اريد التواصل معكم

[اسامه امل حياتى]

انا مشتركة جديدة وربنا رزقنى باسامه طفل داون ونفسى اتواصل مع كل الامهات والعضوات هنا في المنتدى وخاصة ام محمود لانةخير مثال ونفسى استفيد منهم لكى اعلم ابنى وافخر بة وربنا يقدرنى واقدر اعلمة وارقى به للافضل دائما

[ام زياد الغالى]

رد: اريد التواصل معكم

اسمحيلى ارحب بيكى يا ام اسامه
مع انى عضوة جديدة زيك
بس انا ابنى عنده 7 شهور
والاخ الكريم ابو يوسف عمر ابنها فى بياناتها واضح
معذرة على ردى ففضولى هو الذى دفعنى لذلك
واود استفيد من تجربتك مع ابنك فى توجيهنا نحن الامهات الجدد
وباقى اعضاء المنتدى الكرام والست ام محمود لها جزيل الشكر

[ام زياد الغالى]

رد: اريد التواصل معكم

احكيلنا عن تطورات اسامه
حتى نتعرف عليه

[اسامه امل حياتى]

رد: اريد التواصل معكم

انا بشكوركوا جدا على الترحيب بى وعلى تواصلكم معى

[اسامه امل حياتى]

رد: اريد التواصل معكم

اسامه عمرة 3 شهور ونصف هو مواليد 1 /9 /2012

[اسامه امل حياتى]

رد: اريد التواصل معكم

مشكورة جدا اختى ام زياد وربنا يخليلك ابنك

[اسامه امل حياتى]

رد: اريد التواصل معكم

ومشكورة اختى ام يوسف بس كنت حابة اعرف اية التطورات في العمر دة لكى احكم على اسامه

[ام زياد الغالى]

رد: اريد التواصل معكم

اهلا ام اسامه
انا كنت تايه زيك كده بس الحمدلله تعلمت شوية حاجات ولانى حاسه بيكى
اساعدك قدر استطاعتى لحد اعضاء المنتدى المتمكنين ما يتواصلوا معاكى
انا زياد ابنى فى العمر ده اتقلب على بطنه ومسك شخشيخه بايده بس كان مرخى ما يقدر يرفع رقبته
انا ما كنتش اعرف تمرينات الرقبه فى الوقت ده فانتى الحقى نفسك بيها والتدليك وتمرينات الاصابع
ادخلى مدونة ام محمود تجدى ما يسرك
بس برضه انا عايزه اعرف معلومات عنه بيعرفك بيبتسم بيتقلب بيحرك ايديه ورجليه بترضعيه طبيعى ولا صناعى
وهو اول مولود ليكى زى زياد ابنى ولا ايه

[اسامه امل حياتى]

رد: اريد التواصل معكم

اهلا ام زياد انا متزوجة 5 /8 /2010 وربنا اكرمنى بروميساء طفلة طبيعية وفى غاية الزكاء الحمد لله وربنا يحميها ان شاء الله عندها سنة و7شهور هى مواليد 3 /5 /2011 وربنا اكرمنى باسامه بعدها بس اسامه الحمد لله كويس جدا هو من الناحية الصحية الحمد لله ممتاز

[اسامه امل حياتى]

رد: اريد التواصل معكم

الثقب ال في قلبة الدكتور قال انة 3 ملى وقال انة لايذكر وقال ان دة ثقب جنينى وليس العيب الخلقى ال في الداون وماعندوش فتاء في السرة وكف اليد زينا 18و81 عادى وصوابعة 3 عقل وليس 2

[اسامه امل حياتى]

رد: اريد التواصل معكم

وهو عرفنى ولما بلاعبة بيضحك ولما بابتسملة بيبتسم وبيضحك ودلوقتى لما بنيمة على بطنة بيسند على ايديه وبيرفع راسه قيمة شبرمن ايدى ومن زمان بيلتفت علىصوت وعرف اصواتنا ولما اختة بتتكلم او تصدر اى صوت بينظر اليها يعنى بينتبه لاى حاجة بتحصل حوالية ولما بتكلم انا بيبص عليا

[اسامه امل حياتى]

رد: اريد التواصل معكم

وبيرضع طبيعى وبيحرك ايدية ورجلية طبيعى وعادى زى اختة وكل حاجة بيعملها زى اختة ومش متاخر عنها في حاجة بسهو وزنة قليل شوية لانة مر بمراحل تعب كتير الصفرة فضلت عندة 3شهور وقلبت بعد كدة بخضار والحمد لله احسن دلوقتى ومن كتر الصفرة مافضلت عندة جالة انيميا وبديلة حديد من شهرين وربنا يشفية ويديلة الصحة امين هو واولاد المسلمين يارب

[اسامه امل حياتى]

رد: اريد التواصل معكم

وتحليل الكروموسمات قال ان هو من النوع الشائع95فى الميةوان الكرومسوم 21 متكرر 3 مرات فهو ال عمل كدة مع العلم ان انا وزوجى مش قرايب وان عمرى صغير25 سنة

[اسامه امل حياتى]

رد: اريد التواصل معكم

انا كتبت ومش عارفة الكتابة راحت فين وكنت مستنية ردك

[محمد ابو جنى]

رد: اريد التواصل معكم

الاخت الفاضلة ام اسامه اهلا بيكى فى هده المنتدى الرائع لتستفيدى منه كما استفادنا جميعا و احيكى على عزيمتك و اصرارك على الاهتمام بابنك اسامه حفظة الله لكى وبارك لكى فيه
اولا عمر اسامه كده مناسب جدا للبدع معه علاج طبيعى و تدخل مبكر عن طريق مركز متخصص او عن طريقك فى البيت و هناك ارشادات فى النت تساعدك على هدا وفقك الله و بارك لكى فى اسامة