عندى بعض الاسئلة جزاكم الله خيرا

[زهرة برية]

السلام عليكم
جميعا

كيف احوالكم ؟
يارب بخير دايما

ياجماعة لو سمحتم
انا كنت جيت من فتره وكنت عايزة اتاكد اذا كان ابنى داون او لا
والحمد لله على كل حال عملت له تحليل الكروموزومات وطلع داون

هو دلوقتى عمره 9 شهور
وطلع عنده ثقبين فى القلب وضيق فى الشريان الرئوى
اسال الله العظيم رب العرش العظيم ان يشفيه وجميع اطفالنا الاحباء
اللهم امين

بس الحمد لله ان الضيق ده عمل توازن للقلب وخلى وزنه وحجمه زى الطفل الطبيعى
الحمد والشكر لله

انا بس مش عارفة ابدأ منين
يعنى طبعا انا مشغولة مع دكاترة القلب لانه محتاج عمليه
والمجهود الزايد بيخليه ينهج فبصراحه بخاف عليه اوى ومش برضى اضغط عليه فى موضوع التمارين او اللعب معاه

هو لحد دلوقتى مش بيقعد لوحده لازم يسند على حاجه
ولسه ماطلعش اسنان,, بس ابن خالى طفل طبيعى وطلع اول سنتين وهو عمره 10 شهور
فمش عارفة ده عادى ولا لا

عايزة اعرف ينفع اودى ابنى وهو فى السن ده لمركز او دكتور لمعرفة النسبه وقدراته
ولا لسه شويه
ولو لاوم دلوقتى فين الاماكن دى
انا موجوده دايما بين اسكندريه والقاهرة .

وايه الحاجات اللى المفروض اعملها معاه فى البيت؟

هو الحمد لله ما شاء الله
استجابته للحركه والكلام والاصوات واللعب ممتازه
ولو شافنى ببصله وبضحك يضحكلى

يعنى بحس انه طبيعى جدا الحمد لله
فيما عدا الحاجات اللى ذكرتها من شوية

ارجو الافاده منكم يا اهل الخبرة
وملحوظة : مدونه ام محمود مش بتفتح معايا خالص
وجزاكم الله كل خير

دمتم فى رعاية الله

[أم ياسمين]

رد: عندى بعض الاسئلة جزاكم الله خيرا

حياك الله معنا يا أختي
وهنيئا لك هذه الهبة من رب العالمين

مؤكد انه الوضع الصحي لطفلك بيحتم عليك عدم اجهاده
بالتالي استغلي الوقت بالتمارين الادراكية والتآزر البصري
حتى يكون رصيد جيد فهذه فرصة ذهبية

فياسمين فضلت ست شهور ممنوعة من أي مجهود بعد عملية القلب
والحمد لله مع تمارين الادراك وضعها الذهني ممتاز

كل التمارين حتلاقيها في كتابات أم محمود
وان شاء الله رحتكون سبيل لتأهيل طفلك على أحسن وجه
ربنا يجزيها كل خير ويبارك لها بأولادها
وكمان خبراتنا جميعا بتأهيل أطفالنا موجودة بالمنتدى
وهي تجارب واقية رح تساعدك بإذن الله

ومرة أخرى 100 أهلاً وسهلاً فيك معنا بالمنتدى
وبانتظار مشاركاتك بتطورات طفلك
ربنا يشافيه ويعافيه

[علا]

رد: عندى بعض الاسئلة جزاكم الله خيرا

يا هلا بالزهرة البريه
ويا اهلا بابننا الجديد فى المنتدى
ان شاء الله ربنا يطمنك عليه وعلى حالة قلبه
المهم زى ما قالتلك ام ياسمين تمارين الادراك دايما اجذبى انتباهه ما تتركيه يسرح ببصره بعيدا عنك
على طول نبهيه ولاعبيه كتير جداااااااا زى ما قلتى انك حاسة انه طبيعى وهو ده اللى المفروض يوصل له ولادنا مع التمارين والحب والرعايه حالتهم بتتحسن كتير جدا وبالنسبة للأماكن
القاهرة بها مركز دراسات الطفولة فى جامعه عين شمس
ومركز كاريتاس فى الضاهر

[زهرة برية]

رد: عندى بعض الاسئلة جزاكم الله خيرا

ام ياسمين
ميرسى جدا ليكى
على ردك الكريم

وترحيبك الرقيق

جزاك الله كل خير
وبارك الله لك فى ياسمين

ان شاء الله حركز اكتر على التمارين الذهنية
والحمد لله هو استيعابه كويس بالنسبه لاى حركة امامه
وردود فعله جيده

وربنا هو الشافى

مشكورة حبيبتى
دمتى بخير

[أم وفا]

رد: عندى بعض الاسئلة جزاكم الله خيرا

أهلا بك بيننا زهرة برية
بالنسبة لوضع طفلك يفضل الان ان تقوم .0بتدريبه ادراكيا يعني تشتغلي على عقله وبعد العملية ان شاء الله تعملي معه الحركي وكل ما تحتاجينه ستجدينه ضمن المنتدى في كتابات ام محمود في حال لم تفتح معك المدونة فام محمود لم تبخل علينا كل ما في المدونة من اشياء مهمة تجدينه في كتابات ام محمود وان شاء الله تجدين معنا ما تحتاجينه ونكون نعم العون لك .

[زهرة برية]

رد: عندى بعض الاسئلة جزاكم الله خيرا

ميرسى جدا علا
على مرورك وردك الجميل

انا والله الحمد لله بحاول معاه وربنا ييسر الاحوال يارب

بس يعنى اوديه المراكز دى دلوقتى ولا استنى عليه شوية
وبالنسبه لموضوع انه مش بيعرف يقعد لوحده واسنانه اللى اتاخرت فى الطلوع
ده عادى ولا لا

مشكورة حبيبتى على ردك
دمتى بخير

[زهرة برية]

رد: عندى بعض الاسئلة جزاكم الله خيرا

شكرا ام وفا
على مرورك واهتمامك
جزاك الله خير

ان شاء الله حدخل كتابات ام محمود
ربنا يجازيها خير

وان شاء الله حعمل بنصيحتك
نورتينى

دمتى بخير

[القبطان عادل]

رد: عندى بعض الاسئلة جزاكم الله خيرا

اسال الله العظيم رب العرش العظيم ان يشفيه امين يارب
الاول نسئل الطبيب القلب على ان كان ممكن يعمل علاج طبيعى ام لا
ومساج وتمرين الجلوس نعرف الاول من الطبيب

[علا]

رد: عندى بعض الاسئلة جزاكم الله خيرا

ميرسى جدا علا
على مرورك وردك الجميل

انا والله الحمد لله بحاول معاه وربنا ييسر الاحوال يارب

بس يعنى اوديه المراكز دى دلوقتى ولا استنى عليه شوية
وبالنسبه لموضوع انه مش بيعرف يقعد لوحده واسنانه اللى اتاخرت فى الطلوع
ده عادى ولا لا

مشكورة حبيبتى على ردك
دمتى بخير

اختى زهرة المراكز تساعدك على التدخل المبكر وهو مهم جدا فى سن ابنك بالنسة للجلوس كلهم طبعا بيكون عندهم تأخير بنتغلب عليه بالعلاج الطبيعى لكن فى حالة ابنك علشان قلبه لازم يكون بعد ما يسمح الطبيب حتى لانرهق الطفل
علشان كده بنستغل الفترة دى فى تنمية مهاراته وادراكه والتدخل المبكر هيساعده على كده

[الهادي الاحسائي]

رد: عندى بعض الاسئلة جزاكم الله خيرا

اختي الكريمة زهرة البرية انا طبعا استغرب بقاء ابنكِ الي هذا الوقت دون عملية لقلبه فأنا اعرف طفلة عمرها ستة شهور واجريت لها العملية وايضا كما ابنك لديها ثقبين والحمدلله امورها على خير مايرام اما بالنسبة للأسنا ن فأتصور غالبا ما يتأخر اطفال الداون عن غيرهم في ظهور الاسنان انا ابني ظهرت له الاسنان كاملة وإن كانت متأخرة نوعا ما ولكن في كنا في زيارةللمدينة المنورة ونحن في المسجد النبوي وفي ظل الزحام وقد كان ابني عند ابنت عمه ضربته امرأة بكوعها وكسرت له ضرسين ولم ذهبت الى الطبيبة واخبرتها وبعد مرورسنتين بأنه الي الان لم تنمو له اسنان بديلة هل يحتاج ذلك لتدخل جراحي نصحتني بعدم التدخل جراحيا إلا بعد السنة السابعة فأنا لا ارى ضرورة التدخل الجراحي بل قد يكون ابنك في حاجة الى فيتامين مساعدة

[زهرة برية]

رد: عندى بعض الاسئلة جزاكم الله خيرا

القبطان عادل ميرسى جدا على دعائك الرقيق اللهم تقبل منك ان شاء الله حسأل دكتور القلب وربنا ييسر الحال مشكور على مرورك

[زهرة برية]

رد: عندى بعض الاسئلة جزاكم الله خيرا

القبطان عادل ميرسى جدا على دعائك الرقيق اللهم تقبل منك ان شاء الله حسأل دكتور القلب وربنا ييسر الحال مشكور على مرورك

[الفارس الشجاع]

رد: عندى بعض الاسئلة جزاكم الله خيرا

اهلا اختي زهره بريه في بيتك الثاني بشكل عام اطفال الداون تتاخر اسنانهم انا ولدي عمره سنه وما ظهر له اسنان وبنت عمته ايظا طفله داون طلعت اسنانها عندما اتمت العام فلا تستعجلي المهم تنميه ادراكه الحسي

[أم التوأم]

رد: عندى بعض الاسئلة جزاكم الله خيرا

أهلا بكى أختى زهرة برية وأهلا بزهرتك الصغيرة طفلك بينننا. ماشاء الله الأعضاء أفادوكك بالخلاصة فلا زيادة بعد مدونة أم محمود لم تترك شىء
يخص متلازمة داون الا وشرحته ، بارك الله فيها.

[زهرة برية]

رد: عندى بعض الاسئلة جزاكم الله خيرا

انا فعلا بشكركم
جدا ياجماعه والله
على تفاعلكم واهتمامكم الطيب

جزاكم الله كل الخير
ويارب يشفى ولادكم وابنى
وابناء المسلمين جميعا

امين