جديد مروض .. من تصويري .. رحلة صلاله ..!!

[مروض الحب]

السلام عليكم ورحمة الله وبركاته ..

تحية طيبه لجميع اعضاء التحدي بدون استثناء .. وكل عام والجميع بخير وصحه وعافيه بالشهر الفضيل ..

في البدايه التمس العذر من الجميع لانقطاعي الكثير عن المنتدى ...

لا اجداعذار فمهما اعتذرت اعتبر نفسي مقصر بتواجدي في المنتدى ..

والشاهد الله مانسيناكم ولانسيت المنتدى ولا اعضاء المنتدى الحبوبين ..

مادري يمكن في ناس زعلانه من مروض ؟؟ ماتوقع

الي زعلان يسامحني

حبيت تكون رجعتي بموضوع ويكون من تصويري عن رحلة صلاله هذي السنه ..

الرحله كانت شبابيه عزابيه بحته .. واخترت لكم بعض الصور من الرحله ..

اتمنى تنال اعجابكم ياعضاء التحدي .. مابطول عليكم ..

ملاحظه !!
انتظر شوي لحد ماتتحمل الصور .. وشوف براحتك ..

































. بترك التعليق لكم ..

تصوير ... عبدالله المخمري ..

[شاطئ الأمل]

رد: جديد مروض .. من تصويري .. رحلة صلاله ..!!

مروض
مرحباً بك وبعودتك للمنتدى
وكل عام وانت بخير
بصراحه الصوره مررررره حلوه
الأرض ما شاء الله تبارك الرحمن بساط اخصر والسماء غيوم
ما في اجمل من كذا أخي مروض
مرحباً بعودتك مره اخرى
واتمنى تكون استمتع بهذه الرحله

[تناهيد]

رد: جديد مروض .. من تصويري .. رحلة صلاله ..!!

يعطيك العافيه بو حميد
ما شاء الله الصور رووووعه وباين ان الجو كان رائع جدا والخريق قوي
هذا المنظر كأنه في اوروبا مع السياج والخضره


تسلم عدستك

[ألم الأمل]

رد: جديد مروض .. من تصويري .. رحلة صلاله ..!!

يا مرحبا بو حميد
ومن طول الغيبات جاب الغنايم
وكل عام وأنت في صحة وسلامة
وأحب أخبرك ما حد زعلان عليك إلا نصف الأعضاء زعلانين
لذلك لازم تعزمنا على عشاء ,, ولو تعزمنا في رمضان على فطور
بيكون أحسن ,, علشان تضرب عصفورين بحجر
عصفور واحد أنك تعزمنا وتراضي كل الزعلانين
والعصفور الثاني تكسب أجر وثواب
( يالله ننتظر الرد وبأسرع وقت )

وما شاء الله الصور روعة ,, لا لا أقصد الجو روعة والمناظر ولا أروع
بس وين المشلي إلي قايل بتوزعة على الأعضاء
عن يكون مريت صوب أبو رزان وعاد ما صدقت وعطيته كل المشلي

بس بخبرك وقول الصدق ,, الحين كل هذا الدجاج لكم بس
أو لكل أهل صلالة والخليج العربي !!




وبعدين وش قصدك من هذي الصورة
يعني تبيني أقول أن الجو حلو
أو أشجار النارجيل لهن منظر ممتع مثلاً





بصراحة شي رائع ما قدمتهلنا بو حميد
وموعدنا السنة القادمة ذا شاء الله

وعودة حميدة للمنتدى وبسك مقاطعة

[مروض الحب]

رد: جديد مروض .. من تصويري .. رحلة صلاله ..!!

مروض

مرحباً بك وبعودتك للمنتدى
وكل عام وانت بخير
بصراحه الصوره مررررره حلوه
الأرض ما شاء الله تبارك الرحمن بساط اخصر والسماء غيوم
ما في اجمل من كذا أخي مروض
مرحباً بعودتك مره اخرى

واتمنى تكون استمتع بهذه الرحله

مرحبا وسهلا شاطى الامل وكل عام وانتي بخير وصحه وعافيه
والحمد الله على الاجواء الطيبه في صلاله استانسنا ..
شاكر لج المرور والتعليق .. وعقبالج تروحين صلاله ..

[مروض الحب]

رد: جديد مروض .. من تصويري .. رحلة صلاله ..!!

يعطيك العافيه بو حميد
ما شاء الله الصور رووووعه وباين ان الجو كان رائع جدا والخريق قوي
هذا المنظر كأنه في اوروبا مع السياج والخضره


تسلم عدستك

الله يسلمك ابورزان ..
كانت الاجواء وايد حلوه ماشاء الله
وهذا المكان في وادي دربات ..
مشكور على مرورك اخي تناهيد
وان شاء الله تزور صلاله قريب ..

[مروض الحب]

رد: جديد مروض .. من تصويري .. رحلة صلاله ..!!

يا مرحبا بو حميد

ومن طول الغيبات جاب الغنايم
وكل عام وأنت في صحة وسلامة
وأحب أخبرك ما حد زعلان عليك إلا نصف الأعضاء زعلانين
لذلك لازم تعزمنا على عشاء ,, ولو تعزمنا في رمضان على فطور
بيكون أحسن ,, علشان تضرب عصفورين بحجر
عصفور واحد أنك تعزمنا وتراضي كل الزعلانين
والعصفور الثاني تكسب أجر وثواب
( يالله ننتظر الرد وبأسرع وقت )

هلا فيك الم الامل .. ماظن حد زعلان
والي يزعل نعق له راس صخله ونرضيه
وبوعسكور مافي عزايم من بينا نطال عمرك
انت تشرف وتنور البيت ف رمضان وغير رمضان
وان شاء الله محد يكون زعلان والكل يكون راضي ..

وما شاء الله الصور روعة ,, لا لا أقصد الجو روعة والمناظر ولا أروع
بس وين المشلي إلي قايل بتوزعة على الأعضاء
عن يكون مريت صوب أبو رزان وعاد ما صدقت وعطيته كل المشلي

ابورزان حليله حتى مايعرف اني سرت صلاله يمكن
وماخطفنا من صوبهم نطلع على عبري وناخذ مرمول ونحن على ثمريت صلاله
والاروع وجودك في المنتدى وتواجدك الحلو في موضوعي ...

بس بخبرك وقول الصدق ,, الحين كل هذا الدجاج لكم بس
أو لكل أهل صلالة والخليج العربي !!


بيني وبينك نحن طالعين خمس سيارات والعدد كان كبير
والرحله كانت طيبه ويا الشله الطيبه
وماشاء الله وايد كنا ناكل ونشتري اكل هههههه

وبعدين وش قصدك من هذي الصورة
يعني تبيني أقول أن الجو حلو
أو أشجار النارجيل لهن منظر ممتع مثلاً


لا ابو عسكور هذي الصوره تدل على فن التصوير والبكسل
بعدين ارويكم ماركة الساعه .. جي اف

بصراحة شي رائع ما قدمتهلنا بو حميد
وموعدنا السنة القادمة ذا شاء الله

وعودة حميدة للمنتدى وبسك مقاطعة

القطاعه مب منا بوعسكور من ظروفنا
والحمد الله الحين نحصل فرصه ندخل
ونتواصل بالمنتدى ..
شاكر لك تعليقاتك المميزه وتواصلك الجميل .. وعن الزعل
يعطيك الصحه والعافيه بوعسكور ..

[رحمه ربي]

رد: جديد مروض .. من تصويري .. رحلة صلاله ..!!

ررروعه الصور مروض والاروع الجو صلاله رائعه بكل مافيها

ان شاء الله نصيف فيها بس ما خبرتنا الجو شلونه حر ولا برد ولا معتدل

معليه مروووض اشتغل الفضول شو يعني أبو عسكووور

جوجو للحين ما عرفناها ممكن أبو عسكور يعطينا طرف خيط للكشف عن هويه جوجو

[مروض الحب]

رد: جديد مروض .. من تصويري .. رحلة صلاله ..!!

مرحبا وسهلا ..

الاجواء في صلاله معتدله ومايله للبروده .. يعني الاجواء بارده وفي امطار ورذاذ ..

وبالنسبه لابوعسكور .. مادري كيف افسر حقج ..

بس مثل اللقب وبينا ثابت .. مثلا عبدالله ينقال له ابو حميد ..

وسالم ينقال له .. ابو غنيم . .. والم الامل ينقال له ابو عسكور

شاكر لج المرور والتواصل .. وجوجو اذ هو سر مادري عنه بس اتوقع جوجو اسم الدلع لاسم .. جنى

يعطيج العافيه يامعوده

[امتنااان]

رد: جديد مروض .. من تصويري .. رحلة صلاله ..!!



السلام عليكم ورحمة الله وبركاته ..
وعليكم السلام ورحمة الله وبركاته
تحية طيبه لجميع اعضاء التحدي بدون استثناء .. وكل عام والجميع بخير وصحه وعافيه بالشهر الفضيل ..
وانت بخير وصحه وسعاااده


مادري يمكن في ناس زعلانه من مروض ؟؟ ماتوقع
الا توووووووقع وانت عارف ليش
زعلانه ورضاتي مايكفيها عزيمة فطووور زي ماقال الامل ونعق صخله

مشالله اتاري صلاله بالحلاوه والروووووووعه ولا اؤرباا
وتصويرك كاان احلى
بس اشوفك مركز على الساعه شفنااها وااايد حلووه
بس وين المشلي ؟؟؟؟؟؟؟؟ ههههههههههه شو المشلي
وناخذ مرمول ونحن على ثمريت ؟؟؟خخخخ
الله يعطيك العافيه مروض
بجد تصويرك بمنتهى الروعه اهم شي كانت رحله ممتعه
واييامك كلها سعاده
دمت بحفظ الله

[مروض الحب]

رد: جديد مروض .. من تصويري .. رحلة صلاله ..!!

السلام عليكم ورحمة الله وبركاته ..
وعليكم السلام ورحمة الله وبركاته
تحية طيبه لجميع اعضاء التحدي بدون استثناء .. وكل عام والجميع بخير وصحه وعافيه بالشهر الفضيل ..
وانت بخير وصحه وسعاااده


مادري يمكن في ناس زعلانه من مروض ؟؟ ماتوقع
الا توووووووقع وانت عارف ليش
زعلانه ورضاتي مايكفيها عزيمة فطووور زي ماقال الامل ونعق صخله

افا امتنان زعلانه مني .. خلاص رضاتج فطور وسحور مع بعض
ولاتزعلين الحين شهر رمضان الناس تتسامح ولمسامح كريم

مشالله اتاري صلاله بالحلاوه والروووووووعه ولا اؤرباا
وتصويرك كاان احلى
بس اشوفك مركز على الساعه شفنااها وااايد حلووه
بس وين المشلي ؟؟؟؟؟؟؟؟ ههههههههههه شو المشلي


الاجواء وايد حلوه انصحج تروحين لها السنه الياييه
المشلي مثل النارجيل لونه اخضر ,, يكون بارد ونشربه وهذا مشهور في صلاله
شرب المشلي وطعمه حلو مثل الماي والسكر ..

وناخذ مرمول ونحن على ثمريت ؟؟؟خخخخ


طريق مختصر حق صلاله ومب مشهور وايد والسبب عدم وجود محطة بنزين .. 400 كيلو

الله يعطيك العافيه مروض
بجد تصويرك بمنتهى الروعه اهم شي كانت رحله ممتعه
واييامك كلها سعاده
دمت بحفظ الله

وجودج كان الاروع .. وتواصلج الجميل .. وبلا بلا بلا زعل
شاكر لج تواصلج وتعليقاتج امتنان .. وصلاله تنتظرج السنه القادمه ..
يعطيج العافيه ..

[شيخه]

رد: جديد مروض .. من تصويري .. رحلة صلاله ..!!

يعطيك العافيه مروض الحب على الموضوع والصور الروعه
بصراحه ماتوقعت صلاله كذا جو يجنن وطبيعه وانا احب الطبيعه شكلي بروح لها
تحيتي

[نورالقرآن]

رد: جديد مروض .. من تصويري .. رحلة صلاله ..!!

اهلا بك أخى بعودتك
وماشاء الله تصوير رآئع وصور أكثر من رآئعه
اسعدكم الله ووفقكم

[روح]

رد: جديد مروض .. من تصويري .. رحلة صلاله ..!!

يعطيك العافيه يا الطيب ...

صور حلوين و تصوير و لا أحلااا ..


بس .......................

إش معنى يعني عزآآبيه .. تراا البنات مب لهم نفس ..
ترااا حليلهن البنات تعبت نفسياتهم في البيت ..

لكن ...........

أهم شي تكون استانست و هالشي الحمدلله لاحظته

و الله يتمم أيامك الجـآيه ع خير و سعاده ..

روح ..

[مروض الحب]

رد: جديد مروض .. من تصويري .. رحلة صلاله ..!!

يعطيك العافيه مروض الحب على الموضوع والصور الروعه

بصراحه ماتوقعت صلاله كذا جو يجنن وطبيعه وانا احب الطبيعه شكلي بروح لها

تحيتي

هلا شيخه الله يعافيج يارب
اتمنى تزورين صلاله بيعيبج الجوووو
تشكراااات شيخه .... عالمرور ..