المحقق كونان ... ناظرة المدرسة

[كوكـتـيـل طبيعي]

يا اهلا وسهلا بالجميع ومبارك الشهر يا سلااام هذا الشهر داخل بظروف على كافة الاصعدة لم ولن تكرر والله اعلم ..... برضه مبارك عليكم الشهر

طبعا نظرا لصعوبة ايجاد الاماكن بالمدارس الخاصة بمصر لابنتي حينما نقرر العودة فقد قررنا قبل سنة حجز مكان بمدرسة خاصة لابنتي وقامت الواسطة بيننا وبين المديرة واعلمتها ان البنت مسافرة يعني بس تسجلوها وتدفع المصاريف ولن تحضر وهكذا مر العام السابق ... طبعا كل هذا بالمدرسة بمصر ..

امس اول رمضان اتصلوا علينا صباحا .. احنا المدرسة .. والكلام خارج بالعافية اول يوم صيام ... يااا نعم ... لازم ولي الامر ييجي علشان يستلم للبنت الزي المدرسي ... طيب ممكن تاخدوا المصاريف مع الزي بس بكرة ( اغراء ) امممممممم ممكن بس بكرة

رحت اليوم الساعه 11 وعيني اليمين مش راضية تفتح نايمة لكن الشمال شغالة تمام يعني بالاختصار ذيب مفتح عين ومقفل الثانية ... ومش عارف ايه ال خلا ابنتي تيجي معي ؟؟ المهم امها وصتها لازم تسلمي على المس وتقولي السلام وكده علشان تكوني شطورة

بمجرد دخلنا على غرفة المديرة مش موجودة طيب الناظرة اووكي ودخلنا وسما >>>>> السلام عليكووووو امممممووووه وهات يا سلامات والله وهذا قسم بالله اني من اضطرابي الشخصي قلت لها وهي بتسلم باليد على الناظرة يا بنتي سلمي باليمين مش بالشمال فقالت الابلة ماهي بتسلم باليمين اهووو مالك في ايه ... طبعا لان العين الشمال ال مفتوحة بدت ضباب .... وانا عاوز اخلع يا استاذة خدي المصاريف وفلوس الزي وهي مصممة لاااازم البنت تقيس المقاس وسالتني هي حضرت السنة ال فاتت قلت يعني بصراحة انت عارفة مفيش حد بيحضر قالت انتم مسافرين صح قلت اه والكدب مالوش رجلين صراحة ..... دخلنا على غرفة القياس وهي كم دقيقة ولقيت الناظرة جاية جري ورانا .......

قالت هي البنت دي فيها كهربا زايدة ؟؟ قلت لا والحمد لله .... قالت طيب هي مالها ؟؟

قلت مالها حضرتك شابفة ايه ؟؟ قالت مأفورة زيادة .... طبعا كلمة مأفورة يعني اوفر يعني زيادة كلمة معربة من الانجليزي خلاصتها انها متحركة وانا بالمناسبة ماكنتش فاهم المعنى الا بعد عودتي للبيت ... المهم بديت شغل الاستهبال وبقوة خاصة مع الصيام بيكون ماشي مش عارف .. انظر للجهة الاخرى وتعلوني اندهاش .. الاستاذة بتتكلم عن ايه .. حاجة غريبة .. انا مش شايف حاجة تستغربها بالبنت ....

بدت الناظرة تبرق وتفتح عيونها اكبر بالبنت وانا على ما قلت لكم فيما سبق ...

وبدت صواريخ الاسئلة وبفضل الله كانت الاجابة من البنت مباشرة

انت اسمك ايه
طيب ماما اسمها ايه
وبابا
ساكنين فين
شقتكم كم اوضه ( عدد الغرف )
ايه لون الصندل ال لابساه
====

قالت لها انت شطووورة مع استمرار التبريق واقسم بالله تقول غرييييييبة البنت دي

وانا برضه

=============

الحمد لله

[ام عمرو وملك]

رد: المحقق كونان ... ناظرة المدرسة

ماشاء الله ربنا يكرمك فيها ويفرحك بيها انت كوميدى كتير وانا احب اقرا تعليقاتك ممكن اسالك عن حاجه ؟ بردوا هاسال دلوقتى ابنى عمرة 4 سنوات وعندة سمات توحد وبفكر اعمله اليومين دول واتفقت فعلا مع مركز رايت واى ف اسكندريه ع علاج بالاكسجين وتكامل سمعى ايه رايك ؟ اتوكل ع الله انا ووالدة ونروح ولا ايه خايفه وقلقانه بس مش عايزة اضيع فرصه ولا ااقفل باب ممكن تفيدنى او احدى الاخوات وخاصه العزيزات واللاتى لم اقابلهن ابدا ريم احمد وام اسلام ازميرالد بالمشورة وربنا يوفقنا جميعا ورمضان كريم ع كل اخواتنا المسلمين ف كل مكان

[أم عزيمة]

رد: المحقق كونان ... ناظرة المدرسة

السلام عليكم ابو سما ورمضان كريم
طبعا انت عارف ان موضوع المدرسة موضوع جوهري ومهم جداً بالنسبة لي زي موضوع ا لزواج بالنسبة لك بالزبط وكان اول سؤال للدكتور تنفع تخش مدرسة ؟ وكان رده الدبلوماسي جداً انه حتلاقي صعوبات مع أني لو قريت التقرير كويس في تلك اللحظة لكنت فهمت تمام لأن المكتوب كان ( تحتاج لمركز تأهيل ) المهم أختك ام عزيمة الدكتور يقول يمين أنا اروح يسار ، افسر أكثر الدكتور أوصي بمركز تأهيل أنا أخذتها روضة عادية الدكتور قال لا حمية لا دواء تدريب فقط اتجهت للحجامة و الحمية لفترة قصيرة و أدوية عشبية كثيرة ، رجعت للدكتور بعد سنة وبعد ما شاف عزيمة وفي حوار شيق جداً معاها ابتسم و قال أستمري بما قمتي به و احضريها لي عند دخولها للمدرسة ، للآن كلمة مدرسة كلمة مرعبة جداً بالنسبة لي لان عزيمة مزاجية يعني تحفظ الأرقام و الحروف وتكتب بس على مزاجها مرات ترفض تكتب على الكراسة بس تلاقيها تكتب على شاشة التلفزيون الفلات lcd رقم ٤ .
دعواتكم بالتوفيق لعزيمة سنة أولى ابتدائي وإن شاء الله بالتوفيق للجميع .

[كوكـتـيـل طبيعي]

رد: المحقق كونان ... ناظرة المدرسة

الاخت ام عمرو

عذرا على التاخر بالرد ... بالنسبة للمركز رايت واي انا بالواقع اتصلت بهم قبل اسبوعين وتقريبا قالوا اكسجين ونيروفيدباك ولا اذكر هل قالوا تكامل او لا ... على اي حال فالخبير الاجنبي هم بيرسلون له الاستشارات والموجودة طبيبة اسمها نجلاء يومين احد وثلاثاء وبعد ما حجزنا كنسلنا صراحة لاني ما افضل الخروج من البيت اليومين دولت لكن طالما طلبتي المشورة انصحك بالمكملات خاصة حقن ام بي 12 ولو تجربي التكامل او النيروفيدباك ال انا لم نجرب الاخير اوكي والله يعينكم على المصاريف لكن الحقن هامة جدا ..

على فكرة وبمناسبة موضوع كوميدي والله اني كنت مستغرب ولا اجد جواب منطقي لاسم المركز رايت واي اقول اشمعنى واي ؟؟ المعلوم ان رايت يعني صحيح وواي يعني حرف واي اشمعنى مش اكس او اف مثلا ولما اتصلت عليهم انا اقول رايت وااااي والسكرتيرة او الممرضة تقول رايت ويـــي وانا اقول صحيح الحريم بتعوج لسانها لما يتكلموا بالتليفون بس مش لدرجة ان حرف الواي بقى اسمه ويي وانا مصمم وهي مصممة وبعدين اكتشفت انه way .... اه والله زمبؤولك كده هههه

[ام عمرو وملك]

رد: المحقق كونان ... ناظرة المدرسة

ههههههههه وى وى جزاك الله خيرا والله انا رحت لدكتورة اسمها حنان عزام ف رابعه العدويه واخد بالك معاياوقالت اكسجين مضغوط بس بلاش تكامل لان عمرو مش بينزعج من الاصوات العاليه فان شاء الله هانجربه بالنسبه لحقن ب 12 احنا جربنا طبعا واخد عمرو منها 50 حقنه وكنت بجيبها من السعوديه واخد كورس سبيك واخد سيروبلايسسن وبياخد ريسبيردال وهايبول وال كارنتين حاليا والله المستعان ياريتنى ااقدر افديه بمخى بس هو يخف ويعيش كويس وسط الناس ربنا يشفى ولادنا جميعا يارب وباذن الله هانروح بكرة اليكس سكان ورايت واى ونقارن ونشوف

[كوكـتـيـل طبيعي]

رد: المحقق كونان ... ناظرة المدرسة

شكرا ام عزيمة على الرد ويعلم الله ما انا فيه من ابتلاء خلال تلك الايام ودعواتكم لي ولابني عبد الله .. على اي حال كنت ناوي اكتب لك على تصوري الشخصي للعريس اقصد عريس ابنتي والصفات ال انا مصمم وجودها فيه ( مثلا كمية غباء محترمة لااازم ما يكونش بيفكر كتير وبرضه يكون فرفوش لاني ما اجيب لبنتي نكدي يضرب بوز بوجهها ويخانق على اسباب تافهة لاني بالحالة دي لن اصبر وحمسكه من قفاه بورقة واشوطه وعلى امك يللا من هنا مش فاضيين لك ... وبعض الصور التوضيحية لكن الكلام والله ثم والله بيطلع بالعافية معليش ان شاء الله مستقبلا بقولكم وربنا يوفق عزيمة بالمدرسة لمااا تحضر الدكتوراه طالما انتم غاويين تعليم براحتكم

في امان الله

[ام مسلم]

رد: المحقق كونان ... ناظرة المدرسة

السلام عليكم اخوى هل رحت للاسكندريه؟ واى عيادة رحتلها. بالضبط رايت واى او طفلي ؟وهل ترشحلى اروح الاسكندريه والا اروح لدعاء فى القاهرة؟ ردك جدا يهمنى. بانتظاره

[ام اسلام]

رد: المحقق كونان ... ناظرة المدرسة

بالتوفيق ل سما الشطورة,وان شاء الله تنطلق ويكون لها بدايه جديدة وناجحة ان شاء الله.
سبحان الله عادة يكون العام الاول لاي طفل مصدر فرح,وسعادة,ولكن لنا يكون ترقب وألم.
فرّج الله همنا أجمعين,وشفى أبنائنا شفاءا لايغادر سقماا

[السراج]

رد: المحقق كونان ... ناظرة المدرسة

بالامانة للاخت ام عزيمة الرجا منك الحجامة لما عملتيها لابنتك فى اى المناطق وكام مرة لانى عندى الدكتور ولكن لا يعرف المناطق الخاصة لمريض التوحد الرجا الرد وجعلة اللة فى ميزان حسناتك وشفى ابنائنا جميعا وبارك الله فيكى

[ام مسلم]

رد: المحقق كونان ... ناظرة المدرسة

ماشاء الله ربنا يكرمك فيها ويفرحك بيها انت كوميدى كتير وانا احب اقرا تعليقاتك ممكن اسالك عن حاجه ؟ بردوا هاسال دلوقتى ابنى عمرة 4 سنوات وعندة سمات توحد وبفكر اعمله اليومين دول واتفقت فعلا مع مركز رايت واى ف اسكندريه ع علاج بالاكسجين وتكامل سمعى ايه رايك ؟ اتوكل ع الله انا ووالدة ونروح ولا ايه خايفه وقلقانه بس مش عايزة اضيع فرصه ولا ااقفل باب ممكن تفيدنى او احدى الاخوات وخاصه العزيزات واللاتى لم اقابلهن ابدا ريم احمد وام اسلام ازميرالد بالمشورة وربنا يوفقنا جميعا ورمضان كريم ع كل اخواتنا المسلمين ف كل مكان

اختى ام عمر رحتى للعيادة وايش انطباعك عنها وهل يصرفو فى فيتامين بي 12عندهم؟هل يستاهل. الواحد يروحلهم والا يروح لدعاء فى القاهرة احسن؟؟؟؟؟

[كوكـتـيـل طبيعي]

رد: المحقق كونان ... ناظرة المدرسة

اختنا ام مسلم

اول ما دخلتي المنتدى دخلتي متحمسة ماشا الله ومعك منتجات للتسويق والبيع وعارفة طريقة وبالاخير اجدك بمكانك ونفس الاسئلة تكرريها .... المهم ان تبتدئي ...
انصحك بالادوية ال عند دعاء فهي غالبا متقدمة واما الجهاز لديها فقديم وال بالاسكندرية احدث يعني خدي لفة تبتدي بدعاء وتغيروا جو بالاسكندرية وهي فركة كعب من ليبيا وتختاروا الاجهزة لدى مركز طفلي او رايت واي واستخيري .. بالاختصار خذي ادوية دعاء فقط وتكامل او نيرو بالاسكندرية لانهما الاحدث

بالشفاء يارب لابنك

========

اختي السراج

الحلف بالامانة حرام قولي بالله عليك ولا تقولي بالامانة .... بالتوفيق والشفاء يارب

=======

اختنا ام اسلام

والله اني يوم وديت عبد الله ب اول ابتدائي حسيت انه بيناقش دكتوراه ومشاعر طلب العلم والجهاد والسفر للعلوم كلها كانت تسيطر علي وعلما انهم بالمدارس السعودية اول كم يوم فقط للطلاب الجدد حلويات وشوكو وعصاير وقناة سبيس تون ومع ذلك كنت اشعر بالفخر ...

اللهم اعظم لنا الاجر ولا تخيب رجانا فيك

=======

الواحد برمضان من كترت اكل السمبوسة دماغي اصبحت مثلثة الشكل لكن بالاخير قررت الحمية وفطور خفييييف جدا .... علشان الواحد يكون خفيف افضل . اه افضل ... حتى شوفوا

.
.
.
.
.
.
.
.
.
.
.
.
.
.
.
.
.
.
.
.

[ام مسلم]

رد: المحقق كونان ... ناظرة المدرسة

مشكور جدا على ردك اخوى انا والله بعمل جهدى وبستخير قبل كل خطوة وكله تساخير من ربي انا دورت حد يشترى معاى الاسبيك على شان الشحن مالقيتش وطلبته لحالى وابتديت فيه والحمد لله وبعد العيد على طول راح اعمل لولدى تحاليل فى المختبر الفرنسي هنا من ليبيا ويبعثوها للمعمل الفرنسي علشان لما اروح للدكاترة اروح معاى التحاليل وما اتعرقل واول ما تطلع النتيجه راح نسافر لمصر على طول ياليت لو تقدر تفيدنى ايه اهم التحاليل اللى اطلبها من المختبر الفرنسي. يعنى رقم كام فى القاءمه اللى فى موضوع الاخت واذا فى تحاليل اعملها فى ليبيا قبل ما اسافر اكون مشكورة لك

هنا موضوع التحاليل

http://www.t7di.net/vb/showthread.php?t=37836

[كوكـتـيـل طبيعي]

رد: المحقق كونان ... ناظرة المدرسة

شوفي يا ام مسلم

بالنسبة للتحاليل >> ال اعرفه .... بتنقسم لاقسام كتيرة لكن اكثرنا فعل الاتي

تحاليل التلوث بالمعادن .. واهمهم الزئبق والرصاص والافضل تعمليهم كلهم والاهم هو تحليل الشعر اهم من الدم

تحاليل الحساسية واهمهم الجلوتين والكازيين ودولت بغاية الاهمية والباقي برضه اعمليهم

الببتيدات واسمها ببتيدز ودي بتوضح خلل الامعاء ونفاذيتها لانها ال بتعمل عمل المورفين لما جزيئات الطعام تدخل الدم بشكل غير مهضوم وبرضه مهم

تحاليل الفطريات ودي لو ابنك هضمه طبيعي ولا في انتفاخ ولا براز رائحته كريهة بشكل كبير ممكن اه وممكن لا بالمرة اعمليها

تحاليل الموصلات العصبية وهم النحاس والزنك والمفروض يكونوا لدى عيال التوحد النسب منخفضة لكن لدى بنتي لقيناهم النسبة ضعف الطبيعي خاصة النحاس حتى الدكتورة استغربت جدا ..

موضوع فيتامين دال والنجاليز والمناعة بعتقد مالوش لزمة

التحاليل ال فاتت بتفهمي الوضع وهنا الكثير من الاعضاء تعاملوا مع المختبر الفرنسي ممكن يفيدوكي او حتى اخصائي التحاليل ال بيسحب لك العينة ايضا المهم انك تبتدي والله يعينك

لاتنسي الصدقة والدعاء له

=========

مدرسة المهارات وهي جالسة مع ابنتي طلبت مساحة من ال بيتم مسح الماء من الارض والتنظيف بها والكل يعرفها ال خشبة تنتهي باطار جلد لمسح الماء .. قلت فيها الخير اهي حتنظف الريسبشن وكتر خيرها .. وبعدين طلبت ماكينة حلاقة . اه والله ماكينة حلاقة ....معليش حتعمل بيها ايه بالضبط !!! وبدأت الافكار براسي هي عاوزاها ماشي لكن حتعمل بيها ايه !!! معليش يعني حتحلق او هي ناوية على ايه

وبالاخير طلعت انها بتقول لها نكتة .. واحد ساذج دخل الحمام وشاف المساحة قال يااااه كل دي مكنة حلاقة !!!! وبالتالي جابت لها مكنة الحلاقة والمساحة

[ام مسلم]

رد: المحقق كونان ... ناظرة المدرسة

التحاليل الثلاثه الاولى اللى قلت عنها عرفتها ارقامها فى الجدول ١،٩،١٢
طيب التحاليل الاثنين الاخيرة كم رقمها فى الجدول؟ الجدول اقصد بيه جدول التحاليل اللي بتكون فى المختبر الفرنسي الموجودة بهالرابط

http://www.t7di.net/vb/showthread.php?t=37836