3 مشاكل البى اس بى والعجله والهدوم ارجو الحل

[ام شريف]

السلام عليكم ورحمه الله وبركاته
ابنى شريف عنده 6 سنوات لديه سمات توحد
من فتره اشترى زوجى لابنى الاكبر بى اس بى محمد كان بيلعب بيها بعدين لفت انتباه شريف لعبه سباق العربيات ومن هنا بدأت المشكله
شريف طول اليوم ماسك البى اس بى لدرجه ان محمد مش بيلعب نهائى بيها ولما اقوله اديه ل اخوك يصوت ويعيط عياط مستمر بالساعات بدون اى توقف
ولو محمد خدها منها بالعافيه يحاول يشده منه لو مقدرش يمسك ايدى عشان انا اخده من محمد بالقوة واديهاله ووصلت لمرحله انى عاوزة ارمى البى اس بى
مع العلم لو محمد مش عاوزه هو بيرميه بس كل شويه يروح يبص عليه

جبت قريب علاجه ل شريف وبرضه نفس الفكره محدش يركب العجله لو ادته البى اس بى اقوله خلاص محمد يركب العجله برضه يصرخ ويحاول يركب فوق اخوه عشان يزهق ويقوم وتكون النتيجه انه يمسك ب البى اس بى وهو راكب العجله

ابتدى اخواته يزهقوا من الوضع دا ويقولولى مش انتى بتقولى المفروض نعمل مشاركه مع بعض وبحتار اعمل ايه

برضه فكرت اشترى لشريف بى اس بى تانى بس لاقيت ان دا مش حل عشان ممكن اللى يكون فى ايد محمد ياخده

عندى برضه مشكله طول النهار شريف يقلع ويلبس ولو لبسته هدوم ميكونش فيها سوسته يدور على اى هدوم تانيه فيها سوسته ويلبسها فوقها وبنفضل طول اليوم على دا الحال من ساعه ما يصحى وهو يقلب الدولاب ويجبلى منه هدومه وهدومى وهدوم ابوه وبصراحه انا تعبت وخايفه انه يبرد

ياريت حد يقولى اتصرف معاه ازاى

[إبداعي لهم]

رد: 3 مشاكل البى اس بى والعجله والهدوم ارجو الحل

بأذن الله ذوي الإختصاص بيفيدوك ويساعدوك

[وكسلر]

رد: 3 مشاكل البى اس بى والعجله والهدوم ارجو الحل

السلام عليكم ورحمه الله وبركاته
ابنى شريف عنده 6 سنوات لديه سمات توحد
من فتره اشترى زوجى لابنى الاكبر بى اس بى محمد كان بيلعب بيها بعدين لفت انتباه شريف لعبه سباق العربيات ومن هنا بدأت المشكله
شريف طول اليوم ماسك البى اس بى لدرجه ان محمد مش بيلعب نهائى بيها ولما اقوله اديه ل اخوك يصوت ويعيط عياط مستمر بالساعات بدون اى توقف
ولو محمد خدها منها بالعافيه يحاول يشده منه لو مقدرش يمسك ايدى عشان انا اخده من محمد بالقوة واديهاله ووصلت لمرحله انى عاوزة ارمى البى اس بى
مع العلم لو محمد مش عاوزه هو بيرميه بس كل شويه يروح يبص عليه

جبت قريب علاجه ل شريف وبرضه نفس الفكره محدش يركب العجله لو ادته البى اس بى اقوله خلاص محمد يركب العجله برضه يصرخ ويحاول يركب فوق اخوه عشان يزهق ويقوم وتكون النتيجه انه يمسك ب البى اس بى وهو راكب العجله

ابتدى اخواته يزهقوا من الوضع دا ويقولولى مش انتى بتقولى المفروض نعمل مشاركه مع بعض وبحتار اعمل ايه

برضه فكرت اشترى لشريف بى اس بى تانى بس لاقيت ان دا مش حل عشان ممكن اللى يكون فى ايد محمد ياخده

عندى برضه مشكله طول النهار شريف يقلع ويلبس ولو لبسته هدوم ميكونش فيها سوسته يدور على اى هدوم تانيه فيها سوسته ويلبسها فوقها وبنفضل طول اليوم على دا الحال من ساعه ما يصحى وهو يقلب الدولاب ويجبلى منه هدومه وهدومى وهدوم ابوه وبصراحه انا تعبت وخايفه انه يبرد

ياريت حد يقولى اتصرف معاه ازاى

اهلا بك ام شريف
انتي امام مشكلتين اساسها واحد وهي التعلق المبالغ فيه لدى الطفل التوحدي
لكن ام شريف لم تتحدثي عن مدة هذه المشكلة بالنسبة للمشكلة الاولى لا اظن ان شريف تعلق بشكل مفاجئ في اللعبة ولكن لديه ايضا تعلق في اشياء اخرى لكن لم يكن لديك انتباه للمشكلة نظرا للصدام الذي حصل بينه وبين اخيه هو ماجعلك تنتبهي للمشكلة وكيفية التصرف فيها والان اتمنى منك تحديد مدة حدوث المشكلة وماهو تصرفك معه كام او بالنسبة للاب والاخوة؟
دمت بود

[ام شريف]

رد: 3 مشاكل البى اس بى والعجله والهدوم ارجو الحل

شكرا جزيلا على الاهتمام بالرد
المشكله حصلت من شهر ونص بس الاول كان بياخدها شويه واخواته شويه بس من اسبوعين بقت لعبته هو بس
شريف معندوش اطلاقا التعلق بالاشياء انا من بدايه معرفتى بالتوحد بقى عندى هوس فى التركيز على تصرفاته وهو طفل اجتماعى مبتسم اغلب الوقت محب للاحتضان بياكل كل انواع الاكل وبيلبس اى حاجه معندوش مشكله ولو انى لاحظت انه بيحب اللون الاخضر بيبتسم لما بيلبس ملابس لونها اخضر
بالنسبه للبى اس بى قولت لحضرتك بيكون مرمى مش بيجى ناحيته غير لما محمد ابنى الكبير او ليلى يمسكوه وساعتها بتكون المعركه والصريخ من كل الاطراف زى ما تكون غيره كمان لاحظت من اسبوع انه بيغير عليا بمعنى لو لاقانى بحضن بنتى يجرى عليا ويحاول يبوسنى ويقعد فى حضنى وكان بيزقها برجله عشان تقع على الارض حقيقى مش عارفه دى حاجه مفرحه والا مشكله تانيه
هو لغايه وقت قريب كانت بنتى الصغيره تضربه وتاخد منه اى لعبه وهو يزن لدقيقه وبعدين يستسلم انما دلوقتى لاء بيعند وبيصر يفضل محتفظ باللعبه طالما هما عاوزينها
البى اس بس والعجله نفس القصه
انا اغلب الوقت باخد البى اس بى من اخواته وانزلهم من على العجله وهو بيركب
واحيانا بقوله هتاخد البى اس بى يبقى تنزل من على العجله ممكن يوافق وممكن يرفض ويصر ويعيط ويصرخ بالساعات لغايه ما اتعب واديهاله
وجربت معاه انى اصرخ فيه مفيش فايده

ملحوظه النهارده محمد تعبان ومالوش مزاج يلعب بالبى اس بى شريف ملمسهاش جربت اديهاله مش عاوزها بصراحه انا احترت
اتمنى انى الاقى حل لان مخى تعبنى

[وكسلر]

رد: 3 مشاكل البى اس بى والعجله والهدوم ارجو الحل

اهلا بك ام شريف
اذا كان الوضع كما تحدثتي هنا اختلفت المشكلة ان قضية اعتقاد الطفل بأنه يمتلك الاشياء والاشخاص الذين تربطه معهم علاقات وعواطف تفسر جانبا من غيرة الطفل لذلك ان غيرة شريف من اخيه اساسها خوفه من فقدان محبة الوالدين او احدهما ومن المنطقي ان يحاول لاشعوريا غالبا ازالة منافسه بالاعتداء عليه او المشاجرة او بالانقضاض على لعبة محببه لديه
ان اهم علاج في هذه المسألة هو تحديد السلوك غير المرغوب عند الطفل ثم وضع خطة تؤدي الى المنع او التنفير فمثلا اذا رفض شريف نتيجة للغيرة ان يتشارك هو واخاه اللعبة فيجب عليك ان تهملي طلبه ولاتعيريه اهتماما ولا تستجيبي له ووتتبع ذلك منتظما سوف يؤدي الى اذعان شريف وتوقفه عن طلبه ام اذا اذعنت ام شريف لطلبات شريف بالحصول على مايخص اخيه وتم ارضاءه وابعاد محمد عن اشياء تخصه لصالح شريف فان موقفك يؤدي الى تكرار وتكريس السلوك لدى شريف .
ام شريف يبالغ الكثير من الاهل في خوفهما من الغيرة التي تظهر على ابنهما فيتم منحه امتيازات اضافية تجعله اكثر غلظه وغيرة وهذا ماحصل مع شريف فيجب عليك الاعتدال في المعاملة
فلا يمكن ان نشتري لعبة لطفل لمجرد انه اعجب بلعبة اخية وترك لعبته ويريد تملك لعبة اخيه يجب ان نتصرف بحزم وحكمه لان الفن في التربية ان نجعل اطفالنا يثقون بنا فلكل طفل حقه الخاص
وملاحظة مهمه : ابتعدي عن العقاب الجسدي نهائيا لانه يؤدي الى الاحباط كما يسبب الرغبة بالعدوانية بشكل اكبر

دمت بود

[ام شريف]

رد: 3 مشاكل البى اس بى والعجله والهدوم ارجو الحل

شكرا جزيلا على اهتمامك بالرد على المشكله

خلاص انا هحاول اسيطر على الوضع ومش هسمح انه ياخدها منه بس فى نقطه هما الاتنين بيكونوا ماسكين فى اللعبه وكل واحد بيشدها من طرف وعشان ادى لمحمد اللعبه لازم انا ابعد ايد شريف عنها
وهعمل ايه لما يصرخ اتجاهله تماما والا الاول افهمه
وقصه الهدوم اللى بيقلع فيها ويلبس فوق ال 100 مره وكانه عرض ازياء يارتها هدومه بس لاء بلاحظ انه بيلبس كل الهدوم ما عدا هدوم ليلى
وحتى هدومى مش ييلبس غير اللى شكلها رجالى جاكيت جيينز ترننج
دا ايه تفسيره معلش انا عارفه انى تقلت بالاسئله بس الموضوع موترنى

[وكسلر]

رد: 3 مشاكل البى اس بى والعجله والهدوم ارجو الحل

اهلا بك ام شريف
عليك البدء خطوة خطوة والتفريق بين الملكيه الخاصة بكل طفل والتحاور بشكل هادئ دون انفعال وعدم الانصياع لطلباته حتى لو كان هناك ثورة غضب بل يجب عليه ان يعاقب اذا تعدى على اشياء تخص اخيه اي ان هناك حدود لملكية كل فرد ويكون العقاب حرمان او فقدان معزز وليس جسدي او استخدام الفاظ جارحة او الصوت العالي لان الصوت العالي او العقاب الجسدي سوف يزيد توتر ابنك خصوصا ان لديه اضطراب التوحد
دمت بود

[رحمه ربي]

رد: 3 مشاكل البى اس بى والعجله والهدوم ارجو الحل

اسمحلي استاذنا الكريم وكسلر بالتعليق

كأم طبعا
بالنسبه للبى اس بى قولت لحضرتك بيكون مرمى مش بيجى ناحيته غير لما محمد ابنى الكبير او ليلى يمسكوه وساعتها بتكون المعركه والصريخ من كل الاطراف زى ما تكون غيره كمان

ام شريف هذا السلوك طبيعي فهو يحدث بين الاطفال الطبعيين
وهي غيره محببه وكثيرا ما تحدث بين ابنائي عاديه يعني
لا تفكرين كثيرا بالامر بالعكس هذا اكبر دليل
علي ان شريف بدا يتفاعل مع من حوله وهو امر جميل جدا

وشفاه الله لك اختي الغاليه وابني
ان شاء الله

[ام شريف]

رد: 3 مشاكل البى اس بى والعجله والهدوم ارجو الحل

اسمحلي استاذنا الكريم وكسلر بالتعليق

كأم طبعا
بالنسبه للبى اس بى قولت لحضرتك بيكون مرمى مش بيجى ناحيته غير لما محمد ابنى الكبير او ليلى يمسكوه وساعتها بتكون المعركه والصريخ من كل الاطراف زى ما تكون غيره كمان

ام شريف هذا السلوك طبيعي فهو يحدث بين الاطفال الطبعيين
وهي غيره محببه وكثيرا ما تحدث بين ابنائي عاديه يعني
لا تفكرين كثيرا بالامر بالعكس هذا اكبر دليل
علي ان شريف بدا يتفاعل مع من حوله وهو امر جميل جدا

وشفاه الله لك اختي الغاليه وابني
ان شاء الله

شكرا جزيلا على الرد والدعوة الحلوة ويا رب فعلا يكون انه بدا يتفاعل مع اللى حواليه