ايش ابدا اعلم ولدي

[أم سعيد العسل]

السلام عليكم ورحمة الله وبركاته
ولدي العسل سعيد عنده متلازمة داون عمره سنة ونصف يقلد أي حركة نقوم بها ويزحف على بطنه والكلمات التي ينطقها ماما وبابا وأما يعني كلمة يقصدها عندما يرى الاكل او كان جائعا ويؤشر على شعره عندما نسأله
لما يوقف امسكه بيد واحدة او طرف ملابسه بس يكون خايف وسؤالي هو كيف ادربه على المشي وايش التمارين الي اسويها له وكيف اعلمه أعضاء جسمه يعني كم يوم أعلمه العضو الواحد وأبغ أعلمه الحيوانات او أي مهارة بس الله يخليكم أعطوني أفكار وايش أبدأ أعلمه ردوا علي الله يعطيكم العافية بسرعة

[زهرة برية]

رد: ايش ابدا اعلم ولدي

اهلا بيكى ام سعيد العسولة
ربنا يخليه لك

بصى انا خبرتى مش كبيرة طبعا زى كل الناس اللى هنا
ولكن هو فى سن دلوقتى جميل ويقدر يستوعب اى حاجه
ويتعلم كل حاجه

وانتى اعملى معاه كل حاجه وعلميه اى حاجه
ولما يشوف اى حاجه قوليله اسمها واتكلمى معاه كأنك بتكلمى حد كبير وفاهمك

وعلميه اسماء كل حاجه بيشوفها فى الشارع زى السياره والشجرة والبيت
وفى البيت علميه اسماء الحيوانات والفواكه المصورة او اللى فى القصص
ومش شرط يقول اسماء الاشياء .. المهم انه يعرف الاسم بالصورة او اللعبه
يعنى لما تقوليله اسم شئ يفضل ان يكون امامه صورتها
عشان يربط الاتنين ببعض وتثبت فى عقله

ولما تكونوا خارجين قوليله احنا رايحين باى
وتكون كلمه باى دى فى وقت الخروج بس
عشان ايضا تكون مرتبطه الكلمة بالحدث
واثناء ما بتكونى بتلبسيه عرفيه اسماء ملابسه وكل شئ

المهم تفضلى تتكلمى معاه فى اى حاجه وتعلميه اى حاجه يشوفها
وان شاء الله يكون احسن واحد وشطور

وطبعا اساتذتنا اللى هنا حيفيدوكى اكتر
ربنا معاك

[أم سعيد العسل]

رد: ايش ابدا اعلم ولدي

الله يجزاك خير ويدخلك الجنة يارب ويسعدك في الدنيا والآخرة

[زهرة برية]

رد: ايش ابدا اعلم ولدي

اللهم امين
واياكى يارب

شوفى ياجميل
ده موضوع لمشرفتنا المتميزة دايما ام محمود
فيه برامج البورتج لحد 6 اعوام

فحضرتك شوفى عمر ابنك
اللى هو حيبقى من سن 1 - 2
وشوفى ايه النشاطات اللى المفروض انه يعملها فى السن ده
وحاولى تطبقيها معاه

وشوفى كل مجال فى العمر ده
الادراكى والحركى الخ

اقولك ادخلى اللينك ده
فى مدونة ام محمود فيها من سن 1 - 2 فقط
عشان بس ما تتوهيش

http://mahmod123.blogspot.com/search/label/%28%28%28%20%D8%A7%D9%84%D8%A8%D9%88%D8%B1%D8%AA%D8%AC%20%D9%81%D9%8A%20%D8%A7%D9%84%D8%B9%D8%A7%D9%85%20%D8%A7%D9%84%D8%AB%D8%A7%D9%86%D9%8A%29%29%29%29%20%D9%85%D9%86%20%D8%B9%D8%A7%D9%85%20%D8%AD%D8%AA%D9%8A%20%D8%B9%D8%A7%D9%85%D9%8A%D9%86

وان شاء الله تستفيدى

[القبطان عادل]

رد: ايش ابدا اعلم ولدي

اهلن بيك اختى ام سعيد فى المنتدى تفيدى وتستفيدى
ربنا يبارك لكم فى سعيد يارب
اختى الكريمة ارسل لك رابط ثانى تستفيدى منة فية تمارين الحبى والوقوف والمشى ليوسف ابنى

http://elbarbary1951.blogspot.com/p/dvdvdswswds.html

[أم سعيد العسل]

رد: ايش ابدا اعلم ولدي

الله يخلي لك يوسف ويحفظه ويحميه و ينور قلبك يارب

[أم سعيد العسل]

رد: ايش ابدا اعلم ولدي

اعجبني اهتمامكم بيوسف بس ياليت اعرف عمره في الفيديو الخاص بتعليم الحبي الاخير الي لابس فيها بدلة خضراء و ينزل من السرير وكمان اخر صورة من تعليم الوقوف

[القبطان عادل]

رد: ايش ابدا اعلم ولدي

اختى الكرية اشكرك على التعليق الجميل
حضرتك تقصدى الفيدى دة صح

http://www.youtube.com/watch?v=-FaRy5LZV0M&feature=youtu.be

كان عمر يوسف 18 شهرونعليم الوقوف نفس الشهر
عقبال سعيد ابنك وكل اطفال المسلمين
تحياتى

[أم التوأم]

رد: ايش ابدا اعلم ولدي

أهلا وسهلا بكى أم سعيد العسل، ربنا يباركلك فيه ويسعدك ان شاء الله.
بالنسبة لتعليم الأسماء ابدئى معه هكذا:
بالنسبة للتخاطب يكون افضل الان لو تابعتى مع اخصائى، لو لم تستطيعى عليكى بالآتى:
تعليمه اسماء الاشياء الاول، لتخزينها وعمل مخزون وموسوعه معرفيه لديه ، الهدف اننا عند تمام العامين يستطيع التمييز والاشارة للشىء عند سؤاله فين الموزة او فين القطة من وسط مجموعة صور او بطاقات لان دى الخطوة قبل تعليم مخارج الحروف والنطق،
لتنفيذ ذلك كل يوم تجلسى معاه جلسة مش اكتر من عشر دقائق يوم خضروات ويوم فواكه وبعده حيوانات واليوم الرابع وسائل مواصلات والخامس ادوات منزلية.
مثال: جلسة الفواكه هتجيبى موزة وبرتقالة، الاول تحطى الموزة امامه وتقولى موزة بصوت عالى وواضح وبطىء وهو ناظر لحركات فمك وتقولى محمود بياكل الموزة، ماما تاكل الموزة بالتمثيل. وبعدين البرتقالة بالمثل. ثم الاثنين مع بعض امامه ليحفظها بالتضاد وهو اهم حاجة وخطوة، انتى دائما فى كل مرة هتجيبى حاجتين فقط ويكون التضاد بينهم واضح سواء باللون اوبالشكل اوبالحجم يعنى متجبيش خيارة وكوسة معا مثلا. ولاتنتظرى استجابة ولارد للجلسات الا بعد شهور فقط كررى وجددى الاشياء مش كل يوم نقول نفس الحاجة.
دى كانت خطة التخاطب لعبد الرحمن من زميل لى من بداية العام حتى العام الثانى ولله الحمد هو حفظ حاجات كتير وبيشاور على صورة كل حاجة بسؤاله عنها. وعقبال سعيد ويبقى احسن ان شاء الله.

اسفة اذا كان كلامى غير مرتب ونسيت اذكر حاجة مهمة ان بداية تعليم الاسماء تكون على المجسمات فى الاول فاحضرى مجسمات صغيرة ولعب للحيوانات، عربيات،طائرة. اما بالنسبة للخضار والفاكهة فطبعا الحقيقية احسن اللى عندك تلاقيه فى التلاجة .
اتعليم يجب ان يكون من الاشياء الشائعة والموجودة فى البيئة اللى حوله يعنى مش هنعلمه كنغز او كيوى.
بعد مرحلة المجسمات تاتى مرحلة التعليم من خلال الصور والكروت. وعذرا للاطالة عليكى.

بالنسبة لباقى المجالات الادراكى والمجال الحركى والعناية بالذات والتنشئة الاجتماعية. اطلعى على البورتج من عمر عام الى عامين وابدئى بتعليمه المهارات المطلوبة
واحدو واحدة وبالتدرج من الاسهل الى الاصعب.

[أم سعيد العسل]

رد: ايش ابدا اعلم ولدي

استفدت كثيير من كلامك الله يخليك ويحفظك يارب