تحضير حليب جوز الهند

[لـيـلووو]

رد: تحضير حليب جوز الهند

بسم الله الرحمن الرحيم

السلام عليكم ورحمة الله وبركاته

شكرا اخت ام دانيال على ردك ايه عرفت مبارح انه 50 مشاركة

ليصير فيني ابعتلك وانا كنت بدي رد على رسالتك المستعجلة بس

ماصار نصيب وانبسطت فيها لاني حابة احكي مع حدا افهم منه امور كتيرة

عشان حالة ابني لاني ماعارفة شواعمل..وانا ايه ساكنة بلبنان وهيدا الشي مصعب

علي اني ساعد ابني لانه عنا مافي كتير اهتمام بهالموضوع

وبشكرك كتير على شعورك الطيب وبارك الله فيكي

[أم دانيال]

رد: تحضير حليب جوز الهند

اختي ليلوو
شاركينا ارائك في المنتدى وأخبرينا أكثر عن طفلك.
أسأل الله ان يشفيه وتفرحي فيه.

[لـيـلووو]

رد: تحضير حليب جوز الهند

السلام عليكم ورحمة الله وبركاته

تسلمي حبيبتي ام دانيال..وللصراحة انا ماشاركت معكم لانه ماصار معي اي شي لاشارك واخبركم فيه عن تجربتي
انا اللي منكم عم اتعلم وعرفت كل شي عن التوحد من هون من النت وبعدني لهلأ بشوف مشاركة كل واحد
وتجربته وشو عم يصير معه لاتنور زيادة..عرفت انه ابني عنده توحد من عمر 3 سنوات وماكنت سامعة عن هالشي وصرت ادور بالنت
عن التوحد وكيف بكون لقيت انه كل الحالات نفس اللي عم يصير مع ابني بس كل واحد حسب قوة التوحد عنده وانا ابني بعده مابيحكي
ومن شهرين بلش بعمر ال 6 سنوات بس شوماطلبت منه بيعمل وبيفهم علي الا كم حاجة وعنده مشكلة الروتين وحب التلفزيون ومابيتواصل
بالعيون ومن سنة صارت حاجة كنت العبه وقلتله قول بابا ماما عادهم وراي وطلعوا منه كتير تمام وطلبت منه يعيدهم ماعاد قالهم ومن شهرين كمان صار نفس الشي
وحتى من كم يوم في اغنية للاطفال بحبها فيها كلمة بابا الا رددها للكلمة مرتين وسكت وحاسته صاير احسن من اول وحابة اساعده زيادة بس كل شي عم يقفل بوجهنا
مع اني رحت عند اخصائيين وماحدا حكاني عن الحمية او شو اللي ممنوع عنه او شولازم اعمل ماقالوا الا الامور المعروفة عن التوحد وانه لازم
ادخله مركز وحتى رحت عند طبيبة مختصة بالجهاز العصبي وعملتله كل الفحوصات اللازمة وحتى الفحوصات الوراثية وبعد ماشافت الفحوصات وانه كله منيح مافي شي بس انه عنده اضطرابات
بالتواصل طيف توحد وقالت لي ادخله مركز واذا ماقبلوه عشان حركته الزايدة اقولها لتعطيه دواء ليصير هادي وهذا كل اللي قالته حتى صرت اسال عن حكيم دان واستغربت انه ماحدا بيعرف شو يعني وفي امور كتير عنا مامعروفة عن التوحد بس هون عالنت بشوف ماشاء الله الكل عنده معلومات وخبرة وبيعرفوا الكثير وصرت ادور على مراكز شي يقوللي ماعنا من حالته وشي يقوللي في اخف
من حالته ومافي له صفوف ومركز يقوللي بنقبله بس بنحطه مع المتخلفين فكريا بس لازم تعطيه دوا ليقعد معنا ويتعلم انا رفضت هالشي لانه في اخصائية طلبت ان دخلته مركز ماينحط الا مع اللي نفس حالته
وكمان رفضت عشان الدوا لانه عرفت من النت انه مامشكور وانه له عوارض وبالاخر ليت مركز منيح وبيهتم بهيك حالات بس لي سنتين عم جرب اسجله فيه هذيك السنة قالولي تأخرتوا كان لازم تجوا قبل
مع انه جينا بالوقت المحدد وهالسنة رحنا قبل بثلاث شهور من الموعد وكمان نفس الشي وراحت عليه هالسنة واخدته عند كذا اخصائية و3 جلسات بالاسبوع واذا بدك تزود كل واحد حسب امكانياته لانه
ربع ساعة 50$وماكان يستفيد لانه مابيقعد بمكان اكتر من 10 دقايق بمل ومابيعطيهم اهتمامه يعني كنا نروح هيك وبتحسي انه تجارة هالجلسات مابتلاقي انه في اهتمام لهالحالة بس هيك شغل وعم
يأدوه وبس شفت بالنت عم تحكوا عن الحمية وانه كتير اولاد اتحسنت عليه نويت ااباشر فيها وقدرت ولله الحمد الاقي حليب خالي من الغلوتين اسمه بدياشور وفي منه نكهة فانيليا ونكهة شوكولا وموجود بكل الصيدليات
بس بقت عندي قصة القمح حاولت اجرب خبز الذرة مانجح معي انه يصير ينلف سندويش مثل الخبز العادي لانه اكله خفيف ومابياكل اي شي الا سندويش زعتر او منقوشة ,وحابة اجهز كل شي يخص الحمية
قبل لابتدي له فيها لانه مافي شي ياكله الا الحليب وكمان باقي المكملات الغذائية وحاولت اشوف حدا عايش باميركا يرسلهم لنا بس لليوم مافي شي وحتى لقيت xanthan gum بتنحط مع الطحين وبينجح خبز الذرة
بس المشكلة كل شي متوفر بالبلاد الاوروبية ومش كل واحد قادر يطلبهم بالبريد وبعدنا كل يوم بننتظر يفرجها ربنا حتى نقدر نساعد ابني..واول امس شفت موضوع الاخ الكشاف وانبسطت وربنا يقدم اللي فيه الخير للجميع ان شاء الله..واسفة طولت عليكم بس حبيت اخبركم بكل اللي صار معي واعذروني ان ماقدرت احكي بهالموضوع بصورة احسن من هيك بس انا معلوماتي قليلة كتير..وتحياتي للجميع وربنا يشفي اولادنا ويقوينا لنبقى جنبهم ونساعدهم ويسهل علينا كل الامور ان شاء الله

[أم عبيدة]

رد: تحضير حليب جوز الهند

السلام عليكم ورحمة الله وبركاته

تسلمي حبيبتي ام دانيال..وللصراحة انا ماشاركت معكم لانه ماصار معي اي شي لاشارك واخبركم فيه عن تجربتي
انا اللي منكم عم اتعلم وعرفت كل شي عن التوحد من هون من النت وبعدني لهلأ بشوف مشاركة كل واحد
وتجربته وشو عم يصير معه لاتنور زيادة..عرفت انه ابني عنده توحد من عمر 3 سنوات وماكنت سامعة عن هالشي وصرت ادور بالنت
عن التوحد وكيف بكون لقيت انه كل الحالات نفس اللي عم يصير مع ابني بس كل واحد حسب قوة التوحد عنده وانا ابني بعده مابيحكي
ومن شهرين بلش بعمر ال 6 سنوات بس شوماطلبت منه بيعمل وبيفهم علي الا كم حاجة وعنده مشكلة الروتين وحب التلفزيون ومابيتواصل
بالعيون ومن سنة صارت حاجة كنت العبه وقلتله قول بابا ماما عادهم وراي وطلعوا منه كتير تمام وطلبت منه يعيدهم ماعاد قالهم ومن شهرين كمان صار نفس الشي
وحتى من كم يوم في اغنية للاطفال بحبها فيها كلمة بابا الا رددها للكلمة مرتين وسكت وحاسته صاير احسن من اول وحابة اساعده زيادة بس كل شي عم يقفل بوجهنا
مع اني رحت عند اخصائيين وماحدا حكاني عن الحمية او شو اللي ممنوع عنه او شولازم اعمل ماقالوا الا الامور المعروفة عن التوحد وانه لازم
ادخله مركز وحتى رحت عند طبيبة مختصة بالجهاز العصبي وعملتله كل الفحوصات اللازمة وحتى الفحوصات الوراثية وبعد ماشافت الفحوصات وانه كله منيح مافي شي بس انه عنده اضطرابات
بالتواصل طيف توحد وقالت لي ادخله مركز واذا ماقبلوه عشان حركته الزايدة اقولها لتعطيه دواء ليصير هادي وهذا كل اللي قالته حتى صرت اسال عن حكيم دان واستغربت انه ماحدا بيعرف شو يعني وفي امور كتير عنا مامعروفة عن التوحد بس هون عالنت بشوف ماشاء الله الكل عنده معلومات وخبرة وبيعرفوا الكثير وصرت ادور على مراكز شي يقوللي ماعنا من حالته وشي يقوللي في اخف
من حالته ومافي له صفوف ومركز يقوللي بنقبله بس بنحطه مع المتخلفين فكريا بس لازم تعطيه دوا ليقعد معنا ويتعلم انا رفضت هالشي لانه في اخصائية طلبت ان دخلته مركز ماينحط الا مع اللي نفس حالته
وكمان رفضت عشان الدوا لانه عرفت من النت انه مامشكور وانه له عوارض وبالاخر ليت مركز منيح وبيهتم بهيك حالات بس لي سنتين عم جرب اسجله فيه هذيك السنة قالولي تأخرتوا كان لازم تجوا قبل
مع انه جينا بالوقت المحدد وهالسنة رحنا قبل بثلاث شهور من الموعد وكمان نفس الشي وراحت عليه هالسنة واخدته عند كذا اخصائية و3 جلسات بالاسبوع واذا بدك تزود كل واحد حسب امكانياته لانه
ربع ساعة 50$وماكان يستفيد لانه مابيقعد بمكان اكتر من 10 دقايق بمل ومابيعطيهم اهتمامه يعني كنا نروح هيك وبتحسي انه تجارة هالجلسات مابتلاقي انه في اهتمام لهالحالة بس هيك شغل وعم
يأدوه وبس شفت بالنت عم تحكوا عن الحمية وانه كتير اولاد اتحسنت عليه نويت ااباشر فيها وقدرت ولله الحمد الاقي حليب خالي من الغلوتين اسمه بدياشور وفي منه نكهة فانيليا ونكهة شوكولا وموجود بكل الصيدليات
بس بقت عندي قصة القمح حاولت اجرب خبز الذرة مانجح معي انه يصير ينلف سندويش مثل الخبز العادي لانه اكله خفيف ومابياكل اي شي الا سندويش زعتر او منقوشة ,وحابة اجهز كل شي يخص الحمية
قبل لابتدي له فيها لانه مافي شي ياكله الا الحليب وكمان باقي المكملات الغذائية وحاولت اشوف حدا عايش باميركا يرسلهم لنا بس لليوم مافي شي وحتى لقيت xanthan gum بتنحط مع الطحين وبينجح خبز الذرة
بس المشكلة كل شي متوفر بالبلاد الاوروبية ومش كل واحد قادر يطلبهم بالبريد وبعدنا كل يوم بننتظر يفرجها ربنا حتى نقدر نساعد ابني..واول امس شفت موضوع الاخ الكشاف وانبسطت وربنا يقدم اللي فيه الخير للجميع ان شاء الله..واسفة طولت عليكم بس حبيت اخبركم بكل اللي صار معي واعذروني ان ماقدرت احكي بهالموضوع بصورة احسن من هيك بس انا معلوماتي قليلة كتير..وتحياتي للجميع وربنا يشفي اولادنا ويقوينا لنبقى جنبهم ونساعدهم ويسهل علينا كل الامور ان شاء الله

أختي ليلوو ...
نتمنى أن تنقلي مشاركتك و تفاصيل أكثر في منتدى التوحد حتى يستطيع الاخوات مساعدتك و التفاعل معك ....
و عندي ملاحظة عن حليب بيديا شور ....معلوماتي أنه حليب أما يكون خالي من اللاكتور للمتحسسين من هذا النوع من السكر ....أو خالي الدسم لبعض الاطفال اللذين لديهم مشاكل في الجهاز الهضمي و يتقيأون و لكنه ليس خالي من الكازيين المطلوب استبعاده في الحمية ....تأكدي أختي من هذا .

[فوضت امري لله]

رد: تحضير حليب جوز الهند

[align=justify]
اختي ليلو
مادة xanthan gum وايضا باكينج بودر خالي من الجلوتين موجود في الأمارات اتمنى ان يوفقك الله في قريب او صديق يساعدك على الحصول عليها من هناك
[/align]

[لـيـلووو]

رد: تحضير حليب جوز الهند

السلام عليكم ورحمة الله وبركاته

مشكووورة اختي ام عبيدة على مشاركتك وحليب بدياشور كومبليت قايلين انه بيحتوي على سكروز ونشاء الذرة المحلل بالماء,كازينات الصوديوم(بروتين الحليب)زيت دوار الشمس
الغني بالاولييك,زيت فول الصويا,غليسريدات ثلالثية متوسطة السلسلة,معادن,بروتين مصل الحليب المركز(بروتين الحليب)نكهة الفانيليا الاصطناعية..خالي من الغلوتين
هيدي المحتويات واذا فيها شي ممنوع ارجوا ان تخبروني ولكم جزيل الشكر

[لـيـلووو]

رد: تحضير حليب جوز الهند

هلا حبيبتي فوضت امري لله..ربي يخليكي عالمعلومات تسلمي لي
وياليت تتيسر معنا نلاقي حدا لنا شهر عم نحاول..الله كريم
شـكــ وبارك الله فيك ـــرا لك ... لك مني أجمل تحية .

[أم دانيال]

رد: تحضير حليب جوز الهند

اختي ليلوو
أسأل الله ان يشفي ابنك وابني وجميع الاطفال آمين يا رب.
مظبوط بلبنان مش معترف بعلاج الدان، كل الدكاترة رافضين الفكرة من اساسها، انه يمتنع الطفل عن مشتقات القمح والحليب،
أنا حضرت مقابلة لدكتور نفسي مشهور بلبنان اسمه باسكال رعد، كان عم يحكي عن التوحد، وصار يتمسخر عالحمية.
بس ضروري لما بدك تعملي الحمية لابنك تعطيه مكملات وفيتامينات لانها بتساعد كتير باعتقادي أكتر من الحمية لانه فيها فيتامينات بتغذي الدماغ وبتخلي التواصل والتفاعل أقوى.
أنا بنصحك تسألي بالصيدليات عن فيتامينات او Omega 3 كتير مفيدة.
في موضوع الي كاتبة فيه وصفة طحين خالي من الجلوتين راجعيه، وهيدي المقادير:
نشاء البطاطا، نشاء الذرة، طحين الذرة، طحين الآرز (أرز مطحون).
أنا والله ما عندي فكرة عن اغراض الحمية بلبنان، لاني عايشة بألمانيا من 6 سنين لكن بنصحك تفتشي بالسوبر ماركت الكبيرة متل سبينس Spyness
انشالله بتلاقي على الاقل حليب الارز، كمان في حليب الصويا، بس مش مسموح للصبيان بس للبنات، لأنه بيقوي هورمونات الأنوثة (يعني ممنوع للصبيان).
واذا ما لقيتي جربي تحضري المواد بالبيت، مطبخ الحمية فيه كتير وصفات للحليب تحضير منزلي.
بالمناسبة ما عرفت، حضرتك من اية منطقة بلبنان، الشمال او الجنوب او البقاع او بيروت، سمعت انه في سوبر ماركت فهد بجونية فيها مواد تخص الحمية.
أنا والله بعلم ابني وحدي بالبيت يعني ما في مركز معين، لكن في اخصائية بتجي مرة بالاسبوع بتعلمه لمدة ساعتين، بس عبارة عن لعب، ما في تمارين معينة، أنا وزوجي منحاول ندمج ابني أد ما منقدر ونحكي معه ونفهمه، والحمدلله ماشي الحال.
أنا عملت الحمية لابني حوالي 9 اشهر وتحسن كتير، بعدان وقفتها والحمدلله ما تأثر، بس مكفاية بالفيتامينات والمكملات.
الحليب يلي ذكرتيه ما عندي فكرة عنه والله، بس الحمدلله أم عبيدة نبهتك انه فقط خالي من اللاكتوز، يعني للي عندن حساسية من مادة اللاكتوز، لازم يكون مكتوب على المواد: Casein free, Gluten free .
بالكويت في د. عبير عوض، اذا عندكن قدرة تسافروا لعندها، كل الاهالي بيشكروا فيها بتعالج التوحد بعلاج دان DAN وبالكويت في الادوية مأمنة.
انشالله كون قدرت افيدك شوي
بالتوفيق يا رب.

[ابنى الحبيب]

رد: تحضير حليب جوز الهند

شكرا جزاكى الله خيراااااااااا

[لـيـلووو]

رد: تحضير حليب جوز الهند

السلام عليكم ورحمة الله وبركاته

مساء الخير اختي ام دانيال بارك الله فيكي عالمعلومات وانا من جبل لبنان اقليم الخروب

وبالنسبة للفيتامينات اللي قلتلي عنها العادية اللي بالصيدليات او تكون مخصصة لحالته يعني خالية من مواد معينة؟

وحليب الارز سألت عنه وكل ماأقول اسمه لحدا يقوللي شو هيدا حليب الارز اول مرة نسمع عنه,وشفت مرة هون عن حليب اللوز وجوز الهند قلت اجرب له

حليب اللوز رفضه وماكان ياكل منه معذبني كتير بالاكل ان جربت احط له شي لايذكر بالحليب تمر وجوز واي شي مفيد له بيرفض الحليب ومابياكل

وبتركه بلا اكل ساعات يمكن يجوع ويقبل يشربه بس مافي فايدة..اتصلت بالدكتورة هيفاء الكيالي وصفت له دواء اسمه (موسالون)قالت انه بيعمله شوية اسهال

بس بنظف له معدته وبجوعه وبصير ياكل كل الاكل وصيت عليه امس وان شاء الله يمشي الحال..وهو في عادة بياكل اي شي عن الارض خيط او ورقة وشفت بالنت انه اللي بكون

عنده هالحالة متعرض للزئبق وعنده نقص بالزنك,وانا عم حاول قد مافيني عشان امن له لوازم الحمية وكل شي هو لازمه حتى يصير ان شاء الله احسن...الله كريم

والحمدلله انك قدرتي تساعدي ابنك وانه تحسن عن قبل وان شاء الله عطول يارب كل يوم احسن من اليوم اللي قبله ويفرح قلبك فيه

الله يشفيهم ياااااارب

[قلبي ضاع معك]

رد: تحضير حليب جوز الهند

شـكــ وبارك الله فيك ـــرا لك ... لك مني أجمل تحية .

[لـيـلووو]

رد: تحضير حليب جوز الهند

السلام عليكم ورحمة الله وبركاته

مشكووورة اختي قلبي ضاع معك

جزاكي الله كل خير

[ام المتوحد]

رد: تحضير حليب جوز الهند

السلام عليكم ورحمة الله وبركاته شكرا اختي على هذا الموضوع المهم لكن عندي اضافة على فوائد زيت جوز الهند انا سمعت احد الاطباء اللي يعالجون المصابين بالتوحد انه اول مايعطي الطفل زيت جوز الهند لانه يقوي التواصل البصري وكان هذا البرنامج على الجزيرة ودورت على الزيت للاكل ما حصلت فقط للشعر موجود اللي عنده فكرة او معلومة تاكد هذه الفائدة يذكرها للاستفادة وشكرا مرة اخرى على الموضوع.

[أم دانيال]

رد: تحضير حليب جوز الهند

أختي ليلوو
بالنسبة للفيتامينات ممكن تسألي الصيدلي عن اوميغا 3 زيت السمك، هومغذي للدماغ ويقوي التواصل البصري
وله فوائد عديدة، يكون مناسب لعمر الاطفال وهو بيدلك.
لكن أثناء بحثي عن الصيدليات في لبنان وجدت هذا الموقع الهام لمؤسسة لايف لونغ Life Long ، هي تعالج بالابر الصينية والعلاجات والأعشاب الطبيعية لجميع الامراض تقريباً. أنصحك بالاتصال بهم واطلب تحويلك الى د. نقولا ايماز واشرحي له حالة ابنك، وان شاء الله خير.
http://www.lifelongherbs.com/
وبتمنى تخبريني شو بيصير معك.

[أم دانيال]

رد: تحضير حليب جوز الهند

السلام عليكم ورحمة الله وبركاته شكرا اختي على هذا الموضوع المهم لكن عندي اضافة على فوائد زيت جوز الهند انا سمعت احد الاطباء اللي يعالجون المصابين بالتوحد انه اول مايعطي الطفل زيت جوز الهند لانه يقوي التواصل البصري وكان هذا البرنامج على الجزيرة ودورت على الزيت للاكل ما حصلت فقط للشعر موجود اللي عنده فكرة او معلومة تاكد هذه الفائدة يذكرها للاستفادة وشكرا مرة اخرى على الموضوع.

وعليكم السلام ورحمة الله وبركاته
أختي ام المتوحد ممكن ان تجديه بسهولة في جميع السوبرماركت اسألي عن سمن جوز الهند النباتي.
موفقة ان شاء الله.