تطورات سيف حبيبى

[زهرة برية]

السلام عليكم ورحمة الله وبركاته

سيف دلوقتى عمره سنة ونصف
بيمشى فى المشاية ويشدلى كل المفارش واى حاجه على الترابيزات
وبيقف ساند على الكنبة

بينادى باباه باسمه وينادينى ويقول ببا , مما , انٌه
يقول هم على الاكل , بو على المية
وريته صورة لقطه متحركة فى الكمبيوتر وقلتله اسمها قطه
ولما بيشوفها يقول قطه لوحده

لو حد نادى عليه بيبصله ويضحكله
وعلاقاته كويسه جدا مع كل الناس
بصراحه مش كل الناس بيحب البنات موووووت
واى بنت يشوفها يلاعبها ويبوسها ويرمى نفسه عليها
ولو راجل كلمه مش بيبصله اصلا ههههههههههههههه
مجرم اوى



بيحب يتفرج على قنوات الاطفال اللى بيغنوا فيها ويرقص على الموسيقى
ويغنى معاها بكلام مش مفهوم ويسقف

وبيتابع برامج الكمبيوتر التعليمية الانجلش والعربى وبيهتم بانه يشوفها للنهاية

بيلعب بالالعاب وبيمسكها من ايد لايده التانية
ويرميها وياخدها تانى

لما الاعبه يضحك جدا ويشدنى علشان الاعبه تانى لما اتعب واسيبه
لما اخبى وشى بايدى او بايشارب مثلا يشيله ويبصلى من تحته

عارف الاكل وبيمسكه بايده وياكله
وبيمسك كوب الماء ويشرب بس لما بيخلص بيرميه فى الارض

بيمسك بايده كلها مش بيمسك باصابعه
اعمله ايه عشان يتعلم يمسك باصابعه





دى مواهبه وفى حاجات تانيه بس مش حاضره فى بالى دلوقتى


فى بعض السلبيات اتمنى ترشدونى اعمل ايه فيها

لما اشاور له على حاجه واقولها هاتها يروح يمسكها بس ما يجيبهاليش
بيلعب هو بيها هههههههههههههههههه
ولما بقوله هات حاجه ماسكها فى ايده يروح مسلم عليا
ولوما سلمش عليها بيسيبها من ايده خالص فى الارض
اعتقد انه مش فاهم لسه انه يدينى حاجه فى ايدى


مثلا احط له العاب فى وعاء علشان يخرجها منه
مش بيرضى يحط ايده جواه .. بحس انه خايف
وبيمسك الوعاء يفضل يهزه لحد ما الالعاب تقع منه ويلعب بيها
وطبعا مش بيرضى يحط حاجه جواه

اتمنى الاستفاده من خبراتكم
واحب اعرف ارائكم فى مهاراته وهل كده كويس ولا فى تأخر فى حاجات تانيه
ولكم خاالص الشكر والتقدير

[أم التوأم]

رد: تطورات سيف حبيبى

أهلا وسهلا أم سيف، ماشاء الله عليه كبر وبقه خلبوس خالص وبيحب البنات كمان، ربنا يحفظه ويباركلك فيه.
تطوره الحركى ماشاء الله عليه رائع، انه يقف مستنددا ويمشى بواسطة المشاية. وايضا تطوره اللغوى جيد جدا معكم، فاكثرى من مشاهدة الكتب والصور مع نطق كل شىء يراه ببطء ووضوح,.
بالنسبة لتعليم هات وخد بتاخد وقت شويه ، امسكى بيده واعمليها لعبة بينكم او مثليها مع أحد امامه.
احضرى وعاء به اشياء محببة له وقومى باخراجها من الوعاء واحدة تلو الاخرى وهو منتبه لكى ثم امسكى بيديه واعيدى نفس الكرة وبالتكرار سيتقنها ان شاء الله.
عادة يتعلم الطفل غى الاول تفريغ محتويات الوعاء او الشنطة ويليها بفترة وضع الاشياء بالداخل.
رمى العب والكوب بعد الشرب شىء طبيعى بالمرحلة العمرية الان واذا استمر بعد ذلك نبدا بتعليمه بتمثيل الزعل والغضب على ملامح الوجه حين يفعل ذلك والرفض بكلمة لأ. الموضوع ده تعبنى كتير مع عبد الرحمن حتى ادرك ان ذلك خطا.
من الواضح انك مطلعة على البورتج وبطبقيه معاه فى المنزل كما فهمت من موضوعك السابق، وانا مثلك طبقت كلى حاجة من المنتدى ومدونة أم محمود، وكان عندى موعد للعلاج الوظيفى لاول مرة الاسبوع الماضى والحمد لله ،قام الاخصائى بتقييمه من خلال عدة العاب وطريقة مسكه للاشياء ولعبه بالعجينة واخبرنى انه ليس بحاجة اليه الان وسوف يراه بعد ستة اشهر.
انا فهمت انهم مش بيتدخلو الا اذا كان متاخرا باستخدام يديه بس المفروض حتى لو الطفل كويس لاننتظر ونعطيه المهارات اللى تليها ولا ننتظر حتى يصل الى السن المفروض ان يمسك بها القلم فنجده لا يستطيع فنبدا بتعليمه. فما فائدة التدخل المبكر؟ المفروض اننا نسبق بتعليم المهارة قبل السن الطبيعى لانه هياخد وقت حتى يتقنها فنقلل اللتاخير الزمنى العمرى بينه وبين اقرانه.
عموما انا قررت استمر بتدريبة بالمنزل وتكملة البورتج والحمد لله كل شىء موجود بمدونة ام محمود والمنتدى وكل الاعضاء لا يتاخرون بتقديم نصائحهم، جزاهم الله كل خير .

[أم التوأم]

رد: تطورات سيف حبيبى

أم سيف بالنسبة لمسك اللعب والاشياء بقبضة اليد، ابداى بتصغير الاشياء بالتدريج ‘ هاتى السيارات الصغيرة واعطيها اياه ليضعها داخل الصندوق او المكعبات ذات الحجم الصغير.
تدرجى حتى تصلى الى وضع الزبيب وحبات العنب وحبات الكورن فليكس........الخ. مع الانتباه لعدم بلعها اذا كان لايمضغ.
وفقك الله واعانك على تكملة البرنامج ان شاء الله.

[ام محمود]

رد: تطورات سيف حبيبى

ماشاء الله ام التؤام ام عبد الرحمن كفت ووفت الله يجزيها الخير
ربنا يحميك ياسيف
علي فكره كلما سيكبر هيتفهم اكثر
وعليكي باستغلال اخوته او اي فرد تدربيه امامه يمثل ليفهم
ماشاء الله الولد عارف الاشياء ومتفهم لبعض الاوامر
ده تقدم رائع
عليكي ببرنامج البورتج من عمر يوم الي 12 شهر فيه كل ما تريديه
لا تنسي
تقويه عضلات اليد بالمسك والافلات
واسهل وسيله لها عبر حبل يشده وتشديه معه
انك تعطيه اللعبه بيده وتقبضي عليها وتفلتيها بمساعدتك ليضعها بيدك الاخري
القبض والافلات مهم لتدربيهم عليه
اقولك دربت محمود عن طريق شوربه كواارع او بونبوني سيحته علي كفه
وطبعا شوربه الكوارع بتلذق الاصابع واليد وبتطلع صوت لما بيحاول يفكها
معلش نفذيها معه ده تمرين حلو لقبضه اليد هو محتاج يفرد ويثني الاصابع ودي اسهل طريقه كانه تمرين علاج وظيفي
والله يقويكي

[زهرة برية]

رد: تطورات سيف حبيبى

ام عبد الرحمن
مشكورة جدا حبيبتى على ردك الجميل والمفيد
ونصايحك الغالية
وبارك الله لك فى عبد الرحمن واخواته

هو فى الحقيقة انا كنت بدربه من قبل ما اعرف البورتج
لان عندنا فى العيلة كذا طفل فى سنة واكبر بشهور بس طبيعيين والحمد لله
فكنت بشوفهم بيعملوا ايه وبيلعبوا ازاى وكده وكنت بعلم سيف

وعرفت البورتج من 3 شهور بس لما رحت المركز اللى ضحكوا عليا فيه ههههههههههه
وشفت بتاع ام محمود من اسبوع وبدأت معاه فيه
طبعا هو الحمد لله بيعمل كتير منه اغلبه تقريبا
والحمد لله عرفت امبارح بس انى اعلمه يدخل ايده جوة علبه علشان ياخد الفانوس بتاعه
وعملها الحمد لله وعقبال الباقى يارب

ونصيحه يعنى من اخت جديدة مبتدئة
سيبك من المراكز خالص لانهم مش بيهتموا الاهتمام الصحيح
وزى ماحضرتك قلتى ان المفروض نعلم اولادنا حتى حاجات اكبر من سنهم لو يقدروا
وما نستناش لما يتأخروا
انا عن نفسى بعمل لسيف اى حاجه زيه زى الاطفال الطبيعيين
وربنا الموفق

[زهرة برية]

رد: تطورات سيف حبيبى

ربنا يخليكى يا ام محمود
وشكرا انك طمنتينى على سيف

انا فعلا بعمل معاه البرنامج بس فاضله فيه حاجات بسيطه ودخلت كمان
على برنامج من سنة لسنتين

عملت معاه موضوع شد الحبل وبيشد كويس الحمد لله
وبيسيبه ويمسكه تانى
وكمان بيحط ايده جوة علبه فيها خرز ويفضل يمسكهم ويسيبهم بسرعة
هو اول طفل ليا مالوش اخوات الحقيقة
ممكن الاعبه انا وباباه

بس انا مش بحب الكوارع وعمرى ما عملتها ولا اكلتها ههههههههههههههههههه
ممكن البونبون كويس يعنى

متشكرة ليكى جدا ام محمود
وربنا يعينك ويقويكى وتنفعينا دايما

[أم التوأم]

رد: تطورات سيف حبيبى

الله يسعدك ويباركلك فيه ويرزقك ان شاء الله بأخوة وأخوات لسيف لكى يلعبو معه ويونسوه بأقرب وقت.
أنا معكى بأن العلاج الوظيفى اساسه المنزل طبعا، أما العلاج الطبيعى فيكون أفضل بالمراكز لو توفر ذلك.
عبد الرحمن لم تتاح لنا الفرصة لتدريبه بالمراكز من قبل وقمت بتعليمه بالمنزل من خلال كتابات أم محمود، ولكن الان وجدنا فرصه لالحاقه بقسم التاهيل باحد المستشفيات، فبدأت انزل معه وهدفى الاساسى ان بستمع من أحد غيرى ويتعامل مع الاخصائيين وياخذ اوامر وينفذها كنوع من تنمية المجال الاجتماعى والتفاعل مع ناس غرباء عنه.
وكما ذكرت ام محمود ، نستطيع ان نشترى الالعاب التعليمية بالمنزل وننمى مهاراته وكل شىء جمعته لنا وسهلت الامور علينا ، الله يباركلها فى محمود واخواته.

[ام محمود]

رد: تطورات سيف حبيبى

الله يعينكم ويعينا يارب
كلما كبروا اطفالكم هتجدوا عصيان تعليمي منهم لكم للاسف زي الطفل الطبيعي تمام يسمع كلام مدرسه ولا يسمع كلام اهله في اتمام التدريبات
الله يصلح اموركم دائما تكونوا عونا لبعض باذن الله
ونصيحه لكي يا ام سيف
هاتي اخ او اخت لسيف ليكبروا معا

[زهرة برية]

رد: تطورات سيف حبيبى

صح يا ام عبد الرحمن كلامك
بس انا كنت بتكلم على المراكز الخاصة
انما المستشفى اكيد احسن

انا كمان ان شاء الله حوديه مركز تدخل ملحق بمستشفى
وفيه علاج طبيعى بردو وكده

وربنا يكرمهم يارب ويشفيهم

[زهرة برية]

رد: تطورات سيف حبيبى

ان شاء الله يا ام محمود
ربنا يكرمنى بطفل

بس بصراحه انا منتظرة شويه لان سيف المفروض يعمل عمليه فى القلب
وانا بجهز لها

ويارب يكمل شفاه على خير اللهم امين

[علا]

رد: تطورات سيف حبيبى

ام سيف مبارك تطوراته الجميلة ماشاء الله عليه ن وصفك حسيت انه شقى ودمه خفيف
يالا صوريه وضميه لأطفال المنتدى علشان نتابع كلنا تطوراته الجميلة ربنا يبارك لكى فيه ويساعدك ان شاء الله ويتمم شفاؤه على خير وبالنسبة للأستشارة لا كلام بعد كل اللى اتقال طبعا
ربنا يحميه ان شاء الله

[زهرة برية]

رد: تطورات سيف حبيبى

اللهم امين

ميرسى جدا علا
على ردك الجميل

هو فعلا دمه خفيف اوى وشقى
ربنا يخليه يارب ويبارك فيه هو وكل اطفالنا الاعزاء

تسلمى ياقمر على مرورك