اختبار قياس نسبة التوحد.... أين؟؟؟

[نبيهه]

السلام عليكم ورحمة الله وبركاته
انا عضوة جديدة بينكم كى أساعد جارتى ، السيدة سلوى , عندها طفلة عمرها اربع سنوات تعانى من التوحد
و تعالج فيها من 3 سنوات تقريبا ، و تقول انها بدات تنطق بابا و ماما و بعض الكلمات غير مفهومة

اثناء بحثى على الانترنت وجدت هذا المنتدى و قرأت قصة الاخت منيرة فى علاج ابنها
سعدت جدا بهذا الشفاء و اتصلت بالسيدة سلوى والدة الطفلة لينا و طبعت لها بعض اسئلة الاخوات و اجابة الاخت منيرة عليها كى تستفيد منها
و صدقونى أعطتها أمل كبير فى شفاء بنتها
........
ياريت لو حد يقول لنا اين تجرى هذه السيدة اختبارات قياس نسبة التوحد فى مصر لابنتها
و سأكون وسيط بينها وبينكم ، لانها لا تملك انترنت فى بيتها حتى الان
شكرا لكم و انتظر الرد بأسرع ما يمكن

[قلبي ضاع معك]

رد: اختبار قياس نسبة التوحد.... أين؟؟؟

الله يوفقك ان شاء الله ويجعله في ميزان حسناتك لمساعدتك لجارتك .. والله يشفي بنتها ..
للاسف ما اعرف كان ساعدتك ؟

[نبيهه]

رد: اختبار قياس نسبة التوحد.... أين؟؟؟

شكرا لك اختى الكريمة
و فى انتظار من يدلنا على الخير

[جوليا]

رد: اختبار قياس نسبة التوحد.... أين؟؟؟

يمكنك التوجه لمؤسسة ابني للفئات الخاصة و التوحد و أخذ رأيهم في الحالة عندما ذهبت إليهم وجدت ناس فاهمين و عارفين شغلهم كويس و الظاهر عليهم خوف الله و الله اعلم اذهبي لاستشارتهم و أن شاء الله يفيدوكي ..

[عالية]

رد: اختبار قياس نسبة التوحد.... أين؟؟؟

نعمة الجار بارك لله فيك

[ازميرالدا]

رد: اختبار قياس نسبة التوحد.... أين؟؟؟

جزاك الله كل خير
يقوم بعمل اختبارات التوحد طبيب نفسي اطفال يمكنها ان تذهب الي احد الاطباء الجيدين مثل هبه العيسوي او منال عمر

[نبيهه]

رد: اختبار قياس نسبة التوحد.... أين؟؟؟

ربنا يبارك فيكنَّ جميعا اخوات كريمات جدا..
والله لا تتخيلوا مدى فرحتى لما فتحت المنتدى بالصدفة اليوم و انا يائسة جدا من ان الموضوع نشر منذ فترة و لم اجد احد يدلنى على مكان اجراء الاختبار
أصاابتنى الرجفة عندما رأيت ردودكن ،و كانت ايدى بترجف اثناء كتابة الردود، لان اخر مرة كلمت فيها السيدة سلوى والدة لينا ، كان صوتها يبدو حزينا جدا لدرجة انها بكت وقالت لينا اصبحت مزعجة جدا و مش بتاكل الا مكرونة ،و مش راضية تروح مركز التأهيل ،و دائمة الصراخ

اختى جوليا ، اشكرك على الرد جدا ،وياريت تكتبى لى عنوان مؤسسة ابنى هذه ، هل هى فى القاهرة؟
فأنا مصرية ومن مدينة المنصورة ،و لكن لا مانع من ان تذهب الام الى اى مكان فى مصر ، هى مستعدة للذهاب بابنتها لاى مكان فى مصر ،و جزاكِ الله خيرا

الاخت عالية ، بارك الله فيكِ يا اختى ،و أحاول جاهدة أن اعمل بكلام رسول الله : ما زال جبريل يوصينى بالجار حتى ظننت أنه سيورثه .
و اتمنى من كل قلبى ان أساهم فى شفاء الطفلة لينا ، فوالله لو رأيتيها لوقع حبها فى قلبك من الوهلة الاولى ...دعواتكم لها و لكل مرضى المسلمين بالشفاء

الاخت ازميرالدا....أعطيتينى الامل ، بارك الله فيكِ
ممكن تكتبى لى عناوين من ذكرتيهم و ارقام تلفوناتهم ياريت فى رسالة خاصة
او لو كان مسموح بهذهالمعلومات فى هذه الصفحة ، اكون لك من الشاكرين



خير الناس أنفعهم للناس

[ام ميزو وميرو]

رد: اختبار قياس نسبة التوحد.... أين؟؟؟

السلام عليكم ورحمة الله وبركاته
فى الاول احب اقول لحضرتك فعلا ونعم الجار
ثانيا ممكن حضرتك تقوليلها فى دكتور اسمه دكتور ايهاب رجاء ممكن ابقى ابعت لحضرتك رقمه على الخاص وتكلمه وهو هيدلها على كل شىء من اول مكان عمل الاختبار الى الخطوات بتاعت العلاج والمتابعه وباذن الله يقدر يفيدها وهو ليه عياده خاصه فى المعادى والصبح شغال فى المركز القومى للبحوث قسم اطفال ذوى احتياجات خاصه اتمنى اكون افادتك ولو بجزء بسيط وربنا يتم شفاء لينا على خير ويجازيكى عنها كل الخير

[نبيهه]

رد: اختبار قياس نسبة التوحد.... أين؟؟؟

الاخت الكريمة ام ميزو و ميرو .....ربنا يبارك لك و ياخد بيدك و يسعدك كما أسعدتينى
و الله متشوقة اكلم السيدة سلوى فى التلفون بعد ما ترجع من شغلها عشان أبشرها بكلامك و كلام الاخوات الفاضلات، لانها وصلت لدرجة من اليأس لا اعتقد انها وصلت لها من قبل ، مع إنها صابرة جدا و مؤمنة بقضاء الله ،و لكننا بشر و لنا قدرة على التحمل ،و الحمد لله انها ما إن تنفذ حتى تتجدد مرة أخرى ، بفضل مساعيكم و مساعدتكم، لا حرمنا الله منكم ،و لا حرمكم الاجر و الثواب ان شاء الله
إن مع العسر يسرا ، إن مع العسر يسرا
ضاقت ولما استحكمت حلقاتها فرجت و كنت أظنها لا تفرج
.
.
فى انتظار التلفون و العنوان بالتفصيل يا اختى

[ازميرالدا]

رد: اختبار قياس نسبة التوحد.... أين؟؟؟

اختي اعتذر لك عن تأخري في الرد
بالنسبه للدكتوره هبه ابراهيم العيسوي
العياده : 5 شارع شريف - وسط البلد
ت: 23934683 او 23922734

الدكتوره منال عمر
العياده: 39 شارع الامام علي - ميدان الاسماعيليه
ت: 26321559
بالنسبه للدكتوره منال البيانات دي انا جبتها من الدليل لان اخر معلوماتي انها كانت بتروح المستشفي الامريكي و لكن عرفت انها حاليا لا تذهب اليها و انما لها عياده خاصه فجبت لك بياناتها من الدليل

وربنا يوفق جارتك لما فيه خير للينا

[ضحية التوحد]

رد: اختبار قياس نسبة التوحد.... أين؟؟؟

وانا اعرف الدكتورة ..نجوى عبد المجيد...تعالج بالأدويه النفسية....؟.؟؟؟؟؟؟؟؟...بالمناسبه ..ما طريقة العلاج عند الدكتوره..هبة العيسوي...؟؟؟؟؟؟؟؟؟؟هل الدان ام ..ماذا؟؟؟؟اللهم ألطف بأولادنا..

[نبيهه]

رد: اختبار قياس نسبة التوحد.... أين؟؟؟

الاخت الكريمة ازميرالدا ...... الله يجزيكى الف خير و يبارك فيكى و يكثر من امثالك

و شكرا لك اختى الكريمة ضحية التوحد، ربنا يفرج كربك و لا يجعلك ضحية ابدا و يعوض عليكى و يشفى مرضانا جميعا يارب
و الله ضربتم أروع الامثلة فى خدمة الناس
ألف ألف شكر لكن جميعا

[نبيهه]

رد: اختبار قياس نسبة التوحد.... أين؟؟؟

الاخت الكريمة أزميرالدا
من باب الامانة .......لما كلمت الاخت سلوى و اعطيتها ارقام التلفونات و العناوين
شكرتنى ،و أمنتنى أمانة انى اشكرك و اسلم عليكى و هى بتدعى لك جدا جدا بالبركة ، ربنا يبارك لك
و بتدعى لكل المرضى بالشفاء

[ام ميزو وميرو]

رد: اختبار قياس نسبة التوحد.... أين؟؟؟

اختى الكريمه نبيهه جزاكى الله كل خير على الدعوه الحلوه وعايزه دعوه جميله كده تانى لابنى مازن ان ربنا يشفيه ويبعد المرض عن بنتى مريم معلش بقى هاطمع فى كرم اخلاقك
اما بالنسبه لرقم الدكتور 0102405481 اسمه ايهاب رجاء
العنوان :153 برج الحريه _ميدان الحريه -المعادى
وهادورلك برضو على رقم العياده وهابقى ابعتهولك وماتنسيش تطمنينى على لينا وعرفينى اخر تطورتها واى خدمه انا تحت امرك

[ازميرالدا]

رد: اختبار قياس نسبة التوحد.... أين؟؟؟

الاخت الكريمة أزميرالدا
من باب الامانة .......لما كلمت الاخت سلوى و اعطيتها ارقام التلفونات و العناوين
شكرتنى ،و أمنتنى أمانة انى اشكرك و اسلم عليكى و هى بتدعى لك جدا جدا بالبركة ، ربنا يبارك لك
و بتدعى لكل المرضى بالشفاء

لا شكر علي واجب
جزاها الله كل خير علي الدعوه الجميله
و يا رب يشفي ابنتها و اولادنا جميعا فهو القادر علي كل شئ