تويت
مريتوا بنفس هذا الموقف ؟؟؟
المواقف التي تمر بنا نحن كذوي احتاجات خاصة كثيرة جدا منها الجميل ومنها المؤلم ... عبر السطور التالية ساخبركم باحد المواقف التي مرت بي ولا زلت اذكرها الى الان هو ليس موقف كبير ولكن لا ادري لماذا مازالت ذاكرتي تحتفظ به.
المهم مره كنا قاعدين في البيت والجو كان ممطر مطر خفيف ..واحد من ربع ابوي (( احد رفاقه )) كان موجود في البلد ونظرا للمطر قرر يجي يزوره لانه لاقرب له ولان الجو مايسمح له يرجع لبلاده الا عقب مايتاكد من عدم ازدياد المطر
انزين ترى نحن مانعرف عليتهم بس الوالد يعرف الشخص المهم كانت هذه زيارتهم الاولى لنا وكانت صدفة بدون ميخبرونا .. كنت انا حضرتي ماعندي خبر ان في ضيوف جايين حالي حال الكل وكنت ماخذه راحتي
وجالسه على الارض كلنا مع بعض الجلسة الشعبية المعروفه.. فجاه دق جرس الباب ودشوا الضيوف وكما هو معروف لازم لما يدش عليك ضيف توقف عشان هذا يعتبر نوع من التقدير ولاحترام له 
لما دشوا كل لي كانن وياي وقفن عشان يسلمون ماعدا انا ا
المهم سلموا الجماعة ووحده من الضيوف كانت تطالعني بنظرة استغراب ماقدرت افسر معنى نظراتها الغريبة تجاهي !!!
وعقب التعارف والسوالف والضيافه
(( لاخذ العلم لم اذكر لهم اني معاقة لاني طنيت انهم عرفوا هالشي فعلامات الاعاقة واضحه علي فما جا عبالي اخبرهم )) المهم الجماعة قرر يستاذنون عشان يروحون البيت وكالعاده وقف الجميع لتوديع والحرمة لي كانت تتطالعني لما جات تسلم علي قالت (( استريحي مالازم توقفي ))!!!!
بصراحه جدا انحرجت ماعرفت وش اقول لها !!
وضل هالموقف حاز بنفسي .. ياترى شو كان قصدها ؟؟؟ هل هو اسلوب سخريه لاني ماوقفت!!! يعني معقولة ماعرفت اني معاقة !! ولا شوووو بضبط لين يومكم ماعرفت التفسير
احين عقب ماعرفتوا الموقف شوووو رايكم فيه؟؟؟؟
وهل صادفكم نفس هذا الموقف ؟؟
المهم مره كنا قاعدين في البيت والجو كان ممطر مطر خفيف ..واحد من ربع ابوي (( احد رفاقه )) كان موجود في البلد ونظرا للمطر قرر يجي يزوره لانه لاقرب له ولان الجو مايسمح له يرجع لبلاده الا عقب مايتاكد من عدم ازدياد المطر
انزين ترى نحن مانعرف عليتهم بس الوالد يعرف الشخص المهم كانت هذه زيارتهم الاولى لنا وكانت صدفة بدون ميخبرونا .. كنت انا حضرتي ماعندي خبر ان في ضيوف جايين حالي حال الكل وكنت ماخذه راحتي
وجالسه على الارض كلنا مع بعض الجلسة الشعبية المعروفه.. فجاه دق جرس الباب ودشوا الضيوف وكما هو معروف لازم لما يدش عليك ضيف توقف عشان هذا يعتبر نوع من التقدير ولاحترام له لما دشوا كل لي كانن وياي وقفن عشان يسلمون ماعدا انا ا المهم سلموا الجماعة ووحده من الضيوف كانت تطالعني بنظرة استغراب ماقدرت افسر معنى نظراتها الغريبة تجاهي !!!وعقب التعارف والسوالف والضيافه
(( لاخذ العلم لم اذكر لهم اني معاقة لاني طنيت انهم عرفوا هالشي فعلامات الاعاقة واضحه علي فما جا عبالي اخبرهم )) المهم الجماعة قرر يستاذنون عشان يروحون البيت وكالعاده وقف الجميع لتوديع والحرمة لي كانت تتطالعني لما جات تسلم علي قالت (( استريحي مالازم توقفي ))!!!!بصراحه جدا انحرجت ماعرفت وش اقول لها !!
وضل هالموقف حاز بنفسي .. ياترى شو كان قصدها ؟؟؟ هل هو اسلوب سخريه لاني ماوقفت!!! يعني معقولة ماعرفت اني معاقة !! ولا شوووو بضبط لين يومكم ماعرفت التفسير
احين عقب ماعرفتوا الموقف شوووو رايكم فيه؟؟؟؟
وهل صادفكم نفس هذا الموقف ؟؟
.gif "Bb (62)")
تعليق