تويت
السلام عليكم ورحمة الله وبركاته
كل عام وأنتم بخير .. ربنا يباركلنا ويباركلكم فى رمضان ويتقبل منا صيامنا .. ويتقبل دعائنا .. ويشفى أبناءنا يارب آمين
أنا أسفة لأن دخولى على المنتدى بقى قليل جدااا .. بس ده بسبب إنى فتحت حضانة الحمد لله
بعد ما كنت بلف على حضانة أطمن على بنتى فيها وملقيتش ولا حضانة زى ما أنا متخيلة , فقررت أنا وصديقة ليا إننا نتشارك ونعمل حضانة تكون بالمواصفات إللى نتمناها لأولادنا والحمد لله حصل وطبعا ده مكنش فى يوم وليلة أخد مننا وقت كبير ومجهود أكبر والحمد لله كان إفتتاح الحضانة من حوالى 20 يوم .. ربنا يوفقنا ونحقق فيها إللى نفسنا فيه
طبعا عدد الأطفال قليل جدا لأنها فى البداية
بس أكيد بوجود بنتى فى وسطهم بحس إنها متأخرة فى مهارات كتير عنهم سواء إجتماعية أو فى الكلام أو فى اللعب .. بس أهم شئ إنها تحت عينى وموجودة معاها طول اليوم وإن شاء الله تستفيد بإختلاطها بالأطفال
من ملاحظاتى بعد إفتتاح الحضانة
إن أطفالنا بجد فيهم حاجات كتير بنفسرها دايما غلط ودايما بننظر ليها إنها شئ مرضى وبنخجل لو حصلت قدام حد ..
هديكم أمثلة
عندى فى الحضانة بنت عندها 3 سنين ونص ... بتتكلم كويس فى البيت بس .. إنما فى الحضانة نادرا لما بتتكلم وغالبا بتحط وشها فى الأرض وأوقات كتير أسألها أى سؤال أو أحاول أكلمها وأنا متأكدة إنها فهمانى بس مش بتدينى أى رد فعل يحسسنى حتى إنها سمعانى
ولد تانى عنده 3 سنين ونص بيتكلم كأنه طفل عنده سنة وإنطوائى جدااا وصعب إن أى حد يبعده عن والدته لدرجة إنها دايما بتكون موجودة معاه فى الحضانة
ولد عنده 3 سنين عمرى ما ندهت عليه وبصلى أبدا إلا لما أروحله وأبص فى وشه وأقله ليه مش بترد عليا .. بكون جمبه بمسافة صغيرة جدااا وأنا متأكدة إنه سامعنى كويس جدااا بس كأنى مش موجودة جمبه ولا سامعنى
بنت تانية عندها 3 سنين ما شاء الله عليها كويسة فى كل حاجة وسابقة سنها كمان ... بس مستحيل تشرب فى أى حاجة غير زجاجة الماية بتاعتها خارج البيت أو داخل البيت
وأطفال تانين عدوانيين بيضربوا بسبب ومن غير سبب
كمان تقريبا معظمهم مستحيل يقعدوا على كرسى لأقل من خمس دقائق سواء بياكلوا أو بيكتبوا أو بيمارسوا أى نشاط
طبعا من خبرتى مع بنتى أنا بحاول أعدلهم كل السلوكيات دى وبتابع مع أهلهم بس كل الأطفال دول طبيعين جداا فى أى حاجة تانية
أنا عارفة إن كل الصفات إللى متوزعة على الأطفال دول يمكن تكون مجمعة فى أطفالنا بس أقصد إن مفيش داعى إننا نفسرها كلها بإنها مرض ونخجل منها لما تحصل قدام غيرنا لأنهم أطفال وأكيد الطفولة ليها عامل كبير و ليها الأثر الأكبر على تصرفاتهم
كل عام وأنتم بخير .. ربنا يباركلنا ويباركلكم فى رمضان ويتقبل منا صيامنا .. ويتقبل دعائنا .. ويشفى أبناءنا يارب آمين
أنا أسفة لأن دخولى على المنتدى بقى قليل جدااا .. بس ده بسبب إنى فتحت حضانة الحمد لله
بعد ما كنت بلف على حضانة أطمن على بنتى فيها وملقيتش ولا حضانة زى ما أنا متخيلة , فقررت أنا وصديقة ليا إننا نتشارك ونعمل حضانة تكون بالمواصفات إللى نتمناها لأولادنا والحمد لله حصل وطبعا ده مكنش فى يوم وليلة أخد مننا وقت كبير ومجهود أكبر والحمد لله كان إفتتاح الحضانة من حوالى 20 يوم .. ربنا يوفقنا ونحقق فيها إللى نفسنا فيه
طبعا عدد الأطفال قليل جدا لأنها فى البداية
بس أكيد بوجود بنتى فى وسطهم بحس إنها متأخرة فى مهارات كتير عنهم سواء إجتماعية أو فى الكلام أو فى اللعب .. بس أهم شئ إنها تحت عينى وموجودة معاها طول اليوم وإن شاء الله تستفيد بإختلاطها بالأطفال
من ملاحظاتى بعد إفتتاح الحضانة
إن أطفالنا بجد فيهم حاجات كتير بنفسرها دايما غلط ودايما بننظر ليها إنها شئ مرضى وبنخجل لو حصلت قدام حد ..
هديكم أمثلة
عندى فى الحضانة بنت عندها 3 سنين ونص ... بتتكلم كويس فى البيت بس .. إنما فى الحضانة نادرا لما بتتكلم وغالبا بتحط وشها فى الأرض وأوقات كتير أسألها أى سؤال أو أحاول أكلمها وأنا متأكدة إنها فهمانى بس مش بتدينى أى رد فعل يحسسنى حتى إنها سمعانى
ولد تانى عنده 3 سنين ونص بيتكلم كأنه طفل عنده سنة وإنطوائى جدااا وصعب إن أى حد يبعده عن والدته لدرجة إنها دايما بتكون موجودة معاه فى الحضانة
ولد عنده 3 سنين عمرى ما ندهت عليه وبصلى أبدا إلا لما أروحله وأبص فى وشه وأقله ليه مش بترد عليا .. بكون جمبه بمسافة صغيرة جدااا وأنا متأكدة إنه سامعنى كويس جدااا بس كأنى مش موجودة جمبه ولا سامعنى
بنت تانية عندها 3 سنين ما شاء الله عليها كويسة فى كل حاجة وسابقة سنها كمان ... بس مستحيل تشرب فى أى حاجة غير زجاجة الماية بتاعتها خارج البيت أو داخل البيت
وأطفال تانين عدوانيين بيضربوا بسبب ومن غير سبب
كمان تقريبا معظمهم مستحيل يقعدوا على كرسى لأقل من خمس دقائق سواء بياكلوا أو بيكتبوا أو بيمارسوا أى نشاط
طبعا من خبرتى مع بنتى أنا بحاول أعدلهم كل السلوكيات دى وبتابع مع أهلهم بس كل الأطفال دول طبيعين جداا فى أى حاجة تانية
أنا عارفة إن كل الصفات إللى متوزعة على الأطفال دول يمكن تكون مجمعة فى أطفالنا بس أقصد إن مفيش داعى إننا نفسرها كلها بإنها مرض ونخجل منها لما تحصل قدام غيرنا لأنهم أطفال وأكيد الطفولة ليها عامل كبير و ليها الأثر الأكبر على تصرفاتهم
تعليق