الرساله دى بكتبها مش بدموع عنى بدموع قلبى اللى اله وحده يعلم ما هو فيه و نفسى اتكلم مع احد لكن للاسف الاصدقاء اصبحو اندر من الندرة نفسها.
انا اسم زينب ام لثلاث بنات وبعد طول انتظار ودعاء الى الله بان يرزقنى بأخ لبنات وظهر لوالده لانى مقيمه فى بيت عيله وشبعت طوال 12 سنه معايرة بخلفة البنات وكل اللى تخلف ولد تخبيه منى ويعتزلونى بعد ما كنا صحاب.
لا احد يتصور فرحتى والدكتورة بتقولى انتى حامل فى ولد ولا وجه زوجى لما سمع والله العظيم وجهه نور وهو فى الاصل اسمر.
المهم مرت الايام وشهور الحمل وانا فى انتظار الطفل بمنتهى الشوق وعملت اشعه 3d عندنا فى مصر مرتين مره فى الشهر الخامس ومرة فى اول السابع والدكاترة اكدةان كله تمام الحمدلله.
وتمت الولادة قيصرية كل العادة انا بولد كله اطفالى قيصرى. والحمدلله لحد ما محمد تعب بشويه برد وهو اساسا ضعيف شوية فذهبت بيه للدكتور وكان عنده 38 يوم يعنى كان يوم 1/3/2014 وابنى مواليد 21/1/2014 عشت 38 يوم سعيدة ومبسوطه وجوزى طاير من فرحته بمحمد ربنا يشفيه. ليجى لنا كلام الدكتور زى الصدمة اللى مش عارفة افوق منها لحد النهاردة ان اولا الطفل داون و ورانا علامات ايده ورجليه وودانه.
ثانيا انه بيعانى من ثقب بالقلب ولابد من عمل ايكو سريعا لتبدد فرحتى بحزن والم ودموع لاتفارق وجهى صدرى نشف من اللبن من قله الاكل وابكى ليل نهار على ابنى اللى الدنيا سرقت منى فرحتى بيه بعد ماكنت عماله اقول عايزه اجبله جلابية بيضاء علشان صلاة العيد .
دلوقتى حطه ايدى على قلبى ابنى هيعمل عملتين حددهم الدكاترة لان الثب كبير ومش هيقفل الا بعملية ومستنية رد من موسسة مجدى يعقوب.
طبعا كل العائلة والمعارف بيقول يافرحة ماتمت ما لحقتش تفرح بالواد وتقول ربنا رضانى واهى اتبطت. كله دة بشوفه فى العيون مع انى وحياه ابنى اللى بقول يارب اشفيه عمرة مافكرت فى انى اعمل وبعدين هو انا لحقت . المشكله انى مش اقدرة ومش عارفة اتعامل ازاى مع البشر عايشة فى وسطيهم وازاى اطفالهم هيقول على ابنى دا متخلف وكل واحد فينا بيتمنا يشوف ابنه احسن واحد واحسن منه الحمدلله انا خريجة جامعه وزوجى كذلك وابنائى فى مراحل التعليم المختلفة. لكن بقول يارب اشفيه من تعب قلبه وبعدين كله يهون ، لكن مااقدرش اكدب على ربنا لحظة ما قالولى على موضع الداون دة قولت ربنا يفتكرة عنده لانه هيكون احن عليه من الناس اللى مابترحمش ومجتمع لا يعترف بحقوق المعاقين ولا يرحمهم ودى اول حاله داون فى عائلة زوجى وعائلتى. سامحنى يا محمد ربنا يشفيك ويعافيك يا حبيبى ربك اللى خلقه مش هينساك وقادر يشفيك ويعافيك ويرحم قلب امك المحروق من البكاء ليل ونهار على وضعك. يارب الهمنى الصبر وثبتنى على الايمان يارب يارب
انا اسم زينب ام لثلاث بنات وبعد طول انتظار ودعاء الى الله بان يرزقنى بأخ لبنات وظهر لوالده لانى مقيمه فى بيت عيله وشبعت طوال 12 سنه معايرة بخلفة البنات وكل اللى تخلف ولد تخبيه منى ويعتزلونى بعد ما كنا صحاب.
لا احد يتصور فرحتى والدكتورة بتقولى انتى حامل فى ولد ولا وجه زوجى لما سمع والله العظيم وجهه نور وهو فى الاصل اسمر.
المهم مرت الايام وشهور الحمل وانا فى انتظار الطفل بمنتهى الشوق وعملت اشعه 3d عندنا فى مصر مرتين مره فى الشهر الخامس ومرة فى اول السابع والدكاترة اكدةان كله تمام الحمدلله.
وتمت الولادة قيصرية كل العادة انا بولد كله اطفالى قيصرى. والحمدلله لحد ما محمد تعب بشويه برد وهو اساسا ضعيف شوية فذهبت بيه للدكتور وكان عنده 38 يوم يعنى كان يوم 1/3/2014 وابنى مواليد 21/1/2014 عشت 38 يوم سعيدة ومبسوطه وجوزى طاير من فرحته بمحمد ربنا يشفيه. ليجى لنا كلام الدكتور زى الصدمة اللى مش عارفة افوق منها لحد النهاردة ان اولا الطفل داون و ورانا علامات ايده ورجليه وودانه.
ثانيا انه بيعانى من ثقب بالقلب ولابد من عمل ايكو سريعا لتبدد فرحتى بحزن والم ودموع لاتفارق وجهى صدرى نشف من اللبن من قله الاكل وابكى ليل نهار على ابنى اللى الدنيا سرقت منى فرحتى بيه بعد ماكنت عماله اقول عايزه اجبله جلابية بيضاء علشان صلاة العيد .
دلوقتى حطه ايدى على قلبى ابنى هيعمل عملتين حددهم الدكاترة لان الثب كبير ومش هيقفل الا بعملية ومستنية رد من موسسة مجدى يعقوب.
طبعا كل العائلة والمعارف بيقول يافرحة ماتمت ما لحقتش تفرح بالواد وتقول ربنا رضانى واهى اتبطت. كله دة بشوفه فى العيون مع انى وحياه ابنى اللى بقول يارب اشفيه عمرة مافكرت فى انى اعمل وبعدين هو انا لحقت . المشكله انى مش اقدرة ومش عارفة اتعامل ازاى مع البشر عايشة فى وسطيهم وازاى اطفالهم هيقول على ابنى دا متخلف وكل واحد فينا بيتمنا يشوف ابنه احسن واحد واحسن منه الحمدلله انا خريجة جامعه وزوجى كذلك وابنائى فى مراحل التعليم المختلفة. لكن بقول يارب اشفيه من تعب قلبه وبعدين كله يهون ، لكن مااقدرش اكدب على ربنا لحظة ما قالولى على موضع الداون دة قولت ربنا يفتكرة عنده لانه هيكون احن عليه من الناس اللى مابترحمش ومجتمع لا يعترف بحقوق المعاقين ولا يرحمهم ودى اول حاله داون فى عائلة زوجى وعائلتى. سامحنى يا محمد ربنا يشفيك ويعافيك يا حبيبى ربك اللى خلقه مش هينساك وقادر يشفيك ويعافيك ويرحم قلب امك المحروق من البكاء ليل ونهار على وضعك. يارب الهمنى الصبر وثبتنى على الايمان يارب يارب
تعليق