الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

برنامج تنمية المهارات وتعديل السلوك والتخاطب لبنتى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    برنامج تنمية المهارات وتعديل السلوك والتخاطب لبنتى

    السلام عليكم ورحمة الله وبركاته


    الحمد لله سافرت يوم الأربعاء للقاهرة علشان عمل جلسات لحبيبة ووضع برنامج لها لمدة شهرين

    والحمد لله كانت زيارة موفقة جدااا .. وانا وحبيبة إستفادنا كتير الحمد لله

    كان فى الأول ساعتين تنمية مهارات وتعديل سلوك مع الأستاذة اسماء .. إنسانة محترمة جداااااا وخدومة وماشاء الله متمكنة فى شغلها

    طبعا انا كنت رايحة ومتوقعة إن حبيبة هتقضى الساعات كلها عياط وعدم إنتباه وخصوصا بسبب تعب السفر .. وفعلا حصل فى أول ربع ساعة إنها بكت كتير وحاولت تيجينى لأنى كنت قاعدة بعيد عنها بس هى شايفانى والأستاة قالتلى إعتبرى نفسك مش موجودة .. بس وجودك فقط علشان تتطمن للمكان غير كدة غير مسموح ..

    وحاولت معاها إنها تقعد على الكرسى وتلعب معاها على الترابيزة وبنتى كانت بتقوم وبتبكى .. بس تفاجأت إنها بصتلها كويس ومسكت كتفها بإيديها الإتنين وقالتلها ( حتى لو عيطى مش هتقومى ) والمفاجاة الأكبر إن بنتى سكتت وبطلت عياط

    فضلت تلاعبها شوية .. ولما تزهق حبيبة تبكى .. بس بصراحة الأستاذة كانت ممتازة فى السيطرة على بكاءها وتحويله لشىئ مفيد .. زى تقليد صوت حيوان أو أغنية ... أو إنها تبعد عنها وتديلها ظهرها وتقولى متبوصيش ليها أبدا لحد ما تسكت ... وفعلا كانت تبكى شوية وبعدين تسكت .... فتروحلها المدرسة وتلعب معاها تانى وتساعد حبيبة فى اللعبة وبدأت فعلا حبيبة تتفاعل معاها وتنتبه لفترة طويلة انا مكونتش متوقعها .. كان احيانا يتخللها بكاء بسيط بس كانت بينتى بسرعة

    وبعد كدة عملتلها ميوزك ثيرابى ... برنامج معين عملها الدكتورة منال عمر للأطفال يساعدهم على التركيز والتآزر الحركى وهو عبارة عن سماع موسيقى فقط وعمل بعض الحركات أمام المرآة وبتكون اللأستاذة خلف الطفلة وماسكة إيديها وبتساعدها والطفلة بتحاول تقلدها

    حبيبة خافت الأول لما المراية إتفتحت لأنها كانت كبيييرة بس بعد كدة تفاعلت معاها وعجبتها الحكاية لدرجة إنها عيطت بعد ما الجلسة خلصت وراحت هى قدام المرايا لوحدها وحاولت تقلد الحركات ههههههههه

    وكانت الأستاذة من وقت للأخر لما حبيبة تتجاوب معاها أو تعمل شئ كويس كانت تقولى بوسيها أو أحضنيها لأنها تستاهل

    وبصراحة انا كمان إستفدت كتير من الجلسة دى ...

    بعد كدة جه أستاذ التخاطب علشان يقيمها ويدينا برنامج

    فبعد ما سألنى عن تطورها اللغوى قال إنها الحمد لله مشكلتها مش صعبة أوى بس أهم شئ لاحظه عليها هو عدم التركيز , وبصراحة كتر خيرها كنا مسافرين أربع ساعات وبقالها ساعتين مع الأستاذة أسماء وكمان عيطت كتير يعنى كانت مرهقة جدااا ... فأعطانا برنامج للتخاطب وكمان الستاذة أسماء أعطتنى برنامج لمدة شهرين

    هكتبهولكم دلوقتى إن شاء الله

    بس أنا فى آخر كل جلسة سألتهم هل فعلا بعد تعاملهم مع حبيبة رأيهم إيه فى تشخيص الدكتورة منال إنها معندهاش توحد

    لأنهم عندهم خبرة كبيرة فى التعامل مع الأطفال سواء اللى عنده توحد أو غيره

    بصراحة الإتنين قالولى إنها مشكلتها أبسط من التوحد وإن شاء الله مع الوقت هتكون كويسة

    أنا بنقلكم الكلام ده مش علشان أبرأ بنتى من تهمة إسمها التوحد .. أنا بحاول أكون أمينة معاكم فى نقل كل كلام بيتقالى علشان لو بنتى ربنا شفاها منسبش لنفسى بطولة أنا أقل منها فى إنى عالجت بنتى من مرض التوحد وأساوى نفسى بيكم .. وأدعى إن دورى مش أقل من دوركم

    وفى نفس الوقت ساعات أقول لنفسى إن بنتى من حوالى سنة كانت فى عالم تانى وكانت عندها أعراض كتييييييييير جدااا من التوحد وممكن تكون حالتها إتحسنت حاليا لدرجة إن الأطباء والأخصائيين بينفوا إنها عندها توحد

    وكل إللى أعرفه حاليا إن بنتى مازلت عندها مشاكل كتير مشتركة بينها وبين أبناءكم وإن طريق علاجها واحد سواء كان توحد أو غيره ... فإحساسى عمره ما هيتغير بإننا عائلة واحدة وفضل المنتدى ده عليا كبير بعد ربنا
    وبنتى زى بنتكم وأولادكم زى أولادى وبزعل لتعبهم وبفرح بشفاءهم والله على ما أقول شهيد

    تابع

  • Font Size
    #2
    رد: برنامج تنمية المهارات وتعديل السلوك والتخاطب لبنتى

    برنامج تنمية المهارات وتعديل السلوك

    -التعرف على الأشياء باللمس وإعطاء الفرصة لها لذلك ... مثال أشياء خشنة بس مش بتعورة شراب وأملاه فول أو رمل وأعمله كورة وأخليها تلمسه وتلعب بيه

    - بازل الخضروات تضع كل نوع خضار فى مكانه .. وممكن عمل نشاطات أخرى بيه مثل هاتى الطامطم هاتى الجزر .. وكمان للتدريب على الإشارة
    ولتسهيل وضع البازل فى مكانه .. أمشى صوابع إيديها على حدود قطعة البازل وعلى مكان البازل فى اللوح علشان تقدر مساحة البازل ويساعدها على وضعه فى مكانه

    _ وضع دوائر داخل أعمدة مصنفة الألوان بدون ذكر الألوان علشان متتشتتش .. يعنى كل لون أقولها دى زى دول .. حطيها معاهم وهكذا وهى هتشوف بعنيها اللوان وأمثالها .. وطبعا بالتدريج الأول بمساعدتى وبعد كدة أسحب إيديها لمسافة معينة وبعدين أسيبها تكمل ولما تتمكن من الشئ أطلب منها تعمله لوحدها

    - وعمل الميوزك ثيرابى فى البيت زى ما انا شوفته بتعمله

    - أجيب صور أشخاص وأقطعها نصفين .. وأجمع الأنصاف دى قدامها علشان أنشط الجزء إللى فى المخ المسئول عن تجميع الصور وده بيفيدها فى حاجات كتير وقالتلى ممكن تكون صور أشخاص من العيلة عادى ومش لازم فى الأول أطلب منها تجميع الصورة .. الأهم إنى أجمعلها الصورة قدامها وممكن ألق بكلة بسيطة . ولد بنت وهكذا

    - الإشارة إلى الأشياء أمام الطفلة .. يعنى أشير لها على شئ تعرفه مثال التفاحة فوق الترابيزة .. بس بشرط ميكونش فى شئ فوق الترابيزة غير التفاحة وبعد كدة أطلب منها إنها تجيب التفاحة ... يعنى بعد ما تشير بإديها لشئ لو حتى بمساعدتى لازم أطلب أقولها ( هاتى الشئ ده ) لأنها أحيانا بتشير بمساعدتى لكن من غير ما تبص للشئ إللى بتشير عليه

    - تدريبها على المعكوسات .. يعنى ولد نايم ولد صاحى .. طويل قصير .. سخن ساقع وهكذا عن طريق لعبة تشبه البازل إسمها المعكوسات

    وإشتريت من عندهم البازل والحلقات وكمان لعبة المعكوسات بأسعار هايلة جداا بالمقارنة بالأماكن الأخرى
    بازل الخضروات 11 جنيه
    وبازل المعكوسات 16 جنيه
    والحلقات والعمود 20 جنيه

    وكلهم مصنوعين من الخشب

    وكمان المسئولة عن البيع والشراء دكتورة محترمة جداا إسمها الدكتورة سوسن .. مكنتش موجودة فى اليوم ده وتقديرا لظروف سفرى جاتنى مخصوص

    بصراحة هما مجموعة فى منتهى الإحترام والأخلاق والمهارة وعدم الإستغلال من أول الدكتورة منال عمر لأقل شخص هناك.. ربنا يجزيهم كل خير ويجعلهم بؤرة أمل فى وسط سوء الجشع والإستغلال إللى موجود فى المجال ده

    تعليق


    • Font Size
      #3
      رد: برنامج تنمية المهارات وتعديل السلوك والتخاطب لبنتى

      اسال المولى الكريم ان تكلل جهودكى بالشفاء التام .......بوسه للاموره حبيبه

      تعليق


      • Font Size
        #4
        رد: برنامج تنمية المهارات وتعديل السلوك والتخاطب لبنتى

        برنامج التخاطب

        طلب مننا الأستاذ سعيد .. عمل تمرينات لها على التركيز والتواصل البصرى وتقوية عضلات الإيد زى تحريك مشبك من مشابك الملابس بإصباعها او لف غطاء زجاجة

        وتمرينات نفس
        1 النفخ
        2 الضغط على الصدر عدة مرات
        3 دخول الهواء من الأنف وخروجه من الفم لتنظيم التنفس
        4 خروج الهواء ببطء من الفم

        - التعرف على مسمى الأشياء
        - وظيفة الأشياء
        -التشجيع على التعبير عن الإحتياجات والرغبات
        - تنفيذ أوامر بسيطة مثل هات وخد .. أقف وإجلس

        - المجموعات الضمنية
        الحيوانات
        الفاكهة
        الخضراوات
        المواصلات
        عفش البيت
        الأجهزة الكهربائية
        الأفعال

        ( كله عن طريق الصور )

        وضرورة خلطها مع الأطفال وإلتحقها بحضانة عادية ولو حتى يومين فى الأسبوع مهم جدااا وملوش بديل آخر وهيساعدها كتير إن شاء الله

        أتمنى إن البرنامجين يفيدوكم

        وإدعولى ربنا يعينى عليهم ... ويشفى حبيبة وينفعها بيهم

        تعليق


        • Font Size
          #5
          رد: برنامج تنمية المهارات وتعديل السلوك والتخاطب لبنتى

          الاخت اختكم فى الله

          جزاكى الله خيرا كثيرا على كتابة هذه التدريبات والمهارات المفيدة........
          انا فعلا كنت محتاجة اعرف شوية لعب ومهارات ابتدى امارسهم مع ابنى وفعلا استفدت بحاجات كتير من موضوع سن رايز وموضوع الاخت قلبى ضاع معك.........
          ربنا يتم شفاء الغالية حبيبة على خير
          وواضح من كلامك ان المركز ده الناس فيه محترمة وعندها خبرة وعلم وبتعرف ربنا........
          ممكن اسم المركز وعنوانه؟؟؟
          انا بفكر انزل مصر قريب علشان ظروف ابنى وعايزة فورا الحقه بمركز محترم ذو سمعة جيدة علشان استفيد بالوقت والحقه من بدرى وخاصة ان سنه صغير زى سن حبيبة.......

          تعليق


          • Font Size
            #6
            رد: برنامج تنمية المهارات وتعديل السلوك والتخاطب لبنتى

            الله يشفيها ويفرحك فيها

            اللهم أثلج صدورنا بشفاء أطفالنا

            تعليق


            • Font Size
              #7
              رد: برنامج تنمية المهارات وتعديل السلوك والتخاطب لبنتى

              الله يشفيها ويفرحك فيها

              تعليق


              • Font Size
                #8
                رد: برنامج تنمية المهارات وتعديل السلوك والتخاطب لبنتى

                السلام عليكم
                اهلا بك يا ام حبيبه كيف حالك
                ما شاء الله على الاخبار الجميله كم احب العمل والاجتهاد فاطفالنا يستحقون ان نبذل الكثييييييييييييييير والكثيييييييييير لاجلهم
                البرنامج هايل وتمنياتى لحبيبه بالتفوق ههههههه وان شاء الله بسمع منك اخبار تقدم مستمر موفقه باذن الله يا حبيبه

                تعليق


                • Font Size
                  #9
                  رد: برنامج تنمية المهارات وتعديل السلوك والتخاطب لبنتى

                  المشاركة الأصلية بواسطة أختكم فى الله مشاهدة المشاركة
                  السلام عليكم ورحمة الله وبركاته


                  الحمد لله سافرت يوم الأربعاء للقاهرة علشان عمل جلسات لحبيبة ووضع برنامج لها لمدة شهرين

                  والحمد لله كانت زيارة موفقة جدااا .. وانا وحبيبة إستفادنا كتير الحمد لله

                  كان فى الأول ساعتين تنمية مهارات وتعديل سلوك مع الأستاذة اسماء .. إنسانة محترمة جداااااا وخدومة وماشاء الله متمكنة فى شغلها

                  طبعا انا كنت رايحة ومتوقعة إن حبيبة هتقضى الساعات كلها عياط وعدم إنتباه وخصوصا بسبب تعب السفر .. وفعلا حصل فى أول ربع ساعة إنها بكت كتير وحاولت تيجينى لأنى كنت قاعدة بعيد عنها بس هى شايفانى والأستاة قالتلى إعتبرى نفسك مش موجودة .. بس وجودك فقط علشان تتطمن للمكان غير كدة غير مسموح ..

                  وحاولت معاها إنها تقعد على الكرسى وتلعب معاها على الترابيزة وبنتى كانت بتقوم وبتبكى .. بس تفاجأت إنها بصتلها كويس ومسكت كتفها بإيديها الإتنين وقالتلها ( حتى لو عيطى مش هتقومى ) والمفاجاة الأكبر إن بنتى سكتت وبطلت عياط

                  فضلت تلاعبها شوية .. ولما تزهق حبيبة تبكى .. بس بصراحة الأستاذة كانت ممتازة فى السيطرة على بكاءها وتحويله لشىئ مفيد .. زى تقليد صوت حيوان أو أغنية ... أو إنها تبعد عنها وتديلها ظهرها وتقولى متبوصيش ليها أبدا لحد ما تسكت ... وفعلا كانت تبكى شوية وبعدين تسكت .... فتروحلها المدرسة وتلعب معاها تانى وتساعد حبيبة فى اللعبة وبدأت فعلا حبيبة تتفاعل معاها وتنتبه لفترة طويلة انا مكونتش متوقعها .. كان احيانا يتخللها بكاء بسيط بس كانت بينتى بسرعة

                  وبعد كدة عملتلها ميوزك ثيرابى ... برنامج معين عملها الدكتورة منال عمر للأطفال يساعدهم على التركيز والتآزر الحركى وهو عبارة عن سماع موسيقى فقط وعمل بعض الحركات أمام المرآة وبتكون اللأستاذة خلف الطفلة وماسكة إيديها وبتساعدها والطفلة بتحاول تقلدها

                  حبيبة خافت الأول لما المراية إتفتحت لأنها كانت كبيييرة بس بعد كدة تفاعلت معاها وعجبتها الحكاية لدرجة إنها عيطت بعد ما الجلسة خلصت وراحت هى قدام المرايا لوحدها وحاولت تقلد الحركات ههههههههه

                  وكانت الأستاذة من وقت للأخر لما حبيبة تتجاوب معاها أو تعمل شئ كويس كانت تقولى بوسيها أو أحضنيها لأنها تستاهل

                  وبصراحة انا كمان إستفدت كتير من الجلسة دى ...

                  بعد كدة جه أستاذ التخاطب علشان يقيمها ويدينا برنامج

                  فبعد ما سألنى عن تطورها اللغوى قال إنها الحمد لله مشكلتها مش صعبة أوى بس أهم شئ لاحظه عليها هو عدم التركيز , وبصراحة كتر خيرها كنا مسافرين أربع ساعات وبقالها ساعتين مع الأستاذة أسماء وكمان عيطت كتير يعنى كانت مرهقة جدااا ... فأعطانا برنامج للتخاطب وكمان الستاذة أسماء أعطتنى برنامج لمدة شهرين

                  هكتبهولكم دلوقتى إن شاء الله

                  بس أنا فى آخر كل جلسة سألتهم هل فعلا بعد تعاملهم مع حبيبة رأيهم إيه فى تشخيص الدكتورة منال إنها معندهاش توحد

                  لأنهم عندهم خبرة كبيرة فى التعامل مع الأطفال سواء اللى عنده توحد أو غيره

                  بصراحة الإتنين قالولى إنها مشكلتها أبسط من التوحد وإن شاء الله مع الوقت هتكون كويسة

                  أنا بنقلكم الكلام ده مش علشان أبرأ بنتى من تهمة إسمها التوحد .. أنا بحاول أكون أمينة معاكم فى نقل كل كلام بيتقالى علشان لو بنتى ربنا شفاها منسبش لنفسى بطولة أنا أقل منها فى إنى عالجت بنتى من مرض التوحد وأساوى نفسى بيكم .. وأدعى إن دورى مش أقل من دوركم

                  وفى نفس الوقت ساعات أقول لنفسى إن بنتى من حوالى سنة كانت فى عالم تانى وكانت عندها أعراض كتييييييييير جدااا من التوحد وممكن تكون حالتها إتحسنت حاليا لدرجة إن الأطباء والأخصائيين بينفوا إنها عندها توحد

                  وكل إللى أعرفه حاليا إن بنتى مازلت عندها مشاكل كتير مشتركة بينها وبين أبناءكم وإن طريق علاجها واحد سواء كان توحد أو غيره ... فإحساسى عمره ما هيتغير بإننا عائلة واحدة وفضل المنتدى ده عليا كبير بعد ربنا
                  وبنتى زى بنتكم وأولادكم زى أولادى وبزعل لتعبهم وبفرح بشفاءهم والله على ما أقول شهيد

                  تابع
                  المشاركة الأصلية بواسطة أختكم فى الله مشاهدة المشاركة
                  برنامج تنمية المهارات وتعديل السلوك

                  -التعرف على الأشياء باللمس وإعطاء الفرصة لها لذلك ... مثال أشياء خشنة بس مش بتعورة شراب وأملاه فول أو رمل وأعمله كورة وأخليها تلمسه وتلعب بيه

                  - بازل الخضروات تضع كل نوع خضار فى مكانه .. وممكن عمل نشاطات أخرى بيه مثل هاتى الطامطم هاتى الجزر .. وكمان للتدريب على الإشارة
                  ولتسهيل وضع البازل فى مكانه .. أمشى صوابع إيديها على حدود قطعة البازل وعلى مكان البازل فى اللوح علشان تقدر مساحة البازل ويساعدها على وضعه فى مكانه

                  _ وضع دوائر داخل أعمدة مصنفة الألوان بدون ذكر الألوان علشان متتشتتش .. يعنى كل لون أقولها دى زى دول .. حطيها معاهم وهكذا وهى هتشوف بعنيها اللوان وأمثالها .. وطبعا بالتدريج الأول بمساعدتى وبعد كدة أسحب إيديها لمسافة معينة وبعدين أسيبها تكمل ولما تتمكن من الشئ أطلب منها تعمله لوحدها

                  - وعمل الميوزك ثيرابى فى البيت زى ما انا شوفته بتعمله

                  - أجيب صور أشخاص وأقطعها نصفين .. وأجمع الأنصاف دى قدامها علشان أنشط الجزء إللى فى المخ المسئول عن تجميع الصور وده بيفيدها فى حاجات كتير وقالتلى ممكن تكون صور أشخاص من العيلة عادى ومش لازم فى الأول أطلب منها تجميع الصورة .. الأهم إنى أجمعلها الصورة قدامها وممكن ألق بكلة بسيطة . ولد بنت وهكذا

                  - الإشارة إلى الأشياء أمام الطفلة .. يعنى أشير لها على شئ تعرفه مثال التفاحة فوق الترابيزة .. بس بشرط ميكونش فى شئ فوق الترابيزة غير التفاحة وبعد كدة أطلب منها إنها تجيب التفاحة ... يعنى بعد ما تشير بإديها لشئ لو حتى بمساعدتى لازم أطلب أقولها ( هاتى الشئ ده ) لأنها أحيانا بتشير بمساعدتى لكن من غير ما تبص للشئ إللى بتشير عليه

                  - تدريبها على المعكوسات .. يعنى ولد نايم ولد صاحى .. طويل قصير .. سخن ساقع وهكذا عن طريق لعبة تشبه البازل إسمها المعكوسات

                  وإشتريت من عندهم البازل والحلقات وكمان لعبة المعكوسات بأسعار هايلة جداا بالمقارنة بالأماكن الأخرى
                  بازل الخضروات 11 جنيه
                  وبازل المعكوسات 16 جنيه
                  والحلقات والعمود 20 جنيه

                  وكلهم مصنوعين من الخشب

                  وكمان المسئولة عن البيع والشراء دكتورة محترمة جداا إسمها الدكتورة سوسن .. مكنتش موجودة فى اليوم ده وتقديرا لظروف سفرى جاتنى مخصوص

                  بصراحة هما مجموعة فى منتهى الإحترام والأخلاق والمهارة وعدم الإستغلال من أول الدكتورة منال عمر لأقل شخص هناك.. ربنا يجزيهم كل خير ويجعلهم بؤرة أمل فى وسط سوء الجشع والإستغلال إللى موجود فى المجال ده

                  ما شاء الله

                  خبر حلو طبعا



                  كنت حابة تعطينا شوية تفاصيل عن بنتك

                  كم عمرها الان؟
                  ما هي الصفات اللي بتقولي كنت شاكة انه عندها توحد بسببها؟وكيف اختفت؟
                  عل عملتي لها تحاليل او صورة للمخ؟
                  هل عملتي الها علاج او حمية ؟والا اول مرة رحتي القاهرة كانت اول مرة قيمتيها؟

                  معلش اسالتي كتيرة ام حبيبة لكن حابة نستفيد من بعض

                  اللهم اشف مرضانا و مرضى المسلمين

                  تعليق


                  • Font Size
                    #10
                    رد: برنامج تنمية المهارات وتعديل السلوك والتخاطب لبنتى

                    جزاكي الله كل خير
                    \يا ليت كل ام استفاد طفلها من جلسات او تدريبات تفيدنا بالتفاصيل مثلما تفضلتي غاليتي

                    لكي كل الشكر و الامتنان اللهم تمم شفاء حبيبه و جميع اطفالنا بإذن المولى عز و جل

                    اختك في الله

                    ام نودي
                    اللهم من أرادني بسوء فأشغله في نفسه، اللهم إني ادرأ بك في نحره واعوذ بك من شره ،
                    اللهم إنك تعلم سرى وعلانيتى فأقبل معذرتي وتعلم حاجتي فأعطني سؤالي و اشفي لي قرة عيني،
                    اللهم إنى أسألك إيمانا يباشر قلبي ويقينا صادقا حتى أعلم أنه لن يصيبني
                    إلا ما كتبت لي وإن ما أصابني لم يكن ليخطئني وما أخطأني لم يكن ليصيبني

                    تعليق


                    • Font Size
                      #11
                      رد: برنامج تنمية المهارات وتعديل السلوك والتخاطب لبنتى

                      ان شاء الله فى تقدم ياريت تقوليينى سن بنتك كام دلوقتى وكمان ايه الصفات الى راحت من عندها من صفات التوحد وايه الى لسه موجوده
                      وكمان فين المركز ده واسعاره ايه معلشى اسئلتى كتير بس انتى مشجعانا على سؤالك وان شاء الله نبارلك على تمام الشفاء

                      تعليق


                      • Font Size
                        #12
                        رد: برنامج تنمية المهارات وتعديل السلوك والتخاطب لبنتى

                        السلام عليكم
                        اخبار رائعة وتدريبات اروع اعجبتني كثيرا
                        اختي العزيزة اختكم في الله ، الموضوع اليوم لم يعد هل هذا توحد ام لا؟؟ فالتوحد هو اعراض لمآسي تحدث داخل جسم الاطفال وليس مرضا بعينه ، وهؤلاء الاطفال لديهم تقبل وراثي فتنهار الامور عندهم بهذا الشكل ،لكن ماالذي يحصل اذا لم يكن عند الطفل تقبل وراثي ؟؟
                        الاحصاءات تشير الى اعداد هائلة من الاطفال اصبحوا يعانون من صعوبات التعلم اما منذ الصغر او بدأت الحالة بشكل مفاجيء وباعمار مختلفة
                        اصبحت تاتيني مكالمات كثيرة من الاقارب او المعارف يسألون فيها هل هناك مقويات للاعصاب او هل هناك ما يساعد ابني اصبح متعب جدا في الدراسة ،او اصبح لايستوعب الدروس نهائيا او او او
                        واول ما اسأل عنه الغذاء فتأتي الاجابات لتمس بؤرة المشكلة: عايش على الاندومي،حلويات ومعلبات طول اليوم وووووووووووووو
                        تصورت ان المشكلة عندنا في العراق كبيرة بسبب قلة الرقابة على الاغذية التي تدخل وانتشار السموم الكيميائية في الاجواء بسبب الحروب ، فاذا بي افاجأ تماما بطبيبة مصرية اخصائية نفسية اطفال على قناة صحتي تقول كنا قبل سنوات نرى 3او 4 حالات من صعوبات التعلم وفرط الحركة تاتينا للمركز في الشهر الواحد ،الآن نرى في اليوم الواحد 20 الى 30 طفل وبمختلف الاعمار ،وتذكر انها تفاجأ جدا انها ترى حتى في العوائل البسيطة يعطى الطفل 6جنيه في اليوم للحلويات وماشابه ، تكلمت الطبيبة عن مساعدة هؤلاء الاطفال بخطوات تقريبا هي نفسها مانقوم به للتوحد مع اننا اكثر توسعا فذكرت الحمية عن المواد الحافظة والملونة ، والتقليل بشكل كبير من التلفاز والكومبيوتر ،ثم تشجيه الطفل على الخيال والرياضة ،وبرامج مكثفة لتحفيز الاعصاب وتستمر نفس الخطوات وبنفس الوتيرة .....

                        ما اريد قوله من كل هذا انك يجب ان تضعي ابنتك ضمن الاطفال الذين لديهم استعداد لهذه المشاكل وتستمري على حمية المواد الحافظة والالوان الصناعية مهما كبرت باذن الله يعني كله طازج في طازج ههههههه ،واذا ما توكلتي على الله وفرحتيها باخ او اخت ياريت انتي ايضا تعملي هالحمية وتقوي جسمك بالفيتامينات ،وتتبعي انظمة غذائية لتخليص الجسم من السموم ،حتى ياتي النونو قويا معافى ويكمل مسيرة الحمية ،وبصراحة انا لا افضل ان اسميها حمية بل الافضل تسميتها(العودة الى الطبيعة) ، وهذا ما اركز به على اطفالي كثيرا ، فيوما ما باذن الله سيتزوجون ولادام لدينا في العائلة تقبل وراثي فلا بد من الحيطة والحذر على مستوى الاجيال ان كتب الله لنا عمرا ،حتى ان ابني الكبير(7سنوات)لما اسأله ماذا فعل اصدقاءك فلان وفلان اليوم ،يقول لي (ايه ماما طول اليوم ياكلون مواد حافظة )ههههههه
                        واخيرا اتمنى ان لااكون قد اطلت عليك دمتي بالف خير وعافية وقبلي لي حبيبة الحبيبة

                        تعليق


                        • Font Size
                          #13
                          رد: برنامج تنمية المهارات وتعديل السلوك والتخاطب لبنتى

                          السلام عليكم ورحمة الله وبركاته

                          أسفة إنى تأخرت عليكم فى الرد

                          جزاكم الله كل خير جميعا

                          على فكرة المكان إللى روحته ده مش مركز .. دى عيادة خاصة ... تابع ليها مجموعة من مدرسين التخاطب وتعديل السلوك وتنمية المهارات وتقريبا تحت إشراف الدكتورة منال عمر .. أو أغلب الحالات بتكون من طرفها
                          لأنها بعد ما بتشخص الحالة بتعملها ملف وفيه بعض التوصيات للمدرسين بإن الحالة دى تحتاج إيه ..... لأنها هى إللى أوصت المدرسة بالميوزك ثيرابى لحالة بنتى
                          فاكيد يستحسن تشخيص الحالة أولا عند الدكتورة منال ثم بعد كدة الذهاب للمكان ده علشان يتم اللازم إن شاء الله

                          بالنسبة للعنوان والأسعار

                          كشف الدكتورة منال 150 جنيه
                          وعنوان عيادتها
                          39 شارع الإمام على . ميدان الإسماعيلية .. مصر الجديدة


                          عنوان العيادة إللى بيتم فيها الجلسات
                          مصر الجديدة .. شارع النزهة .. بجوار الرقابة العامة
                          3 شارع صبحى فهمى المتفرع من شارع أسماء فهمى

                          أسعار الجلسات .. الساعة ب 80 جنيه

                          بصراحة هو سعر رخيص جداا بالمقارنة بغيرهم

                          تعليق


                          • Font Size
                            #14
                            رد: برنامج تنمية المهارات وتعديل السلوك والتخاطب لبنتى

                            بنتى حاليا عندها سنتين و5 شهور

                            من سنة بالظبط شكيت فى إنها مصابة بالتوحد
                            لأن تواصلها الإجتماعى كان ضعيف جداااا .. كانت بتهتم بالأشياء اكتر من الأشخاص ... كانت مبتحسش بوجود اى شخص غيرى فى المكان .. وأحيانا أنا كمان مكنش بيلفت نظرها وجودى بعد غياب فترة
                            التواصل البصرى مع أى شخص غيرى كان تقريبا منعدم .. وكانت بتقضى وقت كبير تبص لإيديها وتحركها بشكل ملفت للنظر
                            بتخاف من أى شئ جديد ومتحاولش تمسكه أو تكتشفه زى باقى الأطفال
                            مبتردش على إسمها لو ندهت عليها
                            مش بتشاور على أى شئ بإستخدام الأصبع
                            مبتفهمش الكلام
                            مبتقولش غير ماما وبابا بدون توظيف طبعا
                            كثيرة البكاء ومتقلبة المزاج .. كانت وسيلة إسكاتها الوحيدة التيليفزيون
                            كان عندها رفض لتعلم أى شئ .. وكانت بترفض بشدة إنى حتى أمسك إيديها وأعلمها
                            خوافة بدرجة شديدة من أشياء تافهة .. لو هزيت كرسى تخاف منه وتبعد .. بتخاف من البلكونة .. من الكاب إللى بيتلبس على الرأس
                            تأخرت فى المشى لسن سنتين وشهرين ...... مع إنها كانت فى وقت من الأوقات عندها القدرة على المشى ولكن بترفض تمشى بدون مساعدة


                            أول دكتور روحناله كان عندها سنة و5 شهور ...... شخصها توحد بسيط بدون تقييم أو أى شئ وكتبلها بعض الأدوية أعراضها الجانبية خطيرة ... فرفضت إنى أعطيهالها
                            عملنالها أشعة على المخ .. وإتضح وجود كيس ماية فى الخلف ... بس كل الأطباء إللى شافوه أكدوا إنه فى مكان مصمت وملوش أى تاثير عليا .. إلا على البصر وطلبوا مننا إننا نكشف على قاع العين عنها ..... ومع إنها عندها إستجماتيزم وبتلبس نظارة إلا إن الحمد لله قاع العين سليم

                            من سن سنة و 7 شهور حتى سن سنة و11 شهر ...... إهتميت بتطورها إجتماعيا معايا ومع والدها ومع كل الأسرة وبالتواصل البصرى
                            كنت حاسة إنى دى من أهم الخطوات إللى لازم أبدأ بيها .. وكانت بدون تدريبات معينة .. مجرد إنى اخرجها كتير وألعب معاها كتير ..
                            والحمد لله كانت النتيجة إنها بدأ يلفت نظرها وجود الأشخاص أكتر من الأشياء وبدأت تتفاعل معاهم ويكون لها ردود أفعال على تصرفاتهم معاها ولو حتى بالإبتسام فقط
                            وفى الفترة دى بدأ يظهر كلام غير مفهوم .. وبيزيد بشكل كبير .. يمكن طول اليوم بتتكلم كلام غير مفهوم سواء مع نفسها أو بتوجهه لينا
                            بدأت بالتدريج تلمس الأشياء الجديدة ومتخافش منها

                            فى سن سنة و11 شهر روحنا لدكتور آخر متخصص فى التوحد وبتشتغل معاه زوجته كان أملنا إننا نكون حطينا رجلينا على الطريق الصحيح

                            الغريب إن الدكتور نفسه .. قالنا إن حالتها بسيطة إن شاء الله .... وإن كل الأخصائيين إللى قيموها قالولنا إنها فعلا عندها مشاكل بس عندها مميزات زى التقليد والقدرة على النطق والتواصل البصرى وإن شاء الله حالتها تكون بسيطة
                            حتى أخصائى العلاج الطبيعى .. قالى إنها عندها الإستعداد للمشى بس هى خوافة وجبانة جدااا ومعتمدة عليكم

                            الغريب إن بعد ما كل التقارير دى عرضت على زوجة الدكتور شخصت بنتى توحد شديد ( كلاسيكى ) وتأخر عام
                            من غير حتى ما تشوفها ولا تعرف شكلها إيه
                            حتى كانت بتكلمنا فى التيليفون وإحنا فى مكتب زوجها بأسلوب حاد وكمان بتقولنا إنهم مبيضيعوش وقت مع الحالات دى بس هتحاول معاها يمكن تنفع أو لأ
                            طبعا الكلام كان غير متوقع ومصدم لينا بشكل كبير ..... وأنا وزوجى كنا متأكدين إن بنتنا أفضل من كدة بكتييييييير

                            إللى أكدلنا إن هدفهم كان تجارى بحت
                            إنهم قالولنا مش هتقدروا تعالجوها غير عندنا ... محدش بيعمل إلل إحنا بنعمله
                            وكمان طلبوا منى إنى متدخلش معاها بأى شئ فى البيت خااالص ولا أحاول أعلمها أى شئ

                            وقتها بس إتأكدت إنهم شايفين حالة بنتى بسيطة .. بس عايزين ينسبوا لنفسهم أى تقدم ممكن يحصل لبتنى .. فى سبيل المقابل المادى
                            واكدلى كتير من الأخوات هنا فى المنتدى وجهة نظرى وقالولى إن الدكتور ده وزوجته كأنهم شبكة مافيا وكرروا القصة دى مع غيرى كتير


                            تابع

                            تعليق


                            • Font Size
                              #15
                              رد: برنامج تنمية المهارات وتعديل السلوك والتخاطب لبنتى

                              بس بجد بعد الزيارة دى .. أصيبت بإحباط شديييييييييد جدااااا ويأس .. بس الشئ الوحيد إللى بجد إستفدته من الزيارة دى ... إن حاولت أثبت لنفسى وللدكتور ده وزوجته إن بنتى أفضل من كدة بكتير ... وإن البنت إللى بيقولوا إن حالتها دى مش بيفضلوا ياخدوها عندهم ... هجيبهالهم إن شاء الله فى إيدى فى يوم من الأيام وهى طفلة طبيعية وذكية ومتميزة كمان بفضل الله وحده وبحوله وقوته


                              بس فى أول مهارة بدات أعلمها لبنتى أصابتنى بالإحباط الشديد .. وهى كانت عبارة عن مكعب تضعه فى علبه
                              كانت حتى بترفض إنى أمسك إيديها وأساعدها وكانت بتخاف تحط إيديها جوه العلبة .. ومكنتش بتفهم التشجيع أو المدح

                              بعد فترة ربنا هدانى لطريقة خليتها مدخل لكل شئ أحب أعلمه ليها
                              وهى طريقة تصوير كل شئ فيديوا سواء مهارة او لعبة أو كلمات جديدة
                              أصور المهارة فيديو وانا بعملها .. وأخليها تتفرج عليها فترة فى الأول كانت بتاخد وقت لحد ما تبدا تقلد الشئ .. وشوية شوية الوقت ده بيقل

                              وصورتلها كل شئ فى البيت لعبها وهدومها وعفش البيت والأجهزة الكهربائية وأفراد الأسرة وجسم الإنسان
                              وكل شئ أصوره أنطق إسمه أكتر من مرة .. وعملتلها كل الأشياء دى وهى مكنتش بتنطق غير 3 أو أربع كلمات بدون توظيف

                              والحمد لله بالتكرار نطقتهم كلهم .. وبالشكل ده عرفت كل شئ حواليها وإسمه ... وده بقى بيسهل عليا حاجات كتير يعنى لما أكلمها واذكرلها إسم شئ على الأقل بحس إنها فاهمة أنا بكلمها عن إيه

                              لأنى كنت واثقة إن اللغة هى أهم الطرق ليها .. فأهتميت باللغة اكتر من المهارات فى الأول

                              وبدات أصورلها الأفعال زى أشرب ماية .. آكل هم .. أمشى باى .. أنام .... وطبعا اقول الجملة وأنفذ الفعل

                              كانت فى الوقت ده حصيلتها اللغوية كبرت جدااا ما شاء الله بس التوظيف كان معدوم

                              كنت بشرحلها كل شئ أنا بعمله معاها أو قدامها فى كلمة أو كلمتين علشان متتشتتش

                              وبعد كدة بدأت أطلب منها قبل فعل أى شئ إنها تنطق إسمه ... يعنى قبل ما تشرب ماية أقولها قولى ماية علشان أشربك .. طبعا فى الأول اخدت وقت كبير بس الحمد لله بعد كدة ظهرت النتيجة .. أهم حاجة إنى كنت بصر إن معطيهاش الشئ إلا لما تنطق إسمه .. علشان تتعلم طلب الشئ

                              والحمد لله بدأت تفهم اكتر هو أكيد اقل من الأطفال إللى فى سنها .. بس أحسن بكتير من قبل كدة
                              بتنفذ بعض الأوامر البسيطة زى هاتى شئ . تعالى , لأ أو كخ لما احب أمنعها عن شئ
                              بتفهمنى لما أقولها يلا ننام . أو تعالى كلى او إشربى .. أو نمشى باى تقريبا كل الأفعال إللى بتتكرر فى اليوم الحمد لله بتفهماها
                              وكمان لما كنت ألعب معاها أى لعبة كنت أهتم بإنى أطلق عليها إسم ... علشان تربط بينه وبين اللعبة وتطلب اللعبة بالإسم ده

                              نتج عن ده كله .. إنها ما شاء الله الذاكرة عندها إتحسنت والحفظ .. والتفاعل
                              وبقى عندها حب إكتشاف وخصوصا بعد ما مشيت وبقت بتتجرأ شوية شوية على لمس أى شئ جديد وإكتشافه بدون تردد

                              وبدأت تستعمل الأشياء غالبا إستعمالها الصحيح ولو حتى بعدم إتقان إنما بتكون فاهمة الشئ ده وظيفته إيه بدأت توظف بعض الكلمات فى كلب الأشياء إللى تهمها زى الكل والشرب واللعب والخروج

                              الرد على إسمها تقريبا بنسبة 50 فى المية ... والإشارة مازالت غير موجودة .. إلا فى بعض الصور فى الكتب ممكن تشير عليها بإصبعها على سبيل تقليدى وأنا بشاور

                              مع إنها مشيت بس مازال عندها مشكلة فى التوازن فى الأماكن الواسعة أو المفتوحة بترفض تمشى إلا بمساعدة

                              التآزر البصرى عندها فيه مشكلة .. يعنى متعرفش تحط مكعبين فوق بعض أو حلقة داخل عمود
                              بس الحمد لله بتحاول لما بساعدها وده فى حد زاته تقدم رهيب إنها تحاول تعمل الشئ او تتقبل مساعدتى .. وبقت بتفهم التشجيع والمدح وبيفرحها

                              طبعا متأخرة فى مهارات كتيييير سهلة جدااا وبسيطة على إللى فى سنها .. زى فتح زجاجة ماء أو الشرب من الكوب أو الأكل بالمعلقة وأشياء كتير من هذا القبيل

                              بس انا بهتم اكتر بالمهارات الإجتماعية واللغة لأنى بحس إن ده هو الطريق لمعرفة كل شئ ولأكتساب أى مهارة وبدأت حاليا أهتم بالمهارات التعليمية لأنها أكيد هتفيها فى أشياء كتير

                              الصورة النهائية ....
                              إنها مازالت متاخرة لغويا وفى المهارات وفى التواصل عن الأطفال إللى فى سنها

                              بس الكويس إنها الحمد لله فى تقدم مستمر ولو حتى كان بطئ

                              ومع إن زيارتنا للدكتورة منال كانت قبل ما تبدأ بنتى فى توظيف بعض الكلمات أو المشى ... إلا إن إللى شافته الدكتورة منال فى بنتى خلاها ترفض إنها تشخصها بالتوحد
                              ولما الأخصائيين شافوها فى الجلسات بردوا نفوا إنها ممكن يكون عندها توحد

                              بس محدش فيهم قال إن مشاكلها ممكن تروح لوحدها أو إنها طبيعية

                              الكل أجمع إنها محتاجة تنمية مهارات وتعديل سلوك وتخاطب

                              والدكتورة منال قالت إن أكبر مشكلة عندها فى الأحاسيس .. يعنى التوازن واللمس والسمع وإن كل دول هما المسئولين عن أى معلومة تدخل للمخ .. وطول ما هما مش مظبوطين اكيد أغلب المعلومات إللى بتوصل للمخ غلط وده إللى مأخرها فى حاجات كتير

                              حتى الآن معملتلهاش اى تحاليل

                              إلا إنى مانعة عنها السكر والمواد الحافظة من حوالى 4 شهور

                              وكمان بقالى فترة حوالى شهرين أو أكتر بعملها الصبح كوباية شاى أخضر مع زعفران

                              بيبقى عبارة عن نص كمية الشاى الأخضر للبالغ وشعرتين فقط من الزعفران بغليهم مع بعض وبتشربهم الصبح او فى نص اليوم

                              وأحيانا بستبدل الشاى الأخضر بالنعناع .. وماشاء الله كل الأعشاب دى فوائدها كبيرة جدااا جزاها الله كل خير الأخت أم عادل هى صاحبة الوصفة


                              أتمنى إنى اكون منسيتش شئ مهم .... آسفة على الإطالة ....... حبيت أكتب كل شئ خطر فى بالى وتذكرته علشان أرد على كل تساؤلاتكم

                              تعليق

                              Loading...


                              يعمل...
                              X