكده انها هي اللي حتكمل معاه المشوار من بعدي معاه.
8-ابني لمده طويله تلقي اهتمام اكاديمي كويس والحمدلله بس هو لا يكره في حياته اد القلم والورقه لكنه يقرا الحروف والارقام ويكتب علي الكمبيوتر جمل واسماء وبيستخدم الكمبيوتر والنت كويس جدا ولكن بطريقته طبعا .
9- الحركات النمطيه كلها في صوابع ايده .
10-لا الحمدلله لا يشكل اي خطر علي اي حد ولا حتي علي نفسه بس ممكن يلاعبنا مصارعه ههههههههههههه بس لو اخته بقي نرفزته ممكن يلاعبها مصارعه علي الحزام هههههههههههههه لكن لو بينت له انها اتوجعت بيقولها اسفه ويبوسها كمان .
متشكره لك اهتمامك وانا سعيده بالاجابه طبعا لانك ممكن تشوفي حاجه انا مش شايفاها ........
تحياتي لكم يااااااااااااااااااااااااااااااااحلي جروب

[هنا حبوش]

رد: مشاركه تجربتي

ما شاء الله عليكِ.. وعلى ابنك

كتير انبسطت من الاجابات صراحة.. يعني في ايامنا الحالية العلاجات والمراكز متوفرة بسهولة اكتر من قبل 12 سنة مثلاً ومع ذلك بتلاقي امهات برضو مش عارفين يعملوا الصح وغرقانين في دوامة التوحد

في نقاط قوة حلوة... شو رايك بإنك تخليه يعبر عن نفسه بالكلمات المكتوبة، يعني ببطاقات كلمات مكتوبة يكون جمل..
التدريب بنظام القراءة الصامتة...انه يحفظ شكل الكلمات (بدل التهجئة).. يمكن تساعده بشكل غير مباشر في تطوير لغته اللفظية وفي اسوأ الاحوال بكون تعلم وسيلة تواصل مفهومة للكل حتى الغرباء عنه..
وكمان بنفس الوسيلة بصير اسهل انك توصليله معلومة متل (لن نشتري هذه اللعبة اليوم) يمكن يستسلم للبطاقات أكتر وأسهل من مقاومته ليكم مثلا
موفقة بكل شي يارب..

[متحديه التوحد]

رد: مشاركه تجربتي

السلام عليكم ورحمه الله وبركاته ........
اختي الكريمه هنا حبوش ........
انا بتعامل مع ابني علي انه طفل سوي وعادي جدا بيتجازا علي الحاجه الكويسه ولما بيعمل حاجه غلط بيتعاقب مثلا مش حتاخد اللعبه دي ...او مش حنشتري اللعبه دي علشان انت بتكسر اللعب ....... ابني من النوع اللي بيشتري اللعبه وبعد ثواني يكسرها علشان يعملها شكل تاني خالص ويزود حاجات وينقص حاجات وطبعا ده بيعصبنا كتير لكن هو علشان بيخترع بيكون سهل شويه وعارف لما بقوله بلاش ده او ده بيوافقني لحد لما في الاخر بيعمل اللي هو عاوزه ........... بيتمكن اجارك الله هههههههه بس لما اكون انا هديت وقلت خلاص سمع كلامي ....... شوفتي اللي بينيم حد مغناطيسي ههههههههه وبعدين يعمل اللي هو عاوزه ....... ابني كده بالظبط ... دماغه ما شاء الله عليها ... مش بيقولوا كل ذي عاهه جبار ............. اللهم اشفيهم وخد بيدهم جميعا ويتقبل عملنا ويكونوا طريق مرورنا الي الجنه يارب اللهم امين ......... انا عارفه ان فيه مراكزه كتيره جدا لكن المصاريف اختي الكريمه بقت نار وانا للاسف مبقتش اقدر عليها ... وللاسف كل المراكز بقت تجاره في الموضوع ده بالذات بينتهزوا فرصه ولعنا علي اولادنا وبيتستنزفونا والله ده اللي حصل معايا بالظبط ولما خلصت فلوسي ابني تم صرفه من المركز ........ علي فكره ابني بيعرف يعبر عن اللي هو عاوزه لو مش عارف اسم الحاجه بيمثلها او بيجيبها من علي النت لكن لو في البيت بيقول اسمها عادي لو كانت اكل او حاجه حلوه عاوز باباه يشتريهاله من بره .......ز للاسف ابني لا يتعامل مع الغرباء .. العائله فقط وخصوصا خالاته لان اعمامه غير متواجدين في مصر فهو يعرف عائلتي جميعا من اول جده وجدته الله يرحمهم الي اصغر فرد في عائلتي لكن لا يعرف اي فرد من عائله والده لعدم التواصل طبعا ......غير دوووول ميعرفش يتعامل مع حد او مش بيدي اهتمامه لاي حد بمعني اصح ... ربنا كريم ويتم شفاءه علي اولادنا جميعا يارب .... ميرسيه اختي الكريمه لردك الذي اراح صدري قليلا ........... تحياتي

[متحديه التوحد]

رد: مشاركه تجربتي

السلام عليكم ياجماعه .................... قريت هنا عن الرقيه والمس بالنسبه لمرض التوحد وانا عندي صديق موثوق فيه ممكن يقوم بالكلام ده وسبق له تجارب في الموضوع ده ....... وياريت محدش يسالني انا مجربتش ليه ........انا ناويه ان شاء الله اجرب القرايه علي ابني وان شاء الله الدكتور احمد علما حيقوم بالموضوع ده واللي يحب يتواصل معاه حاسيب رقمه هنا وهو مرحب جدا بالتعاون معانا وزي ما قلت في الاول انه راجل موثوق فيه وراجل محترم جدا وواسع المجال في الموضوع ده اللي تحب تستشيره او تكلمه هو مرحب جدا ورقمه 01279298889 دكتور احمد علما واللي تتصل تقول من طرف ام ادهم وتشرح الحال ............ ربنا يجعل لولادنا جميعا الشفا ان شاء الله
تحياتي