خبز الارز

[رحمه ربي]

السلام عليكم

الصراحه انا أحترت فيصل عنده حساسيه من الجلوتين والكازين وعنده أوكسلات عاليه وحساسيه من الذره

وأشياء كثيره وحالته صعبه ومالقيت شي يناسبه من الخبز او الصمون او التوست اكله اصبح محدود للغايه

حاولت اسوي له توست بالبيت لكن صعب اني اسوي من طحين الارز بس بدون ما يكون معاه طحين من نوع ثاني

فاللي يعرف طريقه لعمل الخبز او التوست المنزلي بطحين الارز بس اكون ممنونه لهااا

ع فكره أنا عندي ماكينه صنع التوست بس ما عرفت استخدمها حاولت فيها عجنت بس الخبز لااااا

[أم تقى]

رد: خبز الارز

عزيزتى كل عام وأنت بخير هدى طريقتى لعمل الخبز لأبنى وتتكون من بيضة القليل من حليب الارز والملح وأخلطهم قليلا وأضيف عليهم طحين الارز وأخلطهم وأقوم بتسخين مقلاة تيفال وأضع من الخليط فليلا وأفره فى المقلاه حتى يكون جاهز للقلب على الجهة الاخرى وبالهنا أما اذا حبيتيه تست سمكى العجين بزيادة دقيق الارز مع بيكنج صودا أو البودر وملعقة زيت كبيرة وادهنى قالب الخبز بالزيت وصبى فيه العجينوأخبزيه فى الفرن بس اعرفى ان خبز الارز لا يحمر وانما يستوى فقط وايضا يفضل عمل هذاالخبز ألأول بأول حتى لا يبرول ويتفتت وبالهنا والشفا وابقى خبرينى وش صار معاكى

[ام عزو]

رد: خبز الارز

طيب ماينفع تحطين مع دقيق الارز دقيق التبيوكا خالي من الجلوتين وموجود ببقالة اندونيسيا بس شوفي اذا مسموح فيه لابنك؟
شوفي اقري تقرير ابنك

[رحمه ربي]

رد: خبز الارز

عزيزتى كل عام وأنت بخير هدى طريقتى لعمل الخبز لأبنى وتتكون من بيضة القليل من حليب الارز والملح وأخلطهم قليلا وأضيف عليهم طحين الارز وأخلطهم وأقوم بتسخين مقلاة تيفال وأضع من الخليط فليلا وأفره فى المقلاه حتى يكون جاهز للقلب على الجهة الاخرى وبالهنا أما اذا حبيتيه تست سمكى العجين بزيادة دقيق الارز مع بيكنج صودا أو البودر وملعقة زيت كبيرة وادهنى قالب الخبز بالزيت وصبى فيه العجينوأخبزيه فى الفرن بس اعرفى ان خبز الارز لا يحمر وانما يستوى فقط وايضا يفضل عمل هذاالخبز ألأول بأول حتى لا يبرول ويتفتت وبالهنا والشفا وابقى خبرينى وش صار معاكى

جزاك الله خير أم تقي بسويه باجر ان شاء الله

بس بحاول ااكله لانه ما ياكل الخبز الناعم بحاول اسويه توست

شكرا لج والله يشافي لك ابنك يااا رب

[رحمه ربي]

رد: خبز الارز

طيب ماينفع تحطين مع دقيق الارز دقيق التبيوكا خالي من الجلوتين وموجود ببقالة اندونيسيا بس شوفي اذا مسموح فيه لابنك؟
شوفي اقري تقرير ابنك

بلي مسموح له التوبيكا والدخن بعد ذكرتيني يمكن يصير اخلطهم مع بعض افضل من الذره

تصدقين كنت ناسيهم وتوني تذكرت من كلامج الله يشفي لج عزوووو وتشوفينه معرس يااا رب

[رحمه ربي]

رد: خبز الارز

طيب منو يعرف المقادير مظبوط لاني تعبت وانا اسوي وارمي بالزباله الله يكرم النعمه

مع اني ست بيت شاطره لاحد يقولي او يفكربغير هالشي تدرون قاعده اضحك واتغشمر بالكلام والدموع تاااارسه عيوني

بس أكل الحميه مو راضي يضبط معاااي تعبت نفسياااا

[ام التوحد]

رد: خبز الارز

ام فيصل عندنا ب لولو هايبر ماركت او اي مكان يبيع اكل الهنود كيس صغير مكتوب عليه دوسا عباره عن طحين الرز وممكن معاه حلبه وملح شوفي المكونات عدل انا اضيف عليه بمزاجي حليب جوز الهند او ماي او بيضه اللي ابي واخليه خفيف واسويه بالمقلى ولدي يحبه واحط فيه زيت وزعتر او عسل شويه وياكلها سندويشات
او فيه طحين بمركز سلطان او كارفور طحين عيش وشوفي المكونات عدل نفس الطريقه حطي عليه اللي تبين بيضه وزيت وماي او حليب جوز الهند وبالمقلى مثل البان كيك
توست والله ما اعرف علموني شلون صعبه
في بعد الكينوا خدامتي سيلانيه لما شافتها قالت ماما هذا واجد زين انا سوي خبز في سيلان قلت لها يالله سوي مومظبوط 100% بس اهم شي عبود يحبه ومفيد
جربي وعلميني

[رحمه ربي]

رد: خبز الارز

هلا فيج أم عبوود انا عندي طحين الارز لقيته بجمعيه الروضه

وجبت معاي من الرياض بعد انواع من طحين الارز

المشكله في عمل التوست ام عبوود مو بالطحين وبعدين فيصل ما ياكل الخبز الناعم نسميه(صبيب )

المشكله في طريقه التوست او الخبز لازم يكون من طحينين مو من الارز بس هذا كلام المخابز امير الامراء يقولي جيبي طحين

ثاني واسوي لج التوست والخبز بس انا ابي اسويه بالبيت احسن

شكرا لج ام عبدالله بجرب اللي قلتي لي وان شاء الله يتقبله فيصل

مشكووووره وتفرحين بعبود معرس يااا رب

[أم تقى]

رد: خبز الارز

عزيزتى فيه نوع من الطحين ينباع فى أماكن بيع أغراض الحمية مكتوب عليه لعمل الخبز وهو ما ينعمل الا خبز توست تضفين بس ماء وملعقة زيت وهو عليه مادة التخمير حقته أنا جربته لأبنى والله طعمه كويس

[رحمه ربي]

رد: خبز الارز

جزاك الله خيرا يا ام تقي

بحاول اسويله باجر خبز الله يسهل الامور عزيزتي

[الهدا]

رد: خبز الارز

انا بعد ولدي مشتهي التوست من زمااان
سويته بكل الخلطات
بالفرن منتفخ وشحلاته
اطلعه ,اروح وارد الا هو فشششش
بس انا الحين شريت خلطة خبز التوست من orgran يارب تزبط