منتـديـات تحــدي الإعـاقـه

منتـديـات تحــدي الإعـاقـه (http://www.t7di.net/vb/index.php)
-   العلاج السلوكي وتعديل السلوك (http://www.t7di.net/vb/forumdisplay.php?f=83)
-   -   وفرقوا بينهم فى المضاجع (http://www.t7di.net/vb/showthread.php?t=89041)

دكتوراحمد 11-07-2017 01:04 PM

وفرقوا بينهم فى المضاجع
 
السلام عليكم ورحمه الله وبركاتة
الغريب أنى نسيت نفسى خالص عن الكتابه صباحا حيث يعتبر الوقت الأمثل لأستخراج الطاقات الدفينه والافكار العظيمه عندى, المهم بقه للتوضيح أنا هتكلم عن الموضوع من منهج علمى فقط وفقط وفقط يناسب ويواكب الواقع ولن ولم اتطرق للموضوع من الناحيه الشرعيه الدينيه (لأنى لست أهلا لها )
أتربينا كلنا من وأحنا صغيرين على الحاجات الحلوه وكانت من ضمنها الغيره (الى الآن أنا غيور جدا جدا ) وتعتبر الغيره حاجه كويسه , بس فى ناس هبله بتعتبرها من الحاجات الرجعيه, المهم لما قرأت تفسير العلماء الأفاضل وجدت أن اقرب تفسير وهو الذى اليه أميل (كلامى أنا فقط لا ينطبق لكل الناس ) قال الشيخ محمد بن صالح العثيمين انه حدد سن العاشرة وجعله فارقا بين الطفل الذي ظهر على عورات النساء ويجب على المرأة أن لاتبدي زينتها عليه وظاهر هذا الحديث أنه عام بين الذكور والذكور وبين الاناث والاناث إذ الشهوة حاصلة حتى بين الجنس الواحد, وطبعا تطورت التكونولوبيا وبوظت كل ماهو جميل وأشكر الاخت الفاضله التى نبهتنى وسالتنى عن سن التفرقه الآن
والله العظيم الكلام تطور جدا وأصبح الصغير قبل الكبير يعرف كل شىء عن الرجل والمرأه والله فى سن الخامسه وتعرف كيف يتم إجراء عمليات الولاده بسبب التكنولوبيا وتطبيقات الاندرويد وشوف بعينى تطبيقات أستحى والله منها
والطبيعى ان سن التفرقه بين قبل البلوغ بفتره قصيره لكن الآن تطور الوضع وأنصح ولى الأمر بالآتى:-
1-أن تكون التفرقه فى المقام الاول فى الغرفه إن لم يتيسر الأمر تكون التفرقه فى السرير , إن لم يتيسر الأمر تكون التفرقه بالغطاء ووساده فى المنتصف
2-الحرص الشديد على إبقاء الغرف مفتوحه أثناء اللعب
3-الحرص الشديد على عدم التعامل بين الأبناء بالاحضان او القبلات خصوصا فى فتره المراهقه
أنا لى تعليق هنا ( فتره المراهقه بتكون فتره حساسه جدا ولا يتحكم أى من الجنسين فى الشهوه ولذلك بعد مرور فتره المراهقه ووصولا لسن الرشد نبدأ فى رجوع العلاقه بين الأبناء لكن بتدرج , لكن قبل ذلك لم ولن يستطيع أى من الطرفين التحكم فى نفسه ربما حاجز الخوف أو حاجز الأخوه او حاجز التربيه يكون عائق لكن ليس لفتره طويله )
4-مراقبه أجهزه الاطفال الالكترونيه
5-مراقبه أنشطه الطفل أثناء اللعب
6-الأبتعاد نهائيا عن اللبس الضيق المثير للشهوه
7-ممنوع نهائيا خلع الملابس أمام أحد (للجنسين)
8-الأستحمام يكون بمفرده بدايه من سن الثالثه
9-حرص الام على عدم الظهور بملابس مثيره فى المنزل خصوصا فى وجود الأطفال
10-رجاء نقطه مهمه جدا تعويد الطفل على الأستئذان وخصوصا فى الأوقات التى حددها الشرع فى قوله جل وعلا: يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ مِن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاء ثَلَاثُ عَوْرَاتٍ لَّكُمْ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُم بَعْضُكُمْ عَلَى بَعْضٍ (58) سورة النــور
11-أنا أقترح السن يكون فى سن السابعه خصوصا أن الطفل بيكون فى السن ده أبتدا يخرح ويلعب وبيقضى أوقات كتيره جدا بره البيت وفى ده نقطه مهمه وهو أن قابليته للتعلم بتكون أسرع وعشان كده أكيد هيكون اتعلم حاجات بره البيت أسرع من جوه البيت فلازم هيتعلم حاجه زى دى خصوصا مع وجود كل المباحات المتاحه (زى النت )
12-تقنين أوقات الانترنت
13-تحميل برنامج (لمنع المواقع الأباحيه ودول كتير زى GFP من الأخر لو إبنك وقف على راسه مش هيعرف يفتح حاجه وكمان البرنامج بيحدللك وقت فتح الجهاز يعنى ممكن تقفل الجهاز مباشره بعد نص ساعه مثلا
14-فى حل تانى وهو قفل الراوتر بتاع الانترنت ودا ادخل على اليوتيوب هتلاقى مشروح بطريقه بسيطه خالص
15-نصيحه أخيره الأمور بتطور بسرعه كل يوم عود إبنك على أنك تتقبله وتحبه وتتناقش معاه بهدوء بدل ما هيسمع من غيرك هيسمع منك
الموضوع صعب جدا يا جماعه والأصعب فى الحاجات الائكه الى زى دى لان حلولها صعبه وغير متاحه لكل الناس بس بجد دا موضوع مهم وعلى كل ولى أمر ياخد باله ,البيئه العربيه العوامل الجنسيه بتظهر على الاطفال بصورة أسرع
تحياتى للجميع
مركز إبنى
تميز - رقى - إنسانيه
BY:- Ahmed El Saidy

مهتمة 16-12-2017 11:11 PM

رد: وفرقوا بينهم فى المضاجع
 


اقتباس:

المشاركة الأصلية كتبت بواسطة دكتوراحمد (المشاركة 835141)

الطبيعى أن سن التفرقه بين قبل البلوغ بفتره قصيره
لكن الآن تطور الوضع وأنصح ولى الأمر بالآتى:-

1-أن تكون التفرقه فى المقام الاول فى الغرفه
إن لم يتيسر الأمر تكون التفرقه فى السرير
إن لم يتيسر الأمر تكون التفرقه بالغطاء ووساده فى المنتصف


جدا ثمينة وقيمة كل النقاط والنصائح المذكورة
وجدا هام الطرح والبدء بذا الاجراء وفورا ..
فبالفعل وحقا اختلفت كثير عقول الأطفال الآن وتوسع كثير ادراكهم
هيأ ربي لهم وعصمهم وسخر لهم كل خير
ثم جزيت كل خير الأستاذ المعطاء الفاضل د. أحمد


اقتباس:

المشاركة الأصلية كتبت بواسطة دكتوراحمد (المشاركة 835141)

الموضوع صعب جدا يا جماعه
...
وعلى كل ولى أمر ياخد باله
البيئه العربيه العوامل الجنسيه بتظهر على الاطفال بصورة أسرع







الساعة الآن 12:02 PM.

.Powered by vBulletin® Copyright ©2000 - 2018, Jelsoft Enterprises Ltd

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى