[إستفسار] الامهات اللى اعطوا ولادهم جلسات اكسجين فى معهد طب الطيران

[ورده الربيع]

ممكن بعد اذنكم اعرف لو هنزل من السعوديه الى مصر واروح اعطى ابنى جلسات اكسجين فى معهد طب الطيران
ايه الاماكن او العمارات القريبه اللى ممكن اسكن فيها هناك جنب المعهد والاسعار لانى مش من القاهره انا مصريه بس نادرا لما كنت بروح القاهره وبحس انى محتاسه لما بروح علشان كبيره

فياريت اللى راحت ربنا يكرمها لو تعرف اسكن فين والايجارات كام فى الشهر وجزاكم الله كل خير

[ورده الربيع]

رد: الامهات اللى اعطوا ولادهم جلسات اكسجين فى معهد طب الطيران

مفيش حد يا جماعه راح هناك انا محتاسه ساعدونى الله يخليكم

[ازميرالدا]

رد: الامهات اللى اعطوا ولادهم جلسات اكسجين فى معهد طب الطيران

معنديش فكره ان شاء الله حد يفيدك
هو المناطق القريبه مدينه نصر وكليه البنات اسألي في المناطق دي

[ربي مسني الضر]

رد: الامهات اللى اعطوا ولادهم جلسات اكسجين فى معهد طب الطيران

اختي انا أعطيت ابني عند دكتوراه دعاء الحضري لكن للامانه معهد الطيران والفضاء أفضل بكثير علي حسب ما قابلت ناس كتير ف العياده عند الدكتوراه بالاضافة ان د.ايهاب عبد ليقول انه من أفضل الأماكن بس المشكلة انك لازم تحجزي قبلها بفتره كبيره وتنتظري دورك لذلك مت الأفضل حد يحجز لك من مصر قبل ما تقرري السفر بالتوفيق ان شاء الله وتمنياتي لطفلك بالشفاء

[ورده الربيع]

رد: الامهات اللى اعطوا ولادهم جلسات اكسجين فى معهد طب الطيران

انا حجزت الحمد لله باقى الاقى سكن جنب المعهد

[ربي مسني الضر]

رد: الامهات اللى اعطوا ولادهم جلسات اكسجين فى معهد طب الطيران

الحمد لله انك عرفتي تحجزي اعطوكي ميعاد قريب ولا بعيد؟ممكن الرقم اختي

[ازميرالدا]

رد: الامهات اللى اعطوا ولادهم جلسات اكسجين فى معهد طب الطيران

ممكن لو معرفتيش تظبطي الاقامه قبل ما تيجي
انزلي ليله واحده في اوتيل لغايه ما تدوري وتجدي الشقه المناسبه لفتره الاقامه كلها
اقرب اوتيل كويس سونستا في مدينه نصر

http://www.sonesta.com/cairo

معلش كان نفسي افيدك اكتر
بالتوفيق

[السراج]

رد: الامهات اللى اعطوا ولادهم جلسات اكسجين فى معهد طب الطيران

الى الاخت الغاليه ازميرالد لازم من ان اتخلص من المعادن السامه اولا قبل عمل جلسات الاوكسجين ولا الاكسجين لا يهم تخليص الجسم من السموم سا ريت تردى على لان دكاترة الدان هنا يعملوا الاوكسجين فى اى وقت ومثلا الدكتور وولر لازم اولا من تخليص الجسم من السموم حتى لا يثبنه الاوكسجين

[ازميرالدا]

رد: الامهات اللى اعطوا ولادهم جلسات اكسجين فى معهد طب الطيران

اختي الفاضله السراج
الدكتور فراجي ايضا في المانيا لا يقوم بعمل جلسات اوكسجين للطفل الا بعد التخلص من المعادن الثقيله اولا
وانا اميل ايضا لهذا الرأي ...فيه حاجات كتير ممكن نعملها لاولادنا غير الاكسجين ممكن تعملي تكامل سمعي او نيوروفيدباك وفي نفس الوقت تقومي بالتخلص من المعادن الثقيله ولما ينزل مستواها بدرجه معقوله مش لازم التخلص التام منها ولكن انخفاض مستواها في التحاليل ممكن وقتها تبدئي بجلسات الاوكسجين ده حيبقي اضمن وافضل (وده علي كلام طبيبه امريكيه تابعت معاها لفتره هي بتقول ان حتي الانسان العادي حيكون عنده نسبه من المعادن الثقيله فممكن نعمل اكسجين في وجود معادن ثقيله بشرط الا تكون في مستويات عاليه في الجسم)

[السراج]

رد: الامهات اللى اعطوا ولادهم جلسات اكسجين فى معهد طب الطيران

بارك الله فيكى اختى الغاليه الافضل هو 40 جلسه ام 20جلسه لانه ايضا فيه دكاتره يعطو 20 والاخرين 40 جلسه اى بمعدل 2جلسه باليوم وشفى عن اولادنا جميعا

[ازميرالدا]

رد: الامهات اللى اعطوا ولادهم جلسات اكسجين فى معهد طب الطيران

بارك الله فيكى اختى الغاليه الافضل هو 40 جلسه ام 20جلسه لانه ايضا فيه دكاتره يعطو 20 والاخرين 40 جلسه اى بمعدل 2جلسه باليوم وشفى عن اولادنا جميعا

المفروض 40 جلسه ويمكن تكرارهم بعد فتره لو الطفل استفاد من العلاج بالاكسجين
الافضل كل يوم جلسه يمكن اللي بيضطر لجلستين في اليوم بيكون بسبب ظروف سفر او غيره

[ام شريف]

رد: الامهات اللى اعطوا ولادهم جلسات اكسجين فى معهد طب الطيران

السلام عليكم
اعرف واحده سكنت جمب المحمل ودا على مسافه 5 دقائق من المعهد بس المشكله كان إيجاره غالى 3600 جنيه فى الشهر لكنها بعد شهر نقلت فى الحى السابع مدينه نصر وكان الإيجار 2000 جنيه

[ورده الربيع]

رد: الامهات اللى اعطوا ولادهم جلسات اكسجين فى معهد طب الطيران

الحمد لله خلصت جلسات الأكسجين وهحكيلم قريب عن تجربتى بالتفصيل هناك