تويت
مرحبا انا عضوه جديده حبيت اشارك بالمنتدى عشان اتساعدوني لانكم اشخاص اصحاب تجربه بالموضوع الله يشفيلكم اولادكم جميعا
انا ابني عمره سنتين وشهرين وهو ولد كتير هادي من لما كان صغير كان طبيعي ما عندوا اي مشكله طلع سنان على 4 شهور بلش يزحف على 7 شهور مشي على السنه بلش يطلع درج وينزل درج على السنه و3 شهور كان نمو الجسدي طبيعي كانت مشكلتوا انو ما بحكي هو كان من لما كان صغير انو كان عندوا مي بذينه وما كان يسمع منيح انا عملتلوا على 6 اشهر فحص سمع طلع عندوا مي وضعف سمع رجعت على 9 اشهر عملتوا طلع نفس الاشي و على السنه و التلات اشهر فحص سمع عن طريق جهاز تخطيط وهو نايم اسمو فحص بيرا حكى الدكتور ما عندوا مشكلة سمع هو بسمع بس انا ما رجعت عدت فحص السمع هلأ كمان اسبوع بدي اعمل فحص سمع هو كان يحكي ماما وبابا وتاتا ومبوه بس فتره قعد يحكي وهلأ بطل من جديد رجع يحكي بابا وبحكي بديش و هات و امبوه بس مش دايمن بس اذا حس حالوا مضظر يحكي بحكي وصدف ليحكي هالكلامات هو كان وهو صغير كتير حركه يعني ما صدق و هو يمشي كان يضل يركض ويحب انو يركض وحدا يركض وراه عشان هيك من كتر ما كان كتير حركه كنت دايمن احطلوا على طيور الجنه يضل قاعد بالساعات وهادا الاشي من لما كان صغير حتى لما كانى نروح عند اي حدا احطلوا على النلفزيون عشان يقعد وما يضل ينطنط لحد ما صار عمروا سنه و 6 اشهر حسيت انو الولد مش معنا بس مع التلفزيون فصرت اخففلوا اياه وهلأ مرات ما بحطلوا بالمره يعني بحضر مرات ساعه ومش متواصله طول النهار ومن لما اخدت هالخطو هو بلش يتحسن بس مش متل ولد طبيعي بس صار احسن و هلأ صار حركتوا عاديه متلوا متل هالولاد مش حركه كتيره هو لما كان عمروا سنه و شهر ما كان ينتبه على حدا او يركز انو في حدا لو بدوا يمشي كان يدفش الا قداوا ويمرق ما كان يحب حدا يحملوا غير انا كان انتباهو وتركيزوا قليل بس من لما صار عمروا سنه و اربع اشهر بلش هالموضوع يتحسن صار بنتبه ويركز اكتر صار عادي اذا حدا حملوا او عبطوا هو وما عندوا مشكله بالناس الا حوله يعني اي حدا يحكيلوا تعال باي بمسك ايدوا وبروح معو بس مشكلتوا انو مش كتير بركز بنظروا معك يعني بتيجي عنوا بعينك بس مش دايمن بضل هالتركيز البصري موجود الا اذا انا عملت اشي هو بحبوا سواء صوت او غتلوا اغنيه هو بحيبها بركز طتير معك وبضحك وبنبسط او اذا هو بدوا منك اشي بكون في تركيز بصري بينوا و بين الطرف التاني هو من لما كان عمروا سنه واربع اشهر بلش يلعب اول لعبه حبها و اندمج و هو يلعب فيها السحسيله كان يطلع على الدرج لحالوا ويتسحسل عليها من بعدها بلش يحب السيارات بحطهم على الارض وبمشيهم و بلعب بعجالها وبركب عليها و هلا بحب الكتب وبمسك القلم وبخربش على الورقه وما عندوا مشكله انو انكون محل وفي ناس كتير ما عندوا مشكله انو اروح محل واتركوا عندا حدا ما عندوا مشكله بالاصوات ولا بالاكل ولا بالنوم ولا ببكي من غير سبب ولا بضحك من غير سبب حتى هو صار من الجديد لما نكون قاعدين احنا والعيله اذا قام حدا من محلوا يركض وراه يمسك ايدوا ويجبوا ويقعدوا ولما يلعب مرات بمسك ايد اختوا وبقعدها حدوا بس يشوف عموا كتير بنبسط وبضحكوا وبضل يلحقوا وين ما يروح واذا راح و تركوا بزعل وببكي بدوا يروح معوا من 5 اشهر صار كتير لما يشوف ابوه ينبسط ويقعد بحضنوا ويلعبوا من 7 اشهرو صار كتير متعلق في يحب يقعد بحضني وينيمني حدوا يعين من بعد ما صار عمروا سنه و اربع اشهر كتير عم بتحسن باشياء كان هو ولا شايفها انا لما كان كتير يتحرك وما يركز حكيت لدكتوره حكالي ممكن عندوا نقص حديد وفعلا طلع عندوا نقص حديد وانا من جديد عديت الفحص طلع عندوا نقض حديد
كمان هو ما بحكي وما بحسوا دايمن بفهم علي شو بحكي يعني مرات بحسوا فاهم علي بس هو ما بدوا يرد لانو اذا بحكي بنبرت انو معصبه برد على انو ممنوع يعمل هيك ومرات بحس انو مش فاهم اشي اختوا اتاخرت لحت بس كانت تفهم كل كلمه بحكيها هو ما بفهم انو كاسه باب صحن بس بفهم انو ممنوع انو نام انو ده ده انو راح اضربوا اذا ما برد لانو مرات بس يزعل ويبكي بسير يحكيلي ده ده ده بس انا ما بضربوا بس بحكلوه بعصبيه اذا عمل غلط هلأ بضريك ده ده
و المشكله التانيه انو مش دايمن بنادي عليه برد مرات بنادي بردش بحكي لابوه نادي عليه دغري برد مرات بكون قاعد بنادي عليه برد ومرات بضل انادي بردش يعني بحسوا حسب مزاجو ومن جديد انتبهت انو اذا اتخبيت محل انا او ابوه ونادينى عليه بسير يدور علينا لحدا ما يلقينى واذا حدا اول مره بسمع صوتوا نادا عليه بلف وجهو وبرد عليه
وهو كمان عندوا المشاعر انو بنبسط بزعل ببكي بغار بنوجع اذا وقع او اذا حدا ضربوا من الولاد الا بجيلوا ما عندوا مشكله اذا حدا لمسوا حملوا عبطوا ما عندوا روتين بالعكس لو كل يوم غيرتلوا اشي ما بهموا ما عندوا مشكله نروح عرس نروح على مطعم نروح رحله او عند ناس هو بحب يشوف البسه ومرات بلحقها واذا في حمام بطلع عيله وبشوفوا اذا طار وبضل متبع معو وبن طار جبتلوا جاجه من بعيد حبها بس لما قربتها عليه خاف وما قبل يمسكها هو بعمل حركات بايديه او انو بدور بس هيه مش حرات دايمن او حره ملازمه الو انا لما بعمل هدي الحركات بعرف انو هو بعملها لما يكون مبسطوت او بدوا يلفت نظر حدا لانو ما بحكب فهو بعمل هيك عشان يعبر عن الاشي الا ما قادر يحكي هو بعمل هيك لما يشوف عمو او لما يشوف اغنيه بحبها على التلفزيون ويمكن بعملها مرتين او مره باليوم وهو مش دايمن بدور بس لما يشوف خيالوا على اللارض بقعد بدور معو كمان انا عايشه بعيد عن اهلي طبيعة حياتي اني اكتر الوقت بالبيت ما في صحاب ما حدا بيجي عنا يعني علاقتا الاجتماعيه ما في يمكن كل شهر مره بطلع محل لو بره البيت يعني اذا كل يوم بجي اطلع محل بكون عند اهل جوزي الا سكنين تحتنى وانتي كمان هيك اغلب الوقت انا واياه بالبيت لحالنا
ابني من 10 ايام عم بتغير في اشياء بس للاحسن الا هيه انو صار يربط بين اشياء يعني انو المعلقه للاكل بجيب المعلقه وبطعميني انو الريموت كنترول للتلفزيون لما بدوا يحضر بيجيبلي اياه عشان احطلوا واذا حطت قناه ما بدوا يحضرها برجع يعطيني اياه عشان اغيرلوا صار يلعب بالطابه بأجروا صح ما بلعب مده طويله بس انو فهم انو بنضربها بـأجرنا او بنرميها بأيدنا اذا كان في كاسه وقنينه بمسك القنينه وبسير يصب بالكاسه كمان مرات بضحك عليه بقعدوا بالسياره وما بشغلها بضل يستنى اشغلها واذا ما شغلتها بمسك ايدي وبحطها على المفتاح وبعرف اذا السيتاره مشغله او لا واذا كان كرسي السياره تاع الاطفال بره السياره بيجبوا وبحطوا بالسياره واذا تركت باب السياره مفتوح بسكروا عشان نروح وحفظ طريق البيت اذا كان المشوار قصير وما طولنا وشافني فتت الشارع الا بودي للبيت بسير يبكي ما بدوا يروح بعدين صار يمسك القلم منيح ويرسم في وما خله حيط الا رسم عليها وصار يطفي الضو ويضوي ولما حطينا هلأ الدفايه اجا يقرب عليها حكتلوا ماما ممنوع اوه وما بقرب عليها بالمره ونفس الاشي على أبريق او كاسة الشاي علمتوا يلعب سيم ميم ميم وبس ابلش احكي سيم ميم ميم بيجي يمسك ايدي عشان نلعب وبلعبها مع اي حدا اذا حكالوا سيم ميم ميم وكمان انو اغمض عيني بأيدي واحكيلوا بع عينو بنبسط وبيجي بسير يحطيلي ايدي على عيني و اذا حكتلوا باي باي بيجي بمسك ايدي وبعمل باي فيها وكمان بمشك المشط بحكيلوا مش شعرك بحطوا على راسو بجيب النظاره بحطها على عيني وعلى عين ابوه وعلى عينه وهو كان بحضر وهو وقاف ولما يتفلعل بنطنط فقعد حدوا وصار كل ما بنط او يوقف احكيلوا ممنوع اقعد واذا ما رد اغير القناه بعد ما عملت هيك 6 او 7 مرات هلأ اغلب الوقت بكون قاعد اذا نط بحكيلوا ممنوع اقعد بوقف عن النط ومرات بقعد في اشياء تانيه بس هادا الا متذكرتوا
انا عشان ما بحكي ما بحسوا بفهم على كل اشي اخدتوا على مركز تطور الطفل عملوا جلسات وهيه بس عباره عن مراقبه للطفل وهو يلعب وكيف بتصرف مع الاهل كان عند معالجه نفسيه وعند دكتورة نطق وعند دكتورة تطور طفل كلهم انو حطوا اللعاب كيف هو بلعيب وبتصرف بعد لقئين مع دكتورة التطور حكتلي هو عندوا مشكله بالتواص والاتصال عشان هبك هو ما بحكي لانو ما بعرف كيف بتواصل مع الحوله وهو مهتم بحواسه اكتر من المحيط تاعوا و كان في لجنه مع كل الاخصائين القبل حكولي احنا ما شايفين مشكله حركيه و لا عقليه بس انو ما عندوا تواصل واي مشكله بعدم التواصل بنسميها توحد ومعالجة تطور الطفل حكتلي هو ممكن عندوا regulation disorders of sonsory drocessing بس انا ما فهمت شو يعني وبعدين اخدتوا على اخصائي صعوبات تعلم حكالي ممكن هو اسبرجر وممكن عندوا مشلكه بالتطور اللغوي وهلا كمان اسبوعين بدي اخدوا عند اخصائية توحد عشان اشوف شو بتحكي
هلأ انا حكتلهم انو هادا رايكم كأختصاصين بس انا كأموا وكيف شايفتوا بالبيت و بمحيطوا مع الناس الحوله صح عندوا مشكله بالتواصل والتركيز بس انا ما بسمي توحد لانو في كيتير من صفات التوحد مش موجوده عندوا بس انا مش راح اخسر اشي انو يكمل سنه علاجيه عندهم بالمركز يعني ذا كان عندوا مشكله اكيد بتخف هم بدهم يحطوا انو توحد مرات بحكي ممكن انو توحد بعدين برجع بطلع عليه وعلى تصرفاتوا بحكي لا مش توحد انا متأكده عندوت مشكله بس شو هيه مش عارفه بس انا لهلا مش متأكده انو هو عندوا توحد او لا عشان هيك حبيت اكتبلكم بمكن حكي و افكاري مش مرتبه بس سمحوني يعني الواحد من غير اشي فكره مشتت
انا كتير حابه اتساعدوني لانو هم ما اعطوني اي فحصص ممكن اعملوا وبما انو حالكم من حالي وعندكم اولاد بهيك وضع مرتوا بهل المرحله بتمنى استاعدوني شو رايكم بمشكلة ابني و شو ممكن اعملوا فحوصات
انا ابني عمره سنتين وشهرين وهو ولد كتير هادي من لما كان صغير كان طبيعي ما عندوا اي مشكله طلع سنان على 4 شهور بلش يزحف على 7 شهور مشي على السنه بلش يطلع درج وينزل درج على السنه و3 شهور كان نمو الجسدي طبيعي كانت مشكلتوا انو ما بحكي هو كان من لما كان صغير انو كان عندوا مي بذينه وما كان يسمع منيح انا عملتلوا على 6 اشهر فحص سمع طلع عندوا مي وضعف سمع رجعت على 9 اشهر عملتوا طلع نفس الاشي و على السنه و التلات اشهر فحص سمع عن طريق جهاز تخطيط وهو نايم اسمو فحص بيرا حكى الدكتور ما عندوا مشكلة سمع هو بسمع بس انا ما رجعت عدت فحص السمع هلأ كمان اسبوع بدي اعمل فحص سمع هو كان يحكي ماما وبابا وتاتا ومبوه بس فتره قعد يحكي وهلأ بطل من جديد رجع يحكي بابا وبحكي بديش و هات و امبوه بس مش دايمن بس اذا حس حالوا مضظر يحكي بحكي وصدف ليحكي هالكلامات هو كان وهو صغير كتير حركه يعني ما صدق و هو يمشي كان يضل يركض ويحب انو يركض وحدا يركض وراه عشان هيك من كتر ما كان كتير حركه كنت دايمن احطلوا على طيور الجنه يضل قاعد بالساعات وهادا الاشي من لما كان صغير حتى لما كانى نروح عند اي حدا احطلوا على النلفزيون عشان يقعد وما يضل ينطنط لحد ما صار عمروا سنه و 6 اشهر حسيت انو الولد مش معنا بس مع التلفزيون فصرت اخففلوا اياه وهلأ مرات ما بحطلوا بالمره يعني بحضر مرات ساعه ومش متواصله طول النهار ومن لما اخدت هالخطو هو بلش يتحسن بس مش متل ولد طبيعي بس صار احسن و هلأ صار حركتوا عاديه متلوا متل هالولاد مش حركه كتيره هو لما كان عمروا سنه و شهر ما كان ينتبه على حدا او يركز انو في حدا لو بدوا يمشي كان يدفش الا قداوا ويمرق ما كان يحب حدا يحملوا غير انا كان انتباهو وتركيزوا قليل بس من لما صار عمروا سنه و اربع اشهر بلش هالموضوع يتحسن صار بنتبه ويركز اكتر صار عادي اذا حدا حملوا او عبطوا هو وما عندوا مشكله بالناس الا حوله يعني اي حدا يحكيلوا تعال باي بمسك ايدوا وبروح معو بس مشكلتوا انو مش كتير بركز بنظروا معك يعني بتيجي عنوا بعينك بس مش دايمن بضل هالتركيز البصري موجود الا اذا انا عملت اشي هو بحبوا سواء صوت او غتلوا اغنيه هو بحيبها بركز طتير معك وبضحك وبنبسط او اذا هو بدوا منك اشي بكون في تركيز بصري بينوا و بين الطرف التاني هو من لما كان عمروا سنه واربع اشهر بلش يلعب اول لعبه حبها و اندمج و هو يلعب فيها السحسيله كان يطلع على الدرج لحالوا ويتسحسل عليها من بعدها بلش يحب السيارات بحطهم على الارض وبمشيهم و بلعب بعجالها وبركب عليها و هلا بحب الكتب وبمسك القلم وبخربش على الورقه وما عندوا مشكله انو انكون محل وفي ناس كتير ما عندوا مشكله انو اروح محل واتركوا عندا حدا ما عندوا مشكله بالاصوات ولا بالاكل ولا بالنوم ولا ببكي من غير سبب ولا بضحك من غير سبب حتى هو صار من الجديد لما نكون قاعدين احنا والعيله اذا قام حدا من محلوا يركض وراه يمسك ايدوا ويجبوا ويقعدوا ولما يلعب مرات بمسك ايد اختوا وبقعدها حدوا بس يشوف عموا كتير بنبسط وبضحكوا وبضل يلحقوا وين ما يروح واذا راح و تركوا بزعل وببكي بدوا يروح معوا من 5 اشهر صار كتير لما يشوف ابوه ينبسط ويقعد بحضنوا ويلعبوا من 7 اشهرو صار كتير متعلق في يحب يقعد بحضني وينيمني حدوا يعين من بعد ما صار عمروا سنه و اربع اشهر كتير عم بتحسن باشياء كان هو ولا شايفها انا لما كان كتير يتحرك وما يركز حكيت لدكتوره حكالي ممكن عندوا نقص حديد وفعلا طلع عندوا نقص حديد وانا من جديد عديت الفحص طلع عندوا نقض حديد
كمان هو ما بحكي وما بحسوا دايمن بفهم علي شو بحكي يعني مرات بحسوا فاهم علي بس هو ما بدوا يرد لانو اذا بحكي بنبرت انو معصبه برد على انو ممنوع يعمل هيك ومرات بحس انو مش فاهم اشي اختوا اتاخرت لحت بس كانت تفهم كل كلمه بحكيها هو ما بفهم انو كاسه باب صحن بس بفهم انو ممنوع انو نام انو ده ده انو راح اضربوا اذا ما برد لانو مرات بس يزعل ويبكي بسير يحكيلي ده ده ده بس انا ما بضربوا بس بحكلوه بعصبيه اذا عمل غلط هلأ بضريك ده ده
و المشكله التانيه انو مش دايمن بنادي عليه برد مرات بنادي بردش بحكي لابوه نادي عليه دغري برد مرات بكون قاعد بنادي عليه برد ومرات بضل انادي بردش يعني بحسوا حسب مزاجو ومن جديد انتبهت انو اذا اتخبيت محل انا او ابوه ونادينى عليه بسير يدور علينا لحدا ما يلقينى واذا حدا اول مره بسمع صوتوا نادا عليه بلف وجهو وبرد عليه
وهو كمان عندوا المشاعر انو بنبسط بزعل ببكي بغار بنوجع اذا وقع او اذا حدا ضربوا من الولاد الا بجيلوا ما عندوا مشكله اذا حدا لمسوا حملوا عبطوا ما عندوا روتين بالعكس لو كل يوم غيرتلوا اشي ما بهموا ما عندوا مشكله نروح عرس نروح على مطعم نروح رحله او عند ناس هو بحب يشوف البسه ومرات بلحقها واذا في حمام بطلع عيله وبشوفوا اذا طار وبضل متبع معو وبن طار جبتلوا جاجه من بعيد حبها بس لما قربتها عليه خاف وما قبل يمسكها هو بعمل حركات بايديه او انو بدور بس هيه مش حرات دايمن او حره ملازمه الو انا لما بعمل هدي الحركات بعرف انو هو بعملها لما يكون مبسطوت او بدوا يلفت نظر حدا لانو ما بحكب فهو بعمل هيك عشان يعبر عن الاشي الا ما قادر يحكي هو بعمل هيك لما يشوف عمو او لما يشوف اغنيه بحبها على التلفزيون ويمكن بعملها مرتين او مره باليوم وهو مش دايمن بدور بس لما يشوف خيالوا على اللارض بقعد بدور معو كمان انا عايشه بعيد عن اهلي طبيعة حياتي اني اكتر الوقت بالبيت ما في صحاب ما حدا بيجي عنا يعني علاقتا الاجتماعيه ما في يمكن كل شهر مره بطلع محل لو بره البيت يعني اذا كل يوم بجي اطلع محل بكون عند اهل جوزي الا سكنين تحتنى وانتي كمان هيك اغلب الوقت انا واياه بالبيت لحالنا
ابني من 10 ايام عم بتغير في اشياء بس للاحسن الا هيه انو صار يربط بين اشياء يعني انو المعلقه للاكل بجيب المعلقه وبطعميني انو الريموت كنترول للتلفزيون لما بدوا يحضر بيجيبلي اياه عشان احطلوا واذا حطت قناه ما بدوا يحضرها برجع يعطيني اياه عشان اغيرلوا صار يلعب بالطابه بأجروا صح ما بلعب مده طويله بس انو فهم انو بنضربها بـأجرنا او بنرميها بأيدنا اذا كان في كاسه وقنينه بمسك القنينه وبسير يصب بالكاسه كمان مرات بضحك عليه بقعدوا بالسياره وما بشغلها بضل يستنى اشغلها واذا ما شغلتها بمسك ايدي وبحطها على المفتاح وبعرف اذا السيتاره مشغله او لا واذا كان كرسي السياره تاع الاطفال بره السياره بيجبوا وبحطوا بالسياره واذا تركت باب السياره مفتوح بسكروا عشان نروح وحفظ طريق البيت اذا كان المشوار قصير وما طولنا وشافني فتت الشارع الا بودي للبيت بسير يبكي ما بدوا يروح بعدين صار يمسك القلم منيح ويرسم في وما خله حيط الا رسم عليها وصار يطفي الضو ويضوي ولما حطينا هلأ الدفايه اجا يقرب عليها حكتلوا ماما ممنوع اوه وما بقرب عليها بالمره ونفس الاشي على أبريق او كاسة الشاي علمتوا يلعب سيم ميم ميم وبس ابلش احكي سيم ميم ميم بيجي يمسك ايدي عشان نلعب وبلعبها مع اي حدا اذا حكالوا سيم ميم ميم وكمان انو اغمض عيني بأيدي واحكيلوا بع عينو بنبسط وبيجي بسير يحطيلي ايدي على عيني و اذا حكتلوا باي باي بيجي بمسك ايدي وبعمل باي فيها وكمان بمشك المشط بحكيلوا مش شعرك بحطوا على راسو بجيب النظاره بحطها على عيني وعلى عين ابوه وعلى عينه وهو كان بحضر وهو وقاف ولما يتفلعل بنطنط فقعد حدوا وصار كل ما بنط او يوقف احكيلوا ممنوع اقعد واذا ما رد اغير القناه بعد ما عملت هيك 6 او 7 مرات هلأ اغلب الوقت بكون قاعد اذا نط بحكيلوا ممنوع اقعد بوقف عن النط ومرات بقعد في اشياء تانيه بس هادا الا متذكرتوا
انا عشان ما بحكي ما بحسوا بفهم على كل اشي اخدتوا على مركز تطور الطفل عملوا جلسات وهيه بس عباره عن مراقبه للطفل وهو يلعب وكيف بتصرف مع الاهل كان عند معالجه نفسيه وعند دكتورة نطق وعند دكتورة تطور طفل كلهم انو حطوا اللعاب كيف هو بلعيب وبتصرف بعد لقئين مع دكتورة التطور حكتلي هو عندوا مشكله بالتواص والاتصال عشان هبك هو ما بحكي لانو ما بعرف كيف بتواصل مع الحوله وهو مهتم بحواسه اكتر من المحيط تاعوا و كان في لجنه مع كل الاخصائين القبل حكولي احنا ما شايفين مشكله حركيه و لا عقليه بس انو ما عندوا تواصل واي مشكله بعدم التواصل بنسميها توحد ومعالجة تطور الطفل حكتلي هو ممكن عندوا regulation disorders of sonsory drocessing بس انا ما فهمت شو يعني وبعدين اخدتوا على اخصائي صعوبات تعلم حكالي ممكن هو اسبرجر وممكن عندوا مشلكه بالتطور اللغوي وهلا كمان اسبوعين بدي اخدوا عند اخصائية توحد عشان اشوف شو بتحكي
هلأ انا حكتلهم انو هادا رايكم كأختصاصين بس انا كأموا وكيف شايفتوا بالبيت و بمحيطوا مع الناس الحوله صح عندوا مشكله بالتواصل والتركيز بس انا ما بسمي توحد لانو في كيتير من صفات التوحد مش موجوده عندوا بس انا مش راح اخسر اشي انو يكمل سنه علاجيه عندهم بالمركز يعني ذا كان عندوا مشكله اكيد بتخف هم بدهم يحطوا انو توحد مرات بحكي ممكن انو توحد بعدين برجع بطلع عليه وعلى تصرفاتوا بحكي لا مش توحد انا متأكده عندوت مشكله بس شو هيه مش عارفه بس انا لهلا مش متأكده انو هو عندوا توحد او لا عشان هيك حبيت اكتبلكم بمكن حكي و افكاري مش مرتبه بس سمحوني يعني الواحد من غير اشي فكره مشتت
انا كتير حابه اتساعدوني لانو هم ما اعطوني اي فحصص ممكن اعملوا وبما انو حالكم من حالي وعندكم اولاد بهيك وضع مرتوا بهل المرحله بتمنى استاعدوني شو رايكم بمشكلة ابني و شو ممكن اعملوا فحوصات