فيديو تعليم الطفل مهارة الانتظار

[مهاجرة]

شانتال Sicile - كيرا... هي ام لفتى يعاني من التوحد والتخلف العقلي .... قصتها جميلة جدا وهي ايضا كاتبة ... انا بحب اسمع محاضراتها كتير واقرا كتابتها ونصائحها .. لاني بحسها عملية ومن تجربة ... هذا فيديو عن تعليم الطفل مهارة الانتظار .. ان شاء الله تستفيدوا منه ...

http://www.youtube.com/watch?v=F7hTJfT_24Q

[ام اسلام]

رد: فيديو تعليم الطفل مهارة الانتظار

ساعود لمشاهدة الفيديو لاحقا.
اختي مهاجرة,هل لها موقع خاص بها؟؟؟
شكرا لك

[مهاجرة]

رد: فيديو تعليم الطفل مهارة الانتظار

شكرا اختي ام اسلام على ردك
الها موقع بس جديد http://autismcollege.com/
بس هي كانت قبل هيك تعمل محاضرات على هادا الموقع

http://www.momsfightingautism.com

[هبة حسام]

رد: فيديو تعليم الطفل مهارة الانتظار

شكرا اختي العزيزة دائما اعاني من عدم انتظار حسام ابني ولا ادري كيف اعلمة مهارة الانتظار

[رحمه ربي]

رد: فيديو تعليم الطفل مهارة الانتظار

حزاك الله خيرا مهاجره

[مصعب]

رد: فيديو تعليم الطفل مهارة الانتظار

شكرا كثير فعلا لازم الكل يستفيد من هالموضوع انا ابني عنده مشكلة بقصة الانتظار وحرجع اشوفه جزاكي الله خير

[مهاجرة]

رد: فيديو تعليم الطفل مهارة الانتظار

اخت هبة حسام واخت رحمة ربي شكرا لكم على مروركم

انا عم بحاول مع ابني عبود على نفس هادي الطريقة بس وقفت شوي لاني انشغلت مع اخوه الكبير لانه بآخر مرحلة التشخيص و فمتوترة شوي !!!!!

[ميسره]

رد: فيديو تعليم الطفل مهارة الانتظار

جزاك الله خيرا

[مهاجرة]

رد: فيديو تعليم الطفل مهارة الانتظار

اخت ميسرة واخ مصعب شكرا على مروركم

[سمر خالد]

رد: فيديو تعليم الطفل مهارة الانتظار

الغالية مهاجرة

جزاك الله كل الخير علي المعلومة و اكيد الكل راح يستفيد منها .

أنا شخصيا مررت بمراحل كثيرة لتدريب ابني علي هذه المهارة و منها ما نفع و منها ما لم ينفع ، حتي انه و في وقت من الاوقات اتت بنتيجة عكسية فاحيانا عندما كان خالد يريد شيئا ما و اقول له انتظر يوهمني انه ينتظر ثم ينظر الي و يخطف الشئ من يدي و يهرب ، أصبح مراوغا و مخادعا و يعلم انني سأجبره علي الانتظار الشئ الذي لا يرغب فيه فابتدع اسلوبه الخاص في الحصول علي الشئ (فكروا به فالامر ليس سئ )

ما رأيته في الفيديو جميل و هو أساس يمشي عليه الكثير ممكن يتعامل مع الطفل التوحدي و لكني لي رأيي شخصي في الموضوع قد يخالفني فيه الكثيرون ، فانا لا أحب اتباع طريقة مع ابني لن يتبعها معه غيري ، تماما مثل تعليم الطفل التوحدي لغة الاشارة بهدف التواصل ، فما الهدف من تعليمه هذه الطريقة للتواصل في المدرسة او المركز اما في البيت و الاماكن الاخري يكون الطفل ضائع لان لا احد يفهم او يتعامل بلغة الاشارة !!! انا لا افضل اتباع هذ الصور مع ابني و أفضل ان اجبره علي الكلام و النطق و صدقوني كلما اراد الطفل التوحدي شئ بشدة سيقوم باي شئ للحصول عليه حتي الكلام .

الحمدلله ابني الآن ينتظر الدور في كثير من الاحيان و ينتظر اذا طلبت منه ذلك ، لا مانع من بعض التعثرات و السقطات و لكن في كثير من الاحيان ينتظر و هناك بعض النقاط التي اعتقد انها تساعد في ايصال هذه الفكرة للطفل مثل توضيح له فكرة اننا عرفنا ما يريد حتي لو نظر الي هذا الشئ و نقول له اسم هذا الشئ ثم بالتدريج ينطق اسمه من باب التكرار ثم بمجرد التلميح انه يريده نبين له اننا فهمناه ثم نمسك يده و نعد للعشرة و بعد العشرة نعطيه الشئ بسرعة و بالتدريج يخف مسك اليد و يحل محلها كلمة انتظر او "استني" ، ايضا يفيد جدا اشراك طفل آخر في لعبة ما يحبها الطفل و افهامه انه دور أخيه مثلا في ركوب الدراجة او اللعب الفقاقيع و كلما فهم الطفل و ادرك الانتظار كضرورة و ليس لاننا نريد ذلك سيتقن الهدف بسرعة اكبر

فمثلا عندما نخرج و يريد خالد ركوب الدراجة اجعله يركبها قليلا ثم اقول له انه دور اخيه و اطلب منه النزول و بمجرد نزوله اعطيه معزز و اجعله يراقب اخاه و هو يركب الدراجة و يقودها و احرص ان يتابع خالد ذلك بنفسه ليعرف انه للحصول علي الدراجة يجب انتظار دوره و تخيلوا ان الذي يتعبني في الموضوع هو اخاه الصغير لانه بمجرد ركوب الدراجة لا يريد ان يعطيها لخالد مرة ثانية

مهارة الانتظار من المهارات التي تحتاج لوقت و تحتاج لخلق المواقف المناسبة لتعليمها للطفل

تحياتي

[مهاجرة]

رد: فيديو تعليم الطفل مهارة الانتظار

شكرا لك اخت سمر خالد على مرورك
بتفق معك على انه الواحد بحس انه لابد من انه الطفل المصاب بالتوحد يحكي لو حتى كم كلمة يعرف فيها نفسه لو ضاع .... مبارح مر علي موضوع وهي طريقة لتعليم الاطفال المصابين بتوحد حاد وتخلف عقلي ... على فكرة كتبت الموضوع مرتين في المنتدى ورجعت مسحته لانو حسيت انو ماعملت عليه بحث بدرجة كافية وانبهرت بالايجابيات وماعرفت شو السلبيات ...

الطريقة اسمها Rapid Prompting Method الطريقة باختصار انو الاشخاص اللي عندهم توحد شديد ما بقدروا يحكوا .. واحيانا هادي واقع لازم نسلم فيه مهما حاولنا في كتاب لابن مخترعة الطريقة وهوي مصاب بتخلف حاد وتوحد اسمه " How Can I Talk if My Lips Don't Move " كيف اتكلم ازا كانت شفايفي مش راضية تتحرك " .. المهم انه باسلوب خاص بتعلم الطفل يكتب كل شي حتى ممكن يألف شعر ويكتب قصص.. معظم حالات التخلف الحاد بكون بصاحبها ضعف في العضلات فصعب يمسك القلم فهون بستعلموا التأشير على الحرف وبعديها بطوروا لغاية ما يستخدموا الة خاصه متل الكيبورد تبع الكمبيوتر للكتابة ... ازا حد بحب معلومات عن هادا الموضوع ارجعوا للموقع:

http://www.halo-soma.org

او اعملوا سيرش في اليوتيوب على halo-soma او Rapid Prompting Method
رح تنبهروا بالاطفال ... بس انا كان ترددي اني احط الموضوع في المنتدى بسبب شغلة انو الطريقة صرلها 10 سنوات ... اذا كانت ناجحة بالشكل اللي انا شفته على النت فليش مش معممه او معروفه... ؟؟؟؟

[سمر خالد]

رد: فيديو تعليم الطفل مهارة الانتظار

غاليتي مهاجرة

انا معك ان لازم نبحث كتير و نقرأ أكتر عن اي طريقة جديدة او وسيلة تدريب جديدة للطفل التوحدي قبل ما نرفض هالطريقة او نتحمسلها و لازم كمان ناخد بعين الاعتبار ان مو ضروري ابدا لو الوسيلة التعليمية نجحت مع طفل انها لازم تنجح مع كل الاطفال ، لكل طفل قدراته الخاصة فيه و الي تبرز في نواحي معينة .

بالنسبة لطريقة RPM اللي ذكرتيها بصراحة انا ما سمعت عنها غير منك او يمكن الها اسم تاني بس اكيد راح اقرا عنها كتير و اكيد النا رجعة نناقش الموضوع .

لقيت هذا الفيديو اللي بيشرح بالضبط طريقة RPM ، هو طويل شوي بس بيوضح الطريقة عمليا

http://video.google.com/videoplay?do...38338056531303#

تحياتي

[أم دانيال]

رد: فيديو تعليم الطفل مهارة الانتظار

شكرا اختي المهاجرة، بارك الله فيك
انا ايضا أؤيد رأي اختي سمر، انا ولا مرة استعملت مع ابني أسلوب الاشارة او البطاقات، دائما أعلمه وأفهمه بالكلام، ولكن اكيد كل طفل حالة خاصة، والطريقة التي تنجح مع طفل تفشل مع الاخر، وبصراحة أقولها نادرا ما أتبع أساليب معتمدة في التدريب مع ابني وحتى لا اعرف اسماءهم الا المشهور جدا مثل ABA او اسلوب son rise دائما أدربه بشكل عفوي مع التركيز عليه.

[مهاجرة]

رد: فيديو تعليم الطفل مهارة الانتظار

شكرا اخت سمر خالد على الفيديو .. على حسب ما فهمت الفيديو اللي ذكرتيه هاي المراحل الاولى في هذه الطريقة (الاختيارات) طريقة rpm بتتطور مع الطفل لغاية ما يصير بكتب بالقلم اذا بقدر واذا ما بقدر بالالة اللي زي الكي بورد .. بعد هيك لما يصير الولد يكتب بصير تعليمه اسهل ... كانت شانتال تحكي انها بس بتحط ابنها بالغرفة وبتحطله سي دي المادة المفروض يدرسها ..في الموقع الرئيسي شرح بسيط مع فيديو عن الخطوات...

قرات في موضوع على ليش rpm ما عمموها اول شي لانو اللي اخترعت الطريقة "سوما" مش دكتورة طب هي كيميائية بس.. كمان rpm شوي عنيفة مع الاولاد.... بحيث المدربة سوما بتشترط انها تحط الولد في الزاوية جنبه اليسار على الحيط وهي بتوقف على اليمين وبضل تسال وتسال بسرعة بطريقة بتنرفز والولد يجاوب .. مع هيك الولد بقدر يستوعب بهذه الطريقة عادي..... والاولاد اللي مشيوا عليها بصراحة ما شكوا .. ما حكوا انتوا عذبتونا او شي زي هيك... بالعكس مبسوطين انو صاروا يعبروا ويحكوا ... ابن مخترعة rpm وهي هندية سألته امه انو ليش بضل تهز جسمك ؟؟ حكالها لانو انا ما بحس بجسمي غير هيك... طيب ليش مو عارف تتعلم على البسكليت وتدوس في الدواسة ؟؟؟ رد عليها انا امرت رجلي انها تتحرك بس مش راضية تتحرك....

الحلو بالموضوع هوي انو بعد ما تشوفوا على اليوتيوب الاولاد وهمي بستخدموا الكتابة مشان يتواصلوا ... رح توصلوا لقناعة انو المتوحد مش متخلف .. انا عارفة انو كتير بنحكي انا مختلف مش متخلف ... بس هادي المرة عنجد بكل معنى الكلمة مش متخلف بس مختلف .... يعني كيف الشخص المصاب بالعمى بستخدم طريقة بريل .. او الاصم بستخدم الاشارة ... المتوحد ممكن يستخدم الكتابة ...

انا متلك اخت سمر ما سمعت rpm من قبل بس كان في سؤال محيرني عن الكتابة شانتال ... شفت ابنها جيرمي على اليوتوب في حفلة التخرج وفي صوت خطاب مسجل مفروض انو هوي كتبه فكنت تقريبا مش مقتنعة كيف كتبه وهوي مابحكي ولا كلمة وماببطل هز ... ففي محاضرة تبعتها ذكرت انو ابحثوا عن rpm ... بحثت ففهمت كيف ابنها تعلم ....

اخت سمر كيف علمتي خالد الله يبارك فيه على البسكليت ... باذن الله رح ابدا مع عبود الاسبوع الجاي.. بشو بتنصحي؟؟؟

اختي ام دانيال شكرا على مرورك ... انا كمان بستعمل لغاية هلا الكلمات مع عبود .. مع انه في المدرسة بعلموه الاشارة والصور .. واعطوني كتاب الصور مشان استخدمه معه ... فصرت كل ما افتح الكتاب اولادي هجوم على الصور ... وعياط الخخخخ .. فماعرفت اتحكم بالوضع .. بعديها صار عبودي الله يبارك فيه يحكي شوية كلمات فاستغنيت عن الصور .. يعني انا حسيت كمرحلة اولية الصور والاشارات بتخلي الولد يفهم انه مفروض يتواصل ويحس باهمية التواصل فبصير يحاول يتكلم .. طبعا على حسب درجة التوحد وازا كان الطفل بتعلم بالسمع اكتر او بالنظر ... الخخخ

[أم دانيال]

رد: فيديو تعليم الطفل مهارة الانتظار

نعم أختي المهاجرة الاطفال الذين لا ينطقون اصلا تنفع معهم طريقة الصور والاشارة حتى يعبروا عن حاجاتهم، وقد شاهدت الكثير من الافلام لاطفال يعتمدون على الصور، ولكن اذا كان الولد يتكلم فمن الافضل اتباع اسلوب تعليمي اخر، انا اعتمدت الصور العادية من الكتيبات وقصص الاطفال لتعريف ابني على الفواكه والحيوانات ومن ثم أحضرت له الفواكه الحقيقية وأخذته الى حديقة الحيوانات، ودائما احاول تدريبه ان يطلب بالكلام ما يريد.
نسأل الله الشفاء لهم.