الاحصائيات المتقدمة

تقليص

إعـــــــلان

تقليص
لا يوجد إعلان حتى الآن.

كان تشتت انتباه وفرط حركه والمفاجئه انه كهرباء ذائده بلمخ

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Font Size
    #1

    كان تشتت انتباه وفرط حركه والمفاجئه انه كهرباء ذائده بلمخ

    ابنى عنده الان 6سنوات من صغره اتاخر فى المشى واالتسنين وطلوع الشعر وكنت بحس بعدم استجابه لى عندما انادى عليه ذهبت لدكتور مخ واعصاب فشخصه انه فرط حركه وتشتت انتباه هو فعلا كانت حركته كتيره وما بيمسكش ايدى ابدا فلشارع وعملت له اختبار ذكاء والنتيجه 65 ومشيت علريسبردال حوالى سنه ونص ثم ذهبت لدكتور مخ واعصاب الان وعمر ابنى 6سنوات طلب منى رسم مخ واختبار ذكاء فكانت نسبة الذكاء87ورسم المخ فيه نسبة كهرباء ذائده مع العلم ان ابنى عمره ما جاتله تشنجات او صرع والحمد لله وقاللى ابنك ذكائه طبيعى مع التخاطب وتنمية المهارات هيجيب نتيجه هايله وان فرط الحركه نتيجة الكهرباء الذائده انا مش عارفه فعلا هو عنده كهرباء ذائده مش فرط حركه وتشتت انتباه انا المفروض ادخله المدرسه السنه دى بس خايفه مش عارفه ابدا ازاى انا بجيب له المدرس بلمنزل يعطيه الدرس فى العربى والانجليزى هو الحمد لله ماشى معاه كويس وبيقولى انه هيجى منه مع الوقت لكنه يحتاج لمجهود مضاعف هل ما زكرته ممكن يكون توحد والا ايه انا محتاره وخايفه امشى فطريق خطاجزاك الله كل خير

  • Font Size
    #2
    رد: كان تشتت انتباه وفرط حركه والمفاجئه انه كهرباء ذائده بلمخ

    اهلا بكِ أختي

    اضطراب فرط الحركة والنشاط وتشتت الانتباه أو ما يعرف بـ adhd مرتبط ارتباط وثيق جداُ بعدم انتظام كهرباء المخ

    وغالباً كان الوضع كذلك منذ الصغر، نسبة عدم الانتظام كانت قليلة لذلك لم تظهر في التخطيط الأول

    كلما كبر تزداد طاقته، وكلما ازدادت طاقته تزداد كهرباء المخ (وهذا الطبيعي للكل) ، لكن في حالة ابنك فإن زيادة الكهرباء سيزيد معها عدم الانتظام إذا لم نتعامل مع الموقف بالشكل الصحيح.

    أهم شيء أن تلتزمي بالدواء أولاً، ثم تخطيط دماغ كل ستة أشهر لمتابعة مدى تأثير الدواء (علماً أنه قد لا يحتاج لاستخدام الدواء مدى الحياة، وإنما غالبا لفترة محدودة أقصاها حسب علمي -لست أكيدة- سنتان)

    ومن ثم عليك بالكثير الكثير الكثير من تدريبات التركيز، فكلما تحسن تركيزه سيتحسن أداؤه الأكاديمي واللغوي والذكاء.

    وأيضاً يجب توفير أنشطة مفرغة لطاقته، فهو إنسان لديه طاقة أكبر من عمره وجسده، ويجب تفريغها يومياً بشكل صحي هادف، لذا خصصي له وقت للعب و اشركيه في نادي ررياضة من أي نوع كان، واعتمدي عليه كثيراً في الأعمال المنزلية.

    نقطة أخيرة: لا يُشترط أن يتعرض لنوبات تشنجية كل من لديه زيادة او عدم انتظام في كهرباء المخ، لكنه إن لم يلتزم بالدواء، ولم نتعامل مع الحالة بالشكل الصحيح فهو معرض مع تقدمه في العمر لتحول الوضع إلى نوبات تشنجية ولربما أسوأ من ذلك.

    اسأل الله أن يشفيه ويطمن قلبك عليه.

    بالتوفيق

    تعليق


    • Font Size
      #3
      رد: كان تشتت انتباه وفرط حركه والمفاجئه انه كهرباء ذائده بلمخ

      شفاه الله وبارك لكى فيه انتظمى على الدواء بشكل مستمر وتابعى مع الدكتور كل فتره لمعرفه مدى تطور الوضع الصحى
      لابد من نتظيم يومه بشكل يسمح له بالاستفاده بكل دقيقه وعدم الاحساس بالفراغ الى ممكن يسببله ملل الى بدوره يزيد من النشاط له لعدم وجود نشاط يفرغ فيه طاقته
      نظمى جلسات التخاطب وتنميه المهارات حتى يستفيد منها وعدم تعرضه للنسيان
      بارك لكى فيه وتابعينى بتطوراته
      لا حول ولا قوه الا بالله
      سبحان الله العظيم وبحمده
      سبحان الله والحمد لله ولا اله الا الله والله اكبر
      سبحان الله وبحمده زنه عرشه
      اللهم اغفر للمسلمين والمسلمات والمؤمنين والمؤمنات الاحياء منهم والاموات الى يوم يقوم الحساب
      حسبى الله الذى لا اله الا هو عليه توكلت وهو رب العرش العظيم

      تعليق


      • Font Size
        #4
        رد: كان تشتت انتباه وفرط حركه والمفاجئه انه كهرباء ذائده بلمخ

        جزاكى الله خير علرد بس يا ريت حضرتك تساعدينى اعرف تدريبات التركيز ازاى

        تعليق


        • Font Size
          #5
          رد: كان تشتت انتباه وفرط حركه والمفاجئه انه كهرباء ذائده بلمخ

          دمتى صباحا يا اغلى من الورد
          عزيزتى هناك العديد من الانشطه لتنميه مهارات التركيز حقولك على بعض منها :

          1- وضع الخله (خله الاسنان) فى اماكن محدده على قطعه من الفلين
          2- اوضع الفول اوبلى فى كرتونه بيض بالترتيب
          3- خلع عملات معدنيه من مغناطيس ووضعها فى علبه ليها فاتحه (حصاله)
          4- لضم خرز فى عصا
          5- لضم خرز فى حبل
          6- تقليد نموذج من الخرز
          7- نقل بلى من طبق لاخر
          8- نقل بقوليات حجمها صغير من طبق لاخر

          هذه بعض قليل من المهارات الحركيه الدقيقه ابدائى وانا معاكى تابعينى بتطوراته وانا حتابع معاكى البرنامج لكن عزيزتى حاول تذهبى لمركز يكون تحت اشراف واعين المتخصصين وتشوفى بعينك التدريب بيتم ازاى وانا هنا حتابع معاكى
          اى استفسار انا تحت امرك
          لا حول ولا قوه الا بالله
          سبحان الله العظيم وبحمده
          سبحان الله والحمد لله ولا اله الا الله والله اكبر
          سبحان الله وبحمده زنه عرشه
          اللهم اغفر للمسلمين والمسلمات والمؤمنين والمؤمنات الاحياء منهم والاموات الى يوم يقوم الحساب
          حسبى الله الذى لا اله الا هو عليه توكلت وهو رب العرش العظيم

          تعليق


          • Font Size
            #6
            رد: كان تشتت انتباه وفرط حركه والمفاجئه انه كهرباء ذائده بلمخ

            المشاركة الأصلية بواسطة نهى عزت مشاهدة المشاركة
            دمتى صباحا يا اغلى من الورد
            عزيزتى هناك العديد من الانشطه لتنميه مهارات التركيز حقولك على بعض منها :

            1- وضع الخله (خله الاسنان) فى اماكن محدده على قطعه من الفلين
            2- اوضع الفول اوبلى فى كرتونه بيض بالترتيب
            3- خلع عملات معدنيه من مغناطيس ووضعها فى علبه ليها فاتحه (حصاله)
            4- لضم خرز فى عصا
            5- لضم خرز فى حبل
            6- تقليد نموذج من الخرز
            7- نقل بلى من طبق لاخر
            8- نقل بقوليات حجمها صغير من طبق لاخر

            هذه بعض قليل من المهارات الحركيه الدقيقه ابدائى وانا معاكى تابعينى بتطوراته وانا حتابع معاكى البرنامج لكن عزيزتى حاول تذهبى لمركز يكون تحت اشراف واعين المتخصصين وتشوفى بعينك التدريب بيتم ازاى وانا هنا حتابع معاكى
            اى استفسار انا تحت امرك
            جزاكى الله كل خير حبيبتى انا هبدأ انفذ معاه البرنامج ان شاء الله من اليوم ويا يت حضرتك فعلا تتابعى معايا لانى بجد محتاجاليك اوى معايا وربنا يبارك ليك فعلمك اللى بتفيدى بيه الناس وشكرا

            تعليق


            • Font Size
              #7
              رد: كان تشتت انتباه وفرط حركه والمفاجئه انه كهرباء ذائده بلمخ

              ممكن بس استفسر من حضرتك يعنى ايه وضع الفول اوبلى داخل كرتونة بيض وبرده يعنى ايه تقليد نموزج من الخرز ؟ سامحينى على تعبك معايا

              تعليق

              Loading...


              يعمل...
              X