عندى 28 سنة وعندى التهاب رئوى روحت لدكتور من سنة وعطانى علاج اول علاج اسمه ابيدون اللى الزجاجو ثمنها 4 جنيه وكانت جرعته معلتين كبار مرتين فى اليوم والدواء الثانى ميوكوفللين وده كان ثلاث مرات فى اليوم ودواء ثالث اسمه بصراحة مش فاكرة اسمه بس هو علبة فيها خمس برشامات لونهم بمبى واحدة فى اليوم وثمنه 27 جنيه بيخلص فى خمس ايام وفوار بس بصراحة تعبلى معدتى مع العلم انى عندى حساسية فى الانف والاعراض اللى عندى طبعا ضيق نفس خروشة فى الصدر والبلغم اصفر وساعات بيبقى تقيل وساعات لأ ولما عملت اشعة فى الصدر طلع عندى التهاب فى الرئة اليمين هى فعلا بحس بألم فيها وحرقان شويه زى بتاع الاحتقان وكل ما يجيلى برد يقلب معايا بالتهاب رئوى ارجوك ساعدنى وقولى على اسماء ادوية احسن من اللى كتبتهالك وتكون ملهاش اعراض جانبية مؤذية وبالذات اسم مضاد حيوى كويس ليا ويبقى ليك جزيل الشكروكله فى ميزان حسناتك يادكتر
الاحصائيات المتقدمة
تقليص
إعـــــــلان
تقليص
لا يوجد إعلان حتى الآن.
ارجو المساعدة ضرورى
تقليص
X
-
رد: ارجو المساعدة ضرورى
أنشاء الله يفيدك الأخوة من واقع خبراتهم
و الأفضل أنك تعرضى الأشعة الموجودة معاكى على أستشارى أمراض صدرية فى القصر العينى أو فى مستشفى عين شمس التخصصى
أو فى أى مستشفى جامعى فى مصر
و بأذن الله ستكتشفين أن الأمر بسيط جدا
شفاكى الله و عافاكى
تعليق
رد: ارجو المساعدة ضرورى
الله يشفيك ويعافيك اختي الكريمه
فيه الدكتوره قطرة ندى وانا ارسلت لها رابط الموضوع وان شاء الله ترد عليك لما تدخلاللهم يارب مسني وأهلي الضر وأنت أرحم الراحمين
تعليق
تعليق
طبيبة واستاذة جامعه
مشرفة المنتدى الطبي
رد: ارجو المساعدة ضرورى
اختى رانيا
اولا ..انا اعتذر جدا جدا عن تأخرى فى الرد و لكن بالفعل غصبا عنى و لظروف قاهرة
ثانيا ..الف الف سلامة عليك و ربنا يشفيك و يعافيك و يجعله فى موازين حسناتك
ثالثا ..نيجى بقى لموضوع الشكوى ..شفاك الله و عفاك
انت يا اختى كتبت حالتك باختصار و انا فهمت الحالة بشكل عام
عرفت الادوية اللى كتبها لك
طبعا من الأعراض اللى كتبتيها ..شايفة ان العلاج اللى مكتوب ليك مناسب جدا و يحتوى على موسع للشعب و طارد للبلغم و مضاد حيوى و ربما الدوا اللى انت نسياه مضاد للحساسية
انا هانصحك بكل صدق لأن دى امانة
اولا ...لازم و لابد تروحى لدكتور متخصص امراض صدرية علشان يفحصك كويس و يسمع بالسماعة و ممكن يطلب منك اشعة على الصدر
ثانيا ..عليك ان تلتزمى بالعلاج و مواعيده و تصبرى عليها حتى لو كان لها اعراض جانبية بتتعبك
ثالثا ..التغذية السليمة و المتكاملة مهمة جدا فى مقاومة المرض
رابعا ..لو عندك بلغم لسة ..يبقى اكثرى من شرب السوائل الدافية لانها بتساعد على اذابة البلغم و طرده
كمان الشاى السادة يعتبر موسع طبيعى للشعب و بيريح الى حد ما مع الأدوية
خامسا ..اعذرينى لأنى ما اقدرش اكتب لك اى ادوية من غير الكشف عليك لأنك عارفة ان كل حالة و لها ظروفها
اخيرا
اسأل الله ان يشفيك و يعافيك
و يا ريت تطمنينى عليك
تعليق
رد: ارجو المساعدة ضرورى
متشكرة جدا يادكتورة على ردك عليا وعلى اهتمامك بجد ربنا يكرمك وان شاء الله اروح لدكتور كويس علشان يكتبلى على العلاج اللى يناسبنى
تعليق
طبيبة واستاذة جامعه
مشرفة المنتدى الطبي
رد: ارجو المساعدة ضرورى
المشاركة الأصلية بواسطة رانيا احمد مشاهدة المشاركةمتشكرة جدا يادكتورة على ردك عليا وعلى اهتمامك بجد ربنا يكرمك وان شاء الله اروح لدكتور كويس علشان يكتبلى على العلاج اللى يناسبنى
الشكر لله ..اتمنى ان تطمئنينى عليك
و باذن الله ستكونين فى احسن حال
ربنا يتمم شفائك على خير
تعليق
Loading...
Powered by vBulletin® Version 5.7.5
Copyright © 2024 MH Sub I, LLC dba vBulletin. All rights reserved.جميع الأوقات بتوقيت جرينتش+3. هذه الصفحة أنشئت منذ دقيقة واحدة.يعمل...X
تعليق