اريد الموت على العيش معهم هكذا

[عبدالملك]

السلام عليكم

ياجماعة انا قيد تكلمت عن قصتي مع اختي متلازمة الداون وكيف اهلي يعاملونها للان المجانين والله انهم مجانين

وهذا رابط عن قصة اختي

http://www.t7di.net/vb/showthread.php?t=760


اناطفشت ذقت المر كرهت كثير من اخوتي ضربت ونضربت مع كثير من الناس منهم اخواني تصدقون من منهم امي وابي والله ما اكذب تخيلو الموقف صرت ابن عاق بسببهم وليس بسبب المسكينة المطيعة الطيبة والله ماابالغ انها بنت طيبة ماشفت زي طيبتها لدرجة ماتحب تمسك الاطفال الصغار خوف عليهم مع انها تحبهم وتبكي لمن يبكون وتحب ولاتكره تخاف على اخواني كلهم تصدقون اي شي تشتريه تتذكرهم بشي والاشياء الي تشتريها بسيطه جدا مع انها تفرحها تحس انها ملكت العالم تروح تدعيلي وتقول يالب انا احب اخوي يالب انا احب اخوي تقصد يارب انا احب اخوي وانا احبها لكن تتخيلو انو امي تغار منها انا مني متاكد لكن كل مااكلمها تقولها يلا روح رتبي غرفتك وسريرك مع انو في شغاله في البيت بس امي ماتحب تشوفها معايا وفرحانه ماادري ايش اسوي تصدقون صرت انا وهيا لحالنا ومتوكلين عالله ونعم الوكيل انا ماهمني احد من اخواني صارت علاقة معدومة بسبب معاملتهم السيئة
صرت اكرهم يارب يذوقون العذاب زي ماعذبو المسكينة المشكلة وانا في الدوام يتفرعنون
تصدوقون انها عزيزة نفس مع غير اهلي يعني تدافع عن نفسها ما تخلي احد يسب امي وابوي لو كان بنت وو لد قدها تقلوهم عيب واهلي مخلينها في البيت ذليلة تدرون مره اختي اكبر منها كانت بتصحي اخوي واخوي مانع المسكينة تدخل او بلاحرى توقف على باب الغرفة وهي جات مع اختي وانا كنت نايم في نفس الغرفة وهو صحي شافها قلها انا ماقلتلك ماتدخلين وراحت ورا اختي وقام ضربها ويصارخ لدرجة صحيت من النوم على صوتو مجرد ماشفت الموقف اتجننت قمت ضربتو ضرب ماكان دوبني صاحي بس ضربتو تصدقون انها بكيت عشان ضربت موعشان انضربت تقولي خلاص خلاص اكتشفت انها مره رقيقة وجو اهلي فكونا عن بعض بس انا وقتها كنت مجنون قهر كنت ابغى ابكي معاها خلاص ايش ذا ماتطفشون تعذيب في البنت حرام ياشيخ تقول على نفسك رجل والله حرام مو اخلاق الرجل يضرب بنت معاقة صغيرة واختو كمان شوفو فين وصل الموقف احس الدنيا سكرت في وجهي مالي الا الله ثم انتم ماذا افعل ؟

وانا ابحث عن نادي صيفي لها الان بجدة عشان تشغل وقتها ما ابغها تجلس في البيت خلاص معاملة زفت اذا تعرفون اي نادي دلوني وجزاكم الله خير

[الصقر العماني]

وعليكم السلام ورحمة الله وبركاته
بصراحة أمر أهلك أغرب قصة سمعتها في حياتي فبدل أن يقدموا لأختك الدعم المادي والمعنوي ويحفزوها لإظهار إمكنياتها وإبداعاتها يعملون على قتلها
أنصحك ان تتطلب من أحد الشيوخ والدعاة بقصة عائلتك مع أختك حتى يخبر عائلتك بحرمة ما يفعلون وأنهم يرتكبون جريمة شنيعة في حق أبنتهم وأسأل الله أن يهديهم ويوفق أختك
إن شاء الله أهل جدة يساعدونك في موضوع المركز الصيفي

[SHAMS O GOMAR]

صراحة الدنيا فيها كثير من الأسر اللي يسؤ معاملة ابنائهم
لكن الوالدين دايما يكونون اكثر حنيه وهذا دور امك وابوك لكن انت بارك الله فيك اخذ دور الوالدين
بس لازم فيه حد يرشدهم لمعاملة البنت معاملة طيبة
انت حاول تنجح مع امك لو هي تغيرت راح تقنع باقي الأسرة
الله يعين اختك ويبارك فيك

[ام لوجى]

الله يحنن قلب امها عليها الام هى الاساس فى البيت
والله لو انتم عندنا فى المنطقه لاازور امك مع بنتى
واحاول اتكلم معاها الله يحنن قلوبكم عليها حاول تكلم احد الشيوخ
يتكلم مع اهلك او حتى الوالده تختلط مع امهات لديهم اطفال شديدى الاعاقه حتى تحس بالنعمه الللى ببيتها

[أم وفا]

لا اقول سوى حسبي الله ونعم الوكيل في اهلك وكان الله مع اختك

[فطومه الحلوه]

حسبي الله عليهم الله عطاهم نعمه وهم جاحدينها المفروض ان الام تكون احن على بنتها اول مره اشوف ام كدا هدا بسبب البعد عن الله الله يعينك اخوي حاول تنصحهم وتبين لهم الاجر الي بيحصلوه ادا احسنو تربيتها وممعاملتها وحاول تحط برامج تتكلم عن الداون رغم انا نفتقر الى هالبرامج بس حاول تلاقي والله يوفقك وحاول تكون قريب من اختك علشان تحس بالامان معاك حسبنا الله ونعم الوكيل والله العظيم عورني قلبي ماكنت اتوقع في ام تقسى الى هالدرجه الله يوفقك ويوفق اختك ويمنع عنها كل مكروه يارب
اعدرني هدرت واجد

[ام الحلوه مريم]

الله يكون بعونك وبعون ها المسكينه استمري مع اختك على هذي المعمله الطيبه لانه نعمه من نعم الله وبي يحاسبهم يوم الحساب

[ام حسام]

الله يهديهم ويحنن قلوبهم على هذه البنت التي هي نعمه من الله رزقهم اياها ولكن للاسف لا يقدروا قيمة وجودها بينهم "

جزاك الله خيرا اخي ووفقك لتكون عوننا لاختك وتساعدها على تخطي كل الصعاب التي تمر بها مع اهلها "

للاسف اذا كان هذا تصرف الاهل وخاصه الام فكيف سيكون المجتمع والاخرين "




لا حول ولا قوة الا بالله"

لازم تطلب من شخص يكون له كلمته في العائله وعنده اسلوب ليفهم اهلك بان معاملتهم لاختك قاسيه وان اسلوبهم سيضرها وسيضرهم"

وطمنا عن اخبارها اخي "

وفقك الله لما يحبه ويرضاه

[عبدالملك]

السلام عليكم
كيف اساعدها والله انا في حيره تعبت نفسيا وهي تعبانة اكثر مني ومستحملة اكثر مني وانا ماابغاها تتعب

اكثر من كذا مشالله عليها لو انا مكانها كان جاني مرض نفسي واقلها كان جاني قولون عصبي

وانا ابغى اوديها مركز صيفي متخصص لهم اتصلت على مراكز مايردون ولا الرقم غلط ما ابغى مشاغل الدنيا وهموها تنسيني لانو اهلي ضاغطين علي عشاني واقف معاها وزاعلانين عشان راح ادخلها مركز صيفي بفلوس


التوكل على الله ثم ارشاداتكم وشكرا

[ام محمود]

انا كلما ادخل هذة الصفحه احزن حزنا شديدا ولا استطيع تحمل تكمله قراءة باقي السطور
وياريتني كنت بجواركم كنت جلست مع والدتك وحدثتها ربما تستمع للنصح
وما يسعني غير الدعوات ان يحنن قلب الاسرة عليها
مااقدر اقولك تذهب باختك لبيت اخر بس اقولك الصبر لعل الله يغير الامور وتكون اختك هي العون لامك وابيك في هرمهم
ليس لدي ادني فكرة عن منطقتكم بالمراكز الصيفيه واتمني الاخوة يساعدوك
اخاف اقولك ادخلها مدرسه داخليه لتبتعد عنهم
سامحني عقلي توقف

[روح]

يعطيك العافيه اخي الكريم ...


بس ........................

ما أدري وش أقول لك و لو قلت أعتقد إن ما رآح يجيب اي فايده الكلام

بس ....................

أهل أمك و أبوك وين ؟؟؟؟


ليش ما تشتكي لأي مركز يضم أطفال متلازمة داون أو أي مركز للرعايه
لأن هذه البنت مالها ذنب إنها انودلت بعيب

و صدقني لا تيأس مع أمك و أبوك ...

و و إنت شاب بعد كم سنه تتخرج و تشتغل و تفتح لك بيت و تطلع من هذه البيت

والله قصت أختك قطعت قلبي ..

و لا تقصر معها بأي شي و كل هذا في ميزان حسناتك يارب ..

و الله يوفقك و يحمي لك أختك و يهدي والديك ..


روح ..

[’’ جـــنى ’’]

السلام عليكم

اخوي عندكم مركز العون وهوا مركز خيري جدا رائع مختص لتعليم شباب متلازمة داون لجميع الاعمار يمكن تسجل اختك فيه عن طريق الانتر نت شوف هذا موقع المركز http://www.helpcenter.med.sa/index.p...ery/a_index_g/

[ام محمود]

ربنا يصلح حالك جني علي تنوير الاخ بهذا المركز
وان شاء الله يكون فيه جديد يثلج قلوبنا علي المسكينه

[ام شدى]

لا اقدر ان اقول الا حسبى الله ونعم الوكيل في اهلك.
وجزاك الله خيرا وجعلك من اهل الجنة على وقفتك الحلوة مع اختك واصبر ان الله مع الصابرين ما بعد الضيق الا الفرج وان شاء الله يهدي لكم والديكم ويرشدهم الي الطريق السليم.