الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

الى زهرة برية(الفلات فوت)

تقليص
موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    الى زهرة برية(الفلات فوت)

    السلام عليكم ورحمة الله وبركاته

    بسؤال عزيزتى أم سيف القمور عن انحناء القدم لدى سيف عند الوقوف وتجنب الفلات فوت وكيفية علاجه
    والوسائل المستخدمة. كنت سأكتب موضوع بعنوان الفلات فوت ولكن قبل بداية أى موضوع بحب دايما أبحث الأول بالمنتدى عنه ، لعدم تكرار الموضوعات.

    وبالفعل وجدت موضوع كامل لمشرفتنا القديرة أم محمود عن الفلات فوت، حقيقة أحسن مما كنت سأكتب
    عنه وزيادة عن ماأعرفه لوجود تمارين خاصة لتصحيح الفلات فوت.
    فجزاكى الله خير أم محمود، فلم تتركى شىء ألا وكتبتى عنه وباستفاضة كاملة.

    وهذا رابط الموضوع لسيف القمور:
    السلام عليكم ورحمة الله وبركاته الاخت ام يويو طرحت موضوع الفلات فوت وبالفعل معظم ارجل اطفال متلازمة داون يعانون من بعض الصفات تشبه هذة الحاله وكما تعودنا ان منتدي تحدي الاعاقه شموليته بالمواضيع التي تخص اطفال متلازمة داون ومشكلاتهم الصحيه فاليكم هذا الموضوع المنقول الفلات فوت __ القدم المسطحه ؟؟ كثير من الاشخاص يعانون من


    وأيضا روابط لنفس الموضوع واستفسارات وردود الاعضاء عن تجاربهم ، جزاهم الله كل خير على مشاركتهم وتقديم النصح دائما.

    ماهو الفلات فوت ؟ ماهي اعراضه؟ ماهوالعلاج ؟


    السلام عليكم اسر متلازمة داون نبشركم بحضور اخصائيين العلاج الطبيعي للقسم من خلال هذا الموضوع وحاضرون لاستشاراتكم حول العلاج الطبيعي لاطفالكم ان شاء الله ونحييهم علي تعاونهم في خدمه اطفالنا وجعله الله في ميزان حسناتهم




    فقط سألحق بعض الصور للفلات فوت وماتسببه من أثار جانبية على شكل مفصل القدم وعظمة الكاحل
    حيث ان روابط الصور بالموضوع الخاص لم تفتح معى ككثير من الموضوعات القديمة بالمنتدى.



    1- شكل القدميين عند متلازمة داون






    ونلاحظ تسطح القدمين وزيادة المسافة بين الاصبع الاكبر وباقى الأصابع.

    2- صور للفلات فوت وعدم وجود الArche بها:












    3- مايسببه الفلات فوت اذا كان بحاجة للعلاج والتعديل وأهمل بمرور الوقت:

















    الوسائل المستخدمة وكيفية العلاج:

    1- جلسات العلاج الطبيعى.

    2- استخدام الاحذية الطبية المصممة لذلك الغرض orthotic shoes أو ان لم تتوافر فيجب عند بدايه المشى وخاصة لاطفالنا الداون استخدام احذية بنفس فكرة التصميم تكون ذات رقبة عالية High-top shoesبعض الشىء لتدعيم مفصل القدم وعدم التواءه عند تعلم المشى وتكون مريحة وليست
    ناشفة أو بلاستيك.

    [/IMG]













    ودى موديلات ألوان جميلة عشان البنات القمرات:






    وده شكل الInsole وهو مايوضع داخل الحذاء لتعديل تسطح القدميين:








    وهذا فيديو يوضح كيفية تثبيت الinsole للقدم والحفاظ على تكوين الarche عند المشى وتخفيف الالم نظرا لتسطح القدمين.



    اعتقد انه موجود فى الموضوع السابق من أحد الاعضاء الكرام أيضا.


    تحياتى للجميع.

    التعديل الأخير تم بواسطة أم التوأم; الساعة 05-06-2012, 09:15 AM.

  • Font Size
    #2
    رد: الى زهرة برية(الفلات فوت)

    الله يجزاك كل خير يا ام عبد الرحمن باذن الله تستفيد ام سيف وذكرتيني بايام اول كانت المدربة نصحتني انه لما اشتري لحمودي جزمة الله يكرمك كانت تقولي شوفي داخل الجزمة من جوة يعني سطحها الداخلي مرتفع قليلا يساعد على منع القدم المسطحة وبالفعل ما كنت اشتري الاهذي الانواع

    تعليق


    • Font Size
      #3
      رد: الى زهرة برية(الفلات فوت)

      بارك الله فيكى أم الحلو حمودى. وفعلا الحذاء عليه عامل كبير والراحة طبعا. وكما يقال راحة الجسم تبتدى من القدمين.

      تعليق


      • Font Size
        #4
        رد: الى زهرة برية(الفلات فوت)

        ام التوام
        بجد مش عارفة اشكرك ازاى
        جزاك الله كل خير وبارك لك فى اولادك

        ميرسى جدا لك ولام محمود
        على مجهوداتكم المميزة
        وان شاء الله اعمل لسيف شوز زى دى

        بس هو مش بيمشى لسه
        تفتكرى البسهاله فى البيت لانه بيقف على الاثاث وبيمشى ساند

        وشكرا لك

        تعليق


        • Font Size
          #5
          رد: الى زهرة برية(الفلات فوت)

          الله يحفظك أم سيف ويباركلك فى جهودك معه وان شاء الله ينطلق لوحده قريبا.
          بما انه لم يمشى لوحده لاداعى لها الأن لأنها بتمثل تقل واعاقة لحركته فى الأول ونحن فى بداية مرحلة المشى بمساعدة بحاجة الى التشجيع والترغيب فقط

          تعليق


          • Font Size
            #6
            رد: الى زهرة برية(الفلات فوت)

            اللهم امين
            مشكورة ياقمر

            بس انا خايفة عليه يعنى
            وقلقانه بصراحة لان رجله شكلها كده وهو ماشى او واقف



            وكعبه مايل على الجنب
            فانا خايفة دى تأثر على انه يمشى بسرعة
            او يتعلم يقف لوحده

            وكمان خايفة ان عظامه تاخد الشكل دة
            و ماتنفعش تتعدل تانى
            الا بعمليه زى ما بيقولو

            فبما ان حضرتك عندك خبرة وخلفية
            تفتكرى عادى يعنى اسيبه كده لحد ما يمشى لوحده واجيبله الشوز دى؟
            واصلا هو حيعرف يمشى عادى وهى قدمه بالشكل دة ولا دى بتمنع؟

            مع انى قرات موضوع ام محمود اللى حضرتك جبتى اللينك بتاعه دلوقتى
            لقيت مكتوب ان الاطفال ممكن تكون اقدامهم مسطحه وكده عادى لحد سن 5 و 6 سنين
            وناس بتقول لما الطفل يبقى عمره سنتين يلبس الشوز دى
            اعمل ايه انا دلوقتى؟ ههههههههههه احترت

            يعنى اعمله الجبيرة اللى فى البيت زى ما دكتور العلاج الطبيعى قال؟
            ولا عادى اخليه منغير حاجه الفتره دى لحد ما يمشى


            معلش اسئلتى كتيرة شوية
            استحملينى باه ههههههههههه
            جزاك الله كل خير
            التعديل الأخير تم بواسطة زهرة برية; الساعة 18-09-2012, 06:57 PM.

            تعليق


            • Font Size
              #7
              رد: الى زهرة برية(الفلات فوت)

              ولا يهمك أم سيف القمر اسألى براحتك.
              بنترك الأطفال العاديين اللى عندهم فلات فوت حتى سن 5 أو 6 سنوات فعلا لانها بتتحسن مع مرور الوقت والأرش بيتكون.
              انما مع أطفالنا الداون كلهم أرجلهم هكذا وخصوصا مع بداية الوقوف وماعليكى الأان الا الحذاء عند الخروج من المنزل او الsole مع متابعة العلاج الطبيعى. ان شاء الله هتتحسن كتير.

              تعليق


              • Font Size
                #8
                رد: الى زهرة برية(الفلات فوت)

                السلام عليكم

                ازيك ام التوام يارب بخير
                والاسره كلها

                معلش انا اتاخرت عليكى لانى كنت بحضر لعمليه سيف
                ولكن بردو ما عملهاش
                قدر الله وما شاء فعل

                بصى ياقمر رجل سيف بقت بالمنظر ده واصابعه كلها على الجنب لدرجه نا فى اصابع
                راكبه فوق بعض
                شبه الصورة دى





                وهو زى ما قلتلك مش بيمشى فى الشارع
                وانا بصراحه مش مرتاحه لشكل قدمه كده

                ولما رحت لدكتور العلاج الطبيعى حولنى لمركز
                عشان اجيب له جبيره للبيت وفرش للخروج من مكان وصفه لى
                طبعا تبع بعض فانا مش عايزة حد يودينى اجيب اى حاجه عشان بس
                يكسبوا من بعض

                فدلوقتى لو انا جبت لسيف حاجه للبيت مؤقته
                لحد ما يمشى ان شاء الله واعمله فرشه الشوز للشارع
                اجيبله ايه واعمله ايه عشان البيت

                لانه مش عارف يقف كويس وهو اصلا بيحاول انه يقف لوحده ويسيب ايده
                بس رجله مش مساعداه

                فياريت تقوليلى المفروض يلبس ايه
                واسمها بالظبط عشان اجيبهاله
                وشكرا لك

                تعليق


                • Font Size
                  #9
                  رد: الى زهرة برية(الفلات فوت)

                  السلام عليكم ورحمة الله وبركاته
                  أم سيف حبيبتى، وحشتينا كتير، ووحشنا سيف القمور السكر ربنا يخليهوليك
                  ونسمع اخبار طيبة عن العملية ان شاء الله، لماذا اتأجلت؟
                  يارب خير ان شاء الله.

                  أنا أشعر بقلقك على سيف، ولو شايفة ان حالة قدميه بتزيد، ايه رأيك نأخد حكم تالت ويكون ان شاء الله الرأى النهائى
                  فى هذا الموضوع لنطمئن على سيف حبيبى.
                  ارشحلك استاذ بالعلاج الطبيعى بجامعة القاهرة وهو متخصص فى حالات الاطفال من ذوى الاحتياجات الخاصة
                  ولديه مركز للتأهيل للعلاج الطبيعى وبه اطفال نللازمة داون كتييير جدا،ولهذا خبرته كبيرة فى هذا المجال
                  ونشوف رأيه الطبى ايه؟
                  انا بصراحة استرحت كتير له ، وذهبت بعبدالرحمن له فى بعض الاستشارات للوقوف وحالته الحركية عندما كنت فى اجازة بمصر.

                  هابعتلك العنوان وتليفون العيادة وان شاء الله يعمل اللى فيه الخير.

                  تعليق


                  • Font Size
                    #10
                    رد: الى زهرة برية(الفلات فوت)

                    أم سيف بعتلك رسالة خاصة ، وصلتلك؟
                    لو موصلتشى اعتيلى ايميلك على الخاص وانا ارسلهالك تانى بالايميل.

                    تعليق


                    • Font Size
                      #11
                      رد: الى زهرة برية(الفلات فوت)

                      ميرسى اوى ام التوأم على اهتمامك
                      وردك

                      وانتى كمان وحشتينى والله
                      ميرسى لسؤالك عنى وعن سيف
                      وعن عمليه سيف اتأجلت معرفش ليه
                      المفروض ان اسمه كان فى الكشف وقالو حيتصلوا بيا وماحدش اتصل

                      فى دكتور قالى ممكن ما يكونش بيعمل حاله سيف
                      والله اعلم والله
                      ربنا يستر ويحفظه من عنده

                      والله الرساله ما وصلتش
                      مش عارفة ليه
                      وانا كمان حاولت ابعتلك رساله خاصه
                      لكن قالى انه ماينفعش انى اراسل حد غير الاداره او المشرفين وكده
                      وماوصلتش

                      ايه الحل؟ هههههههههههه
                      التعديل الأخير تم بواسطة زهرة برية; الساعة 07-11-2012, 12:27 AM.

                      تعليق


                      • Font Size
                        #12
                        رد: الى زهرة برية(الفلات فوت)

                        ان شاء الله خير، ويارب نطمن عليه ، ويطمنكو عليه دايما ويحفظه.

                        أنا حصلت معاى نفس الحكاية أم سيف، طيب هقولك جربى ارسال رسالة بريدية الى هتكون افضل، اضغطى على اسمى وهيطلعلك .
                        وابعتيللى فيها ايميلك الخاص أو صفحتك على الفيس وابعتلك العنوان تانى ان شاء الله.
                        سلامى لسيف بطلنا الصغير.

                        تعليق


                        • Font Size
                          #13
                          رد: الى زهرة برية(الفلات فوت)

                          اللهم امين
                          تسلمى ياقمر

                          انا بعتلك الرساله الالكترونية
                          وان شاء الله توصلك

                          تعليق


                          • Font Size
                            #14
                            رد: الى زهرة برية(الفلات فوت)

                            السلام عليكم
                            ام التوأم

                            طبعا الميل ما وصلكيش
                            طيب ممكن تشوفى حضرتك حل لانى عايزاكى ضرورى
                            ومش عارفة ابعتلك ازاى خاص

                            ياريت تضوفى طريقة تقوليلى عليها

                            طيب شوفى
                            دى صفحه خاصه بيا ع الفيس بوك
                            ادخلى وقوليلى مامة عبد الرحمن وانا حضيفك عندى


                            ماتنسيش بس

                            تعليق

                            Loading...


                            يعمل...
                            X